Vision 8

Open Now

Now Closed

餐廳環境整潔為新乾淨，而且好有氣氛，服務非常之好，交通都非常方便。煙三文魚沙律新鮮嘅蔬菜色彩繽紛，健康美味，再配上鮮味嘅煙三文魚，非常之開胃。新鮮麵包配黑松露牛油之後再嚟一籃新鮮嘅麵包，有三款不同嘅麵包，麵包夠熱，再加上佢哋配製嘅黑松露牛油，黑松露牛油溶化喺麵包嗰度，實在太好味啦，我最鍾意就係食牛油加麵包，重點麵包仲要係熱辣辣。香煎比目魚配菠菜忌廉汁燴天使麵用料上乘，真材實料，比目魚煎得外脆內軟，而且好有魚油味，天使麵非常之圓滑，而且滿滿嘅菠菜忌廉汁，口感層次豐富。烤鹹豬手配椰菜烤鹹豬手不僅分量十足，味道更是剛剛好，不會過鹹。原隻打卡後，仲會將豬手切成小份，方便食用，肉質滑嫩，滿滿的膠原蛋白令人大滿足。搭配的酸椰菜既能中和油膩，又讓整體味道更加清新，這樣的配菜不僅新鮮，還增添了開胃的效果。整體上我真係好滿意，餐廳經常提供優惠，以實惠的街坊價錢享受到酒店級的美味，實在難得。

今晚同朋友去咗間荃灣一間小店食西餐首先係 做緊優惠$80的 西班牙蘋果黑毛豬安扒豬扒煎得啱啱好，外皮香脆，裡面仲好嫩滑，仲有少少肉汁，加埋蘋果嘅香甜，食落好開胃，我地揀左紅酒汁底，唔會覺得膩。伴碟嘅 薯蓉 都好好味，清清地可以平衡返。蕃茄濃湯一上枱已經聞到好香蕃茄味，飲落好濃郁，酸酸甜甜好開胃，仲有少少香草味，飲完成個人都暖笠笠。個湯仲配咗黑松露牛油麵包*，麵包外脆內軟，搽上黑松露牛油，香滑十足，點湯食一流！鮮菇蜆茄醬意大利麵意粉煮得啱啱好，口感彈牙，茄醬好濃郁，仲有好多鮮菇同蜆肉，食落好鮮味，份量都幾足，兩個人share都夠食。酥炸生蠔生蠔炸得金黃酥脆，咬落去好香口，裡面嘅生蠔仲好嫩滑，點埋汁食更加惹味，不過得三隻就有少少唔夠喉啦！總括來講，今餐食得好滿足，每樣菜式都幾有水準，價錢都算合理，下次有機會會再嚟試下其他菜式！

呢日出開荃灣 經過見到呢間Cafe 坐朋滿席 等左一陣好快有位 見menu有lunch set 價錢都合宜 好快就上左餐湯同餐包🙂🙂個包有微溫 配合牛油係裡面 就好軟熟！💫烤安格斯西冷配紅酒汁擇左7成熟 牛扒勁厚切 肉質好鮮 配搭埋佢提供既醬汁食牛扒 勁開胃🤤💫芝麻雞翼炸得好香脆口 面頭有少少芝麻碎就令雞翼勁香💫烤中東包個中東包包皮好薄身 每咬一啖 裏面嘅餡料都唔容易跌出嚟 內裡夾住豬肉 什菜同沙律醬 勁好食🤤仲有炸薯角 同洋蔥圈配搭蕃茄食用😍仲可以食下沙律菜 🥤奶茶茶香奶夠滑, 不錯

同事last day，帶佢黎食呢間私家飯堂。麵包新鮮熱辣，黑松露牛油好食到暈，配濃濃雜菜湯同事好like。👉🏻西班牙海鮮飯海鮮非常豐富，有帶子、蝦、青口、白蜆，鮮味十足。蕃茄同甜椒融入晒西班牙米，唔會太濕啱啱好。👉🏻白酒忌廉煮藍青口配薄多士忌廉汁有淡淡酒香，多士薄脆香口，點汁食正。👉🏻蘋果木燒黑毛豬鞍扒$80無理由唔食，而且呢個特價菜式真係無揸流攤。厚厚一塊帶骨豬扒表面燒得香脆，內里仲保持粉紅色😍皮脆肉嫩就係呢啲。豬扒有肉汁，點芥末醬食好惹味。伴碟嘅芝士薯塊同紅蘿蔔都好好食。

