老掌櫃東北菜館 (富達廣場)

Open Now

Now Closed

今日星期三早放，黎到元朗老掌櫃食佢地出名既北京填鴨同酸菜魚，仲叫左個三鮮餃子。可能時間還早，餐廳唔算好多人，職員俾我地選擇坐位，兩個人坐四人檯。一來坐得舒服，二來野食到哂都唔逼。一開始入黑成間餐廳勁快坐到爆哂😮酸菜魚同北京填鴨最先到，酸菜魚不嬲係我既最愛，今次叫左酸菜鴛鴦（魚同牛肉雙拼），配菜有豆卜同芽菜，牛肉質地柔軟嫩滑，愈食愈入味，湯汁濃郁，每一啖都好滿足。北京填鴨（半隻）配搭既粉皮有廿塊左右，鴨肉都幾嫩滑，鴨皮就算食左一陣都仲係好脆，不過兩個人食既份量太多，最尾都食唔哂😂三鮮餃子餃子餡有蝦、豬肉同韭菜，口感好豐富。雖然係碟上，但係餃子肉汁都好充足，要小心食唔係會爆啲汁出來😂

[✨元朗老掌櫃🥢]#老掌櫃東北菜館 #元朗🔸砂鍋雲吞雞煲 (半隻) $148有半隻雞，肉質已經煮到好軟嫩🥰雞湯好清，飲落去鮮甜而不膩，雞湯愛好者必叫；配料雲吞大粒飽滿，食幾粒都已經好飽👍💯🔸四季豆土豆燉排骨 $96配料豐富，有排骨、土豆、四季豆及粉絲等等，湯汁入味，鹹淡適中。🔸蔥油肉絲拌麵 $48拌麵香氣撲鼻，麵條滑順有咬勁，肉絲鮮嫩，蔥香四溢，簡單又好食！————————♡♡♡♡♡♡————————✨總結一間CP值好高又正宗好食嘅東北菜館，真係好岩住係元朗嘅街坊，點兩個小菜配白飯，已經好滿足好豐富，而且除左茶錢外亦無加一，好值一試再試🥰💗📍老掌櫃東北菜館🏠元朗西菁街23號富達廣場地下19-24號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #老掌櫃東北菜館

呢間餐廳之前都介紹過一次，抵食夾大件，性價比又高，同樣身為大西北友既朋友居然無食過，所以帶佢去試下。餐廳最好既地方係夠大間，坐位都好闊落，紅黑中式木系風頗有特色。餐廳以QR Code落單，但員工們服務態度都好好，好殷勤亦會主動收碟。京蔥羊肉餃子一份有10粒大大隻，佢係傳統東北餃子傳統厚實Q彈既餃子皮， 口感很好。羊肉味濃但又唔騷，又足料，好食之餘性價比高！酥炸小黃魚朋友喜愛食魚，對呢碟魚讚不絕口。一碟有兩大條，原條黃花魚炸得色澤金黃，香脆可口，魚肉嫩滑，真的很出色。北京填鴨半隻（跟一份摩摩皮）主角黎啦，基本上每枱都必叫片皮鴨，因為真係好抵食，＄168有半隻鴨，呢度既片法係皮肉一齊，我比較中意咁樣，食落有鴨皮既香同鴨肉既甜。鴨皮烤得酥脆，鴨肉肉質鮮嫩，摩摩皮Q彈，配埋青瓜、蔥絲、甜麵醬 (可任fill) 真係好好味。唯一問題係份量太多啦，我地2個女仔食唔晒。

一早book左枱同父母食母親節晚飯，book7:30,到8:00先入到座，明明啲枱都執好哂，但就係安排入座好混亂。7:30去到無落雨，過多兩分鐘就下起傾盆大雨，足足係大雨中罰企半個鐘人都濕哂！入到去坐低叫野食，過左一個鐘一碟野都未有，以為無落單，但手機有落單record,都睇諒多客做唔切，但隔離枱個啲全部遲過我地坐低嘅都些滿哂成枱菜，我地仲咩都未有得食，等到又凍又濕又餓，為啲咩？要催先肯幫手睇，完全食到一肚火！呢間野已經blacklist!

