日作食堂

Open Now

Now Closed

之前有喺日作食堂食過早餐都唔錯，今次試埋 Lunch. 叫咗厚切北海道豚肉定食，野菜安格斯牛壽喜燒定食同咖哩和牛漢堡定食同一堆小食，有雞皮餃子，炸雞軟骨同一份南蠻炸雞。小食出得好快同好夠熱，炸雞軟骨 size 有啲細，唔係 serving size, 係啲軟骨本身比較細粒，但係夠味又夠脆。雞皮餃子好夠味，賣相都好好，不過唔夠脆，可能本身就唔應該係脆，但係脆皮會香口好多。南蠻炸雞好食，必點。主食漢堡同壽喜燒出得夠快，不過吉列豬扒就耐咗少少，啲小食冇哂先上，最後個甜品就正常嘢。

最近到訪了一間名為「日作」的日式餐廳，這一餐的體驗真是讓人驚艷，從主菜到甜點，每一道菜都充滿用心，讓人感受到日式料理的細膩與溫暖。首先登場的是主菜——免治牛肉漢堡扒，搭配一團滑嫩的炒蛋，淋上濃郁的日式醬汁，旁邊還有西蘭花和紅薯等配菜。漢堡扒煎得外皮微焦，咬下去時肉汁四溢，牛肉的鮮味與淡淡的黑胡椒香氣完美融合，口感細膩又多汁。炒蛋則是這道菜的亮點，捲成一團，質地柔軟滑嫩，蛋香濃郁，與醬汁拌在一起後更加入味。醬汁帶有微甜的醬油風味，濃而不膩，與漢堡扒和炒蛋搭配得天衣無縫。旁邊的西蘭花清爽脆口，紅薯則軟糯香甜，為整道菜增添了豐富的口感層次。套餐還包括一碗味噌湯，湯底濃郁卻不鹹，帶有淡淡的豆香，裡面有滑嫩的豆腐和海帶，喝下去暖胃又舒心。小菜方面，有清爽的醃黃瓜，酸甜開胃，還有醃漬白蘿蔔，口感脆嫩，帶點微甜，完美平衡了主菜的濃郁風味。另外還有一份炸蝦，外皮酥脆，蝦肉鮮嫩多汁，搭配少許紅蔥絲點綴，增添了香氣，吃起來一點也不油膩，令人回味。餐後的甜點更是驚喜連連！「日作」落單點了四款精緻甜點：抹茶蛋糕卷、草莓蛋糕卷、芝士蛋糕和焦糖布丁。抹茶蛋糕卷外層抹茶粉香氣濃郁，內餡奶油滑嫩，抹茶的微苦與奶油的甜

推開門瞬間彷彿踏入日本喫茶店，原木吧檯、復古學生椅、體育室小鞍馬、古董櫃上的懷舊可樂瓶。綠植點綴其中，搭配充滿大自然氣息的原木家具，營造出舒適放鬆的氛圍，讓人忘卻身處繁忙的工業區。🍣 日作鮪魚丼大拖羅 如奶油般在舌尖化開，油花甘甜帶淡粉光澤 。中拖羅筋位處理得宜，脂肪與魚肉比例完美。配菜芽菜椰菜小碟爽脆解膩。私心推薦加點凍焙茶牛奶，茶香醇厚。🍛 白家制蘋果咖哩和牛漢堡手打和牛漢堡七成熟鎖住肉汁。秘製咖哩加入青蘋果熬煮，甜酸中藏著日式咖哩粉的香。搭配紫蘇青蘋果綠茶🍵紫蘇的草本香氣獨特。【日作食堂】📌觀塘鴻圖道63-65號鴻運工業大廈地下A號舖

咁啱嚟開觀塘駱駝漆呢邊行吓shopping完，Feel到有啲肚餓，行多5min. 就嚟到一間外觀好Chill嘅餐廳。基本上呢間餐廳外觀已好attractive, 仲估唔到加埋入面嘅interior 環境好特色，感覺正到飛起～小學凳、黑板、體操跳箱… 個黑板仲有Chiikawa加持～呢晚想食飽少少，想食暖少少，所以揀咗個豚肉鍋。豚肉味道一流，加上個鍋係有爐底keep住熱力，嗰種溫暖感，very nice~如果下次再嚟開觀塘，或者會再嚟呢間試埋其他美食。

