天際咖啡室

Open Now

Now Closed

📍 整體評價天際萬豪酒店自助餐適合追求環境舒適多於食物種類的食客。位於機場附近，環境寧靜優雅，雖然食物選擇較同級酒店少，但$600左右價位（晚市）搭配任飲果汁及咖啡茶，算是合理選擇。1.即煮粉麵檔（可自選配料）2.現切烤肉（牛肉質素不錯）3. 有甜品區4.兩款果汁任飲（Apple,orange)及凍紅茶5. 三文魚 長腳蟹值得嘗試💬 個人感受：比起擠迫的市區酒店buffet，呢度環境真係舒服好多！雖然食物選擇唔算多，海鮮和刺身質素不錯，以呢個價錢同環境會考慮再來。

特登搵一間有龍蝦、蟹腳又有蠔嘅自助餐🤭🤭龍蝦肉質感很好，但冇乜龍蝦味，反而個凍蝦同熱盤嘅蝦都很好味，蟹腳略瘦，但有源源不絕嘅供應，食多幾隻搭夠，啲蠔偏瘦，啱晒我唔鍾意食蠔肚嗰類人😂 沙律吧有個大盤俾我哋自己溝菜及醬，打咗個Caesar Salad，另外有幾款西式麵包keep住暖，再加芝士連埋沙律很美味很滿足唔係食咗好多熱食，冇咩comment雪糕係Movenpick同Häagen-Dazs簡直冇得彈！甜品都有一啲其他自助餐少見嘅例如燉雪梨，豆腐花，楊枝甘露等…食物refill速度快，基本上幾時行出去都有得攞，亦都唔會話好早就唔再加海鮮，呢啲相就係8:15影嘅服務好，執枱快，座位寬敞，都有好多圓枱，五至八人坐圓枱其實好坐過長枱，包三個鐘代客泊車，可能地方比較唔就腳，星期六晚都唔算多人，唔使分兩輪食buffet，可以食足三個鐘，坐得舒服又慢慢食，整體感覺很好 ☺️☺️

同朋友相聚食聖誕🎄大餐，黎到機場天際萬豪酒店一樓咖啡室享用自助晚餐，可以乘搭由東涌地鐵站開往酒店的免費接駁巴士🚌/S1 直達 車程十至十五分鐘。海鮮有六款，有龍蝦🦞：細細隻都有膏，龍蝦肉都好嫩口吾會韌，雪場蟹腳：比較幼細但海水味好重、但又吾會過鹽。蜆：都粒粒賬卜卜，幾新鮮。青口：大大隻鮮味十足。蝦🦐：新鮮，肉質爽彈。生蠔🦪：任食任拎，吾需要限拎幾多隻，細細隻，大癲，無咩礦物味，但洗得好乾淨係真嘅。刺身有厚切鯛魚、三文魚、吞拿魚、大大隻軟糯鮮甜牡丹蝦，不錯。熟食款式吾太多，基本上一行拎得曬，茄汁蝦、清蒸龍躉，點心數款、黑椒牛柳粒、鮑魚炒時蔬，有叉雞同燒鵝。羊架好韌，西冷牛扒🥩看似好嫩但好韌，質素一般。即席即煮面檔，有米粉、幼面、芽菜、可配搭蝦肉/牛丸等，簡簡單單，湯底是雞湯湯底，可加辣椒油炸蒜。甜品方面有H同M字頭雪糕，都回曬大本。仲有自家製豆腐花、提拉米蘇、水果 🍉、紅豆紫薯蛋糕、燉鮮奶等。幾有誠意。總結：人均消費港幣800 聖誕慶祝節日一流

