花漾

Open Now

Now Closed

今日和朋友在時代廣場花漾歎了一個愜意美味的下午茶。下午茶套餐多選擇，各款招牌主食小吃飲品任君選擇，份量足，味道好，有風味。主食我們揀了白胡椒肉骨茶配油香飯和馬來咖喱烤豬頸肉配米飯。白胡椒肉骨茶的白胡椒湯清香微辣，暖胃驅寒，一字排骨有肉香，大蒜棉滑不嗆，有益又美味，油飯香，油條脆。馬來咖喱有椰香微辣，惹味，豬頸肉烤得香脆，煙韌彈牙。小食都有水準，街頭雞肉串燒味甜肉鬆軟，越南春卷裏面充滿健康的蔬菜粉絲和肉碎，硯港炸蝦餅惹味彈牙，蝦頭膏生菜爽甜惹味。馬來手工拉茶有特色，甜度適中有茶味。店環境舒適，服務不錯。

時代廣場除了食通天及地庫food court之外，不同樓層亦有不同的隱藏版美食，今晚在6樓試了一間環境雅致，非常抵吃的新加坡餐廳。🥘肉骨茶鍋~這裡是新加坡的海南派肉骨茶，湯色清澈帶有濃郁胡椒香味，入口甘香帶點微辣。🐔🍲海南雞喇沙~海南雞肉嫰滑鮮味，喇沙湯頭夠正宗，咖哩與椰奶不會搶去蝦湯底鮮味，飲了許多湯亦不覺口渴。🍞班蘭咖吔多士~非常香脆的班蘭多士！夾著咖吔醬及厚切鮮牛油，椰香及蛋香加上邪惡的厚切牛油，口感豐富。🥬櫻花蝦娃娃菜~櫻花蝦炒香甜娃娃菜，既香且甜。🍸桔仔話梅水~桔仔的天然果香甜味配上話梅的微酸，酸爽解膩。🍵桂圓紅棗茶~味道微甜帶紅棗香氣，絕對是女仕的冬天恩物。花漾勿地臣街1號時代廣場6樓625-626號舖

花漾銅鑼灣勿地臣街1號時代廣場6樓625-626號舖經開銅鑼灣，老友推介地道新加坡菜，環境舒適，食材新鮮，果然冇介紹錯，今次叫咗二人餐，好豐富呀！😸街頭雞肉串燒雞肉新鮮，爽口煙韌，醃製得恰到好處，香辣醬汁好開胃，推薦！😽越南炸春卷即叫即炸，炸油新鮮，外脆內軟，加酸酸甜甜醬汁提升層次，好味道！😍新加坡鹹蛋黃單骨雞翼香脆的外層，雞肉新鮮嫩滑，香濃的鹹蛋黃醬汁，好惹味！😻新加坡白胡椒肉骨茶香濃的胡椒，辣度適中，肉骨口感煙韌， 肉汁豐富，豬肚爽口彈牙，原汁原味好正！😋馬來咖哩牛腩配蒜蓉包椰汁咖哩烹調得恰到好處，香辣有層次。牛腩新鮮，肉汁豐富，口感鬆軟。蒜蓉包外層香脆，點咖哩汁食，好邪惡，推薦！😘蝦頭膏生菜生菜新鮮，醬汁香濃！😃香茅鮮橙茶鮮香茅和鮮橙，又香又甜，茶膽香濃，飲完好舒暢。😁椰汁仙沙冰椰汁香濃，冰底夠凍，飲完好舒暢。😉花漾 環境舒適氣氛好，食材新鮮夠地道， 侍應服務態度好，還會再來。😎🤘🏻