朋友心血來潮， 話想食紅油抄手。 我哋近近地去咗元朗西菁街。 呢一間叫老掌櫃嘅東北菜館。一入去已經見到佢嘅裝修好有特色，紅色一片好有氣氛，我哋用二維碼點餐， 有好多我哋鍾意食嘅菜。雞絲粉皮好大碟， 醬料剛剛好。好味。麻辣皮蛋麻辣味唔太夠，但份量又係好大。抵食。糖醋魚柳酸甜度剛好，唔會話粉漿太厚，咬落啖啖肉。牛腩麵牛腩夠軟身，份量好多大大碗。 兩個人真係冇可能食得晒。同個朋友食完， 一致確定真係抵食，價錢抵，味道好，份量又多，絕對系一次唔錯嘅體驗。#元朗美食#元朗東北菜#紅油抄手#元朗美食推介#糖醋魚柳

🐽 麻醬雞絲粉皮碟粉皮凍凍哋夠爽滑，雞絲撕得幼身唔鞋口，麻醬落得大方，濃得嚟帶少少花生香，撈勻每啖都掛汁🐽 豆豉鯪魚油麥菜油麥菜炒得啱啱好，莖位爽脆葉位軟身。豆豉鯪魚罐頭貨但爆得夠香，鹹鮮味吊起成碟菜，油份控制得幾好，食完碟底冇浸油🐽 螞蟻上樹粉絲索味功夫做得足，咬落彈牙唔黐埋一舊舊。豬肉碎炒得乾身帶焦香，豆瓣醬鹹辣度適中，撈飯一流🐽 回鍋肉腩肉片半肥瘦比例靚，爆到邊位微脆，食落甘香唔膩。醬汁甜辣平衡，夾埋青椒同蒜苗夠惹味

今日發現一間平價東北菜館，簡直抵到無朋友！點齊土豆燒牛肉、京式醬牛肉、韭菜豬肉餃，再加道傳統甜點高力豆沙，配埋百年糊塗🤣土豆燒牛肉依舊穩陣，牛肉燜得軟稔多汁，油脂香摻住濃稠醬汁，裹住綿密土豆粒，連飯都要多添半碗！京式醬牛肉肉質緊實帶筋，鹹香中滲出五香料餘韻，單食夠香口，點點喼汁又變另一風味。韭菜豬肉餃皮薄到透光，咬開爆汁，韭菜鮮味夾住豬肉香，蘸醋食簡直停唔到筷！重頭戲高力豆沙驚喜到拍案！外層蛋泡糊炸到金黃蓬鬆，咬落去軟綿似雲朵，內餡紅豆沙綿密不膩，甜度剛剛好，熱辣辣食仲有淡淡蛋香，鹹甜交替間完全解膩！配埋百年糊塗細支裝白酒，酒體順滑帶糧香，醬牛肉配白酒越嚼越香，食甜點時抿一口，微醺感襯住幸福感❤️

放工又同老公去元朗食嘢，我哋去咗呢間老掌櫃東北菜館。餐廳都好大，有好多位，我哋識嘅時候唔算多人，都坐得幾舒服。佢嘅鴨兩食茄子炒都幾大碟，份量好多，啲牙雖然唔多肉，但炒得幾好味，茄子就好飽滿好多汁。糖醋魚片就酸酸甜甜，幾開胃。佢嘅魚片都炸得幾脆，個皮唔厚，夾埋佢嘅甜酸汁食，幾好食。四川擔擔麵都係份量好多，好大碗，佢嘅擔擔麵都唔錯。另外叫咗個高力豆沙做甜品，之前未食過，佢真係新鮮整嘅，食落去熱辣辣，煙煙韌韌，入面有豆沙餡。

