INN - I’m Not Nothing

Open Now

Now Closed

INN - I’m Not Nothing長沙灣道883號億利工業中心2樓203號舖🥰今日去D2 place附近學畫畫🎨🖌️，所以約埋朋友去咗長沙灣地鐵站附近間"I'm nothing"食咗嘢先，真係有啲驚喜！ 🍗頭盤叫咗香脆炸雞翼伴辣味蕃茄莎莎，雞翼炸得啱啱好，外皮好鬆化脆卜卜，入面肉質仲好juicy。個辣味蕃茄莎莎好開胃，微辣帶少少酸，同雞翼好夾，食完即刻想encore！ 🥗沙律叫咗巴馬火腿煙三文魚檸檬香草沙律，淨係個名已經夠fancy。巴馬火腿鹹香得嚟唔會太搶，煙三文魚好新鮮，加埋檸檬香草汁，成個沙律好清新，食完炸雞翼都即刻解晒膩，正！ 🍛主菜係燒八爪魚墨汁意大利飯，真係要畀個like！八爪魚鬚燒得啱啱好，煙韌得嚟又爽口，咬落去仲有少少焦香。個墨汁意大利飯煮得超有水準，飯粒中間有粒硬心，口感一流，仲好掛汁，入面仲有啲菇同洋蔥絲，每一啖都充滿墨魚嘅鮮味，真心推介！ 🍮甜品係tiramisu，咖啡同酒味平衡得好好，mascarpone芝士夠滑，lady's finger濕潤度啱啱好，唔會太濕或者太乾，為成餐飯畫上完美句號。 🥰總括來講，呢間餐廳食物質素都幾高，原來佢係Roya

有朋友咁啱喺荔枝角返工，聽佢講有間樓上Cafe唔錯，所以我哋放工就過嚟試菜。我哋嗌咗一個套餐，入面就包咗個龍蝦湯同埋四隻扇貝。個龍蝦湯入面真係有龍蝦🦞肉證明好足料，而且好鮮甜。個扇貝都好有咬口，證明好新鮮。個套餐亦都包咗兩個主菜，我哋嗌咗一個鮮蝦意粉同埋龍脷柳。個意粉唔會好漏份量啱啱好👍🏻個龍脷柳好滑同啲薯蓉嘅配搭好好味。甜品方面，原來用OpenRice訂座可以享有半價甜品優惠，簡直滿足女人鍾意食甜品嘅願望。我哋嗌咗兩款班戟，一個係抹茶紅豆，另一個係芒果班戟。啲芒果係新鮮嘅唔會好酸。個綠茶都唔會太苦同啲紅豆好夾好好食。😆間餐廳仲好有懷舊嘅氣氛會播一啲懷舊嘅英文歌同埋用投影器播一啲舊嘅西片，我同朋友都可以坐得好舒服，同埋可以靜靜地咁傾偈。係一個好有特色嘅Cafe📺

除咗觀塘，其實荔枝角都有唔少隱世工廈餐廳，今次就走到 INN - I’m Not Nothing，一間充滿歐式風格嘅餐廳享用晚餐。店內裝潢走偏歐式復古風，燈光昏黃而柔和，播放著黑白歐洲電影，整體氛圍充滿格調，令人放鬆。北海道帶子菠菜意大利飯飯粒選用正宗意大利米，口感煙韌富嚼勁，菠菜帶來清香，平衡咗整體味道，而帶子煎得香口，外脆內嫩，鮮味十足，層次相當豐富。慢煮西班牙黑毛豬鞍架伴香桃醬黑毛豬鞍架煮得恰到好處，肉質鮮嫩多汁，唔會韌，帶少許油脂，配上香桃醬更添果香，酸甜平衡，亦中和肉既油膩感。Crepes-法式班戟藍莓紅豆抹茶忌廉班戟，班戟質感煙韌，抹茶味濃郁而不苦澀，配上綿密嘅紅豆餡，甜度啱啱好。

係荔枝角D2附近發現一間樓上工廈cafe西餐廳，好少見有得食Crepes 嘅餐廳🩷位置好寬落，燈光音樂都好放鬆！好適合同朋友去一齊傾計chill chill✨★燒美國去骨野雞仔伴檸檬牛油汁 $218蛋白質滿滿♥️有成隻雞份量!! 有兩隻雞髀，唔使爭xd！雞肉新鮮好嫩滑，連雞胸都唔柴～檸檬牛油汁微微酸開胃，蘆筍一啲渣都冇♡★燒八爪魚墨汁意大利飯 $148八爪魚用鹽煎，唔算好腍但低脂高蛋白之選！risotto 做到飯心硬的特性💛調味啱啱好，墨汁好濃稠好香！★Crepes 藍莓紅豆抹茶忌廉班戟$88以為會係原味班戟加抹茶粉，原來係抹茶味嘅班戟♡好多紅豆粒+新鮮藍莓，同抹茶好夾！如果再脆身啲就更好食！仲可以加$18雲呢拿雪糕

