INN - I’m Not Nothing

Open Now

Now Closed

餐廳行法式休閒風，設計、傢俬同埋背景音樂上邊都營造一個好法國同埋好舒服嘅感覺。聽住法國Relaxing有feel嘅音樂，睇住黑白法國電影食飯真係令人覺得突然之間去咗法國旅行。餐廳好適合約埋朋友聚餐、傾偈、chill吓。燒八爪魚墨汁意大利飯$148 意大利飯做得非常出色，唔好俾黑色嘅墨汁醬嚇親而唔掂呢一個主菜。佢個醬加埋Parmesan cheese 、低調嘅蒜香味同埋蕃茄base，味道非常之豐富。八爪魚有油炸，過鮮上碟，脆脆香香嘅外層非常可口。而且微辣嘅調味都帶出八爪魚嘅鮮味。見到咁大size嘅八爪魚腳食得好過癮。肉桂蘋果杏仁片焦糖忌廉班戟$88 食完飯建議大家必點呢一個甜品！蘋果嘅酸酸果香味refresh 味蕾，令到你雖然好滿足感，食完主菜都好有胃口以甜品作為完美嘅句號。肉桂同埋蘋果呢一個配搭真係絕配，肉桂低調而且沉實嘅香味加埋堅果味道嘅杏仁片令到個甜品味道好多元化。