六六六六火鍋

Open Now

Now Closed

☆ 六六六六火鍋天后永興街21號地舖天氣涼就想打下邊爐，真係無揀錯😏一坐低已經有開胃前菜食，老闆熱情好客又友善，一有空檔就會同食客傾計，好耐無去過人情味滿滿嘅餐廳，係唔錯呀🥰✦ 沙嗲 酸菜白肉 鴛鴦鍋 沙嗲濃郁得黎唔會覺得愈食愈咸，酸菜白肉好夠味 本身仲好多料係入面，個人好鍾意沙嗲😋✦ 極品安格斯牛小排(小)師傅刀工好，蝴蝶刀法切肉，食落有口感得黎又嫩，肉味又濃，呢個一定要叫！✦ 即叫即包自家餃子拼盤鳥巢咁好得意，口味分別有3款，雲吞 水餃 韭菜餃，3款都皮薄餡靚好好食，不過小朋友先做選擇，我緊係食晒😏✦ 手打鮮蝦滑一上枱已經見到好足料，爽口彈牙又鮮味，好味！✦ 黑豚肉薄薄一片唔洗驚好難熟，肉質細膩多汁，正正！✦ 即炸響鈴卷脆卜卜好好食！秒速沾d湯黎食仲正🤤✦ 紅薯寬粉唔知道個酸菜白肉鍋入面有薯粉另外又叫左，不過唔緊要😆因為好味！Q彈嘅口感加埋d湯真係好正！PS: 佢地嘅自家製酸梅湯同桂花糕都好好味！

凍冰冰除咗去打邊爐之外，食羊腩煲就最好不過，我同好友就去咗位於天后嘅「六六六六私房火鍋」食晚飯，呢度環境好有復古風但又帶點摩登feel,食材新鮮，擺盤精緻，餐具亦都講究，味道質素亦唔錯，係一間回頭率高嘅火鍋店⭐️👍✅羊腩煲（$368）　味道濃郁，羊腩燜得又夠腍，啖啖肉，尤其鍾意食連皮連骨啲部位，配菜如腐竹、馬蹄、冬荀等吸晒D湯汁，非常美味😋✅本地生菜（$58）食羊腩煲點少得淥啲生菜嚟食，最佳拍檔👍✅炸響鈴（$58）即叫即炸，夠酥脆，淥幾秒最好食😋✅師傅手打鮮蝦滑（$98）新鮮夠彈牙，口感十足😁✅即叫即包自家餃子拼盤（$128）每款餃子都好飽滿，即叫即包，大大隻餃子🥟，韮菜餃好好味。✅荔枝汁車厘茄（$68）用荔枝汁醃漬去左皮嘅車厘茄，酸酸甜甜，咬落去爆汁，陣陣荔枝香，係好開胃嘅前菜之選。✅川味牛舌（$68）將牛舌切成條狀，再將青瓜絲，芝麻拌均，非常入味，帶出川味麻辣香，正👍😋✅陳年柑🍊桔蜜（$88/渣）果然好有陳年味道，清熱解膩😉

天后隱世港式火鍋店呢間火鍋店佢哋除咗有得打邊爐之外，仲有羊腩煲供應，餐廳有兩層，二樓重有VIP房可以唱K🎤同埋餐廳適合一大班人聚餐～小食係有兩款：荔枝汁蕃茄：係用荔枝汁來浸泡蕃茄仔醬泡蘿蔔：味道帶有鹹香及微辣，入口爽脆人參養生白湯鍋 ($138)叫左呢個養生火鍋湯底，人蔘同藥材味都好突出帆立貝拼阿根廷紅蝦 ($168)帆立貝同紅蝦味道鮮甜，好新鮮！鮮甜桂花蚌 ($118)叫左半份，質感好爽極品安格斯牛小排150g ($188)牛味濃，肉質軟腍蟹籽手打蝦丸($98)食到粒粒蝦肉，彈牙有咬口牛骨濃汁牛丸($88)夠彈牙！手打鮮蝦滑 ($98)同樣都係彈牙、有咬口鮮蝦雲吞皇 ($88)雲吞夠大粒六六六六火鍋

