金子半之助 (奧海城二期)

Open Now

Now Closed

今日假期，心情非常好去了奧海城遊逛，商場入面都有好多餐廳可以選擇，今次就揀咗久違嘅日式餐廳，專攻天丼同日式天婦羅料理嘅【金子半之助】。我一向好喜歡食天婦羅，喜歡那前中後段也會變化的味道！香脆彈牙鮮甜。餐廳裝潢走和風簡約路線*，木質座位加上暖黃燈光，感覺舒服又有日系氣息，成個環境都幾Chill，想食個輕盈午餐，定係慢慢歎餐和風料理都感覺良好。今次就試咗幾款精選料理，睇吓邊樣最啱口味！▪️半之助沙律頭盤先嚟個清新啲嘅沙律，呢個半之助沙律入面有海葡萄，一咬爆汁嘅口感幾特別，帶住少少海水嘅鮮味，加埋新鮮蔬菜，食落Refreshing又醒胃。配埋炸蝦天婦羅，炸漿夠脆但唔會過重油，食落唔會有負擔，幾適合作為開胃小食。▪️海老天押壽司呢款壽司用咗天婦羅炸蝦做主角，炸得香脆之餘，蝦肉仍然保持彈牙鮮甜，配上醋飯同少量紫蘇葉提升層次，雖則處理上很好但味道略淡。▪️燒鹽麴鮭魚 & 天婦羅御膳主菜方面就試咗燒鹽麴鮭魚，鹽麴醃製令鮭魚肉質更加嫩滑，輕輕燒到外皮微焦，帶出陣陣炭香，咸香味適中，魚油香氣濃郁。配埋天婦羅拼盤，炸蝦、蔬菜等炸物炸得金黃香脆，唔會覺得油膩，另沾天婦羅醬汁更加惹味，整體份量都幾足料。▪️鮮果飲品放

自從上年和Cynthia 食過尖沙咀的晚餐後，一直未有機會再同枱食飯。昨日就相約去共聚晚飯，餐廳揀選了比較近我們的金子半之助，一間有日式刺身，又有日式料理的餐廳。食物高質正宗，即叫即制作，全部炸物都熱騰騰的，食時有咔嚓咔嚓的外脆聲音，裡面的食材軟身得來，帶有水份，炸的火喉拿捏得恰到好處，保留到食材的鮮甜和原有汁液。不論是$12炸溫泉蛋，還是$28炸帆立貝魷魚天婦羅餅，都好好食。$38赤蝦刺身，原隻大大的，通透的蝦身，未食已經覺吸引。光澤包圍着整隻蝦身，入口鮮甜好食。柔軟而富有彈性的口感瀰漫着整個味蕾。$108車海老壽司卷，一碟大人小朋友都愛的款式。壽司卷大小適中，海老炸得剛剛熟的狀態，彈性而嫩滑的口感很豐富。外層的薄脆和醬汁，令整個車海老壽司卷增添味道層次感。$118 迷你天丼 & 蕎麥麵 （另加$10牡蠣）一個套餐有天丼又有蕎麥麵食，很豐盛的感覺。蕎麥麵清新的風格，配合有炸物的丼飯，兩者食完剛剛好，不會太油膩而且好飽肚。附帶的小食柚子漬物都幾特別，爽口而多汁，微微的柚子香，令清新感澎湃。（小補充，食蕎麥麵時，餐廳職員隨即遞上一個盛盒，有蔥花，柴魚片等等，為湯麵增添色彩和味道)

小鬼請食飯說要帶我去食好好味日本菜，滿心期待終於到達目的地「奧海城」金子半之助。門口美女姐姐非常有禮貌又親切帶我們入座，還為我們介紹了餐廳獨有黑豆茶。🍵黑豆茶補氣明目滋潤抗衰，女生們要多喝了。小鬼發辦我可免決擇煩惱，細心欣賞一下店舖裝潢，全日系風格潔淨齊整，開放式廚房可以欣賞到每位廚師匠心之作。🫶🏼🫶🏼🍴半之助沙律我哋沙律上的海葡萄吸引到心心眼，海葡萄營養價值非常高，入口帶微酸爽口好食，沙律菜新鮮爽甜，咬一口海老熱部辣外脆內爽口彈牙簡直回味無窮。🍴辣味鮭魚他他拌蛋黃非常別緻前菜，炸香的紫菜帶點微辣，拌上角切吞拿魚同三文魚刺身，再加上青瓜及蛋黃醬，口感非常豐富。🍴海老天押壽司壽司軟糯配上微辣海老，入口暖暖帶微酸辣，越食越開胃。🍴 牡蠣迷你丼配熱烏冬牡蠣肥美肉質柔嫩有豐富牡蠣汁，夾上外層薄薄脆漿同樣越食越想食，熱烏冬可以玩自家配搭，加蔥加木魚加脆脆加海帶盡情享受。直得一提我平時甚少食飯，這碗丼先放溫泉蛋，再加點醬汁撈勻，飯的酸香配上蛋香這碗丼簡直人間美食，不自覺地整碗吃掉。🤭🍴迷你天丼配凍稻庭烏冬天婦羅脆漿薄薄的，入口無比香脆而且不油膩，內層海老肉嫩汁風焦點秘製天婦羅醬汁，滋味簡直去到天花

