立体派拉麵 (威靈頓街)

Open Now

Now Closed

天氣真係勁熱，見到最近【立体派】出咗新拉麵梗係要試下啦【蕃茄醬油拉麵】$158身為蕃茄控真係好期待，首先飲一啖經8小時以試熬煮嘅蕃茄濃湯。然後篤穿濶心蛋，把拉麵攪勻湯底再食，味道就好似緊日式嘅卡邦尼意粉。最後按個人喜將芝士醬、麻醬、辣醬攪勻，又係另一番風味。但個人就覺得唔洗加醬都ok😆 湯碗上係有塊Parma ham裹著豚肉，幾有心思【仲夏溫泉水冷麵】$98 最初覺得都可能係好普通嘅冷麵，但係真係非常之outstanding！ 冷麵嘅dressing 係有用上日本溫泉水調製，有柚子醋、麻油、味醂等（有錯請更改） ，味道酸酸甜甜非常開胃，麻油柚子醋怪嘅me非常like! 。主角有超清甜西瓜、阿波尾雞胸肉絲、青瓜絲、木耳絲、車厘茄、干瓢、蛋絲和增加咗少少韓式風味嘅韓式泡菜，真係要俾個like! 可以好似我咁食完一半冷麵再食西瓜又食返冷麵又得，或者次序按個人喜好，又咸又甜真係好正！個人極力推介～小食汁燒厚切叉燒 $58日式煎餃子 $48/章魚小丸子 $58/唐揚脆炸雞 $52

位於中環的拉麵店「立体派拉麵」由日本著名的冠軍級拉麵大師林隆臣創立，其招牌湯底「雞白湯」，混合日本米鴨、有機飼養京都丹波地雞、日本各地近四十種味噌等熬製而成，香濃而不油膩。濃郁得黏口味道充滿雞的鮮香，就是很多朋友為了這碗湯慕名而來👍▪️特級白湯拉麵林隆臣大師推介，特濃雞湯配低温慢煮叉燒和溏心蛋，湯頭濃郁鮮味得無話可說，拉麵爽口彈牙又掛湯，慢煮叉燒軟腍肥瘦相隔，但絕不油膩，溏心蛋做得到位，帶一點甜香，非常美味的一碗拉麵▪️長崎雜錦虎蝦拉麵這碗一樣用上雞白湯，配料超級豐盛，虎蝦爽口好彈牙，湯料中的魷魚、魚板、鵪鶉蛋、芽菜、椰菜、生菜、紅蘿蔔、木耳、玉米粒和洋蔥，令到湯頭和拉麵味道更滋味，喜歡食蔬菜的朋友絕對會鍾意▪️名古屋風雞翼雞翼肥美大隻，外層超酥脆，肉質軟嫩多汁，配上名古屋味道大甜香的味噌汁，相當出色▪️日式胡麻凍豆腐豆腐用上日本進口，豆味超香濃，口感細滑，配上日式胡麻醬汁和京蔥絲，夠晒開胃▪️木村信州蘋果汽水｜山梨葡萄汽水木村信州的水果汽水，味道就如飲緊真實果汁一樣，清甜好飲

Ramen Cubism, located on Wellington Street in Central, Hong Kong, is the international flagship of renowned Japanese ramen masters Hayashi Takao and Matsumura Takahiro. Opened in 2019, the restaurant reflects influences from the cubism art movement and features vibrant décor inspired by both Japanese culture and modern art.My favorite at Ramen Cubism is the 'Chicken Shoyu Ramen.' The broth is specially made using Japanese chicken, combined with Japanese soy sauce and mirin. Fresh clams are marin