開源道打工仔有福了，呢間日作食堂地方夠大，坐得好舒服，早餐$48起，包咖啡或玉露茶仲可以免費無限添飲特選和洋風全日早餐 $88西式all day Breakfast食得好多，呢間日式風格係幾特別，主菜可以雞扒、吉豬、吉魚三選一，配菜除咗常見嘅乳酪、炒蛋、沙律菜、牛油多士，仲有味付骨腸、炸忌廉蟹肉薯餅，款款高質真係有日本嘅感覺😍汁燒安格斯牛肉黑蒜油濃厚豬骨湯稻庭烏冬 $58牛肉係薄切片，但腍滑唔韌，黑蒜同豬骨味好平衡，唔會太鹹，稻庭烏冬軟滑彈牙早餐可以以優惠價加配小食，ADB都有嘅忌廉蟹肉薯餅 $12 勁軟滑，真係食到絲絲蟹肉，雞皮餃子 $15 係我食日本嘢見到必點嘅項目，咬落爆油，雞皮同豬肉都好滑😱抹茶牛奶 $14 唔算好重抹茶味，但牛奶夠香滑都唔錯，不過加錢叫特飲，反而冇得添飲，下次坐得耐的話叫玉露茶仲抵😌棉花糖特濃可可 $14 可可濃香甘甜，棉花糖慢慢溶咗撈埋勁香滑

今日同朋友去咗一間日本餐廳，真係好有驚喜！呢間餐廳嘅食物質素好高，每一道菜都令人回味無窮。首先，試咗個「日作厚切吉列北海道豚肉眼扒定食+溫泉蛋」，真係好正！豚肉眼扒厚切得嚟炸得啱啱好，外皮金黃酥脆，入面啲肉好嫩滑，仲有肉汁添！配埋個溫泉蛋，撈埋飯一齊食，真係好滿足，完全係幸福嘅感覺！跟住試咗個「日作鮪魚丼（赤身、中拖羅、大拖羅、吞拿魚腩碎）」，真係好新鮮！赤身魚肉鮮甜，中拖羅同大拖羅油脂豐富，入口即化，吞拿魚腩碎就增添咗啲口感，整體配搭得好完美，食落好有層次感，真係令人食到停唔到口！甜品方面，個「日式芝士蛋糕」真係好出色！芝士味濃郁得嚟又唔會太膩，口感好滑，食完之後仲想再encore！最後飲咗杯「冷日式玉露茶」，茶味清香，飲落好舒服，完美咁為成餐畫上句號。呢間日本餐廳嘅食物質素好高，味道正宗，服務又好，絕對係香港必食嘅日本餐廳！下次一定會再嚟！

每次經過呢間餐廳都俾佢特別既裝修吸引著！充滿日系氛圍，而且用上木系傢俬，感覺係觀塘呢個繁忙鬧市中既一點清泉🥰日作厚切吉列北海道豚肉眼扒定食定食有齊前菜及味噌湯～豚肉眼扒冇花假，堅厚切！炸得剛剛好，keep 到肉質鮮嫩👍👍配上吉列醬完全唔會膩❤️北海道白金豚肉鍋150g（美肌豆乳昆布湯）冬日限定有幾款鍋物，我就選擇左豆乳湯。清得來充滿豆乳香，同豚肉好match!!另外配上大量蔬菜同稻庭烏冬，好夠飽☺️南蠻唐揚炸雞必食！炸得好香脆，雞又夠滑，個蛋黃醬係重點，要沾勁多🤣沖繩海鹽雪糕球奶味偏重既雪糕，但入到口又會有淡淡的海鹽味，好得意😎