荃灣呢間「Vision 8」個舖位都算低調，但啲菜式有板有眼，價錢唔算貴，同朋友食飯啱晒！1. 香煎帶子配牛肝菌意粉（$188）帶子煎到外脆內嫩，牛肝菌醬汁超香濃，夾埋意粉好夠味！帶子有成四隻，超級滿足！2. 是日餐湯（忌廉什菌湯）（$110兩碗）菌湯夠滑，菇味爆棚，飲落有啲松露香，冬天飲好舒服！3. 蘋果木燒黑毛豬鞍扒（野菌汁）（$80） 豬扒好Juicy！蘋果木燻到啲肉香噴噴，配野菌汁好夾，但塊扒唔算太大件，大食佬可能要叫多份炸蠔頂肚，不過做緊優惠$80已經算係超級抵食！4. 酥炸生蠔（3件）（$58）炸皮脆到嗦嗦聲，蠔肉又肥又鮮，點埋檸檬他他醬好開胃，抵食！ 呢度啲主菜有水準，特別係豬扒同炸蠔，價錢合理，可以encore！

想係荃灣區食間有質素嘅西餐一定會考慮呢間～除咗嘢食冇失望服務態度真係好到會令我想再去食過🤣今晚食咗個威靈頓牛柳完全係咬得爛唔會韌唔會鞋口個松露蘑菇醬配合埋個牛都幾夾個酥皮亦唔會太厚太飽好鍾意佢放喺旁邊嘅焗薯😆炸生蠔就當係一個前菜小食我個人最鍾意嘅係個比目魚菠菜忌廉天使麵個洋蔥味好香但又唔會太漏個天使麵係有口感唔係軟爛嘅麵最重要係個比目魚煎得超香冇特別調味不過塊皮係脆嘅！最後一定要講嘅係一開始個餐包同黑松露牛油都好正😆

荃灣人 🌆 大部份人都會識呢間西餐廳因為佢已成慶祝好去處 🎊 有精美甜品 🍰 又可以叫酒 🍷 見其他客人好多叫紅酒，發現～$180一枝 🍾 就可以Chill 嘆，幾抵玩！ 😌煙三文魚配千島醬薄餅 $158 🥓 每一塊三角薄餅一定會有一塊三文魚 🐟 薄餅上面就有芝士 🧀 撈千島醬、洋蔥 🧅 嘅配料，配搭很好，好食 😍蘋果木燒西班牙黑毛豬鞍扒 $80 🐖 門口仲係做緊 $80 🍽️ 蘋果木燒西班牙黑毛豬鞍扒餐 兩人限叫一份，但呢個豬真係相當好食 😋 有淡淡的蘋果木味 🍏！超厚肉 💪餐湯 每位 +$55 🍲 南瓜湯好Creamy，不錯 😌心太軟 $78 💖 做到入邊流心基本，最鍾意佢係新鮮熱辣上枱 🔥 仲配搭埋雪糕 🍦，可以令我有冷熱交融嘅味覺享受 🌈

係荃灣兆和街搭小巴，成日都經過呢間西餐🍴網上見到評價幾好，就揀佢啦！餐廳環境好有feel，好適合情侶或者一家大細去食/慶祝特別日子🎂🦀香煎蟹餅拌沙律配油醋汁 $148沙律菜新鮮爽脆，蟹餅切開入面好多一絲絲嘅蟹肉，蟹肉好香海水鹹鮮味！🍝香煎帶子配牛肝菌意大利麵 $188意粉軟硬啱啱好，又掛汁，帶子新鮮又大粒，煎嘅火候控制得好好，好嫩滑，好曬兩個人share!🥩烤美國極佳級肩胛牛扒(5成、野菌汁) $288牛扒質素好好，五成煎出嚟好多肉汁，咬落去外面脆口，入面juicy!配上薯蓉口感豐富！🥕跟餐餐湯x2 $110餐湯係羅宋湯，餐湯濃郁，用上大量蔬菜同火腿一齊煲！餐廳另收加一服務費🍽️Vision 8📍荃灣兆和街34號