朋友約我收工去奧海城既新春市集睇下買下野, 所以我地就揀左我地兩個都鐘意食既金子半之助食好野入面既環境都日式為主, 有回到家鄉日本既氣氛, 令我地更有胃口食飯今次我地好認真咁睇下個餐牌, 發現除左我地食開既天丼之外, 其實都仲有好多野可以試下, 咁次我地決定要SHARE新野黎食!半之助沙律-$48D個沙律竟然係用餐廳個名黎命名, 睇黎係佢地既信心之作, 食完就知我地冇叫錯, 沙律菜好新鮮, 口感好好, 而且個甜酸酸甜甜咁, 好開胃, 上面仲有幾隻金子半之助成名既天婦羅蝦, 食完又健康又滿足!車海老壽司卷-$108用壽司飯做外皮去做成壽司, 我鐘意D個口感, 而入面仲有一隻保留到脆度既炸車海老蝦, 口感好豐富, 令人不自覺咁一啖接一啖咁去食燒鹽麴鮭魚&迷你天婦羅御膳-$148友人好鐘意食燒三文魚, 而我都係好想食下金子半之助既天婦羅, 咁我地叫D個SET就岩晒啦, 個燒三文魚既魚肉仲KEEP到好嫩滑, 魚油味好香, 好送飯, 另外仲有個迷你天婦羅, 基本野都齊, 對我黎講最緊要就有隻蝦, D個SET都幾多野食咁, 幾抵食食下見到有張紙介紹下丼碗, 丼碗的碗底部份係空心用來保溫, 我睇我自

2024年11月20日 星期三今日放工後突然間好想食天婦羅丼，所以就同老婆去左奧海城二期既金子半之助食最正宗既天婦羅丼位置好方便，由地鐵奧運站行過嚟只係十分鐘內，全程室內，打風落雨都唔怕，餐廳一行出邊又有巴士站，而且我哋一去到就可以入座，唔洗等位餐牌比起之前食嘅時候更新咗，多咗好多款唔同類型嘅食物，除咗天婦羅丼之後，仲有前菜同壽司提供，所以我同老婆每人叫咗一個set，再加沙律同壽司另外只要每人加$13 ，就可以有任飲放題，可以任飲餐廳提供嘅水果汁同水果茶等咗一陣沙律就首先送到，係半之助沙律，同一般嘅沙律好唔同，除咗有蕃茄同生菜之外，仲有天婦羅蝦同炸脆脆，令到口感即時提升，食落去脆卜卜，又唔會太過油膩，同沙律醬都幾配合呢個係我要既燒鹽麴鮭魚加迷你天婦羅御膳，鮭魚整得好嫩滑，食得到鮭魚嘅鮮味，又唔會太鹹，上面仲有三文魚籽，一齊食口感更加豐富老婆就要左一個天丼，同之前食過嘅水準一樣咁高，炸漿唔算太厚，咬落去脆卜卜，蝦天婦羅嘅蝦肉好彈牙，蔬菜天婦羅炸完仍然有水分，醬汁用嚟送飯一流最後有海老天押壽司，壽司壓成長方形味道更加集中，醬汁食落去酸酸甜甜，同醋壽司幾夾，每一件壽司裏面都有炸蝦，完全唔覺得

金子半之助以天婦羅為招牌，的確值得一試。每個套餐由128蚊起，包括湯和飯，還可以加錢選擇汽水任飲。  刺身方面，味道中規中矩，與一般小店相若。切片不算厚，上碟賣相普通，不太吸引。  天婦羅才是亮點，基本上每枱都集中叫天婦羅套餐。天婦羅蝦和蔬菜炸得非常出色，外皮酥脆，香氣濃郁，入口時帶有輕盈的鬆化感，正宗日本風味。要形容好食嘅天婦羅，關鍵在於炸粉夠薄又均勻，炸得脆但不過油，同時保留食材的原汁原味。  另外，散嗌嘅天婦羅鰻魚亦不可錯過，炸皮香脆帶點焦香，鰻魚肉軟滑多汁，味道層次豐富，是一款令人回味的美味。  

