你好椰

Open Now

Now Closed

同朋友去完石峽尾南山邨影相打卡，行落嚟經過間糖水舖就諗住買兩碗糖水返屋企同老公做飯後甜品啦。🤩 竽泥鮮奶桃膠小丸子 （$48）：我平時只會食香竽味嘅雪糕，其他竽頭嘅嘢我都好少食，不過老闆娘極力推介我要試下，就買咗呢個試下啦！人生第一次食竽泥，原來係咁好味㗎，竽頭味好香，特別一讚個芋泥👍，全部手打，磨成芋泥後刻意留有少許芋頭粒，口感豐富。桃膠清澈透明無雜質，份量足夠，小丸子軟糯有咬口，配料放得滿瀉，食完一碗都夠晒飽肚。重點係個兜好硬淨，可以翻用，唔使浪費。😛 椰汁鮮奶燉雪燕配竽圓🧉 （$46）：竽圓方面可以自己選擇加定唔加，如果要嘅話就加多$7就可以啦。芋圓係自家製，煙韌有咬口。雪燕份量一啲都唔吝嗇，平民都可以食燕窩呀！配料相當豐富。椰汁味香濃，配合鮮奶，入口順滑不甜膩，啖啖椰香味。😋

你好椰 (石硤尾)📍石硤尾偉智里2號金玉大廈地下223號舖-食完晚飯肚仔依然空虛未滿足，所以OpenRice 一下附近有咩甜品舖就發現左呢間個名有玩味嘅外賣甜品店試試！雖然係專營外賣，款式分分鐘拍得住堂食糖水店！-🍨 芋泥鮮奶桃膠小丸子 $48全新手打芋泥系列，一眼就望到十分足料嘅芋泥，仲有大量桃膠（真係好多），而小丸子分量都唔少！桃膠清埋得好好，完全冇雜質！小丸子煙靭！番左屋企之後煲番熱先食，個人覺得熱左嘅芋泥味道提升左更出色！果然係冬日暖意，啖啖滿足❄️❤️-食得出店主想客人品嚐到原味道，所以甜度主要來自原材料嘅天然糖份，感覺冇乜加糖，呢一點好讚👍🏻👍🏻-🍨芒果西米露 $35新鮮芒果大大粒鋪滿晒表面，芒果肉又甜又有香濃芒果味！西米有別於坊間果啲size，佢地用左大粒嘅西米增加口感👍🏻👍🏻 -🧋蜂蜜菊花桃膠茶 $25菊花味好清香！桃膠配蜂蜜，係呢個咁乾嘅天氣底下，特別滋補養顏❤️-🧋腐竹桃膠茶 $22腐竹糖水加桃膠嘅味道🫶🫶 甜度低！同樣桃膠份量非常多，每一啖都成口滿嘅桃膠！👍🏻👍🏻 講真平常自己係屋企煲一定會重手啲，但佢地嘅份量之多係絕對多過自己會落嘅份量🤭 呢個價錢… 真心抵到不得了…

石硤尾看似係住宅區，其實亦隱藏不少美食。今晚去完品香樓（一間定期都會幫襯嘅中菜館），在附近搜尋糖水店，發現到啲間好嘢「你好椰」。唔好睇佢店舖細細，只有外賣不設堂食，其實有好多唔同款式嘅糖水選擇。先嚟個總結，佢嘅糖水絕對係用心製作，足料之多係前所未見😆，例如有桃膠嘅糖水，直頭桃膠仲多過糖水，足料得驚人😆😆😆 而且鍾意佢唔會太甜，更能突出食材嘅原味道，適合怕甜嘅人士。芋泥鮮奶桃膠小丸子 $48啲個係必試推介，芋泥係新鮮自家手打，份量多得驚人，目測整碗糖水佔咗一半都係芋泥😍，而桃膠嘅份量亦都非常多，配合埋日本鮮奶，仲有煙煙韌韌嘅小丸子，真係超好味😋 味道唔甜，強烈建議翻熱咗再食，當芋泥與鮮奶融合之後，味道係十級提升😍果然係啖啖滿足😌芒果西米露 $35啲碗西米露，成碗都係滿滿大大粒嘅西米，上面仲有大量嘅芒果肉。而芒果係勁鮮甜一啲都唔酸，勁讚！而糖水味道唔算甜，雖然冇加椰汁，但都好好味😋桃膠腐竹水 $25雖然叫腐竹水，但其實整支都係桃膠😆😆啱晒女士滋補養顏😎再配合淡淡嘅腐竹味，好有「家」嘅感覺，除咗屋企自己整，出街買根本唔會有咁多料😆我都係翻熱咗再飲，味道係會更佳。蜂蜜菊花桃膠茶 $25蜂蜜味唔

