家上海 (形點 I)

Open Now

Now Closed

同屋企人近近地揀左yoho入面呢間食意想不到有驚喜3個人叫左個二人餐，有肉有魚，每道菜都唔同風味唔會食厭🤭驚唔夠食另外再加左蟹肉炒飯，最後staff教路 本身個餐比較濃味 蟹肉炒飯又係相對重味，下次可以叫個啖味d嘅食物唔會搶左原本食物嘅味道～好欣賞炸黃花魚，炸到穌脆連骨都食埋咁濟😆另外要讚下個東坡肉，有咬口得黎又唔膩，食過翻尋味🤭🤭女士怕肥都忍唔住食多左幾舊最後飽到捧住個肚走🤣🤣上菜速度快，味道都唔錯，可以翻啅👍🏻

家上海的餐廳提供了道道精緻的上海美食，尤其是食品小籠包和宮保雞丁，更是讓人回味無窮。食品小籠包薄脆的皮和湯汁豐富的肉馅完美結合，入口爆汁十足，讓人回味無窮。宮保雞丁則是肉嫩入味，加上辣椒和花生的調味，風味獨特。整體來說，家上海的美食絕對不會讓您失望，是一個值得品嚐的餐廳。而且平

好耐冇返嚟元朗食呢間，搬咗出去咁啱返嚟行過，同屋企人一齊食飯見佢冇乜人排，坐低之後侍應生都好好禮貌問我哋飲咩茶，令人感覺熟悉嘅感覺！食物ok，保持到水準，小龍包皮好薄多湯，鍋貼好食，上海粗炒，松子魚都好食！見到一個西裝扎辮四眼既侍應黑口黑面，叫佢又吾應，一直同其他客人傾！態度十分令人不滿

行行下街想飲茶，見到家上海唔係好多人排隊，就食呢間啦，之前食過晚市都唔錯，價錢都ok，點左4樣野食。🔅鐵板灌湯生煎包 $56之前食過蒸既，今次食煎，個鐵板好夠熱，咋咋聲😂肉汁足夠，個底好脆皮，下次可以再食_🔅流沙奶王千層酥 $52本人十分喜愛奶黃，今次個千層酥有d油，我食左一半已經覺得好膩，佢望落好脆，但入口好似一堆油浸既酥皮😵‍💫，下次都係食番蒸包好d_🔅經典家上海蝦蟹炒飯 $118典型炒飯，飯粒分明，不過不失🥱_🔅上海嫩雞煨麵 $72只可說普通，相都冇影，同專門食煨麵既店比，就有d高下立見🤐

新年左右搵個地方食飯，好多地方都排晒隊，特別係食中菜地方。一路爬文一路睇食咩啲人講到呢間嘢差咗好多？ 個friend要食就試吓。見啲人話個酸辣湯OK，實在啲咁講都真係唔錯，佢個酸味同埋少少辣味做得幾足，一個人要搞掂晒成個酸辣湯其實都好飽，差啲麵都食唔到🤭個面冇影相，好食! 係榨取左啲面有上邊再放啲肉條再放啲芽菜再有啲汁個香菇素餃一般般啦，其實味道還好，不過硬係爭緊啲嘢咁，可能我呢啲食肉人士係好啱食啲咁健康嘅嘢🤡🤡Btw.豆漿幾好，

🥢好想食小籠包啊📣📣📣食過好幾間小籠包 呢間真係無得輸👍🏻傳統中式設計 環境舒適食物出色有服務有質素 簡單聚會平日食飯都適✨ 蒸灌湯小籠包 (招牌菜 必食！)眼見兩籠其實前後叫咗三籠🤣即叫即蒸皮薄餡靚 肉質鮮嫩超多湯睇住師傅冇停一直係廚房係咁包👍🏻✨鍋貼小籠包餡料 換成鍋貼一樣正皮薄唔粉夠香口 鍋貼嘛係會油啲架啦😅✨奶油津白每次食都叫呢個菜 菜新鮮又甜奶白色奶油芡唔膩 一齊食好夾🤤✨薺菜炒年糕想自己整但成日搵唔到薺菜😩年糕煙韌有咬口 連埋薺菜食解油膩又唔會好咸 大大碟好滿足😋✨擔擔面 (辣)湯底濃郁麻醬香 每條麵都沾住湯汁麵質煙韌彈牙 唔會啤哂一pet咁個辣係慢慢滲出來 越食越滋味🌶✨松鼠桂魚橙紅橙紅 一上枱已經吸睛️魚質剛好唔老 開胃甜酸汁又脆脆地仲有菠蘿、松子、洋蔥粒、青椒粒好有口感🧡❤(以上食評 只屬個人意見)———————————

形點每次路過家上海都好多人排隊🥲所以永遠都係買外賣返屋企食🌟上海粗炒 $88 4/5基本10次有8次都會食🤣🤣醬汁充足 濃郁夠味 包住每一條麵同餸有肉絲 菇 椰菜 小白菜小白菜好甜 多啲就好🤪麵都好有咬口🌟薺菜肉絲炒年糕 $88 1/5好後悔🥲本身好鐘意年糕見叫咗粗炒 就廢事2樣一樣味就叫呢個點知好淡 要單獨食薺菜肉絲先有味好似完全無落味咁最後要自己落辣菜莆同辣椒醬食🌟鮮肉鍋貼(5件) $62 3/5每次都有叫好記得有一次一咬噴汁落枱面底煎得香脆大大件 所以幾抵食不過今次有小小失手 最上面皮厚摺位好似未熟透不過都係1件有問題有附贈薑絲醋同辣椒醬之前仲食過豆沙鍋貼 炒飯都唔錯外賣仲有折 收工經過可以一試🙌🏻