真係好好食！d米煮得啱啱好 粒粒分明 唔會好硬d汁淋落去好好食 唔乾 d天婦羅都唔會淋曬！d炸物超級脆超級新鮮 完全唔油膩 都唔會有陣油味！有時候好怕炸天婦羅好油但係完全唔油膩 超級送飯！最好食係蝦 係好脆好鮮甜！想再食多幾次擺盤都超級好睇 好穩陣另外係刺身 三文魚超級新鮮好肥嫩 超級好食！成日都好怕三文魚好膩自己本身都好少食三文魚但係呢個三文魚食得好盡興！抹茶蕨餅都好好食！會再次光臨！員工服務態度好好！食得好開心！！！

很久沒有吃日本天婦羅，所以今晚我和老公特意到了奧海城的金子半之助用膳。半之助沙律先來一個前菜，給我們開胃，選了這個蝦沙律，沙律菜勁新鮮，蝦的肉質不錯，很彈牙和甜甜，還有配上沖繩的海葡萄，更顯日本風味。海老天押壽司海老的鮮味與米飯的香甜完美融合，賣相精緻，日本醋為壽司提昇了整體的味道層次。燒鹽麴鮭魚 天婦羅御膳這道菜的三文魚燒得剛剛好，微焦的，啖啖富油膩香味，肉質包滿而且鮮嫩。上面還有滿滿的三文魚子！天婦羅用日本特製高級胡麻油炸的，所以看上去色澤會較深，食落特別香。附上的天婦羅古早秘傳醬汁，更能呈現江湖時代的風味，其濃郁卻不搶天婦羅的風頭！總的來說，今晚的用餐體驗讓我不禁讚嘆，金子半的料理巧妙地將每一種食材的特性發揮到極致，下次一定會encore ！

🔶🔷🔶香港難得有天丼專門店🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。去日本好多時都會食下天丼，咩叫天丼？好簡單，咪就係天婦羅丼飯。但係香港就好似比較少專食天丼嘅餐廳，直到出現呢間 - 金子半之助。可能市場競爭比較少，開下開下都有好幾間分店，亦都證明有實力。半之助沙律（$48）先食個沙律，既然係天婦羅專門店，沙律都加有大蝦天婦羅。海老天押壽司（$88）押壽司正正方方咁，份量都幾大，食完呢幾舊重量級壽司其實都幾飽。燒鹽麴鮭魚迷你天婦羅御膳（$148）呢個御膳好豐富，有燒三文魚同幾款天婦羅，三文魚好滑，上面仲放有三文魚籽，天婦羅都炸得好好，炸漿厚薄岩岩好。@hannosuke.hk 。📍金子半之助 (奧海城二期) (大角咀)大角咀海庭道18號奧海城二期地下G29-G30號舖

- 迷你海老天丼＆北海道產蕎麥麵（溫）🍤🍜 Shrimp Mini Tempura Rice Bowl & Hokkaido Soba (Hot)天丼配料(Tempura Bowl)：菇菌(mushroom)、海老(shrimp)、南瓜(squash)、海苔(seaweed)、溫泉蛋(soft-boiled egg)、莢豌豆 (snow pea) 海老炸到金黃酥脆，菇菌多汁，南瓜香甜！溫泉蛋流心拌飯超邪惡～ Crispy shrimp, juicy mushrooms, sweet squash! Runny egg yolk coats every bite- 北海道蕎麥麵（溫）Hokkaido Soba (Hot):： 湯頭清澈帶柴魚香，蕎麥麵口感彈牙，自由加 5款配料：蔥花、海藻、鰹魚花、天婦羅碎、溫泉蛋！拌入蛋汁更濃郁✨ Clear dashi broth with chewy soba noodles. Customize with 5 toppings: scallion, seaweed, bonito flakes, tempura flakes, soft-bo

日本人氣天婦羅專門店，開業一段時間依然好有人氣，餐牌、環境以至味道都高度還原日本風情🎈半之助沙律沙律賣相好靚仔，竟然有海葡萄夠晒誠意👍🏾新鮮翠綠嘅沙律菜上面鋪上金黃香脆嘅炸海老🍤及灑上天婦羅脆脆，口感滿分🎈松花堂御膳擺盤100分好有儀式感，性價比極高，分別有軟殼蟹、南瓜、蓮藕、莢豌豆🫛及小柱魷魚天婦羅餅配有季節小鉢，包括玉子燒、迷你沙律、刺身、浸漬茄子等，食得超滿足除咗酥香嘅軟殼蟹，魷魚天婦羅餅都好有驚喜，外層香脆內裡肉質juicy彈牙，厚肉得嚟好有口感🎈鹽焗燒鮭魚迷你天婦羅御膳有鹽燒三文魚，又食到招牌嘅天婦羅，呢款最適合三心兩意的朋友燒三文魚油脂豐富，魚肉香甜啖啖肉，帶點柚子香，味道微酸好開胃配有迷你天婦羅，包括蝦、南瓜、金菇及荷蘭豆，天婦羅金黃香脆，點日式蘿蔔蓉醬汁，滿滿日式風情

