。印度小食，一坐低就送上一籃薄餅加薄荷醬，薄餅香辣脆口，點埋薄荷醬食到停唔落口
。Iced Latte，揀咗偏苦果款咖啡豆，咖啡同奶比例balance得幾好，入口順滑得嚟又保留到咖啡嘅濃香。甜度啱啱好，飲落唔會好甜，仲有淡淡堅果同朱古力餘韻
。烤雞（半隻），雞肉用印度醬料醃制得好入味，外皮烤到金黃香脆，帶住淡淡香料氣息。入面肉質嫩滑唔嚡口，點埋薄荷醬或者檸檬汁，味道層次更加豐富。搭配嘅沙律菜新鮮爽口，同烤雞好夾
。大蒜奶油印度烤餅, 大蒜奶油烤餅送上枱仲熱辣辣。餅皮烤到微微焦脆，內裡軟熟有嚼勁，牛油同蒜蓉嘅組合香濃惹味，單食已經好正，點咖喱或者羊肉醬汁更加昇華味道。昌帕蘭肉，呢道北印度特色菜真係好特別。羊肉大大一件，燉到極致軟腍。蒜香同辣椒嘅辛鮮完美融入肉中，味道濃鬱得嚟唔會過鹹，用烤餅蘸埋啖濃稠醬汁，真係好好味。鍾意試地道風味嘅話，呢道菜必點
。巧克力熔岩蛋糕，甜品即叫即整，外層蛋糕鬆軟，一切開濃郁嘅朱古力漿緩緩流出。朱古力味道醇厚唔會太甜，中間流心部分帶微微甘苦，平衡得恰到好處。配埋上面嘅曲奇雪糕，冷熱交融，為呢餐畫上完美句號。…Read More
呢份是送的餐前小食: 脆片和蝦片, 再附上Chutney薄荷香草青醬雖然是免費, 但都是脆卜卜新鮮的, 面頭還灑了少許椒鹽我們合共點了3份食物先來一份前菜: Aloo Paapdi Chat (薯仔脆餅沙拉) (素)因為男友喜歡食薯仔沙律, 上檯時我們對其賣相有點驚喜~完全同西式的薯仔沙律好唔同圓餅外形, 面頭又紅又綠又黃, 看得出是有心思的薯仔不是一件件的, 而是薯蓉狀, 然後有青醬, 乳酪, 脆餅, 紅石榴, 仲有D好似童星點心麵條 (當然沒有那份味精味)入口有脆有淋雖然有點複雜, 味道甜酸甜酸，但又很令我們不自覺地一口接一口咁吃主菜點咗唔辣嘅Butter Chicken 當然要配埋nann, 呢款係黑松露芝士，勁有驚奇雞嫩柔軟，應該是用了乳酪和香料醃製過的雖然是橙紅色的咖哩醬汁, 但是不辣的我喜歡吃芝士、松露及澱粉質所以呢份薄餅絕對啱我口味中間夾著芝士，唔需要蘸醬汁都已經好吃Biryani 是我食印度餐必點的主食, 這裡提供雞, 羊, 蝦, 素因為已點了牛油雞, 我們又不吃羊, 所以最後決定要蝦, 同埋這道菜需時製作在服務員端上來的一刻, 我們終於知道為何要需時我從未食過咁精緻嘅Biryani, 賣相和大廚以前在銅鑼灣印度名店的差不多, 但價錢平很多呢~外形就像酥皮湯咁, 由一層nann包裹著, 還付上一小碗乳酪 (可中和辛辣和令食物順滑)就連平凡的乳酪都變得不一樣 打完卡後, 服務員會為我地切開nann並把米飯撈勻, 過程香氣四溢較長身的印度米粒粒分明, 飯入面還藏了8隻爽口彈牙的大蝦, 很誇張呢個飯真係值得推介, 份量多又美味, 不過佢嘅香料味係偏重少少, 同埋辣度可以落單時商議的…Read More