公眾假期同另一半去遠啲搵食，預訂咗天際萬豪酒店午市自助餐，到達時間中午12點，已經見到不少人進場，侍應生安排我們座在窗邊位置，跟著出去行個圈睇有咩食先，有刺身，海鮮冷盆，炸物，熱盆，串燒，點心，燒味，甜品。刺身只有幾款都算新鮮，海鮮冷盆亦新鮮。我最鍾意食點心，雖然只有乾蒸牛肉及燒賣，但都食咗幾轉，其他嘢都啱我味道，今日開胃食咗好多嘢，相對其他自助餐呢間算擇唔算多，勝在合我們心水，大部分都是我們會選的食物，唔錯。坐迎窗邊一點後太陽曬有啲熱，快快食完去下場節目。

有優惠推介，兩位不用六百元可能比較隔涉，無咩人，我們被安排到圓拱卡位，好舒服。食物種類都可以，有沙律，牛油生菜，羅馬生菜，有不同種類的配料，有腰豆，粟米，煙肉粒，芝士都三款等，仲有好多sauces配，喜歡沙律的朋友，一定岩。魚生，壽司，翠翠螺，青口，凍蝦，熱葷都有唔少，雞，鴨，鵝，有龍蝦鉗，魚，牛肉，炒粉面飯，有印度咖喱同薄餅。 甜品都有各式蛋糕，豆腐花，焦糖燉蛋，pancake，蒲撻,仲有雪糕，今日情人節，有特別版心形sorbet.Overall評價都不錯，有下次

我同我媽媽去咗香港天際萬豪酒店裏面嘅天際咖啡室，打算慶祝佢嘅生日🎂🎉。我哋預約咗下午兩點，因為正常食下午茶☕️🍰一定會平啲不過，當我哋去到嘅時候，就發現事情唔係咁簡單😱😱😱。等待期間，我哋見到裏面冇乜人👥👥👥，仲以為要兩點先開始⏰⏰⏰。到兩點嘅時候，我哋跟佢哋講預約咗兩點嘅，但係服務員竟然話佢哋2:00就完喇😡😡😡，意思就係根本冇下午茶，只有午餐🍽🍽🍽。之後先明白點解我哋去到嘅時候已經見到冇乜人喺入邊。我唔明白點解可以book到兩點呢個時間🤷‍♀️🤷‍♀️🤷‍♀️，所以基本上所有食物都冇喇😭😭😭，如果仲要食就馬上落單。最後我哋只好隨意落單啦，非常失望，無奈😞😞😞。食物方面，真係一般般👎👎👎，價錢又唔平💸💸💸。服務方面，都幾差勁👎👎👎。服務員態度唔好😠😠😠，唔細心😒😒😒，唔主動😐😐😐。我哋要求加水都要等好耐💧💧💧。而且佢哋對於預約時間設定都好有問題，令到我哋浪費時間同錢⌛️⌛️⌛️。總括而言，我覺得天際咖啡室係一個令人失望嘅體驗😢😢😢。佢哋既食物質素、服務水平、價格同氣氛都唔符合一間五星級酒店嘅水準⭐️⭐️⭐️⭐️⭐️。如果你想食一個好吃又物有所值嘅下午茶，我建議你去其他地方啦👉👉👉。平價分數：⭐️⭐️

今日咁啱公司聚餐，老細揀咗呢一間酒店，因為佢有免費泊車。我哋一行16個人，都覺得回本位真係比較少。間餐廳好嘅地方係有嘢飲任飲，有咖啡，橙汁，菠蘿汁，蘋果汁。另外沙律同刺身都認真唔錯，兩樣嘢比較新鮮，但要留意番切嗰個人係邊個。我一開始係個阿姐喺度，切到碎晒😅跟住換咗個女廚師，即刻好睇咗好多😂😂😂 熟食嚟講，個燒羊架唔錯，唔騷而且嫩滑多汁。燒味方面有三樣嘢揀，分別係燒肉，豉油雞，同燒鴨。不過好似係限量供應，食到最尾都冇晒燒味變咗炸春卷。甜品方面真係算鬼數😅攞咗件Tiramisu蛋糕，點知食落餅底完全唔係嗰回事，似係啲麵包做餅底，而且冇咩咖啡香味🫠焦糖燉蛋亦都太甜。但好在佢甜品都有回本位-Häagen-Dazs雪條任食 🤤 我同事食咗四條，佢話其他都唔使食 🤣整體而言，我覺得冷盤同烤肉比較出色。其他嗰啲就見仁見智😬

