你好椰

Open Now

Now Closed

吃完晚飯，再用甜品作結，甜美又完滿！甜品店位於地鐵站附近，十分方便，標榜天然、健康、純粹、低糖、無添加的外賣糖水，甜品及飲品種類選擇多，主打椰皇甜品，全部都是人手製造、每日新鮮。芒椰脆脆椰子凍以原個椰殼裝著新鮮芒果肉、底下椰子凍充滿椰香味，頂層加入烘製過的椰子脆片，食得到粒粒新鮮椰肉，清甜滑嫩，與芒果配搭一流！紫米球小丸子杏仁露杏仁露潔白如奶，細膩如玉，香味獨特，紫米露香甜軟糯，與口感煙韌的小丸子同吃，口感更豐富。

今日去石硤尾JCCAC附近有一條後巷到發現有啲小店有好野食～落住雨都見到呢間外賣糖水鋪<你好椰>多人幫襯就想試下主要係中式糖水為主 除左有傳統紅豆沙 綠豆沙 椰汁紫米露之外見到有我最鍾意既桶裝鮮芒楊枝甘露～～～同埋見到四月最新推介椰子凍系列好吸引就打算買返屋企試😙😙😙😙▫️桶裝鮮芒楊枝甘露 $39最鍾意食芒果既我覺得桶裝好抵超足料 芒果大大粒又好甜落左椰汁 份量撈埋好夾好鮮甜味道係新鮮芒果 唔係糖水溝出黎既芒果真係好足料▪️芒椰脆脆椰子凍 $48見到佢招牌<你好椰>就知要試椰子野～Mix左芒果就好想揀呢款試呢個椰子裝住滿滿既椰絲同芋圓加小丸子睇得出老闆娘好有心機整係四月份最新推介～椰子凍非常香口同滑煙韌嘅芋圓同小丸子加埋有好滿足嘅口感加上椰絲每啖都食到椰子既香味～一大碗不知不覺就清哂 好飽好滿足👏🏻👏🏻呢間新鮮又充料既糖水好推介俾大家桶裝仲係密實裝外賣唔會倒瀉落雨外賣都好ok📍你好椰 (石硤尾)石硤尾偉智里2號金玉大廈地下223號舖

同老公經過呢間，你好椰嘅甜品店，留意到佢出咗新嘢🤤椰子🥥凍系列，咁就試吓啦⋯⋯我又貪靚，所以想食埋椰汁牛乳蓮子燉雪燕。1）芋泥白玉椰子凍$48芋泥好綿密質地滑，椰子凍有彈性(質地唔係實丁丁)都夠椰香，白玉煙煙韌韌係我至愛。2）芒椰脆脆椰子凍$48芒果都幾多切到大大粒，芒果加埋澆上芒果面嘅脆脆(本身芒果同椰凍都係軟質地)食落有另一個層次，食落有咬口。3)椰汁牛乳蓮子燉雪燕$39老闆娘好闊佬，啖啖都係雪燕，椰汁香牛乳滑(都幾大碗)。💗採用💗北海道特選3.6牛乳

📍 你好椰 石硤尾偉智里2號金玉大廈地下223號舖🍒點評時間同朋友去美荷樓食下午茶🫖 即刻諗起要去你好椰買外賣返屋企🤣因為上次買完屋企個個都大讚👍🏻🍠芋泥鮮奶桃膠小丸子👀芋 泥 控 要 留 意 啦 👀超級足料嘅芋泥幾乎滿瀉出黎😂仲有桃膠、西米、小丸子、蓮子，當正餐食都食唔哂😂 而味道唔會太甜👍🏻，絕對唔怕變肥🤭🥭鮮芒楊枝甘露又係滿到瀉嘅甜品😂超級佛心嘅老闆娘大大粒芒果肉，應該有大半個芒果😲真係絕對對得住個價錢👍🏻芒果仲要超甜超正😻好味指數😋：⭐️⭐️⭐️⭐⭐抵食指數😛：⭐️⭐️⭐️⭐⭐服務指數⚜️：⭐️⭐️⭐️⭐環境指數🧽：/

朋友話之前試過糖水，好足料好好味今次經過附近買碗嚟試吓先我哋叫咗一個黃金芒果布丁Combo本身好鍾意食芒果嘅我 見到呢個梗係唔放過老闆話係新鮮芒果汁，新鮮芒果肉，自家制布甸再加上芋圓同埋小丸子拎出嚟嘅份量真係嚇親，直程滿到瀉芋圓份量基本上係每一啖都食到 平時加錢都做唔到呢個效果😅芒果鮮甜一啲酸味都冇 食落好清新另一個，我哋叫咗椰汁鮮奶燉桃膠另外加咗芋圓由於芋圓太好食 我哋決定追加只係$7 竟然有成大碗 根本就食唔晒🤪呢碗糖水又係勁足料 每一啖都有滿滿嘅桃膠桃膠燉嘅時間好足夠 入口即溶 唔會有硬硬的感覺老闆娘的確落足心機去做👍🏻👍🏻👍🏻埋單唔使$100 非常抵食 係心機誠意之作