🐷早排去咗石硤尾搵朋友食飯，🙆🏻‍♀️順便一齊買咗糖水返屋企，😛舖頭雖然比較細唔係咁顯眼，💕但係味道唔錯，食落去覺得真材實料，👀買嘅時候都見到好多街坊幫襯。.#招牌椰皇燉鮮奶蛋白 招牌椰皇燉鮮奶蛋白 $60 👅8/10🥥椰皇拎上手超級大個、勁重手。☀️入邊有鮮奶蛋白同埋芋圓，🤣睇相就知道份量超級多。🐮鮮奶蛋白食落去會唔會好水，好重奶味。😛芋圓亦都幾煙韌，有淡淡地嘅番薯味。.#鮮芒楊枝甘露 $39 👅7.5/10🥭芒果大大嚿好甜，糖水好重芒果味，加埋西米一齊食好creamy同滿足，👻成杯糖水食落去亦都唔會太甜💕💕💕.味道，👅：8/10賣相👀：8.5/10扺食💰：8/10

係附近食完飯想食糖水，就係附近行下小店，點知發現好野主打自家製糖水，一見就好吸引，老闆娘仲好nice 好熱情咁介紹邊款正，真係要試下🤤🤤📌黑糖仙草牛乳 $25飲落牛乳好香濃好順滑，將黑糖攪勻，甜度適中，再加上有仙草，有啲咬口，唔會好dry😋。📌芋泥桃膠小丸子 $48呢個Cp值極高， 真材實料，咬落啖啖桃膠，夠哂養顏，另外，芋泥份量都好足料，芋頭味道十分濃，小丸子咬落煙煙韌韌，真係啖啖滿足🥳🥳，推薦推薦！📌芒果西米露 $35椰汁🥥配搭大大粒西米，另外成碗都係大大粒既芒果🥭肉，芒果好甜，好滿足。

又到左星期五收工要買甜品食下開心吓，今次比佢個店名吸引到就睇吓有幾好「椰」先，第一眼見到佢有自家製手工芋圓一定要加黎食吓😋買左兩個糖水另外加左手工芋圓份量好多👍椰汁鮮奶蓮子燉雪燕一打開外賣蓋好就見到滿滿既雪燕😋😋正呀，勁足料燉雪燕係女士既恩物👍濃濃既椰汁鮮奶再加勁多雪燕，每一啖都好滿足好似滿滿既膠原蛋白食落肚咁🥰再加埋自家製彈牙手工芋圓口感十分豐富豐。芋泥鮮奶桃膠小丸子真材實料有大量手打芋泥口感幼滑，鮮奶底加埋桃膠及小丸子一齊食好夾👍口感非常豐富，份量多到可以兩個人食非常抵食👍

周不時都見到好多人分享呢間椰子甜品專門店🥥主打低糖無添加～款款都即日人手製造(´ω｀*)小店專做外賣🥡但款式都幾多元化～除左椰汁糖水 仲有芋圓仙草 西米露 特飲之類.♡ 招牌椰皇燉鮮奶蛋白 $⑥⓪名不虛傳嘅皇牌甜品(´◡`)清甜～好味！果然好「椰」👍🏼蛋白以北海道3.6牛乳燉製 香滑濃郁🥛以原隻椰皇燉製 椰香同奶香互相配合 絕對值回票價啊額外加配新鮮芒果🥭同樣超級香甜 非常加分.♡ 黑糖仙草牛乳 $②⑤飲完好飽肚 足料程度媲美糖水(◕ˇ∀ˇ◕)濃濃牛乳同樣非常厚滑～每啖都滲透黑糖香氣✨仙草口感滑溜 帶微甘 甜度很𝚙𝚎𝚛𝚏𝚎𝚌𝚝 一口氣飲哂都無痰上頸嗰種甜膩.♡ 海帶綠豆湯 $②⓪不會令人失望嘅傳統糖水🌱比外面糖水舖足料喎～既煮到起沙 同時保留綠豆粒口感 簡單但好味🤤