之前受疫情影響，無得去旅行！很久沒有去赤鱲角機場，之前去赤鱲角機場，都只係坐飛機，第一次在這個位置食自助餐，價錢不算貴，但質素也挺好！環境也一流，重點係服務很好，值得一去再去！

入去staycation,由於位置隔涉，所以基本上食飯都係酒店解決。第一餐經openrice訂檯，有75折優惠。lunch buffet原價每位$395+10%沙律選擇除平日提供嘅不同款式沙律菜，仲有泰式海鮮沙律，意粉沙律，酸醋汁燒牛肉、cold cut, 蟹子沙律蛋，選擇多元化刺身有三文魚、吞拿魚，鯛魚，叫做新鮮凍海鮮就只有蜆、翡翠螺、青口同凍蝦。雖然選擇唔多，但都算新鮮有鮮味Hot dishes 反而樣樣都唔錯、士多啤梨骨、焗三文魚柳、燒味、點心粉面檔，蜜糖火腿甜品都算一般standard, 有tiramisu, 蜜瓜、西瓜、菠蘿🍍,同各式蛋糕另有豆腐花，即叫即整嘅pancake飲品有樽裝維他奶，各式果汁同熱飲，全部放題任飲最驚喜嘅係有源源不絕嘅Haagen-Dazs 同 Movenpick雪糕雪條任食性價比唔算高，但一分錢一分貨。 食環境，食唔錯嘅招呼（執檯快，職員態度親切有禮、反應快捷），都絕對值得嘅⋯⋯

自從沒得去旅行後，我已經好久好久沒去機場囉🙊～適逢假期，去東涌附近逛逛，再去鄰近機場的天際萬豪酒店吃自助餐囉～ 餐廳比想像中還要大，佔地相當寬廠，坐得超級舒適。而且能飽覽到機場美景，如果多飛機升降的話，相信風景會更美哦💕～ 餐廳即日起至10月30日，逢星期五至日及公眾假期的晚上6時至9時45分，舉辦 「 火熱亞洲自助晚餐🍽 」，$698/成人 & $638/長者 & $398/小童，網上預訂會有8折優惠哦🥳～ 先介紹人人必愛的凍盤環節，有波士頓龍蝦🦞、澳洲生蠔🦪、加拿大松葉蟹🦀、青口、鮮蝦🦐等等，而且無限量供應😆。即使被客人拿光了，也馬上有服務員補上，大家可以放心🥰。當中我最愛加拿大松葉蟹，真的超鮮甜又厚肉，大家記得試試囉!! 沙律方面也有大量選擇，除了有自製沙律，也有東南亞風味的沙律，例如 越式烤雞沙律、鳯爪沙律、印尼加多加多等等。每一種都甚有風味😗～ 主食方面，則比較推介燒牛肉、新加坡炒辣蟹、薑蔥蒸魚、豬肉燒賣、叉燒、豉油雞、巴東牛肉🍖等等，還有串燒也不錯呢～ 甜品環節，就有即叫即製的椰香班戟、豆腐花、芝士蛋糕、伯爵茶戚風蛋糕、芒果糯米飯、葡撻、哈根大師雪糕和ᴍᴏᴠᴇɴᴘɪᴄᴋ雪糕

朋友book 了中秋節後即9月11日，食自助午餐，位於機場天際萬豪酒店天際咖啡店。朋友是會員，8折，折了一人360圓。刺身三文魚肥美，有玉子，好味，賣相都好新鮮美觀。壽司有捲物、三文魚壽司、墨魚、等等,好鮮味啲飯好黏口唔錯。熱盤，有卽場製車仔面，我要蝦仁，🐔蛋。燒牛肉都唔錯好大件好肥美。還有燒味叉燒、燒鵝和雞。一般燒味水準。最特別是有玻璃瓶維他奶，我童年回憶🤪。甜品，有tiramisu，Movenpick 雪糕、葡國蛋撻等等。都算多野食，今日星期日假期，都不算多人。