-//位於銅鑼灣時代廣場‼️ 主打新加坡菜式🇸🇬包括新加坡喇沙米線、巴東牛肉，胡椒豬肚湯無論口味同裝修都唔錯，環境寬敞坐得好舒服不過暫時只有一間分店，希望遲啲會開更多鋪餐牌種類好多選擇，我地就叫左二人餐$328📍斑斕咖央多士 （另+$36）每次去新加坡必吃咖吔多士‼️呢款真心推薦火喉控制最重要🔥 烘到好脆，賣相又吸引🤩香甜斑斕味+半溶牛油🧈 邪惡到爆 熱食最正📍白胡椒肉骨茶主要用豬肋骨配白胡椒粒、原粒蒜頭而成🧄係一款好道地新加坡肉骨茶，超濃郁白胡椒味睇得出應該熬製好耐，煲出嚟好重胡椒味😍唔會好藥材味，但一定要配埋油炸鬼浸湯✨📍咖哩牛腩配蒜蓉包呢間食物都有水準，絕對令人想再Encore👍🏻咖喱牛腩除左撈飯，配上外脆內軟既蒜蓉包!!!香濃軟熟既咖喱牛腩，咁多咖哩汁真係好正牛腩係煮到超淋，但略嫌牛腩份量比較少😂📍鹹蛋黃單骨雞翼+炸春卷小食就有鹹蛋黃雞翼，炸得好香口 好惹味🔥炸春卷就有4舊，味道正常 不過不失啦！🤣

二人餐食物全部好好食，尤其咖哩牛腩，胡椒肉骨茶。但服務態度非常差影響整體質素。我哋第一次去唔熟識餐牌，落單時服務員冇解釋之餘仲好似鬧返我哋轉頭咁。態度極差，非常冇禮貌，仲差過茶餐廳。

感冒難受，下午茶就和朋友去試這間新加坡風格餐廳，結果一試成主顧！主打的肉骨茶胡椒味濃郁，喝完暖到出汗，整個人通爽不少，感覺病都好一半了。餐廳的「A+B+C套餐」超抵玩：肉骨茶配上香噴噴的油飯，再加一碟蝦頭膏炒生菜，最後還有酸酸甜甜的桔仔水解膩，簡單又滿足。.朋友則點了香葉烤雞扒喇沙摻摻，湯底香辣卻不膩，雞扒煎得剛剛好，搭配越南春卷和清新的薄荷梳打水，清新中帶點小重口，讓人忍不住多吃兩口。.另一個話自己唔肚餓的朋友就要了一份斑斕咖央多士配馬來拉茶，加小食蜆港炸蝦餅。餐廳裝修走簡約時尚路線，光線明亮，座位寬敞，氣氛舒服又不嘈雜，適合慢慢品味。總之，這餐食得暖胃又暖心，感冒也不那麼難熬了！

花漾位於銅鑼灣時代廣場6樓，一間正宗新加坡及馬來西亞菜既餐廳，由擁有多年經驗既馬來西亞大廚主理，主打菜式包括海南雞、喇沙和蝦麵，食物由選料到製作都認真、嚴謹以及精心設計，值得一讚！入到餐廳， 感覺以古典風裝潢設計，地方闊落，坐得舒服。厚切豬扒喇沙摻摻     $73賣相很不錯，豬扒厚身，煎至香脆可口，肉質嫩滑，喇沙湯底非常濃郁，味道帶少少甜辣，香氣撲鼻，椰香同辣度都好均勻，配料有魚蛋、豆卜、蛋、芽菜等等，而摻掺即是油麵+米粉，好掛湯仲份量好足，辣辣地好開胃，值得一試！白胡椒肉骨茶 (含豬肚) 配 油香飯或米粉    $108另外呢客白胡椒肉骨茶，味道亦討人歡喜。肉骨茶大大碗，沒有苦澀嘅藥材味，入口清淡，帶陣陣嘅白胡椒香氣，鮮甜肉骨加上香脆油條，而米粉吸入咗肉骨茶嘅湯汁，真係令人一食難停。新加坡咸蛋黃魚皮 $42黃魚皮鹹香味濃，別有一番風味 ~ 流沙蛋黃咸香惹味，魚皮炸到卜卜脆，咸蛋黃控必試！薄荷青檸梳打 (+$12)梳打飲落冰涼，入口有薄荷嘅清新，亦有青檸梳打嘅刺激感，食完炸魚皮同喇沙摻摻，飲一飲即刻解膩解辣，推薦！桂圓紅棗茶熱熱地嘅紅棗茶，除咗桂圓同紅棗，仲有菊花加杞子，甜