夜晚去完石硤尾公園體育館打波，想順路買糖水番屋企食，行經石硤尾白田一間外賣糖水專門店聽到有幾個街坊話呢間好食，於是我就試下呢間“你好椰”，買咗兩款糖水同我媽share，兩款都好大杯，每款都分到兩碗，好抵食！🌟芋泥桃膠水晶粉（$39）呢款係新出嘅甜品，椰汁配上勁大舊嘅紫薯芋泥，又有好特別同比較少食到嘅水晶粉，口感Q彈，仲有好多桃膠可以養顏護膚，啱哂冬天呢啲乾燥嘅時候食🌟椰汁芋頭喳咋配小丸子（$32）有好香濃嘅椰汁味，入面仲有花生、紫米、西米、紅豆、芋頭同小丸子，甜度適中，小丸子好煙韌，份量又多，連我媽都讚好食！呢兩款都咁出色，下次要試埋佢啲皇牌甜品先得

返屋企經過石硤尾石硤尾白田一帶都有好多街坊小店，呢間新開嘅外賣糖水舖🥄價錢相宜，而且老闆娘好好人呀即管試吓，買啲糖水返屋企食先🤤椰汁鮮奶燉桃膠 $39牛奶🥛甜度剛剛好滋潤又香濃順滑既牛奶口感再配上椰汁桃膠，好滿足啊依個甜品真係又有營養，可以美顏滋潤一下💕楊枝甘露好足料啊！上面鋪滿芒果肉芒果酸甜，啖啖都係香濃鮮甜芒果味芒果控至愛！朱古力奶凍上面鋪滿朱古力粉，朱古力味濃郁唔會淨係得牛奶味，小朋友至愛🤣每款都好吸引同埋好大碗，每款都啱兩個人share真係好抵食呀🥳🤤你好椰 石硤尾偉智里2號金玉大廈地下223號舖

「Hello Coco 你好椰」位於石硤尾金玉大廈，店舖細細，主做甜品外賣，以椰汁、椰皇、芋圓、仙草、燉鮮奶、西米、桃膠、紅綠豆等……材料互相配搭，做出美味糖水、甜品特飲，糕點類有班㦸、紅豆糕、布甸。 紫薯芋泥牛乳$25牛乳入口綿滑，加上紫薯芋泥滋味，非常好飲。 芒果西米露$28芒果配以大粒的西米，入口芒果清甜，西米粒粒分明，配以椰汁，甜度適中，份量都幾多，大大碗都只賣$28，好抵食。仙草芋圓$273色芋圓、白玉，入口軟軟糯糯，加上軟滑仙草，又美味又透心涼的甜品。

椰汁紫米露配芋圓有凍有熱可選擇，一打開蓋已經聞到好香紫米味，份量都係好足又裝到滿，仲有陣陣椰奶香，又唔會好甜，芋圓同小丸子口感軟糯煙韌，既有芋頭香同埋口感好Q彈，完全冇粉同實既口感。紫薯芋泥鮮奶甜度剛好口感細緻，啖啖紫薯同芋頭香，芋泥係天然顏色完全冇色素，老闆娘話要攪勻先飲，打開個蓋之後搵支飲筒攪勻，發現啲芋泥超級多，確係有驚喜，值得一飲。鮮芒汁西米露真材實料既飲品，芒果果肉香甜多汁，最底層的就是頗有咬口的西米。