❣️ 日本人氣天丼過江龍，天婦羅必食，即叫即炸👨‍🍳 盛合料理精緻🍱 主打天丼、烏冬、蕎麥麵、壽司等🍣 亦可自由配搭多款天婦羅炸物🍤 環境舒適，味道正宗👍🏻🌟松花堂御膳（車海老） 🦐 配烏冬🍜 $196季節小鉢、天婦羅（南瓜、蓮藕、小柱魷魚天婦羅餅、車海老、莢豌豆）、玉子燒、迷你沙律、刺身、浸漬茄子🍆🌟冷烏冬配野菜天婦羅🥦 $136 ‼️推薦‼️🌟 軟殼蟹鮭魚子壽司卷🦀 $108

差不多次次黎奧海城都會食呢間，食物質素高好好味，service 又很好，就算多人都唔洗搭枱。環境乾淨舒適，見到員工清潔枱面沙發椅子都非常認真。有一次食飯時我自己跌左隻天婦羅蝦係枱，無得食🥲 。員工見到竟然補返隻蝦俾我😊😊，完全出乎我預料之外，所以決定出呢個post!整體來說，食物，環境，服務都非常好。We almost always eat at this restaurant whenever we visit Olympian City. The food quality is excellent and delicious, the service is great, and even when it's crowded, we don’t have to share a table. The environment is clean and comfortable, and I’ve noticed the staff meticulously cleaning tables, sofas, and chairs. Once during a meal, I accident

喺奧運站行街，去左奥海城嘅金子半之助食晚飯，係天婦羅專門店，用上日本特製高級胡麻油，炸出嚟嘅天婦羅香味濃郁。 半之助沙律 $48開胃，沙律清新爽口，配埋炸得金黃香脆嘅天婦羅碎，咬落去又香又脆，仲帶少少和風醬嘅酸甜味，食完即刻醒胃。  海老天押壽司 $118創新又好味！炸蝦同紫蘇葉壓成壽司，蝦天婦羅脆卜卜，帶住紫蘇嘅淡香同秘製醬汁嘅鹹甜味，一啖入口，層次感爆棚。迷你天丼（牡蠣）&稻庭烏冬 $128牡蠣炸到外層酥脆，內裡仲係鮮嫩，配埋唔會太甜嘅天丼醬汁，正。再嚟碗熱辣辣稻庭烏冬，有幾款配料可以加，再加埋溫泉蛋，口感多樣，麵條煙韌彈牙，吸滿咗清爽嘅湯汁，配搭天丼啱啱好。  天丼$98天婦羅有菇菌，海老，南瓜，海苔再加隻溫泉蛋，入面嘅天婦羅蝦大隻又香脆，胡麻油嘅香氣滲晒入每一件天婦羅，炸得不算油膩，加埋天丼醬汁，食到尾依然好滿足。

YOLO！正所謂人生在世咩都要試吓，何況食？平時絕少試油炸菜色嘅我，今日坐言起行同朋友去咗有「日本第一天丼」之稱嘅「金子半之助」試吓佢地嘅天婦羅丼飯，聽講佢地用嘅丼飯醬汁係三百年來從不外傳嘅古老秘方。揭了揭餐牌就決定嗌價值 $118 嘅《二丼•麵》套餐 (包括：迷你丼 + 稻庭烏冬/北海道蕎麥麵)，怕唔夠飽，所以追加了《鮭魚親子天押壽司》。唔洗10分鐘，侍應好優雅地將一大盤野放喺我地面前，我就睇住嗰碗迷你丼懷疑咗 20 秒人生：究竟甚麼是「迷你」呢？不過，話說回來，又幾好食都...食得哂。醬汁當然超正，但值得一提是那舊乜乜菇菌天婦羅，口感幾特別，爽脆多汁唔太油膩，值得一試。至於鮭魚押壽司，簡直醋味十足，都幾...特別。總括而言，金子半之助嘅天丼的確可以用「美味」來形容，咁嘅價錢有咁嘅份量算幾抵食。餐廳環境乾淨舒適，唯坐位不算太寬敞但可理解。