今次食私房菜，食物新鮮，好味😋，環境適合聚會👍🏻又得卡拉ok,唱歌🎤冇得頂，收費合理，員工殷勤招待，而且地點又方便，鄰近地鐵站👍🏻下次再試火鍋同雞㷛

最近氣温急降，又突然好想打邊爐，今次就係天后揾到呢間靚湯靚料既火鍋店。南非鮑魚新鮮到上碟時仲識郁、用到蝴蝶切既極品安格斯牛小排質感粉嫩、牛胸爽爽口之餘充滿油脂感，好香口；配上濃郁清甜既養生人參白湯鍋，不用配豉油都好夠味，湯底仲可以就咁飲添；另外係咁凍既天氣下食個羊腩煲真係即時暖笠笠啊！前菜小食荔枝汁車厘茄及醬蘿蔔分別清甜多汁及酸爽帶有酸辣味，食完好開胃。餐廳環境舒適，樓上仲設有卡拉OK房，下次有機會都黎試下先。

踏入秋冬梗係要食羊腩煲！見openrice都多人推介天后嘅哩間火鍋店，今次就黎左一試😆/🪿羊腩煲$368每一嚿羊腩都好大嚿，肥肉比較少，原來師傅話用嘅係羊仔，所以肉質嫩滑細緻。佢啲羊腩煲用料真係特別靚，唔肥得黎羊脂香味好重。生菜再配上羊腩煲湯底非常入味👍🏻食完羊腩煲就開始打邊爐，叫咗個鴛鴦湯底，有養生白湯鍋同埋麻辣鍋，養生白湯鍋有人參、紅棗、杞子等矜貴食材，真係相當足料。而麻辣鍋入面就有鴨血同蜂巢豆腐，唔算好辣，啱晒鍾意小辣嘅朋友仔～🥓封門柳 $248封門柳為牛橫隔膜肌肉，每隻牛只有一條，較為罕有。肉味較重，油花較少，個人認為非常適合用嚟打邊爐！🐡師傅手打墨魚滑 $98味道鮮甜，仲有粒粒墨魚肉，感覺上墨魚肉比例特別高餐廳樓高兩層，二樓特設三間VIP房，可以唱K、睇波，幾適合包場或者一大班人聚餐🫶🏻

之前一直聽聞天后有間隱世火鍋店六六六六火鍋🔥主打高質食材私房火鍋店舖有兩層，上層仲有VIP Room，有埋大電視唱K，啱哂公司或者家庭聚餐有多種火鍋湯底選擇，冬天仲可以食羊腩煲之後可以加湯轉打邊爐我哋今次叫咗鴛鴦鍋（袒傳老香港沙嗲鍋+清熱皮蛋芫荽鍋）$268，湯底足料濃郁自製前菜荔枝汁車厘茄同爽脆醬蘿蔔，兩個都酸酸甜甜，開胃✨即炸魚片頭 $88即叫即炸，外皮金黃酥脆，內裏鮮嫩多汁，直接食好好味✨ 極品安格斯牛小排 150g(小）$188牛香味濃郁，肉質軟嫩，軟腍有口感✨師傅手打鮮蝦滑$98蘊含好多鮮蝦肉，爽口彈牙✨ 即叫即包自家餃子拼盤$128大大隻，皮薄餡多，有韭菜餃、水餃、雲吞三拼✨ 嚴選海蝦$98放上在枱仍然生猛，肉質爽口彈牙✨ 五彩鮮蔬籃$88多款新鮮蔬菜同菇，蔬菜翠綠爽脆✨自家製冰涼酸梅湯啱晒打邊爐飲，甜度啱啱好，生津止渴去油膩

香港人熱愛打邊爐吃雞煲，是街知巷聞的事，這幾年在打邊爐當中的食材，普遍也走上了高檔名貴和養生的路線。銅鑼灣天后區，好幾天前我在這裡發現了一間高檔隱世的火鍋店 - 六六六六火鍋，今晚約了我的好友，來到這店聚一聚、嚐一嚐。我們二人彼此已是登陸人士，今晚來個人蔘/一品酸菜養生白肉鍋補一補，驅一驅走身上的寒氣。套餐裡包含了四款的手打墨丸、自家製餃子拼盤、蜂巢豆腐、安格斯牛小排 、鮮蔬盤和稻庭烏冬。打邊爐先飲湯是常識，這個養生湯底是人蔘加藥材，有滋補養生功效，暖胃補身。食材方面，要盛讚餐廳為客人揀選的是那板極品牛小排。我問老板，這是否是日本和牛，肉身非常腍滑柔軟，像吃著和牛一樣，老板回覆說這是精選的安格斯牛小排。我一向覺得，安格斯牛肉，比較牛味重和有趙口。可知近這年來，當我日本和牛吃得多了，再返不到轉頭吃其他牛種時，想不到美國安格斯的牛小排，原來也有如此優質油花均勻的，是餐廳老板精心的揀選， 值得再一讚。手打墨丸也有四種的味道，而手工製作的雲吞水餃是即叫即包也餡料豐富足料，疏菜盤也是當天新鮮貨色。六六六六火鍋，有私房菜的感覺，這期也有羊腩煲、麻辣雞煲供應客人，吃完就可以加湯打個邊爐，延續淥下淥下

