Video
Opening Hours
Today
11:30 - 22:00
Mon - Fri
11:30 - 22:00
Sat - Sun
11:00 - 22:00
Public Holiday
11:00 - 22:00
Above information is for reference only. Please check details with the restaurant.
今日來屯門探朋友和聚餐，選擇食新加坡菜既咖吔，依度既侍應及店長都好有禮貌，要稱讚一下。入到店內，環境闊落，裝修雅致，坐得舒服。正值係下午茶時間，多款新加坡菜選擇，份量足，價錢又實惠。馬來炒貴刁 $82炒貴刁係河粉同油麵炒在一起嘅，除咗粉條，材料都好豐富，有大蝦、臘腸、魷魚、雞蛋、芽菜、車厘茄、青瓜、洋蔥、花生粒、辣椒粉、青檸等等，調味帶少許辣，鑊氣十足，惹味好食。大蝦青木瓜沙律 $72大量爽口嘅青木瓜絲、紫椰菜、紅蘿蔔、車厘茄、炸魚乾，仲有大大隻蝦，好鮮嫩，肉質彈牙，配上東南亞風味嘅辣椒酸汁調味，每食一啖都覺得好fresh。海南雞飯 $68海南雞已經去咗骨，啖啖肉方便食，雞皮與雞肉之間有層啫喱，皮爽肉滑，無論點薑蓉、甜豉油或辣椒醬都一樣出色，加上油飯份量多，油香味十足，仲配埋蟲草花湯，清甜順喉，有誠意，食完依個餐覺得價錢性價比高。椰青 (+$28)椰青都好大個，而且椰青水又凍又甜，仲可以刮埋裡面嘅椰肉嚟食，好清甜又解膩。馬來芒果汁配芒果雪糕 (+$12)芒果汁有啲似沙冰，冰凍解膩，芒果汁和芒果雪糕味道香濃，口感幼滑。香茅青檸荔枝梳打 (+$6)呢杯飲品，消暑解渴，青檸同香茅味道都好出，帶少少荔枝香甜味，我鍾意。
continue reading
講起星加坡菜除咗諗起喇沙仲有咩呢🤣 今次呢間星加坡菜雖然係商場入面，但價格都好親民，而且大大份好抵食🤩坐得又舒服，啱哂一家大細/朋友們聚食，真係食過翻尋味😍1️⃣ 炭燒豬頸肉喇沙🍜真係超級大碗😆 炭燒豬頸肉好香嫩🐷湯底亦都超級香濃，少少辣少少甜🤩而且一碗入面有油麵入有米粉，雙重口感好特別🤘🏻2️⃣ 巴東牛肉飯🐮千祈唔好俾佢個樣呃咗🥹 係超級入味嫁😋慢火烹調後嘅肉肉柔軟，仲唔會切到細細件😍我就中意將油飯撈上醬汁，微辣又惹味，一定要配埋魚乾仔同花生🥜一齊食～3️⃣ 新加坡鹹蛋黃單骨雞翼🐣鹹蛋黃真係配咩都一樣咁好食🥚 單骨雞翼好易甩骨😆上枱仲要熱辣辣🔥而且鹹香得來唔會膩😍4️⃣ 斑斕咖央多士🍞外脆內夾心嘅多士真係令人難以抗拒😆 唔係由兩塊多士夾心，而係將一塊多士嘅中間夾住牛油同斑斕咖央醬，真係齒頰留香😍5️⃣ 飲品🥤揀咗要馬拉芒果汁配芒果雪糕🥭同海鹽雪糕椰汁珍多冰🥥 跟餐轉特飲比單點抵好多🤘🏻前者嘅芒果味超濃郁🥭後者除咗可以食到鹹鹹甜甜嘅雪糕之外，椰汁內都一條條滑捋捋又彈牙嘅珍多冰🥥
continue reading
我今日約同好友去位於屯門屯隆街1號錦薈坊3樓301-306號舖的《咖吔》食新加坡菜，環境舒適，坐得舒服。我地點左：🥢海南雞飯 $68🥢星洲香辣炒飯(走辣） $78🥢娘惹茶燻鴨喇沙摻摻 $68🥢牛油果五色米紙卷 $62🥢熱桔仔話梅水x2 $6海南雞配油飯係招牌菜，雞肉嫩滑，油飯入味好食；星洲香辣炒飯(走辣）唔錯呀！材料豐富好味，米飯炒得乾身唔油膩；娘惹茶燻鴨喇沙摻摻都有少少辣，雖然我唔食得辣，這個程度係我接受到，覺得惹味，鴨肉軟腍入味；牛油果五色米紙卷彩色繽紛，清淡好食；熱桔仔話梅水潤喉好飲。
continue reading
今天晚餐，我們選擇了熟悉的《咖吔》，因為這裡有一道讓我們念念不忘的招牌菜「排骨山」。一進店，我們就迫不及待地點了一份排骨山。這次的排骨山有了新變化，店家貼心地加了一個小爐子，用來保持排骨的溫度。這樣一來，即使我們吃得慢一些，也不用擔心排骨會變涼。排骨依舊是那麼鮮嫩多汁，醬汁濃郁，搭配上爐子的保溫功能，每一口都是熱騰騰的滿足感。這小小的改進，讓我們的用餐體驗更加完美。雖然已經是晚餐時間，但我們還是趕上了下午茶的尾巴。《咖吔》的下午茶一向以性價比高著稱，這次我們點了一碗「新加坡喇沙摻摻」，價格僅需56元。喇沙湯底濃郁，椰香四溢，搭配上豐富的配料，每一口都讓人回味無窮。此外，我們還加了12元，將飲品升級為「馬來芒果汁配芒果雪糕」，這杯飲料簡直是「芒果控」的天堂。新鮮的芒果汁香甜可口，搭配上冰涼的芒果雪糕，瞬間讓人感到清爽無比。
continue reading
[✨屯門咖吔 ]#咖吔 #屯門 🥢白胡椒肉骨茶 $92 + 油飯 $20油飯香氣四溢，油份唔會太重；白胡椒肉骨茶味道香濃，胡椒味好出，豬肉口感煙韌，勁正呀👍👍🥢新加坡喇沙海鮮鍋 $88喇沙濃郁，無咩味精味，辣度適中；配料有大大隻嘅大蝦🤩好鮮甜厚身嘅蜆肉，魚蛋、豆卜等等，配搭爽口彈牙嘅米粉，吸收哂湯底嘅精華，好惹味🤩🌟榔青 $46大大份好清甜，正💯🌟凍青檸紅茶 $28微甜，超解渴🥰————————♡♡♡♡♡♡————————✨總結餐廳坐得舒服，食物選擇幾多，精緻得嚟質素亦好高，係一間好地道好出色嘅新加坡菜館！📍咖吔🏠屯門屯隆街1號錦薈坊3樓301-306號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #屯門 #屯門美食 #屯門好去處 #屯門食好西 #屯門餐廳 #咖吔
continue reading