呢間一直係我bucket list嘅餐廳，終於有機會去喇!裝修同埋氛圍❤️❤️❤️✨#foodieintern學英文👩🏻‍🏫 燒美國去骨野雞仔伴檸檬牛油汁🐓雞肉好juicy，肉質好鮮嫩，啲肉已經切開咗少少，骨肉分明。我再切嘅時候，已經好容易落刀啖啖肉，再點上佢嘅檸檬牛油汁，唔會太酸太油，味道啱啱好。佢仲有啲薯蓉伴碟，好正北海道帶子菠菜意大利飯🍚帶子煮得恰到好處，唔會太硬，又唔會唔熟綠色嘅菠菜打成蓉，撈埋啲忌廉，好易入口意大利飯係正宗嘅做法，所以會有少少硬。（如果鍾意食冧啲嘅朋友，可以叫佢煮冧啲）芒果熱情果Crepes 🥭 甜甜酸酸嘅芒果同熱情果配搭暖暖嘅Crepes，仲有啲士多啤梨同cream。呢個經典嘅組合作為一餐嘅完結，簡直係一流呀！#INN #imnotnothing #荔枝角美食 #laichikok #laichikokfood

為咗慶祝呢個long weekend，收工即刻約咗朋友去食飯！今次揀咗一間喺荔枝角嘅西餐廳，上到去非常有驚喜。餐廳行復古風，唔算好大，但入面好有氛圍感。🦀牛油香煎蟹餅伴芒果莎莎 $138前菜首先叫咗一個蟹餅，外皮炸得好香好脆，入面係好有口感嘅蟹肉絲。加埋上邊有啲酸酸甜甜嘅芒果同埋三色椒，個味道非常夾。推薦！🐟香煎盲鰽魚柳拌帶子拼刁草忌廉汁 $208主菜方面就揀咗一份魚柳，份量都幾多，兩個人share食啱啱好。魚柳係無骨嘅個皮都煎得好香，唔會腥。帶子好彈牙。伴菜嗰個薯蓉都做得很不錯。👍🏻🐙燒八爪魚墨汁意大利飯另外仲叫咗一個意大利飯，上面有幾隻八爪魚腳，椒鹽調味，味道好香口，燒得好好食。意大利飯就鹹鹹地，唔會太濕。💰人均消費HKD300

今晚到荔枝角學畫畫，晚餐揀選了這間佈局精緻的小餐廳。餐廳在工廈內，裝修雅致，簡約清新，昏暗的燈光配合柔和的音樂，牆上的大電視播放着懷舊西片，整間餐廳的氣氛很舒服，很relax。蕃茄濃湯蕃茄湯的酸甜感明亮自然，濃稠度剛剛好，質地綿密帶微顆粒感，上面的cream令湯更濃稠綿滑。牛油香煎蟹餅伴芒果莎莎蟹餅金黃酥脆，煎製火候得當，有濃濃的牛油味。蟹肉鮮甜突出，外脆內濕潤，咀嚼時有輕微彈性。上面搭配紅椒、香菜、青檸汁，酸甜清爽帶微辛和甜甜的芒果，口感爽脆多汁，完美中和蟹餅的油膩感。  檸檬忌廉炒蝦蝦肉很鮮味，忌廉奶香濃郁，蝦仁彈牙緊實，醬汁很濃稠度適中，配脆脆的酸種麵包，麵包沾醬汁，十分好味。北海道帶子菠菜意大利飯帶子表面煎至焦糖化，內裡半透明嫩滑，意大利飯米芯保留Al dente（微硬芯）口感，菠菜汁配上忌廉，帶子的海洋鮮味與菠菜的 earthy 風味互補，飯體濕潤度亦剛剛好。這間餐廳無論裝修或食物都呈現現代歐陸料理的細緻風格。是喜愛西餐的我的不二之選。