元朗既家上海，真係日日都排長龍，但係佢又真係好味既。首先要講講小零食，花生白飯魚，真係甘白脆口，食到停唔到呀。講返主菜先，首先有上海粗炒，夠入味，而且唔會炒到淋哂糊哂口。另外仲有牛肉餅，個餅外皮脆，D牛肉汁鎖哂係個餅入面好好味，入面既牛肉餡份量都好夠。仲有必叫既小籠包，皮既厚度剛剛好，唔易穿，有助鎖住肉汁。最後重點就係沙鍋雲吞雞煲，呢個煲要俾100分，首先有會職會幫你分湯拆雞，服務好好，仲有個湯好濃味好好飲，雲吞份量多，雞就半隻，肉質都好滑好好食。

依間野難食過茶餐廳，門面好靚，價$ 貴，食物方面非常差，叫4 個餸，無－個食得落肚，豆沙餅無豆沙全部粉，蜜汁脆鱔，又係全部粉小籠包，－上d湯全部流晒出嚟，皮又厚。永遠唔會再黎！

家上海 (形點) (元朗)今日同舊同事聚會，想食上海菜同事介紹呢一間餐廳，就嚟試吓叫咗小籠包，一籠有六件份量都大👍🏻👍🏻小籠包皮比較厚，但入邊都好多湯汁，不錯之後叫咗醉雞，呢個雞翼整得幾好食，雞肉好嫩滑，剛剛好我最鍾意食雞絲粉皮，當然要叫呢個雞絲粉皮整得幾好食，花生醬都好多，係雞絲比較粗身，我覺得可以做返細有少少仲叫咗肉碎炒四季豆，呢個煮得幾好食，肉碎份量都唔算少，唔會太鹹撈飯食一流仲叫咗魚羹，普普通通，唔算太出色元朗元龍街9號形點一期1樓1058號舖

今晚屋企無煮飯，又見有$100現金券，所以就嚟左啦👯‍♀️🔸桂花拉糕☹️ 好唔值囉，即叫即蒸，系就系幾有誠意既😏但係下面就係一舊無味既粉團，然之上面淋左啲桂花蜜，感覺就係食咗成舊澱粉落肚🤦🏻‍♀️🔸上海炒年糕👍🔸松鼠桂魚☹️平時我食生果🍊都專揀啲有酸味嘅生果，即使我甘食得酸，都頂唔順😐😐😐🔸小籠包「皮薄多汁」👍人均消費$178，仲要已經扣咗個$100 coupon，可能未到麻麻啦，所以我覺得好吾值🫢

因為手頭上有優惠券每食夠$300就可以減$100，所以同屋企人即刻去encore多次！真係好抵食！🙈呢間野要食過幾次，最推薦既一定係佢哋嘅小籠包，無論係蒸定煎都好唔錯，啲肉汁好夠味，而且唔會太油。小食拼盤都唔錯，值得一試。雞湯質素一時時，我記得第一次食嘅時候啲雞好滑，而且雞湯好惹味，好足料，但之後嗰幾次就已經變咗有少少味精味了😔，呢個有少少失望。至於上海粗炒唔建議大家食，雖然面嘅口感同味都唔錯，但係極油😖如果大家平時唔係食開好重口味嘅，應該都會覺得油得濟。甜品方面質素較一般，試過佢哋嘅壽包、豆沙鍋餅、流沙奶黃千層酥，感覺冇咩特別，可以唔洗試。不過整體來講，都有7/10分，如果大家諗唔到食咩嘅可以同朋友/屋企人一齊share食。👍🏻

平時行過都見到好多人排隊，今日同屋企人黎食Lunch，可能時間都早，就算星期六都唔洗等直入。叫左個小籠包，同平時食既差不多。友人話呢度出名煎小籠包，所以都叫左黎食。個包煎得好香口，入面好多汁，第一次食覺得好好食呀！下次可以ENCORE。另外叫左雞絲粉皮，都係正常發揮，粉皮唔會好厚，醬汁都幾多。食上海野梗係食肴肉，都幾林幾好食。最後叫埋粗炒，唔會話好咸，味道都唔錯

好耐冇食過咁難食既上海菜小籠包 皮厚 怪味 超市買急凍果 d 仲好食生煎包 d 肉吾新鮮酸辣湯麵 d 麵似米線 淋哂 個湯就正常兩面黃 實物同相完全吾同 味道就不過不失好失望，咁難食都咁多人排隊

今日11點20分去到排隊等開門,排第五分到張卡位坐,幾舒服,今日叫咗一個拼盤,紅燒小元蹄,鐵板灌湯生煎包,蟹粉小籠包,全部都好好食,另外又叫咗燻蛋,如果燻蛋可以早少少由雪櫃攞出嚟會好啲