立体派拉麵是本地備受歡迎的現代日式拉麵專門店，主打各款新派拉麵及特色小食。店面裝潢簡約時尚，燈光明亮開揚，無論堂食或外賣均方便快捷，吸引不少拉麵迷多次回訪。餐廳堅持每日熬製湯底，麵條與配料皆用料講究，適合想隨心品嚐一碗熱辣拉麵或精緻小食的你。我最喜歡立体派拉麵的「雞醬油拉麵」湯底特別選用日本產雞肉，搭配日本醬油和味醂，醃製新鮮花蛤及蛤蜊，充分帶出鮮甜香濃的海味，完美提升雞醬油湯的層次與風味。拉麵大師林隆臣先生針對這款湯底專門創作了三款秘製叉燒，讓整體更豐盛且富有變化：此外，搭配日本產新紀元無激素特濃卵曉製成的赤心蛋，濃郁蛋黃與湯底和叉燒完美融合，為整碗拉麵帶來更豐富的滋味和層次。這款雞醬油拉麵將傳統與創新結合，是立体派拉麵的限定熱賣佳作，深受拉麵愛好者推崇。

西瓜🍉仲夏溫泉水冷麵，以溫泉水為底配搭黑木耳、筍片，蕃茄仔、青瓜🥒、蛋絲，加上創新西瓜🍉冰冰涼涼快感，我將西瓜整碎伴上冰麵，帶有一絲絲西瓜甜味好特別🍅蕃茄醬油拉麵🍜濃郁蕃茄湯底+蔬菜經過8小時以上時間熬煮，呈現濃郁的橙紅色上面雲朵⛅️溏心蛋極為吸睛，16個月風乾的Parma ham火腿中間包住嫩滑的北海道十勝豚肉，帶岀肉味濃郁感另外，再叫左小食汁煮厚切叉燒、唐揚脆炸雞汁煮厚切叉燒，厚切，層次分明食落好淋，加上油香感，一舊舊叉燒同平日一片片絕對不同！唐揚脆炸雞🍗大大件雞件，皮薄多汁，占上沙律醬，特別惹味嗌埋兩枝梳打汽水，爽呀~📍立体派地點中環威靈頓街27-29號元益大廈

位於中環小巷隱世嘅拉麵店🍜 特級白湯拉麵✨ $128 | 特濃雞湯配低溫慢煮叉燒＋溏心蛋 好大個碗🤣.ᐟ雞湯濃郁，麵條彈牙又掛汁，叉燒肥瘦比例啱啱好，完全唔膩～ 不過溏心蛋偏熟咗少少整體味道未算驚艷，但都唔錯，算係中上水平‪ꔛ‬♡‪

中環威靈頓街拉麵主打日本米鴨、有機京都丹波地雞推介仲夏▪溫泉水冷麵（西瓜）、溫泉蛋番茄醬油拉麵溫泉蛋番茄醬油拉麵 (熱) $158🔶️番茄湯底 | 蘆筍 | 粟米芯 | 意蕃茜 | 溫泉蛋 | 芝士醬 | 麻辣醬 | 辣醬醬油鹹鮮×熟番茄酸甜。麵條筋道彈牙，完美吸附湯汁。戳破後蛋液融入湯中，增添柔滑感。先飲湯，再拌麵，再加三款醬汁。最後，再食鹹香的西班牙火腿與北海道豬肉。🔶️仲夏▪溫泉水冷麵（涼拌）$98清爽系冷麵，搭配西瓜解暑。麵上有阿波尾雞胸肉、車厘茄、木耳絲、干瓢、泡菜、蛋絲等，再搭配日本溫泉水調製的冷麵汁，味道淡雅。.

✨溫泉蛋番茄醬油拉麵番茄湯酸香濃郁 帶黑胡椒同羅勒香再拌上溫泉蛋令味道更豐富配料有風乾火腿同豚肉叉燒拉麵 粗身 軟硬適中 口感爽彈 另可自行加入麻辣醬 辣醬 芝士醬✨仲夏・温泉水冷麵冷麵清爽彈牙 配料豐富有阿波尾雞胸肉 西瓜 青瓜車厘茄 木耳絲同泡菜等加入冷麵汁 味道鹹中帶甜清新開胃 好啱夏天食✨火炙豚肉擔擔沾麵配低溫慢煮叉燒沾麵汁濃厚微辣 帶蔥香 麵質偏硬低溫慢煮叉燒肥美軟腍 份量十足✨長崎雜錦虎蝦拉麵雞白湯順滑 帶濃濃黑椒味配料有虎蝦 魷魚 魚板 鵪鶉蛋同加入左大量蔬菜等整體感覺帶點中華風 幾特別✨章魚小丸子面層鋪滿木魚碎 小丸子內軟 醬汁惹味✨汁煮厚切叉燒豬腩肉肥瘦相間 醬汁濃郁入味✨唐揚脆炸雞炸雞外脆內軟 有少少肉汁 夠晒香口總結：餐廳keep住都有新拉麵推出今次新出嘅冷麵幾有驚喜 味道唔錯 環境正常 價錢都可以