呢晚同朋友gathering突然想食北京填鴨, 就諗起可以近近地落元朗老掌櫃食東北菜, 超方便😚我哋嗌咗半隻北京填鴨, 螞蟻上樹同黃金萵筍! 兩個人食到超飽呀😋 呢度茶位夠平, 仲要唔使加一, 真係好岩一家人黎食飯! 不過佢嘅冷氣少凍, 要帶多件外套黎先得~北京填鴨 (半隻)老掌櫃嘅北京填鴨半隻都唔使$200, 抵到爆! 半隻份量完全夠大份, 連餅皮都有20塊, 唔使爭住夾黎食! 鴨皮顏色夠鮮澤, 皮脆肉嫩, 而且鴨肉肥而不膩, 啖啖肉, 配埋青瓜同京蔥絲一齊食, 好滿足~螞蟻上樹螞蟻上樹即係免治豬肉炒粉絲配辣豆瓣醬, 已經好少餐廳有呢款菜式~ 食落辣辣地幾惹味, 味道都夠香口~黃金萵筍大讚呢款菜式, 初頭都驚鹹蛋黃會太咸, 但係食落完全唔覺, 鹹蛋黃好足料, 配搭萵筍食口感夠爽脆, 而且除左食到鹹蛋黃味, 萵筍都夠清甜💚

相隔多年沒有吃東北菜，最近在元朗途中見到老掌櫃東北菜館，價錢實惠，那就不妨試一試啦！入到店內，最搶眼是大幅紅色文字牆紙，幾特色，不過冷氣比較凍，下次要載件外套；至於服務方面都可以，但侍應太忙，需要等一陣。葱爆牛肉         $86這菜式鑊氣好足，滿滿的食物，香氣散發出來，牛肉味濃，肉質嫩滑，配合京葱和洋蔥，吃落好爽口，牛肉及蔬菜吸入香濃醬汁，滋味。秘製牛犇麵 $52這菜名看起來特別，就點選試試。湯底濃郁，幾清甜潤喉，牛肉軟韌適中，有嚼勁，麵條爽滑，份量多好飽肚。京式炸醬麵      $48炸醬麵是很有北方特色的麵條，這家的炸醬麵又真的不錯，正宗的北方炸醬麵，麵條有嚼勁，配合香噴噴的炸醬及蔬菜，食落爽脆好吃。高力豆沙 $13/件高力豆沙大大個，外層沾面砂糖，炸到金黃色，熱騰騰，香甜豆沙餡料，做飯後甜品一流。豆漿 $10 及 可樂 $12。豆漿豆味都幾濃，少少甜，少少凍，即時解膩。

#鼠尾草食飲玩 #sagefoodiehk填鴨✨ × 抵食💖 × 滿足😍呢間位於元朗嘅平價東北菜館，嘢食選擇多，而且夠晒抵食🥰！而且舖頭嘅服務好好，店員好好笑容，而且服務殷勤💖。嚟到呢度，鼠尾草🌱每次都會嗌北京填鴨，因為價錢真係超級抵食！半隻都已經大大份，肉厚，皮又夠油脂感，食落超滿足😋。呢度其他東北菜式都夠正宗，例如京蔥羊肉餃包嘅手勢好好。餡料紮實，唔會皮肉分離，有滿滿嘅肉汁同埋羊肉香味，啱晒鍾意食羊嘅朋友😍。唔少得要試埋特色甜品。高力豆沙每粒都大大嚿，而且炸出嚟夠鬆軟，加上面頭嘅砂糖口感豐富🤤，裏面仲夾住甜香嘅紅豆蓉，好滿足。飲品酸梅汁酸酸甜甜，好啱配埋呢餐飯嘅嘢食✨。💰北京填鴨半隻$168 💰京蔥羊肉餃$56💰高力豆沙$13💰酸梅汁$10

