Video
1-min walk from Exit A, Causeway Bay MTR Station
continue reading
Telephone
25139899
Opening Hours
Today
11:30 - 22:00
Mon - Fri
11:30 - 22:00
Sat - Sun
11:00 - 22:00
Above information is for reference only. Please check details with the restaurant.
餐廳：花漾地點：銅鑼灣時代廣場菜式：新加坡菜餐牌：茶餐15選一，有多款飯粉麵，多士小食都有，配冷熱飲品6選一，可以加錢升級餐飲。另外可以追加小食。另收加一。轉左餐牌。仁當牛肉配雞油香飯 $82 另加一仁當牛肉有七舊左右，質感都幾好，牛味唔錯。個汁味道濃厚，好惹味，辣辣地，面頭加上脆脆碎。伴有生菜絲同紅白蘿蔔絲酸菜解膩。雞油香飯一大碗，濕潤度剛好，味道唔錯，好香雞味。無骨海南雞飯 $88 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜四舊解膩。雞油飯大大碗，仲有蟲草花蔥花清雞湯一碗，雞味好濃。新加坡海鮮喇沙摻摻 $88 另加一摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣辣地好惹味。配料有兩隻連殼蝦，蝦頭有汁，肉質都算鮮，三隻連殼蜆好嫩口，兩粒魚蛋同半隻糖心蛋，四件豆卜，爽口芽菜，少少豆角，加上脆脆，口感味道豐富。娘惹炸鮮奶 加$26 另加一娘惹炸鮮奶一客四件，炸得外脆內滑，入面鮮奶甜度適中，而滑到好似漏出嚟，係一款超正甜品。酸辣無骨鳳爪 加$38 另加一酸辣無骨鳳爪一客8隻左右，好爽脆，伴有紅蘿蔔絲，洋蔥絲同芹菜絲加車厘茄，味道酸酸辣辣，好開胃。香茅烤豬頸肉 加$38 另加一越式烤豬頸肉一客6片，整得好爽脆唔覺太肥，食落皮脆肉嫩，墊有生菜絲，伴有酸紅白蘿蔔絲可解膩。另配惹味參峇醬。呢度凍飲用既冰粒係長身，特別滑溜，連冰都好食過人。菠蘿冰茶 跟餐菠蘿冰茶好少見，茶味中帶適量菠蘿汁味，唔錯唔錯，下底仲有好多香甜菠蘿果肉，面頭加上一片薄荷葉。馬來拉茶 跟餐馬來拉茶好滑溜，叫左少甜，甜度都適中。茶同奶味道配得好，唔錯唔錯。桔仔話梅水 跟餐桔仔話梅水酸酸甜甜，下底好多咸桔皮，仲有一隻桔仔。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。
continue reading
今日喺時代廣場放工見到有間食新加坡菜嘅餐廳叫花漾而且仲有下午茶供應睇過menu 又幾啱食就入去食啦✨越北綜合牛肉湯粉🍜🐮有生牛肉，牛展，牛肉丸上菜時見到仲係鮮紅色嘅生牛肉🥩生牛肉有三大塊🥩食落似係牛板腱肉牛展有三大塊🥩而且每塊又大又厚，食落好淋👍🏻牛丸係有好重牛味嘅牛筋丸湯粉面頭有好多䓤🧅🥬好睇之餘又好有青草味河粉煮得剛剛好🍜夾落唔易斷份量亦好多，隻碗好深，食極都仲有🤟🏻湯底鮮甜，食完碗麵都唔會口渴😋✨越式酸辣鳳爪🦴🌶️鳳爪有十隻仲有好多沙律菜伴碟沙律菜有紅蘿蔔絲，紅洋蔥絲同埋芹菜絲🥕🧅🌶️食落好好掛汁💦成碟菜酸酸辣辣咁好開胃👍🏻鳳爪食落爽脆唔霉✨南洋白咖啡☕️🧊要凍的同埋走甜咖啡好香一次過品嘗到淡淡嘅苦味加埋榛子嘅味道🌰餐廳位置闊落枱枱櫈櫈亦好乾淨侍應態度親切有禮👍🏻👍🏻仲好有笑容呢個價錢喺銅鑼灣鬧市食到呢個質素下午茶性價比甚高🤟🏻
continue reading