呢間你好椰聽個名就係出名食椰汁糖水甜品，雖然佢位於石硤尾既一條隱閉內街，但都幾多人去買糖水，有條小人龍。今晚家中打邊爐，我就買左幾個糖水返屋企食。首先要讚下佢個外賣糖水盒好高質： 🔶️椰汁鮮奶燉桃膠（$35， 8.3／10） 好滋潤既感覺，好多桃膠，椰汁味濃！ 🔶️鮮芒楊枝金露（$39，9.2／10）呢個推薦！好濃芒果味，好似話係每日新鮮運到既呂宋芒整，好鮮甜！仲有好多柚子肉，足料！可以另外加$7加芋圓，仲豐富！ 🔶️椰汁紫米露（加芒果）（$25，9／10）呢個紫米露好香好杰好好味，椰汁味濃，性價比十分高。 🔶️椰汁西米露（$20，8.2／10）正常，西米係大粒嗰款。 🔶️桃膠腐竹水（$25，8.2／10）健康之選。唔甜，有淡淡腐竹味，好多桃膠，養顏！ ✏️總括而言，好抵食既糖水，啱哂買番屋企一齊share😍👍🏻

❤️紫薯芋泥鮮奶紫白相間，十分好看。紫薯和芋泥味甜，口感粉粉的。不論口感和味道都好夾！👍🏻加埋滑溜鮮奶飲落更順喉，好滿足呀！😊❤️皇金水晶粉即芒果啫喱芒果打成蓉做底，入面有西米同透明啫喱，味道和賣相同楊枝甘露差唔多。滑溜啫喱令皇金水晶粉食落更有口感。❤️椰汁紫米露加$7配芋圓超多紫米！超足料！每一羹都有紫米！而且份量超多！我外賣拎番屋企食，可以分到三大碗！芋圓煙韌有口感，入口真係有芋香～😍總括而言，三款甜品都唔會太甜，甜度恰到好處，份量充足，讚呀！👍🏻🥳

店鋪主要做外賣，基本上大路的甜品款式都可以在這裡找到。我和屋企人都係芒果癡，所以3款甜品都和芒果有關。椰汁芒果西米露 $35這裡芒果。用的是大西米，比細的更有口感。而且椰汁味濃郁，食落不會很稀，反而帶點濃稠。芒果甜又清香，小朋友都食得非常滋味。芒果班戟 $38有3大件，望落很飽滿，切開後芒果和忌廉各佔一半。班戟皮煎得薄，忌廉幼滑，不會過甜，配合埋芒果，食落多重口感，十分高質。仙草芋圓 $28繼續堅持加芒果（+$8）。芋圓每粒都煙靭有咬口，不過因為凍食就變硬。而且食得出每款食材的味道。仙草真的值得一讚，入口順滑Q彈，sir一聲便滑落喉嚨。而且整碗都是滿滿的仙草，超足料。買的3樣甜品都很有驚喜，食材高質，制作用心，值得大家支持。

石硤尾區真係好多懷舊特色小店，作為唔太喜歡幫襯連鎖集團食肆的我真係一個唔錯的選擇❤️平日下午行經此區見到「你好椰」呢間小店，由於店名改得搞鬼已被它所吸引，小店賣甜品，就一於買返屋企試下啦😉提供經典糖水系列，芋圓及燒仙草系列布甸家族同特色飲品，小店黎講選擇算幾豐富🫶🏻而且價錢非常相宜，經典糖水平至$2️⃣0️⃣就有交易啦==========🔹椰皇蛋白燉雪燕 $60體積不少的椰皇裡裝著滿滿的滑蛋白配上海量的雪燕，小店真的非常大方😍椰皇香完全地滲到蛋白中，為清香的蛋白添加了一點天然甜，甜度不高高營養價值的蛋白配合滋補的雪燕，適合需要進補的女性👩🏻😌推介指數：9/10==========🔹芒果西米露 $35將芒果跟椰汁西米露分開盒裝上，西米露份量約有2️⃣飯碗，好抵食😏盛載西米露的外賣盒還有隔層可防漏，細心👍🏻西米露椰香恰到好處，不過濃/過淡，甜度適中西米是中型大小的，食落有口感，沒有煮到太爛/太硬芒果吃得出新鮮香甜🫠推介指數：8.5/10==========食得出小店的出品很用心，甜品做到低糖，個人很喜歡🫶🏻支持小店繼續用心經營👏🏻