[✨元朗老掌櫃🥢]#老掌櫃東北菜館 #元朗🔸螞蟻上樹 $76即係肉碎炒粉絲，滿滿一碟的粉絲，幼身粉絲炒得好入味，非常香辣惹味，味道真係好唔錯！🔸白菜豬肉餃子(10隻) $50餡料新鮮足料，10隻好夠食！水準極高🤩💕🔸小雞燉蘑菇 $96雞肉燉得好入味，配上吸收哂醬汁味道嘅粉絲，好出色👍💯🔸蒜蓉炒時菜(娃娃菜) $68娃娃菜好新鮮爽脆，用嚟平衡返下就最岩，感覺好健康🤤————————♡♡♡♡♡♡————————✨總結一間CP值好高又正宗好食嘅東北菜館，真係好岩住係元朗嘅街坊，點兩個小菜配白飯，已經好滿足好豐富，而且除左茶錢外亦無加一，好值一試再試🥰💗📍老掌櫃東北菜館🏠元朗西菁街23號富達廣場地下19-24號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #老掌櫃東北菜館

性價比非常不錯嘅元朗東北菜👏🏻 份量好足 價錢又相宜✌🏻 上菜夠快🤟🏻 一諗唔到食咩 呢間絕對會係我哋首選👍🏻💛蔥油海蜇 $70海蜇絲爽口 蘿蔔絲清甜有少少醋味 酸味味唔會太濃 但又好開胃💛醉雞 $78酒味濃 但唔會苦味道可口 💛紅油抄手 （10隻） $50每次嚟嘅必點小吃辣味有層次雲吞皮薄餡料豐富💛紅燜豬蹄 $86嚟咁多次 第一次試滿滿嘅骨膠原皮滑 又軟腍燜得非常入味最啱送飯🥰👍🏻

元朗富達廣場老掌櫃，東北菜館，門口同牆身都用上紅色，相當搶眼，座位比較密，晚市都好旺場。🥢蔥油海蜇 $70海蜇切得厚身條狀，食落夠爽口，充滿蔥油香氣，調味不錯。🐟椒鹽小黃魚 $88/2條一碟有2條小黃魚，炸得香脆，撒上椒鹽更香口。🥟紅油抄手 $50/10粒大大粒雲吞，內餡肉質結實，紅油醬汁惹味。🫕疙瘩湯$64疙瘩湯東北家常湯品，雞蛋、番茄、疙瘩（小塊麵團）煮到軟滑得嚟有咀嚼感，不會過於軟爛，蕃茄蛋湯底清淡又健康。🫘高力豆沙 $13/件拳頭咁大，裏便好多紅豆餡，大件夾抵食。（推介）茶錢每位$5免收加一人均消費$150（晚市）

總是覺得老掌櫃經濟實惠，而且菜式款式多樣化，味道更是一流！紅燜豬蹄特點在於將豬蹄慢煮至軟爛，外皮呈現紅亮的色澤。豬蹄加入醬油、冰糖、生薑、大蔥和八角，慢慢燜煮，讓豬蹄吸收醬汁味道。肉質軟嫩，醬汁濃郁，非常適合搭配白飯享用。肉三鮮餃內餡通常由豬肉和蝦仁等組成，使得餃子味道層次豐富，口感鮮嫩，蒸煮保留餃子的鮮美。羊肉常湯麵味道濃郁而香醇。羊肉切塊，與各種香料煮沸，羊肉和湯底的味道充分融合。這道湯麵不僅暖胃，還能讓人感受到家的味道。拔絲地瓜金黃酥脆，地瓜條蘸滿糖漿，外面裹著一層晶瑩剔透的糖衣，將之放入侍應一同遞上的凍水，一口咬下去，糖漿甜而不膩，外脆內軟的口感瞬間在口中展現出來。老掌櫃東北菜館 (富達廣場) (元朗)地址：元朗西菁街23號富達廣場地下19-24號舖