“無骨海南雞配油香飯+街頭雞肉串燒+香茅鮮橙茶”($118)“香葉烤雞扒喇沙摻摻+越南炸春卷+馬來手工拉茶”($118)銅鑼灣時代廣場有間性價比超高嘅星馬菜晚市嚟到有個叫自由選A+B+C嘅套餐大約$100左右就有齊主食,小食,飲品即刻叫返2個set食吓先😋海南雞飯冇骨啖啖肉又夠哂滑溜🐔配上3色醬同油飯好惹味😚另一個主食烤雞扒喇沙摻摻份量夠哂多特別係塊雞扒,真係超級大塊😆油麵搭配上米粉口應豐富加埋索哂湯嘅豆腐卜簡直係錦上添花😛小食點咗雞肉串燒,越南炸春卷雞肉串燒食落帶點焦香,正炸春卷香脆可口,而且好足料飲品就點咗香芽鮮橙茶🍊,馬來手工拉茶拉茶唔會過甜,橙茶就夠哂清新☺️

今日同朋友去行時代廣場，有好多層都係食通天，朋友想食新加坡菜，去咗6樓花漾，環境幾闊落和乾淨企理！下午茶選擇種類多元化，有精選套餐，湯粉，撈檬，喇沙，小食，飯類等…我哋叫咗越式三寶飯$88：有香茅豬扒煎得好香，又不會硬；炸雞翼有兩隻，仲有扎肉好似彈牙，有啲香蔥油及醃甜酸菜做伴菜，送飯一流！會安雞絲扎肉湯河$76：，雞絲有醃過入味，扎肉彈牙，仲有舊大蘿蔔清甜無渣。湯都幾鮮甜，河粉又滑彈牙。新加坡鹹蛋黃魚皮： 呢個好邪惡，食不停口！好有鹹蛋黃香味，加埋魚皮炸到好脆，鹹香味好出南洋白咖啡：咖啡香滑，甜度適中桔仔話梅水：飲落去幾清新，酸酸甜甜

Time square 呢間餐廳都幾抵，而且又冇人等位，就入去試吓啦。今次叫咗一個二人餐A，因為佢望落去都幾多嘢食，不過上菜就覺得份量唔算好多。無骨海南雞（例）例牌海南雞份量唔多，味道不失不過。酸辣無骨鳳爪味道OK峴港炸蝦餅蝦餅望落去好似好，但係其實好薄，亦都冇蝦餅彈牙嘅感覺，食落去都偏油，唔推介。櫻花蝦娃娃菜櫻花蝦味都幾香，夾埋娃娃菜食幾甜。雞油香飯（2碗）味道OK，但係同樣都係份量嘅問題，只有大半碗飯。凍香茅鮮橙茶（少冰）呢個幾好飲！鮮橙同茶加埋好夾，唔錯椰汁冰椰汁味都幾濃咖喱牛腩飯食完個二人餐都唔係好夠飽，於是叫多咗個咖喱牛腩飯。不過呢個咖喱牛腩飯就唔抵啦，雖然味道正常，但係牛腩份量好少，連咖喱汁都唔係好夠。

如果想食新加坡嘢，不妨嚟呢度，質素幾好。欣賞佢哋嘅配搭幾有創意，「無骨海南雞飯拼白胡椒肉骨茶」，平時如果一人前只可以食其中一樣，但呢個配搭就可以試晒兩個款主食。另外仲叫咗「招牌新加坡大喇沙」，我覺得煮得好好味，啲湯嘅味係滲入咗啲麵同埋參參度👍🏻要提返個小食，我哋叫咗個「斑蘭咖吔多士」，雖然真係好肥，但佢牛油同埋咖吔嘅份量各佔一半，出嚟嘅效果好好味，有啲餐廳嘅牛油實在太多，就會蓋過咗咖哋嘅味道😋飲品方面都唔會令你失望嘅。