 觀塘食完可以encore，又唔係連鎖既餐廳，個人覺得唔多，今次食呢間除左野食好味，入面既裝修同擺設都係另一個加分位🤩講野食之前，一定要比大家睇下店家既自家粉筆畫先，有chiikawa🥰陪住大家用餐，歡樂感直接拉滿！😝定食就叫左兩個，第一個係蘋果咖哩和牛漢堡旋風蛋定食 🍔🍛🍳🍚🥢個和牛漢堡扒JUICY到爆，肉汁豐富，七成熟真係岩岩好！🤤 配埋個蘋果咖哩，甜甜哋又帶啲咖哩香，正！仲有旋風蛋喎！滑嘟嘟咁，撈飯一流！🍚🥢 成個定食份量十足，有湯有配菜，堅係抵食！😌另一個係三文魚親子丼 🐟🐟🐟🍚鍾意食三文魚嘅朋友仔千祈唔好錯過！大大舊肥美嘅三文魚刺身，入口鮮甜，油脂分布平均，😍 加上粒粒晶瑩剔透嘅三文魚籽，卜卜脆咁，口感一流！個人評價最高就係海膽，一百蚊左右既set有海膽食，仲要係鮮甜唔係hea你既，係邊到搵？！😆跟餐叫左兩杯野飲，分別係水果冰茶同蜜桃梳打氣水。水果冰茶，酸酸甜甜咁，好fresh！🍹🧊 入面仲有好多唔同嘅水果，好似士多啤梨、橙、檸檬等等，好足料！🍓🍊🍋蜜桃梳打就啖啖都充滿蜜桃嘅香味，加上梳打水嘅氣泡，飲落去好清爽！最後梗係要食返個甜品啦！🍰🧀 呢個日式芝士蛋糕，口感綿密，芝士味

🤑甜品價錢約$100-200🪑 有d 課室枱枱櫈櫈 仲有騎木馬做裝飾 好似番左學校gum▪️日式西京燒比目魚定食 $178比目魚質素唔錯 有3大嚿魚都幾多 又可以沾下d沙律醬黎食個set仲有d配菜同麵豉湯幾豐富▪️刺身定食 $218有4款刺身gum多 三文魚、吞拿魚、鮑魚、蝦 全部都幾新鮮 👍🏻

麵豉湯好味，超好味。糖心蛋都係超好味佢哋嗰個Outlook都係非常之吸引你令到你食慾大增。但其他嘅主菜呢就睇落去一般般，食落去都係一般般。成個感覺都係一般般。試吓就算啦…不過佢成個個座位setting都幾舒服嘅。

🚩觀塘日式食堂 有特色兼款式多多🚩📍日作食堂位於觀塘工廈區的日作食堂裝潢特別，主要走校園的風格，店內部分座位設有學校常見的小木椅和木桌，讓人有做回學生的代入感。日作食堂作為日式餐廳提供的菜式算多元化，由小食到刺身飯，再到熟食和火鍋，可説是款式多多任君選擇。🍴酥炸吉利廣島蠔 ($68)這個價錢有五隻炸蠔，單是這點已值得推介。咬下去炸蠔多汁又大顆，熟的程度也掌握得非常好，使蠔身能保持嫩滑。除非你是一個人獨自來吃，否則我認為這個是必點。🍴深海火炙丼 ($168)這個火炙丼份量夠大，有鮟鱇魚肝、左口魚裙邊、三文魚、帶子和玉子。個人喜歡火炙刺身是因為魚身經過火炙可逼出油份，吃下去口感更為豐富。但這個火炙丼有一大敗筆，就是醬汁太多，把魚本身的鮮味都給蓋過，使人未能好好嘗到刺身本身的味道，甚至有點把炙燒的心意都給浪費掉。單是這點就令我下次卻步，至少不會再點這款丼。但公平地説，這個丼的飯亦算出色，醋味拿捏得好溫度又好，亦算為它挽回一點分數。

