你好椰

Open Now

Now Closed

屋企附近開左間糖水舖緊係要試下👻門面都幾細間，企企理理，淨係做外賣，成日經過都見到幾多人買，價錢就咁睇都幾抵食👍🏻椰汁芋頭咋喳$25 評分：🌟🌟🌟🌟係用膠盒裝住，個盒好硬正，仲可以放入微波爐叮三分鐘變熱糖水😆食落係好健康嘅味道，一啲都唔甜，芋頭粒粒熟度岩岩好，但豆既量比較少，如果可以多返啲會更好。不過呢個價錢呢個份量已經好唔錯椰汁紫米露$25 評分：🌟🌟🌟🌟個人覺得食落唔夠香紫米味，如果多啲料會再好食啲，甜度適中，可以再低糖少少整體來講係幾抵食，價錢平分量多，但味道黎講只係屬於中至中上，Encore? Maybe🤔

有日係石峽尾探完朋友後想搵下有無咩糖水食，就上網search到依間都幾多好評既糖水小店，於是我同朋友就特登行黎試下啦！店鋪位置位於石峽尾較入既地方，但都非常易搵。黎到之後先知道原來依間係主打椰子類既甜品，而且主打健康同天然，太適合又想食甜野又怕肥既我🫣店鋪出面已經擺左好多款甜品，真係好難簡！最後我同朋友簡左一款甜品，一款飲品，咩都試下😛✨芋泥鮮奶桃膠小丸子 由於我係芋泥控，所以一見到依個已經心心眼😍當見到碗糖水時已經覺得好驚喜，因為真係好大碗好足料！一碗有好多桃膠同小丸子，每啖再加埋芋泥真係好夾好滿足！同埋成碗糖水都唔會過甜，味道岩岩好，唔會話食完好滯好漏，我個人覺得足料到真係可以當一餐食都可以🤭👍🏻✨紫薯芋泥西米露依個就係飲品黎既～都係同佢地一碗碗既糖水一樣十分足料，飲落去已經吸到好多芋泥😂紫薯味同芋泥都配合得剛好，而且都係天然味道唔會係d假味🫠味道不太甜，凍冰冰都好快飲哂總括而言依間糖水小店十分足料，而且主打健康天然，味道都唔會太甜，值得一試👍🏻

你好椰 Hello CoCo🥥✨｜石硤尾 人氣 足料 外賣甜品🥥｜《石硤尾糖水》🙈香港食完飯最鍾意就係食返個糖水。尼間甜品店位於石硤尾地鐵站附近，店舖唔大，但甜品種類就超級多，真 梗有一款啱你。玻璃櫃都排列咗一系列嘅甜品，比大家望住黎揀✅尼間甜品質素都幾高，味道當然係非常好啦，甜度調較得啱啱好，食完一份都唔會好大罪惡感。佢地仲有好多養生系列，滿足到個胃，又有營養。份量仲要超級多🤣欣賞佢用扭蓋式，外賣攞返去都唔會瀉❤️牛乳蓮子燉雪燕+芋圓 甜度啱啱好，啖啖雪燕，好滋味，睇得出真係好足料，不過基本上細食嘅話都可以兩個人share, 份量都真係幾多。牛奶味都好香濃，真係幾好食。我仲加咗芋圓，超級煙韌！❤️黑糖口感水晶粉（芋圓+小丸子）今次係我第一次食水晶粉，好似啫喱咁樣，不過就硬身少少咁多。佢本身都有少少甜味，感覺上水晶粉嘅卡路里比較低✅大家有興趣都可以試下，性價比都幾高👍🏻

甜品 ｜你好椰｜石硤尾有好多唔同款式嘅糖水選擇每款都超大杯 兩個人食一碗都得 所以好抵食整體唔會話好甜 呢樣好加分 係食完都冇罪惡感嘅甜品！🤍黑糖西米水晶粉 $30帶有淡淡嘅黑糖味 加埋水晶粉滑脫脫 口感清爽食完好有飽肚感牛乳蓮子燉桃膠 $35香滑嘅鮮奶再加上份量超多嘅桃膠滋潤美顏🥰女仔必食 入面仲有蓮子 增加口感層次————————————————————————📍 石硤尾偉智里2號金玉大廈地下223號舖————————————————————————Overall 💗💗💗💗#石硤尾#石硤尾美食 #甜品 #石硤尾甜品#hkfoodie #food #delicious #hk #hongkong