最近既人氣小店位於石硤尾既手工糖水店你好椰 Hello Coco主打手工製，低糖無添加糖水店家以附近街坊，學生生意為主所以定價唔會太高，價錢實惠不過留意番餐廳只提供外賣，無堂食服務！ꔐ招牌椰皇鮮奶燉蛋白($60)芒果份量都幾多，大大粒幾香甜燉蛋白質感好綿密好滑溜用上3.6牛乳燉製令牛奶味更為香濃ꔐ椰汁鮮奶燉桃膠（$35）超級足料既燉桃膠椰汁加鮮奶食落會無咁膩口，仲帶陣陣椰香桃膠非常足料，每啖都食到桃膠而桃膠好軟腍彈牙強烈建議大家可以加少少燉蛋白一齊食口感味道層次即時再昇華！

今日係happy Friday 應該食返啲甜野開心下🤗🤗🤗芒果🥭狂熱者表示要鮮芒汁西米露（$28） 鍾意咬口既我就揀左芋圓🍠黑白配（$30） 鮮芒汁西米露好香椰味 但又唔會搶左芒果既香甜 好有層次既香甜 仲要有海量西米 啜到最後一啖都有😚😚😚 個樽蓋設計好好👍🏻 有個窿仔督飲管落去 唔洗食得咁論盡 芋圓黑白配足料到快要滿瀉🈵 面頭舖滿芋圓 下層就係滿滿既仙草同水晶粉😲 芋圓煙韌之餘 仲好香🍠味 絕對唔係得粉 老闆落重料🤭 仙草同水晶粉都好滑溜 但仙草比水晶粉實正些少 口感非常豐富 同埋甜度適中 唔會死甜💯💯💯咁足料既糖水價錢仲要唔貴 超抵食 款式仲好多 一定有一款岩食 唔怪得咁受街坊歡迎👏🏻👏🏻

#高CP外賣甜品一直都想去石硤尾呢間小店買takeaway 椰皇蛋白燉鮮奶係皇牌之選 但我對其他甜品 更感興趣 價錢合理 兩個加埋 一嚿水有找-🥣牛乳蓮子燉雪燕滋潤養顏甜品 用嚟孝敬老媽子😘 手工小丸子🍡味道淡咗啲 勝在細細粒夠煙韌 蓮子鬆化 外賣碗嘅底部 沉澱住一嚿嚿雪燕 果然貨真價實😊 仲使乜屋企人嘥心機花眼力 洗完揀完先可以燉燕窩😅-🥣芒果紫米露鮮芒果切粒 有大半個mango🥭嘅份量 非常慷慨 紫米露只係少甜 非常chewy 食完晚飯再食佢 非常飽肚-📍Hello Coco你好椰石硤尾偉智里2號金玉大廈地下223號舖

《Hello COCO》🥭🥭🥭🥭🥭🥭🥭🥭石硤尾小店「你好椰」🥥近期好hit既燒鮮草😛黃金芒果燒仙草（$35）大大粒芒果肉 好fresh燒仙草煙靭彈牙 口感十足👍🏻又唔會好甜 而且份量好多 好滿足☺️鮮芒汁西米露（$28）芒果同西米嘅份量都好多好juicy 芒果味好濃 好適合芒果控嘅你如果多少少椰汁就更好下次想一嘗芋泥鮮奶桃膠小丸子😜整體來講都唔錯雖然地點唔算好方便 但用料十足唔馬虎 份量亦好多 而且味道又唔錯 加上價值又親民🙂

