Goobne Chicken (屯門時代廣場北翼)

Open Now

Now Closed

老友突然話想食韓國炸雞，推薦黎呢間韓國過江龍烤雞專門店，睇返資料原來係香港都幾多分店，今日就黎一試，話說我地星期日晚上6點鬆d到都仲好多位，坐坐下都開始爆場，感覺都幾受歡迎。入去坐底睇餐牌環境，店員就係香港人黎，1男1女既店長就係韓國人黎，周不時聽到佢地用韓文溝通，增加左自己係韓國既感覺，又會播下kpop，岩晒鍾意kpop既朋友，店內坐位就唔算好多，坐滿都應該30人左右，另外發現一張韓女團le sserafim既掛畫，小弟都幾鍾意佢地。韓式雞蛋卷先黎個韓式雞蛋卷，賣相好靚，蛋卷中間包住醃蘿蔔，青瓜，酸酸甜甜又幾爽脆，本身都加左芥末醬同茄汁，另外仲有份芝士醬俾我地另加，食落係唔錯既，不過餐具得叉就有d唔太方便，用筷子會好d。UFO芝士火鍋今日既主角就係主要食呢份芝士火鍋烤雞，雞可以揀2種味道，我地要左果味醬油蒜香烤雞同甜辣烤雞，各8件一共有16件雞，上枱時店員會幫我地溝勻d芝士，再自己將d芝士加落雞度食，非常邪惡，店家用既係烤雞不是炸雞，食落會無咁熱氣，同埋烤雞既火候控制得好好，外皮香脆內裡都唔乾，果味醬油烤雞比較好，甜甜地，甜辣就得個甜字食唔出辣，想食辣既朋友就揀另一隻火山烤雞吧。牛排

間中就會幫襯的好味韓國烤雞店。今次1點半黎到屯門店人唔多，可以直接入座。店舖以簡潔裝潢，播住韓國歌，等大家置身係韓國食烤雞咁，部份侍應係韓國人添～餐廳餐點份量較大，人少食就記住唔好眼闊肚窄啦。兩個人食一隻雞都幾飽。餐點以韓國炸雞、烤雞、主食、沙律、小食為主。雙拼烤雞（有骨）🍗 $248鴛鴦烤雞一次食倒兩個口味～烤雞即叫即製，香脆又熱辣辣，肉汁滿滿，十分惹味清清口腔解肥膩。每款味道約6-7件。甜辣烤雞🌶️｜酸甜辣醬，微微香辣蜜糖蒜香烤雞🍯｜蜜糖黑蒜汁配上炸蒜片韓式雞蛋卷🥚 $148份量十足的玉子燒，餡料豐富。有青瓜、醃紅蘿蔔、餐肉、海苔同芝士，蛋卷好厚實，質感嫩滑，滿足感滿分💯。柚子蜜雞尾酒🍸 $150以清新的柚子蜜調製，酒精味道唔太濃，好似飲緊果汁咁，容易入口，用黎配烤雞食就最啱啦～唔覺唔覺會愈飲愈多，飲到有少少醉。

我地喊左個蜜糖蒜香炸雞同埋甜辣烤雞。佢係即時焗既，所以都要等一段時間。等待既時候有一碟白蘿蔔，酸酸甜甜，都好開胃。上烤雞既時候有提供手套同濕紙巾，好貼心。烤雞肉質鮮嫩多汁，熱烘烘，加上店家特製既醬汁，簡直係垂延三尺，食唔停。蒜香烤雞唔係話太重蒜味，唔鍾意食蒜既人都可以食，如果有一碗白飯就好滿足啦！

-今次來到韓國過江龍Goobne🇰🇷🍗🧀🍕，同朋友食咗呢個「韓式玫瑰醬炒年糕」，同我自己都嗌多咗一杯「藍莓特飲」。簡單一句，ok wor，都不錯。食物：-「韓式玫瑰醬炒年糕」，講下個玫瑰醬，比我嘅感覺係都幾特別，甜甜地又有輕微些少辣，但係又唔會互相沖突，反而係互補不足，太甜會好快就「漏」😮‍💨，太辣又會好快食到成身㷫烚烚🥵，但係佢地搵到個平衡點🤤🤤。裏面唔單止有傳統嘅炒年糕，仲有魚糕，麫條，番茄同火箭草，每一擔口感都可以話係好豐富，唔會齋食年糕食到牙骹軟👏🏻👏🏻-「藍莓特飲」，呢野飲可以話係神來之筆，清甜嘅藍莓同清爽嘅有氣水撞埋好清新，可以大大幫味蕾重啟😇😇，可以再重新體驗主菜嘅味道。環境：當日我地係星期一嘅晚上，唔算多人，d位又唔會好迫，店員亦都唔會好趕客🙈🙈，好啱情侶或者朋友慢慢傾。小總結（_/5)：食物味道：👅👅👅👅食物外觀：👅👅👅👅環境衛生：👅👅👅👅👅環境氣氛：👅👅👅👅👅店員服務：👅👅👅👅👅可以話係 - 「ok wor, 可以再來wor下次」