觀塘區收工，朋友帶我去左一間隱世食店😆門面係簡潔日系風，係雲雲工廈之中別樹一格咁亮眼🤩入到去環境極之闊落 枱之間有充分距離仲有好多日本懷舊擺設同裝修 都幾用心 🎏🎎成個感覺好光猛舒服Set dinner 主要係定食同烏冬為主另外仲有刺身同埋各類丼飯冬天仲有限定一人鍋食全部價錢都係$168起 親民價😊炸雞皮餃子$58.0燒雞皮就食得多，呢個係用雞皮做面皮包餃子又幾驚喜，少少煙韌口感 好香口😍份量剛好 唔會話太細太大隻一份有五份CP值算幾高定食一律都包左飯、湯、沙津、冷盤日作吉列雜錦海鮮定食份量超足料！上枱有被嚇到🥹🥹分別有大蝦，帶子，蠔各兩隻！！仲要炸粉唔厚，唔油，好脆配埋個特別醬，有少少甜辣，好開胃😋日式西京燒比目魚定食真材實料，魚好滑，燒得好香而不柴入口鬆化，份量大方，有成三大嚿米飯上面有味素，超好送飯小食都有兩碟Overall 定食套餐好飽好滿足加左$38點左一個 焦糖雞蛋布甸🍮焦糖無死甜 但夠濃🥰布丁蛋香好勁又滑兩杯果茶賣相不錯味道都合格，無特別驚喜綜合水果冰茶 $28茉莉奇異果綠茶 $22意外地食得好滿意的一餐估唔到工廠區都有咁高質的日式店會再keep住黎食。🫶🏻

最近同朋友去咗觀塘日作食堂食飯，入到去真係好正，環境好有日本校園風格，裝修得好靚，好有懷舊feel，就好似返咗去學生時代咁。至於服務方面真係冇得彈。肥哥哥店員好有禮貌，態度親切，仲會主動介紹菜式，令我地食得好開心，感覺好貼心。講到食物，佢推介咗佢地嘅冬日套餐，我同朋友就各揀咗個。北海道白金豚肉鍋，豬肉好嫩滑，湯底好鮮甜，配埋烏冬，呢D天氣食真係暖入心。仲有日作波士頓龍蝦海鮮野菜鍋，龍蝦肉質鮮美，仲有各種海鮮，好足料，同野菜嘅配搭真係一流，食完之後真係回味無窮。仲有二個鍋都有個爐一路加熱, 唔會食食吓D野凍晒, 呢點又係要讚。而佢地嘅飲品亦都好有特色，兩杯都好好飲。總之，呢度真係一個好值得推薦嘅地方，無論你係鍾意日式料理定係想感受一吓文青懷舊氣氛，都一定唔會失望！

同朋友專登出去觀塘食飯，原先係諗住去台灣一間餐廳度食，但係經過呢間嘢門口個外型幾好，傾偈亦都適合，於是我哋選擇咗呢間，冇諗過價錢可以咁貴。佢都唔緊要，好食都OK。但質素同吉野家打邊爐一樣貨色，但價錢貴四倍，前菜凍到阿媽都唔認得，仲要冇乜味道，食咗一舊都冇食到。嗌咗個肥牛一人鍋，質素基本上同吉野家打邊爐一樣，但係要去到二百幾蚊！然後嗌咗個魚飯，條魚幾好食，不過都唔值得二百幾蚊。唔知以為去咗五星級酒店食嘢，吊吊吊仲專登嗌咗杯嘢飲，杯嘢飲個名應該係茶嚟嘅，但係飲落去有少少咖啡嘅感覺，但係好甜。我嘅建議千祈唔好再去！不過如果你想打卡，佢個環境還算好嘅。

在街外被裝修吸引，這餐廳在同區偏貴，今天星期六午餐決定一試。點了牛舌飯定食，再加蘭王蛋。牛舌飯本來偏乾，加了蘭王蛋白及醫油後味道剛好。定食還附送面豉湯，涼拌青瓜和煮蘿蔔。面豉湯味道濃但不會過鹹。飲品點了熱茶，好配合日式定食。此店有供應樽裝汽水，但好像不太搭定食，喜歡樽裝汽水的朋友可以留意。裝修有點像HOW furniture, 沙發、木枱、藍染的布作空間分隔，可能是因為傢俬及用具的關係，定價偏貴。在週末和朋友慢慢地用餐時可以選這家餐廳。