你好椰

Open Now

Now Closed

2020年12月29日 星期二呢排開始左健康生活，想食返啲健康天然嘅食物，希望身體裏面少啲加工食物同調味料，令到成個人精神健康啲咁啱呢日去到石硤尾行街，見到呢一間椰皇甜品專門店，好明顯係用椰子做主打，上網見到椰子係好健康又天然嘅食物，作為甜品完全配合，於是心思思行過去睇吓有咩好食餐牌睇落去有好多選擇，除咗一般甜品店會提供嘅甜品之外，仲有一啲甜品係以椰子做主打凍櫃望落去好多甜品都好似好吸引咁，而且價錢夠晒貼地特別見到椰奶寫住係純天然無糖，應該好少舖頭會見到，所以最後忍唔住買咗，留到返屋企嘗試返到屋企急不及待試吓買咗嗰兩支嘢飲，分別係椰汁同羅漢果水，首先椰汁真係飲到好天然嘅椰糖味，唔會太過甜令到飲完之後更加口渴至於羅漢果水飲完之後好潤喉，應該落足料去煲，啱晒我哋呢啲成日講野既人至於甜品方面，我叫左椰汁西米露，無諗過有咁大碗糖水，而且仲有勁多西米！！落足料之餘味道仲要好夠，充滿椰香至於呢一個係薑汁燉蛋，一打開已經有成陣薑味，啱晒鐘意乜都要薑既我蛋食落去係滑溜，無皺紋，代表整得好好至於老婆就要咗椰汁鮮奶燉桃膠，桃膠同椰汁鮮奶好配合，而且桃膠夠晒養顏又抗衰老，啱晒老婆食，佢仲食得好滿足添

糖水你好椰 地址: 石硤尾偉智里2號金玉大廈地下223號舖電話: 9339686===================天氣乾得咳，決定買糖水回家食滋潤下。十幾二十蚊一碗，已預先入盒放好，睇埋就買走。主打椰子甜品，椰子係好健康架食物，天然美味，椰奶椰子水好飲，椰肉又好食糖水都足料，唔會係得甜水，所以呢個價錢係好抵食。芋圓加薑汁，凍呀要保暖，薑汁老闆話係蕃薯糖水架糖水黎架。芋園大粒有qq ,顏色又唔同好靚。薑汁燉奶$22 好jelly 食到薑味同蛋奶香桃膠好似jelly 加燕窩，養顏好食，所以近幾年好hit原來店主係半島做過甜品部，小店可以支持一下，呢個時勢飲食業好難做，店主比心機。

After having a late lunch with one of my friends at Shek Kip Mei, I planned to buy some desserts back home and my friend recommended me one of the desserts stall nearby. Hello Coco was located at Wai Chi Lane, few minutes walk from Shek Kip Mei MTR.Being a take-away dessert stall, they offered a wide range of desserts such as pudding, tong shui, tofu, pancake and herbal drinks etc. Their selling point was their desserts were freshly made and most of their desserts were mixed with coconut milk or

今日收工去拎順豐 發現隔黎新開左間甜品舖😍🥥「你好椰」椰皇甜品專門店😗見都幾多人排隊 咁我都睇下有咩食先🤩聽到佢地傾計 發現係熟客日日都會買番屋企食 我心諗一定係正野啦🤤買d番屋企同屋企人Share下先👍🏻都好多唔同款式簡 中西合璧都有🤩咩都想試下呀 好耐冇食甜品啦老闆娘好好推介左我試芋圓紅豆沙同埋新鮮滾熱辣既燉蛋😋另外我仲叫左招牌椰皇燉蛋白同木糠布甸😙家中主子一番屋企就聞到美食 衝埋黎🤣芋圓紅豆沙👍🏻超級足料 紅豆極多同滿滿既陳皮味😆芋圓有咬口得黎唔會好韌🤩鮮奶燉蛋白🥚燉蛋好香奶香味勁滑🤤真係一啖一啖停唔到口呀 老闆娘都係用北海道3.6牛乳去整 信心保證😋招牌椰皇燉蛋白🥥話明招牌緊係要試啦 齋燉蛋咁正依個一定唔會令人失望🤣仲要睇店名都知椰子為主 椰子係一種好健康既食物 好天然食多d都唔怕😋椰子味好重唔止味道好賣相都好別緻😍木糠布甸😚甜甜的Cream 竟然唔會食到喉嚨痕🤣冇餅碎卡住全部都好好味 真材實料 價錢又親民街坊價😍老闆娘仲好親切 係附近真係要去試下呀🤩