又去立體派拉麵啦！今次被佢哋嘅期間限定新品吸引到即刻衝去試～作為中環嘅冠軍拉麵店，質素一直都有保證！最近天氣咁熱，拉麵大師林隆臣特別推出咗兩款創意滿分嘅夏日限定拉麵，分別係蕃茄醬油拉麵同仲夏溫泉水冷麵，每一款都充滿獨特風味，真係令人大開眼界！先講講蕃茄醬油拉麵，湯底係由多種蔬菜經過8小時以上嘅熬煮，濃郁程度超乎想像，每一口都飲得到蔬菜嘅鮮甜精華！麵裡面仲加入咗16個月風乾嘅帕爾馬火腿，鹹香十足，再配埋嫩滑嘅北海道十勝豚肉，多重口感同滋味融合喺一起，拉麵控一定唔可以錯過！而我最心水嘅就係仲夏溫泉水冷麵！第一眼就被麵上嘅西瓜吸引住～除咗西瓜，仲有蕃茄、青瓜呢啲清新蔬菜，再搭配嫩滑嘅阿波米雞胸肉，成碗麵色彩豐富，視覺上已經令人食指大動！最特別嘅係，呢道冷麵嘅調味汁竟然係用日本溫泉水製成，食落去清清涼涼，好啱夏天又熱又悶嘅天氣，完全解膩！每次去立體派拉麵都有新鮮感!

同朋友仔一齊捐窿捐罅搵美食！今次俾我哋喺中環嘅巷仔發現到超人氣拉麵。日本冠軍拉麵大師林隆臣開嘅「立体派」，今次推出兩款夏日限定拉麵超正！🍜平時女女食麵都好鍾意揀蕃茄湯底，呢個新限定真係啱哂！「蕃茄醬油拉麵」湯底用蔬菜熬足8小時，仲加埋16個月風乾帕爾馬火腿，配流心溏心蛋，正到爆！「仲夏溫泉水冷麵」西瓜清爽多汁，仲有清甜青瓜、蕃茄等時令蔬菜，透心涼，夏天食一流！一見到塊西瓜勁興奮，忍唔住一啖咬落去，超消暑🤤小食仲有唔少選擇。小丸子係勁足料，大大粒，章魚仲好彈牙。大推汁煮厚切叉燒，肥瘦比例剛剛好，好入味，一啲都唔膩。

主食：點選左“雞醬油拉麵”，拉麵口感彈牙有咬口，高質架！湯底濃郁且偏鹹，但個人認為剛剛好；系食到尾段就開始覺得有稍微過鹹。配搭既雞塊都幾鮮嫩。餐廳：冷氣真系唔夠，有“焗冷氣”既感覺，而且感覺有d潮濕，相對上會影響整體用餐體驗。服務：系有收加一服務費既；但係落單系自己QR code 落，水亦係自助。加上店員應該忙左全日，系黑口黑面既。要俾服務費，其實相當不情願。不過，呢度系香港，服務費呢d野就奉旨架啦。價格：都係香港一般拉麵均價 $128 另加服務費

#立体派拉麵 特級白湯拉麵 ($128)一上菜就嚇親😂個拉麵碗好大個碗雖然大，但其實係淺身設計，湯嘅份量感覺唔算多，啱啱好夠浸住啲麵。拉麵本身係偏粗同煙韌，但唔夠掛湯，食落口感不錯，但每啖都未必吸到晒啲雞白湯精華。雞白湯湯底好濃郁，不過少少偏鹹。美中不足是叉燒比較肥膩，肥膏位好多，食多幾塊會覺得有啲膩。如果可以用肥膏少啲嘅部位整就好了🥲