這晚逛時代廣場，在6樓發現這家星加坡菜，門面非常美，裏面的餐牌餐桌紙都是小女生超愛的粉色系，特別好看。看了餐牌，看到他們家有二人套餐／四人餐，我們兩個人選了兩人餐（有4款小菜+2杯特飲）再加1個馬來椰子雞鍋（冬日暖鍋有4款），好滿足。✴️二人套餐 $248🐓酸辣無骨鳳爪無誰鳳爪還是配菜，都酸甜爽脆，超開胃。🦐蜆港炸蝦餅最好吃是這個炸蝦餅，即叫即炸，熱辣辣，口感外酥裏爽彈，加上炸蒜，非常香口。🥬櫻花蝦娃娃菜除了櫻花蝦，用上湯浸着，比較清新。🐔無骨海南雞（例）給的是雞胸肉部分，無骨但帶皮，所以不會柴，不過味道相對沒比較普通。🍚雞油香飯（2碗）中有海南雞，怎能沒有油飯，好喜歡這個油飯，咸香油潤，不小心一整碗都吃完了。 ✴️🍲馬來風味椰子雞鍋 $148用陶鍋上，好有風味。湯底是椰子水加椰子肉，非常清。有半隻雞，份量超足的，要分兩次才煮得完，有雞皮會有雞油，可以先撇了油，淥好雞肉的湯頭非常鮮甜，我們當湯喝了幾碗，雞肉也很好吃。✴️🍸凍馬來拉茶(2人餐已包)相較港式奶茶沒有那麽有奶香茶香，不過味道還是可以的。✴️🍵熱桔仔話梅水(2人餐已包)這杯真係好異國特式，桔仔味道好特別，酸甜酸甜，加上也是酸甜的話梅，還是熱飲，喝下去真的覺得喉嚨好舒服，好順口。總結，裝修好靚，食物質素都不錯，不過2人餐下次應該不會選了，單點其他好像也不錯。冬日暖鍋系例都好吸引，下次要試其他的。
continue reading
-//位於銅鑼灣時代廣場‼️ 主打新加坡菜式🇸🇬包括海南雞飯、新加坡喇沙、斑斕咖央多士之前食過一次口味都唔錯，今次再次拜訪🌟呢款二人套餐$388蚊，亦都有提供四人套餐環境寬敞坐得好舒服，不過暫時只有銅鑼灣店📍芒果糯米飯芒果糯米飯係新推出🥭2人套餐有包埋糯米飯材料簡單，就係由芒果、糯米同椰奶組成😍糯米軟糯綿密，甜甜鹹鹹好滋味，小朋友最愛📍斑斕咖央多士東南亞最受歡迎既多士😍大讚 真係超級好食麵包烤到脆卜卜，塗上香軟幼滑既咖央醬👍🏻斑蘭味香氣撲鼻，內有半溶牛油，味道更豐富📍斑斕芒芒特飲+菠蘿冰茶斑斕芒芒特飲係新推出的，有淡淡斑斕葉味另一款菠蘿冰茶好清新，底部仲有好多菠蘿肉
continue reading
花漾今次要介紹一間喺銅鑼灣時代廣場6樓有一間新加坡菜餐廳叫「花漾」，入到呢間餐廳都算好寬闊，好適合輪椅人士入去食！1.無骨海南雞飯+凍馬來拉茶$88+娘惹炸鮮奶$26（9/10）呢個無骨海南雞飯套餐唔洗加錢就有凍馬來拉茶，無骨海南雞飯個雞點大約有15舊，雞肉肉質都算嫩滑，仲有一碗蟲草花雞湯，個雞湯有少少咸！飲品揀咗凍馬來拉茶，個茶味唔算好濃，調教得啱啱好！每個下午茶餐都可以追加一款小食，我就揀咗娘嘢炸鮮奶，呢個娘惹炸鮮奶外皮炸得好脆好軟身，一夾幾乎就會斷開，入面鮮奶味好香濃，一共有四條娘惹炸鮮奶，好好味！2.河內手切牛柳牛肉丸湯河+新加坡鹹蛋黃魚皮+熱桔仔話梅水$126（8/10）呢個河內手切牛柳牛肉丸湯河係屬於推介套餐，任選一款主食+一款小食及飲品，個湯河入面嘅手切牛柳有少少韌，大約有5舊，牛肉丸唔算好彈牙，一共有3粒牛肉丸！小食揀咗新加坡鹹蛋黃魚皮，鹹蛋黃魚皮炸得好香脆，鹹蛋味香濃，份量都唔少，大約8舊鹹蛋黃炸魚皮！飲品揀咗熱桔仔話梅水，桔仔話梅各一粒，酸酸地好好飲！3.馬拉盞炒通菜$78（8/10）呢個馬拉盞炒通菜有少少咸，份量都唔少！4.咖吔班蘭多士$36（8/10）呢個咖吔班蘭多士唔夠好脆，包皮有少少硬，一共有4件咖吔班蘭多士！2人總共價錢$389，其他有加一服務費！個人口味總評分：8.25/10 地址：銅鑼灣勿地臣街1號時代廣場6樓625-626號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#花漾 #新加坡菜 #香港美食 #銅鑼灣美食 #銅鑼灣好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading