鰹烏冬 (寶華閣)

Open Now

Now Closed

同男友黎長沙灣上完陶瓷班攰攰地想醫下肚 路經呢間烏冬店大排長龍一search之下發現原來都係區內幾有名氣嘅烏冬店即刻排隊入去試試😋嗌左呢幾樣野食廣島蠔天婦羅好好食，juicy 到爆汁，正骨付雞應該係呢度嘅名物之一好香口 咬落肉質好juicy同嫩滑 非常推介👍🏻最後呢款鯖魚配冷烏冬 唔太特別 同冷烏冬唔太夾 不過呢度烏冬夠彈牙，份量仲幾大，真係「堅」嫁🤣個人鍾意湯烏冬 食完個人暖粒粒 大滿足呀😋😋😋一定會再encore

海苔竹簾烏冬，骨付雞，糖心蛋*Time : SEP 2022, Lunch*Price : $1xx-HKD *Place : 鰹烏冬*Review : 今次是第二次來了，夏日炎炎，吃冷烏冬可謂一樂。- 海苔竹簾烏冬：烏冬偏幼身，但同樣很煙韌彈牙，有嚼勁，散發出淡淡的海苔味，沾上涼涼的醬汁很易入口，再多打吃得下- 骨付雞 ：皮脆，肉軟，又多汁，每一口都吃到滿滿的肉汁，是這樣必食的- 糖心蛋 ：軟硬適中，水準之內這裏的烏冬實在好吃，口味又多，午餐時間基本都客滿

嚟鰹烏冬最吸引我嘅地方首選唔係佢哋自家製烏冬，而係佢有以前去日本旅行時食過好好食😋，四國香川名物骨付鳥而吸引。😍骨付鳥即炸雞肶，唔同嘅係比起港式係唔用太多醃料醃製，簡單用鹽、胡椒、蒜就夠，盡量食到雞嘅原汁原味。 骨付鳥再分雛雞同親雞，雛即幼🐤肉質嫩滑雞味較淡，親即母🐓肉質緊緻雞味濃。呢度當然冇分，骨付鳥大大隻皮薄炸到脆脆肉質嫩好 juicy，能夠勾起少少回憶嘅味道。😋😋😋烏冬粗滑滑嘅口感少少煙韌，湯底清清地味道正常。😋😋一入舖頭環境衛生已經感覺到好有問題，坐喺吧枱張枱油冧冧黐住曬啲塵，枱上調味㗎啲嘢都好污糟冇抹過，員工傾計多過做嘢，最嚴重嘅係員工喺 open kitchen 處理嘅食物嘅時候，拉低口罩用紙巾呻完鼻涕唔洗手繼續處理食物👎🏻👎🏻👎🏻👎🏻👎🏻👎🏻， 見到真係眼都突埋，就算唔係疫情呢啲基本衛生常識應該要有！嘢食幾好食都冇用！🙅🏻‍♂️

自從白布烏冬執左一直都好掛住D高質既烏冬🥹 今日發現呢間其實都好出名🥰 唔花巧以烏冬做賣點選擇都有好多款👍🏻 烏冬質素確實唔錯 但係以呢區黎講價錢有少少貴🌚 PS係佢哋IG留言就會送一杯果汁🍹 味道唔會太甜都算有誠意🍎⭐️ 鰹魚半湯烏冬 🐟本來想食Signature D既熱魚湯 但係天氣實在太熱啦 ☀️ 冷烏冬果然有佢既好處 煙韌度適中 唔會成口粉咁🤍 如果麥味香D會更好 但係魚湯味唔突出 似係一般冷麵汁🥴 有點小失望⭐️ 骨付雞 🍗外皮煎得香脆帶油香 肉質都幾嫩滑💛 係一隻幾高質既雞髀🐔 但係七味粉既調味雖然惹味但個人覺得唔夠正宗日式🌶 如果鍾意食KFC燒雞既會喜歡

之前D人見排晒隊食，咁啱今次右人排滿心歡喜諗住食較地道日本風味食品，尋回日本味道感覺，點知非常失望。2人叫一個月見烏冬+関東煮，一個柚子冷烏冬+天婦羅。烏冬不論冷熱都不彈牙，冷烏冬仲個心實實地，係唔熟嗰隻實，唔係煙韌。湯烏冬普通回食市面超市自己煮人力別不大，應該講自己煮靚烏冬會好食過佢。関冬煮真係好入味，蘿白入味到咸到苦，買便利店嗰D好過，唯一最正常天婦羅，粉漿唔厚，脆但唔會食界損口。今次真係太有期望，一定冇下次。

骨付雞-推薦👍🏼有肉汁又滑豆腐-就普普通通 都可以焙茶同海苔烏冬-味道唔重魚湯豆乳烏冬- 不錯天婦羅炸雞-普通 檸檬比大少少可能味道會好啲天婦羅流心蛋-估唔到又幾好食喎位唔多 不過好乾淨 冷氣足夠

自家製烏冬可謂寥寥無幾，就好比日本手造麵條一樣，令人趨之若騖。(1) 竹簾烏冬 + 鯖魚炎熱天氣，將煙韌烏冬大力吸入口中，伴隨著消暑解膩的冷麵汁。鯖魚正常輸出，一冷一熱配搭更為得宜。(2) 鏗魚半湯烏冬 + 竹筴魚相比之下，鏗魚半湯比鏗魚清湯應更為濃郁。但湯底調味過重，出現「死咸」。然而，竹筴魚較鯖魚有鮮味，配搭熱食烏冬最合適。眼看鄰座點了洋蔥牛肉，盛滿而沒有一點空隙，下次必試之選。另外，烏冬選擇尚算繁多，可以品嚐異於外間的彈度、非大量生產的客製化烏冬。

因為比較遲收工嘅關係，去到餐廳嘅時候已經比較少人，好快可以入座。我哋嗌咗兩份烏冬，一份熱食一份凍食，仲有關東煮，骨付鳥，以及係天婦羅拼盤。烏冬方面，日本烏冬其實主要分兩大派別，包括讚岐烏冬以及係稻庭烏冬。讚岐烏冬來自日本四國愛媛縣，稻庭烏冬就來自日本秋田縣。前者嘅烏冬比較粗身，後者嘅就比較幼。呢間餐廳嘅烏冬應該係參照左四國稻庭烏冬為主。如果係凍食嘅話，面質會比較硬身，不過我都覺得係可以接受嘅。熱食就同一般烏冬冇咩大分別。配菜方面，骨付鳥真係令我非常驚喜，味道同我當年喺四國食嘅都由七八分相似。關東煮亦都OK。不過最失望嘅一定係天婦羅。嗰啲蝦嘅炸粉實在太多，完全蓋過住隻蝦。希望下次再光顧嘅時候，食物水平會有所提升。

入到嚟主要係食烏冬，我明白。但係點解其他小食都係得炸嘢？好在而家唔使排隊都有位，個冷烏冬同個汁都真係幾好味嘅。嗰個野菜我以為會係沙律⋯ 加埋個炸廣島蠔，超晒標，即刻要過對面解涼茶舖隊返一支降火茶。

鰹烏冬是少有在香港食得到鮮製烏冬的地方，這份誠意我一直都想來品嚐一下。這次特意挑了平日的下午茶時間來到，並不需要排隊就可以入座，店員還讓我選擇坐普通檯還是吧檯的位置。下午茶配有基本餸的烏冬劃一$50，每碗麵可加配一款小食。我點了一客牛冬($50)，另加配一客骨付雞($28)，整頓午餐爲$78。價錢上，下午茶的價錢跟正價好像差不多，沒有特別便宜。雖然是下午茶，但是這碗麵的份量都不少的，配料亦豐富。我幾喜歡碗裡包括了不少的海帶，配著其他食物一齊食很夾，而半隻糖心蛋的表現正常，不是很有蛋味。牛肉的份量頗多，屬普通的肥牛片，濃郁的味道會滲進湯底裡成為一個牛肉湯。個人認為難得餐廳的招牌是鮮製烏冬，可以減少牛肉份量並改用質素較好的牛肉片，便更能夠突出這碗麵食的特性、質素更能提升。這裡烏冬是偏粗、如讚岐烏冬的那類，質地做得十分煙韌彈牙有咬口，只是略爲缺乏了一些麵粉香；如麵粉的香味更突出更令人更難忘。很多人都推薦這裡的骨付雞，原來是一隻烤雞髀。這件雞髀表面做得乾身帶點香脆，表面的七味粉隨著剛烤好的熱氣四散，香味吸引。切開裡面的肉質軟淋嫩滑，能夠做到外皮乾身裡面鎖著肉汁的效果；再加上餐廳在製作過程中𠝹上