位於中環威靈頓街的「立体派」是一家由日本著名的冠軍級拉麵大師林隆臣創立的過江龍拉麵店🍜店內設計以木材元素為主調，環境舒適自在，大約有29個座位😊長崎雜錦虎蝦拉麵 $118店家最新推出的期間限定拉麵🍜，虎蝦🦐海鮮拉麵除了有魷魚、魚板及鵪鶉蛋，更加入豐富即炒蔬菜🥬，包括椰菜、芽菜、紅蘿蔔🥕、木耳等，再搭配上立体派招牌雞白湯🐔，非常美味。特級白湯拉麵 $128以日本京都有機飼養的丹波地雞熬製極濃雞白湯🐔，配上肥瘦相間的薄切叉燒🐷口感外酥裡嫰，還有溏心蛋半熟的蛋黃流出，蛋白軟滑，蛋黃味濃郁，整碗麵入口香濃而不膩🤩名古屋風雞翼 $48即叫即炸‼️每隻雞翼都漲卜卜🐔，肉質厚實，雞翼油炸得很香脆，內裡雞肉保持嫰滑，真的啖啖肉之選。章魚小丸子 $58章魚小丸子粒粒飽滿🐙，外皮燒得香脆金黃，內裡的粉漿口感頗軟熟，章魚粒好彈牙，椰菜爽口，而木魚花佈滿章魚小丸子表面，口感更添層次。木村完熟白桃汽水 $29木村靜岡麝香哈密瓜汽水 $29木村品牌的汽水很清新🥤食拉麵配搭汽水，一流👍🏻

中環呢間由日本著名冠軍級拉麵大師主理嘅「立体派拉麵」 @ramencubism 最近新推出『長崎雜錦虎蝦拉麵🍜』，虎蝦爽彈🦐，仲有魷魚🐙，海鮮拉麵加入豐富即炒蔬菜🥬，包括椰菜、芽菜、紅蘿蔔、木耳等，再搭配立体派招牌雞白湯🐔，營養又豐富，味道清新～ 另外更點了店內主打嘅『特級白湯拉麵』🤍，以日本京都有機飼養嘅丹波地雞熬製極濃雞白湯，配上低温慢煮肥瘦薄切叉燒，整碗麵香濃但唔覺膩👍🏻而「立体派」嘅小食都係必食：名古屋風雞翼🍗炸至皮脆肉嫩，配上白芝麻同檸檬汁，份外有風味；而日式煎餃子🥟炸得夠香脆，薄薄餃子皮，內餡多汁💦 飲品方面就點了木村完熟白桃🍑汽水同富士山柚子🍋梳打～

📍環境 & 地理位置：呢間拉麵店匿左喺中環威靈頓街地庫，門口唔算高調要小心唔好miss咗！不過一入去就聞到濃濃拉麵雞湯香，裝修走日式木系簡約風，深木色枱凳配暖黃燈光，仲有吧枱位可以睇住師傅即席煮麵，幾有日本巷仔拉麵店嘅氛圍～不過繁忙時間真係爆場，平日夜晚8點半都要等一陣，建議避開飯市高峰。 🍜日式叉燒拉麵：呢碗拉麵嘅靈魂絕對係厚切慢煮叉燒！叉燒足足有手掌心咁大，肥瘦層次分明，咬落去唔鞋口，瘦肉部分都好軟熟，唔使太用力咬，仲帶淡淡醬油甜香，完全冇豬膻味同埋唔油膩！ 湯底係另一亮點，用日本丹波地雞熬出嚟，飲落濃郁但唔會死鹹，尾韻仲有淡淡鮮甜。麵條揀咗中粗曲麵，掛湯力一流，每啖都索滿雞湯精華。跟埋嘅溏心蛋流心度滿分，蛋黃撈湯食都好夾！習慣會飲埋湯嘅，飲到一半可以加$15撈個飯落去轉雜炊飯，撈埋剩餘湯底變身日式粥😏注意：湯底偏濃，重口味人士至愛，清淡派可能覺得膩