今晚同朋友試咗呢間隱藏喺荃灣街角嘅西餐廳Vision 8，由頭盤到甜品都充滿驚喜🍞 餐包+黑松露牛油一上枱就聞到濃郁黑松露香氣！微暖嘅餐包外脆內軟，搽上自家製黑松露牛油，鹹香中帶松露獨有嘅 味道，未食主菜已經想encore多份包～🦪 酥炸生蠔（小食）** 炸漿薄脆，咬落「咔嚓」聲超治癒～生蠔保持爆汁嫩滑，完全無腥味，邪惡但停唔到口😋🍝 香煎帶子配牛肝菌意大利麵帶子煎到金黃焦香，中心保持半透明刺身級嫩滑👌🏻 意大利麵掛滿濃郁牛肝菌醬汁，每條麵都滲出菇菌獨特嘅味道，仲有微微松露油香🥩 烤美國Prime肩胛牛扒（七成熟）黑椒汁Prime級肩胛肉油脂分布均勻，七成熟火候掌握得剛剛好，切開粉嫩。肉質軟嫩帶嚼勁，黑椒汁辛辣惹味但唔會搶走牛香，配菜薯蓉面頭仲加上芝士～ 🍫心太軟配雲呢拿雪糕🍦壓軸甜品 一𠝹開流心朱古力漿澎湃湧出，濃郁微苦平衡甜度。熱辣辣心太軟+冰凍雲呢拿雪糕，冰火交融嘅口感真係無得輸！ 🌟 環境暗調有情調，枱與枱之間空間感足，啱晒閨蜜傾偈或情侶約會。服務細心，上菜節奏流暢。每道菜式都感受到廚師對食材搭配嘅心思，絕對會再encore🫡*（溫馨提示：晚市幾full，記得訂枱呀～）📍

我叫咗三文魚凱撒沙律和肩夾牛扒，比原定外賣時間遲了10分鐘。回家發覺，沒有三文魚只有parma ham，落外賣時有備註叫店家給予多些醬，但但係外賣拿回家發覺沒有。沙律嘅份量比想象中少，特別係收138蚊沙律，以為份量會大一些，但發現沙律只有外賣盒的一半容量，除了沙律醬和俾錯的parma ham，只有少量麪包粒和芝士片。整體來說，沙律不算特別好吃。但容量超級不合格。肩夾牛扒，下單的時候有備註5成熟，但回家後發覺牛肉全差不多全熟，份量只有三四粒牛扒，煮到非常熟透的bb紅蘿蔔和椰菜仔，配菜沒有味道，我選擇跟紅酒汁，醬汁味道一般。相比牛扒，配菜是芝士薯仔片，味道很好吃，但份量非常少，大小和一盒撲克嘅容量差不多。整體兩份收426，價錢超貴，份量太少，味道只是一般水準絕對不值這個價，幫襯一次便冇下次。

行過呢間小小西餐廳見到門口有個特價優惠80蚊可以食到豬鞍扒，所以衝咗入嚟試一試。首先叫個煙三文魚凱撒沙律，呢個沙律用咗新鮮嘅沙律菜，加上煙三文魚，味道鹹香，再配上是日餐湯餐包，都特別喜歡佢嘅手作牛油！另外嘅主菜都叫咗個鮮菇蜆茄醬燴意大利麵，呢道菜嘅意粉吸咗濃郁嘅茄汁，配上新鮮嘅蜆同埋菇菇，味道真係好鮮美，每一口都令人驚喜。最後，蘋果木燒西班牙黑毛豬鞍扒，肉質非常柔嫩，搭配野菌汁，食落去真係好滿足，完全停唔到口。呢道菜嘅性價比都好高，趁佢80蚊真係值得一試。