《你好椰 - 石峽尾》石硤尾一直都係個有好多小店同特色小食嘅地方，始終係舊區，呢邊雖然冇咩大型商場，但係喺呢度嘅餐廳都偏向有人情味啲架😌前幾日食完飯之後，我喺朋友嘅帶領下去咗一間都極具人氣嘅中式甜品舖買甜甜😙呢度主打椰子類嘅甜品，除此之外，呢度做外賣為主，所以佢嘅包裝盒都落足心思，係個可以循環再用嘅小膠兜👍🏻我自己都儲起咗個喺屋企用嚟儲物🤭當日我同朋友每人都嗌咗一款甜品，我叫咗飲品，而佢就要咗糖水💁🏻‍♀️芋泥鮮奶桃膠小丸子 一見到呢兜嘢就知道可以唔使食正餐😂佢嘅份量真係好多啊🤭啲食材多到滿寫咁滯😅肉眼見到有芋泥、芋圓、桃膠仲有小丸子呢啲有咬口嘅食材😋絕對係煙韌控既最愛😘甜品嘅味道唔算太過甜膩，主要都係食返食材本身嘅味道，下面嘅桃膠份量好多，最好就係同啲芋泥攪埋咗先一次過食☺️💁🏻‍♀️支裝鮮奶芋泥桃膠因為我食飯食得太飽嘅關係，本來都唔諗住食糖水㗎，但係見到朋友嘅呢款甜品好吸引，所以我都唔執輸，叫咗一支差唔多類型嘅飲品試吓🥸其實味道上面我覺得差唔多，不過我呢個飲品就易於攜帶，飲之前攪勻佢就可以啦😙同埋呢款飲品相對多啲牛奶，飲落去輕盈少少😉比較適合我呢啲食唔到太多嘅人整體嚟講，呢度嘅甜品份量都

同家姐行完玩具街，家姐就帶左我黎到石硤尾買個糖水番屋企食。小店展示左多款糖水同飲品，都係由店主研發，主要提倡小清新健康路線，甜度亦唔會太甜，減肥朋友食都冇乜負擔。另外份量足料之餘，價錢仲要唔貴。 ⦁椰汁鮮奶燉桃膠 $35外賣盒防漏又硬淨，一打開蓋，滿滿既桃膠幾乎滿瀉，食落口有椰汁既清甜，繼而係鮮奶既香滑。作為配料既桃膠份量多到每啖都有，加上蓮子綿綿既口感，層次感滿滿。 ⦁腐竹桃膠茶 $22 尼款係腐竹糖水做底，有淡淡腐竹味，加上滿滿既桃膠，一D都唔甜，而且養顏！ ✨點評：1️⃣只提供外賣。2️⃣每份甜品份量足料，稱得上滿瀉。3️⃣味道唔會太甜，以健康為主。4️⃣外賣盒同樽都厚實，唔會變形同滲漏。

石硤尾呢一間人氣外賣甜品店，見網上介紹過佢嘅甜品都非常吸引，標榜純天然、低糖、無添加，啱晒貪靚要keep fit嘅女士！ 而且用北海道3.6牛乳製作，加上滋潤美顏嘅食材，今日真係要專誠來試試！見到櫥窗有林林總總嘅甜品，每一款都很想試！1. 巨人芒果布甸系列 - 黃金豆乳布甸Cambo $39呢個Combo 真有睇頭，首先有大大粒芒果肉，而且份量多，好似一座小山！而且食落仲非常新鮮鮮甜，店主真係一點都不吝嗇！而旁邊有芋圓及小丸子，煙煙韌韌的很有𡁻口。再配搭下層豆乳布甸，香滑有豆香味，布甸是比較結實的那一種， 十分飽肚，最重要的是低糖，香港女士都比較注重健康，低糖絕對迎合大部份香港女士的口味。呢個甜品抵食又好味，而且非常健康，絕對值得推介！2. 桃膠豆乳茶 $22呢個桃膠豆乳茶非常滋潤養顏，加上白雪雪的豆乳茶，啱晒秋冬天氣！飲落非常清甜，而且低糖，桃分量充足，粒粒彈牙，絕對是健康的選擇！呢間家庭式製作的甜品非常有誠意，每款甜品都非常健康有益，而且材料份量充足，絕不吝嗇，一定會經常再來幫襯！