隱世私房菜火鍋😳 餐廳主打私房火鍋 供應各種特色湯底例如啤酒鴨、牛乳木瓜海鮮等等 除咗普通堂食外更設多間VIP房 可以唱K、睇波～ 啱哂公司或者家庭聚餐====᪥ 羊腩煲 $368秋冬季節食羊腩煲真係要有🧏🏻‍♀️ 羊腩軟腍惹味 腐乳味濃～ 份量都好多 ==᪥ 極品安格斯牛小排 $298᪥ 手打蝦滑 $98᪥ 本地生菜 $58再加咗啲配料加湯淥黎食～ 牛小排賣相好靚 脂肪豐富得黎平均分布 牛味香濃口感都好好！而手打蝦滑都好足料～ 粒粒蝦肉、口感爽彈～ 最後生菜索埋啲汁 邪惡max🥵

天氣轉凍，最啱梗係恰下恰下，今次我同朋友揀咗天后~六六六六火鍋~，食材好高質好新鮮。坐底先食過開胃小食，荔枝汁既蕃茄仔同腌蘿白，兩個都好食，特別係個蕃茄仔，真係第1次食呢個口味。呢度張枱已經係個爐，第一次見，🌶 秘醬麻辣雞煲一擺上枱就開始煮。雞煲揀左小辣，好惹味。啲雞肉質好嫩，烹調得啱啱好，加埋個醬汁，正。🐟 新鮮白鱔片鮮嫩滑順嘅白鱔片，肥美彈牙。呢度啲野食係叫先整先包，坐底咁啱見到廚房個位，新鮮。🦐 嚴選海蝦，鮮甜彈牙，擺盤特別。🥩 極品安格斯牛小排，肉質嫩，重牛味。🦐 師傅手打鮮蝦滑，出面都聽到師傅打呢個蝦滑🤣，仲食到粒粒蝦粒，有咬口又彈。🥟 即叫即包自家水餃拼盤，餡料豐富，有蝦既饀同韮菜饀，賣相係雀巢裏面嘅蛋，粒粒爆滿，可愛好食。黎多個小食，香煎台式香腸，煎到金黃酥脆，外脆內軟🤤。佢呢度自家制酸梅湯好解渴，唔會太酸同太甜，好啱我地飲。

位於天后嘅火鍋店🌟六六六六火鍋🌟，以高質食材留住食客嘅胃，當中嘅🥩牛小排同埋🪸珊瑚蚌，質素係驚艷😍，係必食推薦💯！🌶️秘醬麻辣雞煲雞件僅熟，肉質嫩滑仲入晒味！雞煲以香為主，辣度溫和！食完雞煲就可以加湯打邊爐！🥩極品安格斯牛小排擺盤精緻，牛小排嘅油花漂亮！料靚真係無得輸，無論淥到半生熟定係全熟，都一樣咁嫩！🥓黑豚肉軟淋而且重油香，油花靚到拍得住和牛！🪸超爽珊瑚蚌真係超爽同埋鮮甜，新鮮就係王道！🥗五彩鮮蔬籃多款優質嘅蔬菜同埋菇類，好吃又健康！🥟即叫即包自家餃子拼盤韮菜餃、水餃、雲吞三拼，大大粒，皮薄餡靚！

天后<六六六六火鍋店>擁有寬敞用餐空間，燈光柔和，氛圍溫馨。這裡還設有舒適的座位區，非常適合與家人和朋友聚餐。餐廳內部裝飾簡約雅致，讓人感到非常放鬆。職員友善熱情，讓每一位顧客都能感受到賓至如歸的氛圍-🔸前菜十分喜歡荔枝汁車厘茄！帶有荔枝的甜香和車厘茄的清爽酸甜。口感清新開胃-🔸清熱皮蛋芫荽鍋 $168這個鍋底採用了皮蛋和芫荽，清熱解毒的同時，味道清新獨特。湯底清香撲鼻，每一口都能感受到食材的天然鮮味-🐟 新鮮白鱔片 $188新鮮白鱔片肉質嫩滑，入口即化，鮮美的滋味在口中綻放-🥩 極品安格斯牛小排 $188安格斯牛小排肥瘦相間，肉質鮮嫩多汁，火鍋裡涮幾秒鐘就能享受到最佳口感。入口即化的牛肉香味讓人一試難忘-🍗 藥膳醉雞件 $188這道藥膳醉雞用料講究，雞肉經過藥膳浸泡，入味透徹，肉質鮮嫩。每一口都能感受到藥材的香氣與雞肉的鮮美，是火鍋中的一大亮點-🥟 即叫即包自家餃子拼盤 $128 雲吞｜水餃｜韮菜餃 每一種餃子都充滿新鮮食材的鮮美和手工製作的愛心。雲吞皮薄餡多，水餃餡料飽滿，韮菜餃香氣濃郁。這款拼盤滿足了多種口味需求-🦑 師傅手打墨魚滑 $98這道墨魚滑手工製作，彈