今次去食午餐buffet，所有食物同以往冇乜分別，但甜品方面就有驚喜，可能因為我愛古古力啦，多咗兩三款古古力甜品，一款似流心古古力，正，味道不錯，轉頭已沽清，另外雪糕有Ha記同Mövenpick兩隻揀，搞到我今次食多咗甜品。😋

我諗對上一次嚟係5,6年前嚟食Buffet，今日再嚟真係😂嚇親為大家送上環境照天際咖啡廳係一間幾大嘅F&B Outlet，當日去到有一半俾左機場附近工作嘅地盤工人食午餐飯盒，另一半就留俾Hotel Guest 同街客。可能真係因為疫情關係，呢間酒店主要serve air crew 同附近工程人員，食物質素比起我幾年前嚟真係差咗好多，我會話唔似係一間酒店應有嘅質素，連基本要求都meet唔到。主要嚟講，食物唔太新鮮，烹調方面好似無乜烹調技術？有某幾款食物直頭係難食，唔知係咪因為疫情失左鬥志？希望你哋加油。話晒都孭住Marriott個名😂講真，我都係因為有親戚有coupon 唔洗錢先入嚟食，如果唔係都唔會山長水遠入嚟食🥲不過又咁講，如果咁遠入嚟食，好好食，我都會同人講好正，所以你哋要加油，好嘛？

見到天際萬豪自助餐聖誕有9折，又順便去大嶼山玩就嚟試食吓，見到之前啲留言又話冇嘢食呀，性價比唔高呀，但我就覺得比想像中有驚喜。首先聖誕當日有好多幾代同堂嚟食，好多小朋友氣氛好熱鬧，餐廳每枱放咗啲聖誕派對用品，有頭cool、吹吹捲呀等，好多人都戴咗個頭cool周圍走。食食吓又會有聖誕老人出嚟派糖同影相，好有氣氛。食物方面種類雖然唔係特別多，但每款都有水準。一嚟最多人排隊嘅刺身海鮮類，食咗三文魚同蟹鉗，啖啖肉仲有d膏，另外仲有青口、蝦、吞拿魚等選擇。試埋煙三文魚同忌廉焗三文魚，前者唔會死鹹，焗三文魚就不過不失，呢個價位食聖誕自助午餐收貨wor又，試過食九龍君綽真係可以用難食嚟形容。想講周打蜆湯都足料，見到真係有蜆、魷魚咁，不過個湯同放碗個位有距離，想拎湯就要打擾到排緊海鮮隊嘅人龍，有d麻煩。佢配包得兩三款，但自助餐應該冇咩人食包，所以合理🤣有啲菜式覺得比之前食嘅自助餐岩口味，印度脆脆有啲地方會整得好鹹，但呢度唔會，平時飲橙汁蘋果汁會覺得好甜，但呢度都係唔會，同埋有樽裝維他奶又幾啱天氣凍飲wor🤣幾款點心我就揀咗食比較唔易飽嘅豬肉燒賣同魚肉燒賣，貼近平時酒樓質素，都見到會有人拎糯米雞同叉燒包

早幾年入過這酒店的會藉一年，今年七月有SALES來電，見優惠比以往多，故又入會一年，以前是用一本代用劵，今年轉用電子劵，方便得多。上兩星期試了晚餐，失望，相比以往食物，無長腳蟹 翡翠螺 蒸魚 連燒肉都無，只係雪糕多了款式。以往無叉燒，見個樣幾得，點知會嚡口。牡丹蝦水準保持，食了十隻，好新鮮，正。入咗會就要密食，上星期再嚟食午餐，午餐居然有翡翠螺及燒肉，以往燒肉皮好脆，這次食既燒肉皮係稔。大部份食物都同前幾年一樣，無新意，再係咁，好難留客。