🍮朋友介紹嘅甜品小店，想講每一款糖水都勁吸引！朋友同小編最後揀咗三款一齊分享～🥛椰汁鮮奶燉桃膠（$35）：一打開蓋，滿滿桃膠映入眼簾，比足料更足料。入口先係椰汁味清甜，再慢慢有鮮奶嘅香滑。除咗桃膠之外，仲有蓮子提鮮，提升口感層次。🍡小丸子芋泥豆乳布丁（$32）：賣相紫色一半白色一半，望落已經好乾淨舒服。外表簡單，實質內有乾坤！入邊有滿滿嘅小丸子，軟滑嘅芋泥，以及Q彈嘅豆乳布丁。鍾意芋頭產品嘅朋友可以一試～🥭黃金豆乳布丁Combo（$39）：淨係個賣相已經好吸引，滿溢嘅小丸子以及芋圓！加上新鮮芒果肉，以及豆乳布丁，味道酸甜，整體口感豐富。滿滿嘅食材，的確無令人失望～胃食嘅朋友仔啱曬啦～🙌🏽整體而言：1. 每份甜品都裝得滿滿，份量足料！2. 只提供外賣，住附近嘅街坊可以試吓～3. 店員有善親切，主動介紹特色甜品。4. 甜品行小清新健康路線，減肥朋友完全冇負擔！你好椰 (石硤尾)地址：石硤尾偉智里2號金玉大廈地下223號舖電話：93396864#香港食好西 #石硤尾 #你好椰 #甜品 #野生代言人

食飽飯梗係要食個飯後甜品🍮滿足吓自己先😘甘啱就見到隔離😜有間甜品店😍有好多唔同款嘅甜品🥹仲好吸引添😋有啲選擇困難症😅見有啲推介就試吓👍🏻黃金芒果布甸🍮combo（超甜嘅芒果🥭煙煙銀銀芋圓+小丸子，食到尾仲有啲豆腐花😋）芒果西米露（大大粒西米露超有咬感👍🏻）小丸子芋泥豆乳布丁（成杯都小丸子、芋圓、布丁、冇得輸👍🏻）椰汁鮮奶燉桃膠（我最鍾意佢唔會太甜👍🏻每一啖食到桃膠、蓮子、超滿足）初頭諗住即刻食，但諗諗吓都係拎返屋企慢慢享受👍🏻仲買多兩碗俾屋企人食添😜每一碗、都充滿驚喜喎😜超足料👍🏻小丸、芋圓外賣返到屋企都唔會林back back、仲係煙靭👍🏻真係冇改錯名《你好椰》勁足料😍

呢兩個月逢星期五每晚都會去石硤尾賽馬會創意藝術中心上堂學畫畫，落堂後，我總會經過呢間糖水舖（你好椰-椰皇甜品專門店，位於石硤尾偉智里2號金玉大廈地下223號舖），見門面雪櫃放滿大大碗糖水咁吸引，當然要買返碗返屋企同家人宵夜分享啦！呢間外賣小店最出名係椰皇同芒果系列甜品，門口雪櫃窗櫉擺放了20多款人氣甜品，有飲嘅、亦有食嘅，任君選擇！全店奶製品均採用北海道3.6牛乳，味道特別香濃！芒果也是採用頂級Sanhing水仙芒上次就試咗呢款招牌椰皇鮮奶燉蛋白，椰皇每日新鮮空運到港，配埋北海道特選3.6牛乳，燉出嚟味道既有清甜椰香味，亦有十足牛乳味，蛋白亦非常嫩滑！呢款芋泥雪燕豆乳茶（$30），加入清椰青水，味道不會太甜，配埋絲絲雪燕，口感十足！芒果雪山 （$45），芒果非常厚切，份量足料，味道唔會太甜，能帶出柚子同芒果的清香味道！

食完晚飯突然之間好想食糖水，行過呢度就決定買返個糖水返屋企做宵夜😋芒果西米露係我食糖水嘅首選🫶🏻呢間嘅芒果好多～而且都幾甜，但唔係浸過糖水既甜味😆西米比較大粒，好有咬口～椰汁味就唔係好重😋最重要唔係死甜😄芋泥豆漿桃膠冬天好似食桃膠比較潤🤘🏽雖然睇落外表係分開咗三層，但飲落其實會混為一體，非常夾🫶🏻芋泥唔會冇得好滑，令你食到個口感💛整體都唔會好甜😋而且樽裝設計更加容易食用🤓