天氣開始轉涼，即刻去打邊爐應下節氣。天后永興街呢間私房火鍋店裝潢優雅舒適，有四張梳化大卡位環境寬敞。店員話如果人多仲可以預訂樓上卡拉ok廂房，私隱度滿分。前菜荔枝汁車厘茄 & 醬油蘿蔔師傅用心製作嘅兩款開胃小食；醬油蘿蔔，爽脆可口，味道恰到好處，唔覺鹹；去皮車厘茄，份外鮮嫩紅潤，外型吸引。一口咬下，清甜荔枝汁喺車厘茄中央溢出，滋味大爆發！人蔘養生白湯鍋原條人蔘加上野菌、圓肉、杞子、紅棗的湯底，蔘味撲鼻。人蔘味道回甘，補元氣、補脾益肺又生津養血，非常滋補。食物就更加令人垂涎欲滴。極品安格斯牛小排，肉質嫩滑，牛味十足，口感一流。即炸響鈴卷，比一般鬆化，吸滿湯食冇得彈。超爽珊瑚蚌，珍寶級體積，爽口彈牙帶鮮甜。牛骨髓軟滑，師傅手打蝦滑，啖啖鮮蝦彈牙。新鮮紫淮山，顏色鮮艷健康味美。老闆仲好貼心，親自招呼每枱食客，同大家都有傾有講，又會問下食客意見同了解口味。當老闆知道我哋好為食之後，就二話不說，請我哋食蜂巢凍豆腐同鮮蝦雲吞皇。師傅每日新鮮包嘅雲吞，真係大大隻蝦，落足料蝦味濃好多好味好多！絕對係性格比之選。大力推介！

✨二人火鍋湯底只係$110‼️老闆真係好熱情❤️‍🔥仲好好笑容！特別提供湯底優惠價比所有兩個人嚟打邊爐🔸隨你選鴛鴦鍋 沙嗲鍋 拼 養生白湯鍋識食一定揀鴛鴦鍋！🔸極品安格斯牛小排 250g(大）$298份量超多，牛小排呢個部位係我最愛肥瘦比例適中！食落仲好香牛味🔸藥膳醉雞件 $188雞件份量好多不過食落唔係好濃藥膳嘅味最鐘意食雞髀位，好嫩滑呀！🔸響鈴卷 $58超新鮮，食落響鈴吸哂湯嘅精華～🔸炸魚皮 $78即叫即炸！魚皮都勁大塊！本身已經有調味，就咁食都好好食🤤📍 六六六六火鍋 (天后)天后永興街21號地舖#天后美食 #天后邊爐 #打邊爐 #火鍋控

打邊爐有任食有散叫，任食唔係唔好，不過就食材質素好極有限，勝左夠抵食囉，散叫黎講，呢間d食材真係夠曬高質，就連個麵都俾到驚喜我。帆立貝拼阿根廷紅蝦（$168）喺打邊爐之前，食咗刺身先，帆立貝同紅蝦都尺寸巨型，勁新鮮，紅蝦記得啜埋個蝦頭，入邊啲蝦膏先係精華，估唔到係打邊爐餐廳食到咁高質刺身。人蔘養生白湯鍋（$238）打邊爐個湯底都好重要，我建議先飲咗個湯先，人蔘同藥材味都好突出，夠曬養生。極品安格斯牛小排 - 小 （$188）打邊爐另一樣重要野係乜嘢？咁就梗係牛啦～ 呢碟安格斯牛小排真係不得了，牛味濃，口感亦有，好耐無食過咁高質嘅牛！。紐西蘭羊肉片（$98）即炸響鈴卷（$58）鮮腐竹（$68）娃娃菜（$58）。其他食材都好出色，特別係即炸響鈴卷，由於係即炸，記得新鮮食呀。淮山麵（$28）最後不得不提呢個淮山麵，絕對唔hea，口感彈牙，值得一試。📍六六六六火鍋 (天后)天后永興街21號地舖。@6666hotpot 。#gpigtinhau