同學仔大推大推於是一齊去食～本身去之前已經睇定咗竹簾烏冬，主要係睇下加咩餸好食🧐一直覺得外脆內軟 炸得好嘅天婦羅係好好食～ 所以今次就揀咗天婦羅蠔天婦羅蠔嘅第一啖會有少少腥，不過好彩之後ok👌🏻 由於加底8蚊加多咗好大pat烏冬XD😂💥食到後期冇乜餸配搭一齊食了😶豆腐20蚊呢個小食就唔建議。 佢係幾精緻幾靚，但味道非常普通，頗硬 環境方面 如果坐入面相信會好啲。外面熱辣辣...對住門口總會有啲熱氣吹入嚟💫

長沙灣既烏冬店平日兩點幾都排長龍🤫🤫 今次嗌左個夏一烏冬（$55），果然冇令人失望，烏冬夠哂彈牙，清新得黎唔會淡而無味，好岩夏天食！環境有少少逼，但尚可接受既😉

*Time : July 2022, Tea Time*Price : $104-HKD *Review : 早就聽聞呢間烏冬有日本當地味道，就選一過無咁多人時間去試試- 鰹魚湯冷烏冬 ： 湯味清甜，烏冬煙韌，易入口，加上冷鰹魚湯，夏天吃起來特別舒服開胃，是任何時間都可以大大口食的料理，即使沒有配菜，我也可以吃兩碗，所以今次叫左加底，再另加糖心蛋- 骨付雞 ：未去過四國，不清楚正宗的骨付雞是什麼味道，這邊的好有肉汁味，不錯會再黎的，烏冬太好吃，本身對冷烏冬冷麵特別喜好，早兩年攻略過秋田的稻庭烏冬及名古屋味噌烏冬，四國的未攻略過，這邊倒有是找到一點點日本的味道

從觀塘本店開始我就是鰹烏冬的忠實粉絲！以前在舊公司幾乎每星期都會叫鰹烏冬的外賣，令我如此著迷的原因是超彈牙的手打風烏冬，還有充滿鰹魚香的湯底😋 這次我到訪了它的長沙灣分店，一起來看看它的水準有沒有改變吧～

🥛魚湯豆乳烏冬($50)經典的鰹魚湯底已經吃過很多遍，是時候改變一下口味了～雪白的魚湯豆乳細看像點點雪花，入口不算十分細滑或濃稠，是比較清爽的質感，建議一邊吃烏冬，一邊用湯匙喝湯～烏冬是一如既往的彈牙，而且份量很足，讚岐烏冬原材料只有鹽、水和麵粉，彈牙的秘密在於三者中澱粉和蛋白質的比例，過多或過少都不行哦～
在此附上我的烏冬食法：將自助區的天婦羅碎加上七味粉拌勻，一邊吃烏冬一邊慢慢加上天婦羅碎，脆口又帶微辣的刺激～🍤 天婦羅($50)如果你跟我一樣喜歡這家店的天婦羅碎，這籃天婦羅想必也是你的最愛🥰 它的炸粉不算薄，但空氣感重，口感非常酥脆～這籃雜錦天婦羅有多春魚、炸蝦、冬菇和茄子，比較少店鋪會提供炸多春魚，蠻喜歡它獨有的鹹香味～🐔 骨付雞($34)是鰹烏冬的名物，繁忙時間需要等候15分鐘👍🏻 超大塊烤雞腿上灑上七味粉，醃得超入味，而且很juicy～ 但好像不夠觀塘店煮得乾身🤔

平時係附近返工食過幾次佢嘅午餐都覺得唔錯而且次次都有條人龍喺出邊今次返工之前有兩個小時嘅空檔路過見到原來佢十一點前有早餐又試一試佢先😏😏眼訓既我見到有加$3仼飲即磨咖啡即刻眼發光🤩早餐選擇有六個選擇今日叫左個和朝B配烏冬$45如果唔想食烏冬可以叫和朝A配自家飯團$47個人幾鐘意佢既焦糖玉子烏冬唔錯 但平時食妟晝好似再彈牙d唔知一唔一樣呢？🤔加左三蚊仼飲即磨咖啡都幾好飲叫Refill 唔會咸覺難堪😂😂唯一一樣對於食肉獸嘅我如果多啲肉食嘅選擇會更好🤪