喺石硤尾附近食完飯，搵到有間糖水舖🤭就決定買埋糖水返屋企食🍡🍧今次買咗幾個款式返去同屋企人一齊share😚✨鮮芒果楊枝甘露🥭🍧份量超大嘅芒果楊枝甘露🤩芒果足料又超甜，西米煙韌加上芒果汁底🧡芒果味超濃郁，鍾意食芒果嘅我覺得超正🥭🥭🥭招牌椰皇燉蛋白加芋圓🥥🥚🍡呢一個椰皇好大個呀👍🏻鮮奶燉蛋白好正🤤蛋白入口亦都好滑，我外加左芋圓，超級足料🍡芋圓煙煙韌韌，最啱我呢啲煙靭控食多幾粒🤭蜂蜜銀耳雪梨茶🐝🍐🫖淡淡嘅蜂蜜味🍯加上清香嘅雪梨味，甜度適中🍂唔係嗰種死甜味，呢款好啱秋冬天飲🥰感覺真係好滋潤啊，健康又養顏，感覺養生嘅呢✨💕

聖誕佳節來臨，正好要點甜甜的滋潤石峽尾偉智街你好椰, 外賣港或糖水甜品小點最重要係價錢唔貴，咩款式都有---由簡單 楊枝甘露 朱古力奶凍椰汁西米露等等，去濕水腫生熟薏米， 椰汁鮮奶蓮子燉雪燕，無論經典糖水，布甸到 特色芋圓仙草飲品都有平時行過買樽糖水或者叫外賣買party都非常Ok😍-黃金水晶粉滿滿芒果椰奶香，水晶粉不會過甜，啫喱有咬口超好食。-蜂蜜菊花桃膠茶每日新鮮煲製，蜂蜜菊花帶點點桂香又潤喉，仲有粒粒桃膠好滋潤啊～-芋泥西米椰汁芋泥好綿蜜，椰汁好濃郁，西米粒粒都夠咬口。

今日出差去個客人度公司做野經過 有間 好又霸氣嘅糖水點 【你好椰】店鋪 唔係好顯眼但真係個名吸引我，宜家時下嘅人 開店做生意 真係要搵 d令人一見難忘嘅名出黎甘樣先可以深深等客人記住你間店有回頭率招牌椰皇燉鮮奶蛋白今日我大方少少 買左嘅價值$60ge燉鮮奶蛋白俾我老公歎下我自己就買左$25椰汁芋頭西米露+$7 有芋圓埋單$92個大洋招牌椰皇燉鮮奶蛋白椰皇燉鮮奶蛋白 真係幾滑唔會overcook再上芒果係上面，都真係幾好味椰汁芋頭西米露有芋圓呢d 都係大路ge野應該間間都係差不多味道但呢間店相對黎將都係足料ge因為真係會滿洩今次因為間店即係做外賣但我都覺得值得一讚ge係外賣包裝幾好唔係拎返屋企就洩曬果款地點：石硤尾偉智里2號金玉大廈地下223號舖(港鐵石硤尾站 A 出口, 步行約7分鐘)#hkfoodie #hkkol #igfoodie #foodblogger #moodytiger #happykids #activewear #takeabreak #happykid #kidswear #kidsofinstagram #myfabkids #親子推介 #美食推介#小皮蛋出巡#

同朋友食完晚飯後，收到家人電話話想食甜品就睇吓附近有冇甜品店，外賣回家品嚐，途經一間叫你好棷嘅甜品店，個名咁特別嘅，有想食嘅甜品，就決定買啦，一路拎住回家都覺得幾有份量，唔係輕飄飄芋圓芋頭西米露見佢寫住自家制芋圓應該係正嘢嚟啦，即刻試吓，有椰香味，西米都幾大粒，有咬口，芋圓有紫色、橙色、白色，唔會太甜，煙煙韌韌，都幾好食鮮芒楊枝甘露都幾抵食，好大碗，有好多芒果肉係面，芒果肉酸酸甜甜，入面都好多芒果蓉，柚子肉，酸甜開胃