太耐冇去，今次再到Goobne食飯，竟然聽到好多韓文，店員好多都係韓國人，感覺上真係返咗韓國咁今次叫咗2樣嘢食1.原味烤雞+蜜糖香滑烤雞 $248呢都啲烤雞真係好滑，而且有肉汁，感覺上比炸雞好似更健康。個人嚟講更鍾意蜜糖味，更加香口2.辣炒年糕 $145呢個唔算好辣，年糕夠軟，而且有好多魚板，不過有啲會有少少腥味，冇話特別推介

最愛嘅韓國餐廳之一😋來自韓國過江龍 香港有多間分店特別喜歡佢地嘅韓式烤雞🍗烤雞外層脆脆的 內裡保持juicy👍🏻份量多 適合一班朋友/家人開心share🤣午市套餐中必食$128半隻烤雞🍗一共有9款口味選擇 套餐包含魚片湯、凱撒沙律、薯角、粟米、汽水🥤非常抵食😆新口味黃金蒜香脆烤雞外層多左種脆脆口感 係加入左蒜泥、米粉同糙米烤製而成 滿滿蒜香味🧄牛排沙律大約7成熟左右 切件上方便食用🥗沙律菜加左芝士同油醋 酸酸地幾開胃 多人食的話必點芝加哥薄餅🍕份量十足 墨魚汁批底 配黑松露奶油醬同三種芝士 襯熱食可以拉芝啊🧀午市套餐嫩豆腐鍋韓式炒牛肉粉絲蓋飯

之前係荃灣食過間韓國菜又幾好食，今次同班朋友gathering就試吓屯門嘅同一間分店。預先打電話去book位，限時90分鐘食，以時間嚟計， gathering又好似唔係好夠。book咗5:30 ，去到得一張枱食緊，店舖面積唔太，唔係好多檯，我哋一早預先訂位，都要安排坐門口位，所以唔係好涼。叫咗幾個主菜。❤️UFO芝士火鍋無骨雞$288有七種口味，任選兩款，叫咗果味醬油蒜香烤雞同蜜糖香滑烤雞，兩隻雞嘅味道好似冇乜分別，問職員都分唔出邊隻雞打邊隻雞🤣🤣，雞配芝士好好味，不過啲芝士好快就杰，再加熱都唔會變番之後軟身流體嘅感覺。雞好多，我哋五個人，都食唔晒。❤️韓式雞蛋卷$148雞蛋卷包住青瓜、醃紅蘿蔔、餐肉、海苔同芝士，好似食緊韓式紫菜包飯咁。好食👍！不過就略貴。❤️卡邦尼炒年糕$155有煙肉、意大利粉、年糕同grana padano 芝士再配卡邦尼汁，味道好夾，好好味，不過就唔係好大碟。❤️鐵板泡菜煎餅$115泡菜煎餅唔辣，好好食，又好脆，凍咗都好食👍。💛芒果沙冰$58叫咗杯芒果沙冰，冰太多，未飲得切，就開始溶，溶到成枱都係🤣。服務🤵🏻服務麻麻。環境🌉一般，近門口位較熱。

第一次去呢間店 服務態度令人驚訝叫咗一碟炸雞 （蜜糖蒜香烤雞）一入口有小小咸外皮好硬內裏就係普通雞胸肉 完全唔值個價有朋友話之前食過其他分店 差過其他店好多有禮貌地詢問店員 店員反而一下子極大反應話唔明白邊度好硬（已說明外皮）後來一位韓國老闆娘出現，話係換咗炸粉一直都係呢個味道 明明d雞全部都黑色一忽忽最後令我不適係店員嘅態度 一昧應該我哋係想搞事其實只係想要正常炸雞 希望可以改善 而唔係覺得係客人嘅錯 覺得我哋無理取鬧食物品質真心需要提升

韓國炸雞非常出名，但今次吃的是韓國烤雞，這間店在韓國也非常有名，在香港也有數間分店，大家不想吃炸雞那麼上火，那便要試一下吃烤雞呢🐥甜辣烤雞（無骨）🐥他有很多款烤雞口味，包括黃金脆，辣椒脆，蜜糖咖喱，甜辣，果味醬油，火熱星期五，原味，三重芝士，蜜糖蒜香，蜜糖香滑及火山口味，可選擇有骨或無骨，絕對適合不喜歡（輪）骨的人士呢😆如果選有骨的更可選擇2款口味一起，這個甜辣烤雞，烤雞滿佈甜辣醬，甜甜酸酸，不會有吃過飽的感覺，而且雞肉嫰滑，亦沒有油膩感地中海檸檬沙律🍋吃肉這些很飽的料理，配沙律是一流的，檸檬汁配沙律菜，酸酸的十分開胃，即時戰鬥力加強可以繼續吃肉呢，配菜有大蝦，提子乾，車厘茄，果肉，堅果等，跟檸檬汁十分配合Goobne Chicken (屯門時代廣場北翼)屯門屯隆街2號屯門時代廣場北翼1樓45-46號舖