荔枝角工業大廈隱藏了一家很美的餐廳，餐廳的每一個元素都是精心搭配，無論是色彩還是裝飾，都很值得打卡！### 煙三文魚龍瑕汁菠菜手工幼麵幼麵的質感柔滑，彈性十足，幾片大片的煙三文魚做成一朵花，散發出淡淡的煙熏香氣，令每一口都充滿層次感。龍瑕汁加入到麵中，令麵條增添了豐富的海鮮鮮味，新鮮的菠菜不僅增添了鮮綠的色彩，還帶來了清新的口感，健康又美味！### 卡邦尼手工卷意粉有幾塊煙肉，既有煙肉的鹹香，又有奶油的圓潤，形成了一種讓人難以忘懷的味道！### 雜莓奶昔口感順滑，入口即化。當混合各種莓果時，酸甜可口，在口中釋放活力！### 西柚檸檬西柚的酸甜滋味，檸檬的清新，讓人瞬間提神醒腦。

呢間餐廳係喺工廈入面，真係有啲隱世feel，一入到去就有啲驚喜。裝修好靚，簡約但又唔失溫馨，燈光柔柔地，氣氛好舒服，成個環境都好chill，好啱情侶嚟浪漫一下，或者閨密一齊傾吓心事打卡影相✅黑松露薯條配巴馬臣芝士一上枱就有陣超香嘅黑松露味飄過嚟，好吸引！薯條炸得金黃香脆，鹹香味唔會太over同黑松露個香氣好夾。食落去真係好滿足，邊食邊傾偈都可以keep住手停唔到口！✅燒八爪魚墨汁意大利飯呢道菜好有水準！八爪魚燒得啱啱好，表面微焦帶少少炭香，咬落去唔硬，彈牙又juicy，唔會有啲腥味嗰啲feel，處理得乾乾淨淨。墨汁飯又係另一亮點，米粒煮得啱啱好，唔會太硬或者太濕，一啖啖都吸滿晒墨汁嘅鮮味，帶啲海洋嘅鹹香，勁有層次感✅香煎盲曹魚柳伴帶子配刁草忌廉汁一上枱已經好吸引，擺盤靚到你想拎部手機出嚟影相先！盲曹魚柳煎到外面香脆，入面嘅魚肉超嫩滑，咬落去係入口即化嗰種feel，冇一啲腥味，質素好高。至於帶子，煎得靚靚地，外層微脆，入面又嫩又juicy，咬落會有啲鮮甜嘅汁流出嚟，好正！至於刁草忌廉汁，味道比較濃郁，帶住啲香草清香同奶油滑滑嘅口感，係一個好match嘅配搭

荔枝角工廠大廈入面隱世西餐廳環境望落乾淨舒服，裝修設計有種歐式風格幾有格調。幾鍾意餐廳職員著西裝感覺有種高級感，而且服務真係好好燒八爪魚墨汁意大利飯 $148墨魚汁好濃，飯粒有口感，軟硬度OK。墨魚汁鮮味夠香仲有D鹹香。八爪魚腳補燒香過，燒到焦焦地好脆，肉身有咬口幾爽彈。慢煮西班牙黑毛豬鞍架伴香桃醬 $248擺盤用心好靚，慢煮豬鞍架肉夠淋身，肉味幾香，仲保留到肉汁。香桃醬酸酸甜甜加落個肉到食都幾match。配菜另外跟左薯皇同D蔬菜。Avocado Smoothie $58飲落好厚身，牛油果味道好香，幾鍾意飲落夠滑夠香，而且奶味唔係特別重

我哋揀咗平啲嘅 Express Lunch， 同 Premium Business Lunch 嘅分別只係個 main course 唔同, 同樣可以加18蚊Set Lunch Combo，一樣有沙律或者湯再加28蚊以下嘅飲品。是日餐湯係忌廉粟米湯，我覺得鹹咗啲，個人感覺好似田園沙律好啲因為有位同事係素食者， 值得一讚係經理非常之貼心，特別為佢安排咗有兩個選擇，同事就揀咗呢個牛肝菌意大利飯，另外一個好似係蕃茄意粉之類，我唔係太記得喇。值得再讚嘅係仲可以跟lunch set價錢@$108， 講返個牛肝菌意大利飯嘅味道先，我有食咗少少，好重菇味，好香，個飯好好食，如果下次再有機會可以揀依個，我都會跟我同事order依個飯，希望可以加入去正式lunch set menu嗰度我嗰日就揀咗 All Day Breakfast @$108， 因為有好多種唔同嘢食，啱曬我呢啲心大心細嘅人另外3位同事就揀咗 燒美國豬肉眼扒@$118，睇落個賣相幾靚，我冇食過，但只有1位同事嘅豬扒有肉汁，其他兩位同事嘅豬扒有啲乾。