近排天氣開始暖啲見到凍既甜品就流哂口水🤤早兩日經過石硤尾又忍唔住買左兩個甜品返去同屋企人食🤭.我想揀啲清熱啲既所以就買左黑糖仙草牛乳同埋黃金芒果燒仙草😋.黑糖仙草牛乳牛乳超級香濃 口感亦好順滑！黑糖味道都濃 甜度適中～兩者比例好平衡 口感豐富之餘唔會甜膩👍🏻仙草既口感比一般食到既軟滑比啫喱更偏水狀一啲😆我幾中意呢種口感 Q彈得黎唔需要咀嚼太多🤣味道都食到藥材味 但驚喜既係佢甘甜但唔會苦好易入口！.黃金芒果燒仙草就係大量既新鮮芒果肉配上大量嘅燒仙草芒果肉嘅份量都好多 起碼都有半個大芒果而且啲芒果真心熟到好甜🥰 唔係加左糖水既甜😚燒仙草一樣咁嫩滑 但呢款食落更加透心涼😆咀嚼既時候感覺到類似薄荷涼涼地既感覺🌱夏天食一定更加爽更加消暑！總結：呢間小店比較隱蔽，但用料充足，而且揀選材料都唔馬虎😋價錢算實惠，大碗過出面糖水舖既堂食糖水👍🏻

嗰日咁岩嚟開呢頭搵朋友👭，臨走就去附近買咗幾碗糖水返屋企飲😽呢間款式都幾多下，價錢合理🤘🏻仲有唔少人排隊買添😆🧊芋泥鮮奶桃膠小丸子 $48嗰日因為小丸子賣晒🥺所以店員就轉左芋頭比我😚 一打開個蓋，都嚇咗一下！😧超級足料🥹啲料差少少就滿到瀉！😋入邊有好多芋泥😚仲有好多唔同超級有咬口嘅食材😍例如桃膠同埋芋圓😛份量仲要超級多🤩下面好多桃膠😍勁足料✨味道嚟講又唔會話太甜，感覺都冇咁有罪惡咁呀嘛😽🧊鮮芒楊枝甘露 $39大大粒新鮮香甜嘅芒果🥭鋪晒喺面頭😂以為淨係咁多？😚咁你就大錯特錯啦！😂下面仲有好多芒果😋真係足料！芒果又甜又大粒🫣唔會好酸🤩仲加埋啲西米，增加左口感👍🏻 西米嘅size會比平時嘅大粒，所以更加有咬口同口感🤤撈埋芒果食都幾唔錯！味道都係唔會太甜，幾健康咁🤣🤣🧊紫薯芋泥西米露 $25呢一支嘢飲比起上邊嘅甜品冇咁重芋頭或者紫薯味🤣但係整體來講都幾唔錯！🤪有西米食下，都幾有飽足感😂但係記住要搖勻先食啊🥰🤘🏻人均消費💵： $30-40性格比： 8/10好食程度😋：8/10回頭指數💓：8/10 📍你好椰 (石硤尾)石硤尾偉智里2號金玉大廈地下223號舖

估唔到屋企附近有間糖水店，係主打椰子桃膠等糖水，款式種類都幾多，今次我就試下芋泥仙草配豆乳布甸同蜂蜜菊花桃膠茶，感覺好特別🥰芋泥仙草配豆乳布甸（+7 芋圓）超足料，就黎滿到瀉🤩軟糯濃郁既芋泥同芋圓，再配上滑溜既仙草同豆香濃郁既布甸，食落唔會太甜，仲好爽口😋每啖都好滿足，中意芋泥既朋友仔千其唔好錯過😆蜂蜜菊花桃膠茶菊花茶好清甜😘又可以降下火🔥再配埋桃膠，飲落超有口感，好適合女仔😍😍😍

網上Foodie見到呢間糖水舖，咁啱去開石硤尾就順便買黎試下，楊枝甘露好足料好多芒果，唔水，好重芒果同奶味，呢個價錢黎講性價比都幾高，可惜冇堂食👍🏻👍🏻

🟠 椰皇燉鮮奶蛋白（熱）（$60）呢個係間店既招牌甜品，雖然覺得少貴，但都決定試試佢🙈叫呢個甜品可以免費加芋圓，有d小驚喜☺️拎到番屋企食既時候，個鮮奶蛋白都幾滑，而且好香椰味😋而芋圓就幾煙韌，不過就無乜味🫠另外，因為只有外賣，個甜品番到黎其實有少少品夠熱，份量都唔算好大，個人覺得試一次就夠了😌

小店以足料外賣糖水為主，所有糖水、飲品大大份，無添加，甜味都係嚟自食物本身。價錢唔貴，性價比高，有好多同小編一樣，就算喺食飯時間(7點幾)都有好多人幫襯，要排隊架😆♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 芋泥仙草配豆乳布甸 $32軟糯濃郁嘅芋泥，配上滑溜嘅仙草，豆味香濃又綿密嘅布甸，唔會好甜，芋泥控嘅朋友仔唔好錯過😆❥ 芋泥鮮奶桃膠小丸子 $48香濃細膩嘅芋泥，加入滋潤養顏、琥珀色嘅桃膠，口感滑捋捋，而且仲有煙韌嘅小丸子，好豐富好滿足😋∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