平時喺時代廣場食飯，多數都上去食通天，成日都唔記得其他層數都有唔少餐廳🤣今日見到間星馬、越南菜餐廳，緊係要試吓😋叫咗個二人餐，唔使用腦諗食乜嘢😌二人餐都幾豐富：越南炸春卷，香脆、即炸夠晒熱👍🏻鹹蛋黃單骨雞翼，有鹹蛋黃嘅香味，好正👍🏻最鍾意單骨雞翼容易食😋😋白胡椒肉骨茶，胡椒味幾香幾夠辣，仲有啲豬肚，處理得幾好，唔會好大陣內臟味😋蝦頭膏生菜，帶少少蝦嘅香味，但係又唔會好鹹👍🏻咖哩牛腩配蒜蓉包，牛腩超級入味，蒜蓉包好香脆😋😋古路仔芒果冰，係芒果沙冰，超濃芒果味，本人很喜歡😋凍馬來拉茶街頭雞肉串燒

花漾宜家推出左晚餐menu，好抵食，一個價錢包主食、小食同飲品。肉骨茶配雞油飯，肉骨茶湯頭清香，肉質相當軟腍，大大舊，將湯撈落油飯更美味，仲跟油條，吸湯食又係一流，小食叫左酸辣無骨鳳爪，爽口，醬汁又惹味。綜合牛肉湯河，食材豐富質量好，有生牛肉、牛展、牛肉丸，大大碗河粉又滑。小食叫左春卷，香脆餡多。之後為食既我地忍唔住叫左串燒(雞肉)，雞串juicy，同埋斑蘭咖吔多士。牛油同咖央嘅比例幾好，香滑又有斑蘭香味。推出呢個餐真係唔錯，份量夠而且又可以試到D小食，餐廳係時代廣場入面，行完唔洗周圍走就有間舒適既餐廳，十分推薦。飲品都有得叫D特別野，跟餐叫左桂圓紅棗茶同薄荷青檸梳打。

銅鑼灣時代廣場晚餐好去處🙌🏻🌟河內生牛肉牛丸湯河湯底濃郁鮮甜帶牛骨同九層塔既芳香半熟既生牛肉夠嫩滑 牛丸彈牙🌟越式豬頸肉豬頸肉好爽脆醃得夠入味🌟花漾海南雞飯 海南雞雞肉嫩滑而雞皮爽滑油飯帶香茅同黄姜味 香而不油膩雞肉蘸完醬料後更加滋味🌟斑蘭咖央多士多士烘得好香脆帶斑斕香氣咖央醬帶椰香同蛋香 再加上半溶牛油🧈真係好邪惡💯🌟鹹蛋黃魚皮魚皮炸得酥脆 而鹹蛋黃均勻裹覆住魚皮鹹香味十足👍🏻🌟峴港炸蝦餅蝦餅比平時食開嘅有啲唔同比較扁身但咬落都係彈牙 好味😋

首先，這道無骨海南雞是整頓餐點中的亮點之一。雞肉鮮嫩多汁，配上特製的醬料，使得這道菜成為桌上的明星菜品。接著是酸辣無骨鳳爪，其獨特的酸辣味道讓人欲罷不能，每一口都能感受到鳳爪的鮮美和調味的完美結合。點心類的菜品也表現出色。例如 炸蝦餅，外酥內嫩，蝦肉的鮮甜味道在口中迸發，讓人回味無窮。娃娃菜則是一道清新爽口的菜品，娃娃菜的脆嫩口感讓整道菜更加豐富。主食方面，雞油香飯的香氣撲鼻，米飯粒粒分明，搭配雞油的香味，讓人忍不住多吃幾碗。飲品方面， 芒果冰作為甜品和飲料的完美組合，給整頓餐點增添了甜蜜的結尾，讓人感覺非常滿足。特別值得一提的是，這次用餐還有兩道特別菜品：肉骨茶配雞油飯和 順化香茅雞亦。前者的肉骨茶湯頭濃郁，骨香四溢，與雞油飯的完美結合，讓人倍感滿足。而後者的香茅雞亦，雞肉鮮嫩，香茅的清香讓這道菜別具一格。最後，熱蜂蜜玫瑰柚子茶作為餐後飲品，為整頓餐點畫上完美的句號。茶的清香與柚子的微酸，以及蜂蜜的甜味，交織在一起，讓人感覺無比放鬆。總體來說，這次用餐的每一道菜品都展示了廚師的高超技藝和對食材的尊重。從開胃菜到甜品，每一道菜都充滿了驚喜和滿足，讓人不禁期待下次的用餐經歷。這絕對是一場