中世紀歐風設計的餐廳環境舒服🔻黑松露薯條配巴馬臣芝士 ($78)呢個薯條竟然唔油🥹 負擔感大減份量都算多 唔點醬都好夠味😌🔻 燒八爪魚墨汁意大利飯 ($148)八爪魚好香口意大利飯口感偏硬身 粒粒分味加了蒜味好出色！🔻慢煮西班牙黑毛豬鞍架伴香桃醬 ($248)好大塊的豬扒🤤🤤 肥既位置特別正 好邪惡香桃醬解膩一流 易入口☺️🔻肉桂蘋果crepes ($88)一上枱香氣撲鼻賣相靚 肉桂味不會好誇張餡料足 是幸福的味道🥰來到必須點一份crepe!!

餐廳行法式休閒風，設計、傢俬同埋背景音樂上邊都營造一個好法國同埋好舒服嘅感覺。聽住法國Relaxing有feel嘅音樂，睇住黑白法國電影食飯真係令人覺得突然之間去咗法國旅行。餐廳好適合約埋朋友聚餐、傾偈、chill吓。燒八爪魚墨汁意大利飯$148 意大利飯做得非常出色，唔好俾黑色嘅墨汁醬嚇親而唔掂呢一個主菜。佢個醬加埋Parmesan cheese 、低調嘅蒜香味同埋蕃茄base，味道非常之豐富。八爪魚有油炸，過鮮上碟，脆脆香香嘅外層非常可口。而且微辣嘅調味都帶出八爪魚嘅鮮味。見到咁大size嘅八爪魚腳食得好過癮。肉桂蘋果杏仁片焦糖忌廉班戟$88 食完飯建議大家必點呢一個甜品！蘋果嘅酸酸果香味refresh 味蕾，令到你雖然好滿足感，食完主菜都好有胃口以甜品作為完美嘅句號。肉桂同埋蘋果呢一個配搭真係絕配，肉桂低調而且沉實嘅香味加埋堅果味道嘅杏仁片令到個甜品味道好多元化。

呢間餐廳嘅環境真係好有格調，無論係朋友聚餐，定係浪漫約會都啱晒！燈光柔和，坐得舒舒服服，啲背景音樂又唔會太嘈，好易令人成個心情放鬆。8安士安格斯西冷牛扒伴牛油燒龍蝦
 叫咗五成熟嘅牛扒，燒得啱啱好，內裡仲保持到啲肉汁，啖啖鮮嫩。至於龍蝦，真係不得了！隻隻夠大隻，蝦肉爽彈多汁，仲帶少少燒香味，配埋個牛油汁，真係食得停唔到口。側邊啲配菜吸收晒啲肉汁同牛油汁，連埋一齊食都係一樣咁好味！大蜆香草忌廉扁意粉
呢個意粉真係幾驚喜，啲大蜆唔單止量多，鮮甜得嚟啱啱好。香草忌廉汁令到成碟意粉味道好有層次，Creamy 得嚟又唔會太膩，連平時唔係太鍾意食意粉嘅人都忍唔住一啖接一啖。青檸薄荷梳打
飲品方面，呢杯青檸薄荷梳打真係食完重口味嘢嘅救星！青檸同薄荷份量啱啱好，飲一啖即刻解膩，仲帶嚟陣陣清新感，成餐飯完美收尾。

+$18轉餐湯我同男朋友揀左粟米湯 ，粟米粒好甜，帶有香草味，湯既口感適中，涼涼地既天氣最適合就飲碗湯All day $108最欣賞係沙律菜份量適中，唔會過多而減少其他食物既份量，最推薦係麵包同香草腸，麵包用左牛油去烘既酸種麵包，口感十分之脆，香草腸就好濃味同好多汁煙三文魚龍蝦汁菠菜手工幼麵 $108份量多，擺盤好靚，用煙三文魚整咗個玫瑰花，好有心機，而龍蝦汁既味道唔會過濃，再配煙三文魚鹹味岩岩好，加埋香菇增加口感，而自家制既麵麵十分卦汁Ice mocha $52男朋友揀左ice mocha,甜度適中，唔會巨甜Avocado smoothie $58我就揀左牛油果奶昔，味道好清新，飲完唔會有負擔，不過就好飽整體而言，餐廳位於工廠大廈，成個裝修偏歐式，而每台枱有黃色花花，配輕鬆既音樂，令人有慢活人生既感覺，十分舒適，而食物份量巨大份，超飽，十分適合大食人士！