今日同閨蜜去咗呢間餐廳，真係要大力推薦！🤩 首先講吓個 **香煎帶子配牛肝菌意大利麵** ($188)，真係好食到喊！帶子煎得啱啱好，外脆內嫩，咬落去仲有啲juicy嘅感覺，完全唔會過火。牛肝菌意大利麵嘅醬汁濃郁得嚟又唔會太膩，每一啖都充滿菇菌嘅香氣，真係食到停唔到口！🍝 呢個價錢有咁高質素，真心覺得抵食！👍另外仲試咗個 **蘋果木燒西班牙黑毛豬鞘扒** ($80)，揀咗野菌汁，真係冇揀錯！黑毛豬扒燒得香口，肉質嫩滑，蘋果木嘅煙燻味同野菌汁好夾，食落好有層次感。跟餐嘅 **餐湯** 都唔錯，creamy 湯底濃郁，飲得出係用心熬製，暖笠笠好舒服。🍲最後仲點咗個 **Apple Crumble** (79) 做甜品，外層脆，入面嘅蘋果餡酸甜適中，食完主菜再食呢個甜品，完美收尾！🍎🍰

性價比超高中午set lunch呢間荃灣西餐set lunch都幾有驚喜，食物又平質素又幾高。紅酒繪牛肋條配烤比得包肉質鮮嫩，紅酒味夠香同牛肋條入晒味，烤比得包超級外脆內軟，配牛肉好夾。烤安格斯西冷配野菌汁西冷牛排七成熟，肉質唔差肉味都濃，野菌汁濃郁，層次感豐富。酥炸芝麻雞翼外皮金黃酥脆，肉質多汁，淡淡芝麻香味，其他小食價錢都平。Set lunch價錢以人均一百多，性價比極高，味道同份量都不錯，值得再訪！

Vision 8荃灣兆和街34號永安樓地舖經開荃灣，老友推介高質西餐，環境舒適，食材新鮮，果然冇介紹錯！😽甘筍忌廉湯面層加了香草和忌廉提升層次，甘筍湯又香又滑，鹹度適中，配鬆軟的麵包，好開胃！😍烤安格斯西冷配野菌汁五成熟的安格斯西冷剛剛好，口感煙韌，肉汁豐富，香氣四溢，邊位的牛脂肪特別香。薯菜有炸薯王、甘筍和小椰菜。野菌醬汁濃度適中，調配得恰到好處，推薦！😻炸魚薯條配他他汁即叫即炸，炸油新鮮，又香又脆，炸魚點他他汁，粗薯條點茄汁，Perfect match，好食到停唔到！😸凍檸檬茶檸檬新鮮，茶膽香滑，冰底夠凍。😺Vision 8 環境舒適氣氛好，食材新鮮高質， 西冷炸魚薯條正，侍應服務態度好，還會再來。😎🤘🏻

好耐前已留意依間餐廳，今日經過，無預約之下都可以俾位我哋，兩個人叫左一個Set Dinner，一份Pizza：Set Dinner :餐前餐包 - 麵包軟綿綿：又夠熱，口感都吾錯餐湯 - 黑松露忌廉湯：好重黑松露味，忌廉又夠Creamy，好好味前菜 - 巴馬火腿凱撒沙律：份數雖然吾係好多，但沙律菜夠新鮮 主菜 - 香煎安格斯西冷扒拼鵝肝：牛扒我哋叫左5成熟，但嚟到幾乎係10成熟，所以比較韌，鵝肝煎得吾錯，外脆內軟，比牛扒更出色甜品 - 心太軟配雲呢拿雪糕：甜度剛剛好，心太軟做到流心效果，不錯餐飲 - 咖啡：一般貨色Pizza：煙三文魚千島醬薄餅 - 薄餅真係好味，薄薄的餅底，夠脆口，千島醬甜甜的，配煙三文魚，口感一流但用餐時間實在太耐，由Order後，先嚟餐包，之後等了10分鐘先嚟沙律，再等10分鐘，嚟餐湯及Pizza及咖啡，之後再等，一等就45分鐘，就嚟牛扒，食緊牛扒時已經話甜品可以嚟埋，點知又要等，又等45分鐘，問左2次，甜品先嚟到。。。。雖然食品吾錯，但出餐時間實在太耐，成個晚餐足足食左2個幾鐘，如果趕時間，真係吾好嚟。。。或者係我吾好彩，咁啱所有野都等咁耐。。。但我覺得都係試一