當日同男朋友跑完步係石硤尾附近好想食一些以椰子為主打的甜品。首先椰子是一樣非常健康同埋嘅食物脂肪含量好低,又多營養高蛋白質, 現在很多甜品店嘅食物唔太健康唯獨這間甜品店是非常健康。我作為女仔自己就比較鍾意食芒果pancake, 主要原因係這間鋪頭嘅芒果非常新鮮好似係樹上啱啱摘落嚟一樣。幻想下一個美麗嘅芒果陪著其他唔同嘅白色奶油是多麼的溫馨多麼的神秘, 加上pancake嘅包維好有愛的感覺而且有安全感。男朋友就鍾意飲鮮奶椰青水,老闆話他們的鮮奶是用日本空運到港。😊😊幾健康又natural

經開偉智街，在賽馬會創意藝術中心附近，有間糖水店，我同老公行過見到糖水店好平，又吸引，買兩碗返屋企食下先招牌椰皇燉鮮奶蛋白，店員強調每日新鮮製造，很香椰水味道，原個一齊燉，店員話加入北海道3.6牛乳，凍櫃都放出黎俾我睇，食落真係香噴噴。蛋白對皮膚好，滑一滑，沒有燉到過火,仲要震騰騰。老公食仙草芋圓都唔錯，芋圓自家製，有地瓜，芋頭，紫薯，色彩繽紛，芋圓彈牙份量都唔少。仙草很滑溜，仙草味濃，很健康，唔會太甜。同埋值得一提的是甜品價錢真係好吸引，製作認真，材料多，住附近的街坊都有福，店舖只供外賣，買返屋企慢慢食。

石硤尾一向很難找到甜品店，近排終於有新店開張啦。這間<你好椰>，店子小小，沒有堂座，只有外賣。單看店名，就知"椰"是主角，有招牌椰皇燉鮮奶蛋白，椰汁鮮奶燉桃膠，鮮奶椰青水等，還有多款人氣之選，每款甜品都是每日新鮮店内自家製做，比較乾淨，疫情下都食得放心，還要是低糖健康，很適合我這些很愛甜又怕肥的女士們。甜品價錢比其他店還要抵食很多，所以今日買左幾款招牌甜品返屋企跟家人分享。招牌椰皇燉鮮奶蛋白($45)，蛋白跟新鮮椰皇水及北海道3.6牛乳混合，用上原個椰皇一齊蒸。蛋白蒸得白滑，有陣陣的椰香清香，食到椰皇的清甜味，可配上芋圓。亦有簡單版鮮奶燉蛋白，蛋白同樣又白又滑，食到陣陣鮮奶香。椰汁鮮奶燉桃膠($30), 桃膠份量不敷衍，口感似蒟蒻的桃膠含豐富蛋白質，滋補養顏，內邊還有蓮子，跟椰汁鮮奶來燉又香滑又滋潤。另外杞子桂圓紅棗燉桃膠($25) 同樣十分足料，杞子桂圓紅棗全都是養生之物。仙草芋圓($30) ，自家製的芋圓夠綿夠軟糯，亦有點Q彈，咬落有些顆粒感，仙草帶點草藥香，簡單又好味。椰汁紫米露，只需$16，十分抵食，紫米軟糯香甜，稠程度煮得剛好。

你好椰今日去開石硤尾搵食，見到有間新店開左愛糖水既我當然要試下啦鮮奶桃膠味道又唔甜重點用北海道牛乳製作食得出真係用北海道3.6牛乳整桃膠十分足料，而且仲有蓮子好養生芋圓仙草本身自己係一名芋圓控， 每次見到有芋圓食都一定會試。芋圓好Q彈牙好煙韌又唔會太甜。超真材實料口感唔會過軟亦唔會食到粉燒仙草好好味，唔係用涼粉。老闆娘都好有禮貌，原來得佢一個人做用心整既自家製健康糖水

聽說石硤尾這邊開了一家糖水店，店主是前半島酒店甜品大廚，特意過來看看店面不算起眼，但店主非常友善，熱心介紹他們出品的各款甜品，很多都有椰汁，也有現在的台式潮物芋圓很多滿地道的選擇，也有很多ＭＩＸ ＆ ＭＡＴＣＨ，既地道也不失創意木瓜雪耳桂圓燉桃膠非常潤喉的選擇，木瓜雪耳的甜帶到糖水當中，甜得來不會太膩，加入桃膠這健康的材料，還降低了糖水的升糖指數，非常健康！芋圓紅豆沙不像外間的芋圓那麼韌，他們的芋圓少韌多軟，入口鬆軟易咬，加在煮至起沙的紅豆沙內，稀度適中，不錯吃呢

同屋企人食完飯，經過呢間甜品店俾個招牌吸引左，決定試一試。店舖細細，但五臟俱全。有好多唔同類型既甜品，例如招牌椰皇系列，香滑布甸系列，粒粒西米系列，特色飲品系列，芋圓及燒仙草系列等等。有選擇困難症既我，都諗左好耐食咩好。最後叫左椰汁鮮奶燉桃膠，仙草芋圓同化痰止咳排毒羅漢果茶。～椰汁鮮奶燉桃膠好大碗，好足料。用鮮奶炖制，桃膠清心潤肺，滋潤養顏。老闆娘話絕非加工食品，低糖，真係食多幾碗都唔怕。~仙草芋圓一樣好大碗，好足料。老闆娘話佢地既芋圓全部都係自家製同低糖。芋圓食落好煙韌，好好味。顏色仲好吸引，好想食多幾碗。仙草口感滑溜。~化痰止咳排毒羅漢果茶羅漢果茶好足料，原汁原味。飲落好清甜，好正。總括，味道好好，價錢唔貴。下次一定會再幫襯。

每次去買椰汁桃膠都好開心，因為價格唔高，味道又唔甜重要用北海道牛乳製作喎。所以一個月都食幾碗架😋💗老闆娘有禮貌用心整咁足料健康嘅糖水，真係有名嘅糖水舖都比唔上佢👍

上星期買了芋圓西米露，覺得好食，芋圓彈牙又唔會太甜。今日經過，就淰住再買黎食，今次試黑珍珠燒仙草，加芋圓。一食，好失望，燒仙草好苦下，d芋圓好似未熟咁，又硬又粉粉地，同上次差好遠。希望下次買果陣水準keep返第一次食果陣咁啦。

住系附近，但好少行過尼間舖頭。每次行過都見到一男一女看舖，以為系情侶檔生意，今日問一問先知系老闆娘個仔同新抱仔幫手睇鋪，雖然我未見個老闆娘，但佢倆都好乖好勤力，抵讚芋圓好彈牙，唔錯幾好食，我話想要多d花奶就立馬加俾我，仲唔使加錢，哈哈，聽到隔離話尼間舖頭個老闆娘又係好大方！落單之後女仔即刻走入廚房整俾我，好快手，有禮貌，同時兼顧收錢同整嘢食都冇計錯數，犀利。同朋友一人一碗仙草芋圓，$25唔算貴，味道唔錯，下次會再嚟。推薦呢間小舖

咁岩上上星期四經開呢間新開嘅外賣糖水舖～味道唔錯 老婆話一開張已經試過佢嘅桃膠 話味道好好 養生 。但我上次去幫襯 一男一女 我估係店員 女仔態度同眼神唔多友善 希望可以多反啲禮貌同笑容 我係客人 只比下意見 不過食物的確係唔錯 最緊要係平！！

今日落泥石硤尾搵食，左睇右睇都搵唔到心水。一眼望過去”你好椰”，個名咁特別嘅，你好野？哈哈。好似係椰皇甜品專門店。過去梗係去食佢招牌椰皇啦，入面果位老闆娘話椰皇今日一早賣晒，要聽日先有，因為佢地每日只係限量發售，為左保持新鮮，唔緊要，食住第二樣先。買左碗鮮奶桃膠，一枝羅漢果水同仙草芋圓。食左一啖，正！桃膠十分足料，羅漢果水超濃郁，芋圓仙草有別於一般糖水舖。一個字，正！睇泥我會忍唔住每日泥試埋佢其他產品👍👍竟然可以係尼啲地區可以搵到間咁高質嘅甜品店，真係要介紹朋友仔過泥試下先