🍗 社內相親套餐 SET C $388社內相親烤雞(果味醬油蒜香) + 蜜糖BBQ芝加哥薄餅呢個係2人餐黎既比想像中多, 小編3個人食都食唔晒, 真心抵食,  個烤雞好香蒜香味再帶少少甜味,  薄餅表面有滿滿既芝士, 再加上有上面有少少雞肉,  食到好飽🍗 西柚韓式米酒 (JAR) $150酸酸甜甜既米酒, 唔覺唔覺就飲左好多～～～～～～～～～～～～～～～～～～～～～～📍 Goobne Chicken地址:屯門屯隆街2號屯門時代廣場北翼1樓45-46號舖※※※※※※※※※※※※※※※※※※※※※※※※※※※ 

星期日，周圍嘅食肆都人山人海，想搵間餐廳有位食晚飯都唔係咁容易😅，最後都係決定買外賣返屋企食。食咩好呢？突然想起韓式烤雞，就去了「Goobne」買了一隻原味烤雞，雞件大大件，皮脆肉嫩，再配埋個酸白蘿蔔，開胃又好味😋

自開業之後，好耐冇嚟再食，今次特登試下d新嘢！覺得新品中海鮮炒粉絲和芝士海鮮炒飯真係幾好食～海鮮粉絲雖然menu寫住話會辣🌶️，但食起嚟都唔係幾辣而且我覺得係好惹味😍😍😍特別芝士海鮮炒飯入邊有粟米粒，飯上仲有類似mayonnaise嘅sauce，甜甜哋～可以一家大細嚟幫襯都好啱小朋友食。🥰menu都有幾多改動，冇咗以前鐘意嘅C2黃金脆烤雞，就試咗新嘅C6黃金脆烤雞。都令人幾驚喜！會比之前嗰款更脆！而且配咗一個牛油咖哩醬，我覺得係好食嘅！！作為kpop迷，嚟到呢間餐廳真係好jeng！全日播緊kpop歌，食好味嘅韓餐，幾個frd再嗌上一扎香桃米酒，傾下計。真係好愜意。而且老闆應該係韓國人，都會好禮貌咁用韓文同我哋打招呼。而且見到員工都會用韓文同佢哋溝通，好似身臨韓國咁😆😆

Went with family for what was supposed to be a happy occasion. Waitress accidentally poured all the sauces on my nephew. Not one apology. Had to ask them to clean the area where the sauce all was on the floor. Asked for management and they didn’t speak a work of Cantonese or English. Very bad attitude towards a resolution as one lady that came out claiming to be the manager. She only offered to take off the service charge to which of course I was not satisfied with. Finally another gentleman cam

GBP Set B $388果味醬油蒜香烤雞+蜜糖BBQ芝加哥薄餅Fruity Soy Garlic Chicken + Honey BBQ Chicago Pizza好味指數 4/5 🍭🍭🍭🍭 {烤雞可選冇骨或有骨 我們選了冇骨 入口啖啖肉 肉質嫩滑多汁 沒有油膩感 醬汁方面 酸酸甜甜很開胃 但食到底醬汁份量較多 令入口太黏笠 有點膩 薄餅芝士超多 味道香濃 但上面既豬肉很少 只有3粒左右 薯仔就有很多}人參雞湯 $168SamgyetangTraditional Korean chicken soup with garlic,rice, jujube and ginseng好味指數 3/5 🍭🍭🍭{每口都有微微既人參味 湯很清甜 雞有原隻小春雞肉質普通 沒有煮得很入味既感覺}柚子蜜雞尾酒 (一瓶) $150Yuja SojuRecommendation甜甜酸酸的韓國傳統柚子蜜加上燒酒而制成的雞尾酒Sweet and sour cocktail soju usingKorean traditional citron tea好味指數 3/5 🍭🍭

聚餐好地方，入面店員都係韓國人🇰🇷，聽到點半之間嘅對答都係用韓文，成間舖都播住東紅嘅K-Pop音樂，推介哈韓嘅過嚟食！韓式蛋卷-入面包住著黃瓜，醃紅蘿蔔，餐肉，海苔和芝士！芝士炒年糕-係拉芝呀！辣椒醬加上芝士，令炒年糕更香濃！三重芝士烤雞🍗-滿滿芝士粉鋪喺烤雞上面，但芝士粉有啲鹹太多😅，拍走少少好味啲🤣地中海檸檬沙律🥗-真係好清新，超鍾意食柚子同橙😍，蝦同沙律菜都好新鮮，冇苦澀味，滿滿嘅埋杏仁片，顏色配搭好靚，真係好吸引！