Goobne Chicken (屯門時代廣場北翼)

Open Now

Now Closed

今次食呢間新派韓國菜，都食過好幾次，最近睇得韓劇多，所以又深深掛住韓國嘅食物，所以又咗去食韓國菜！🤤Goobne Chicken大家應該都唔陌生，今次我就去咗屯門分店，叫咗我最鍾意嘅UFO芝士火鍋，啲芝士拉絲勁開心😍，仲有泡菜煎餅。UFO芝士火鍋🫕配果味醬油蒜香烤雞+蜜糖蒜香烤雞 $288雞係無骨嘅，有16件咁多，我同細女兩個人食咗12件😂，啲雞好juice，皮雖然有啲醬汁包住，但係keep住食都仲係脆架，甜甜地嘅烤雞配搭芝士拉絲，簡直天衣無縫，超正👍！鐵板辛奇煎餅 $115呢個其實係泡菜煎餅，超脆邊😍，就算擺咗一陣，都仲係好脆，yummy!店鋪資料 🏢: Goobne Chicken-屯門店地址: 屯門屯隆街2號屯門時代廣場北翼L1樓45-46號舖

/📍Goobne Chicken 🧀🍗黑松露牛扒芝加哥pizza 🍕🧀3.5/5普通pizza就食得多🥹大家試過食芝加哥pizza未？🤣芝加哥pizza係韓式pizza🙈裏便充滿芝士同醬料！講返依個Pizza先🙈滿佈幾重芝士🙈每塊都有整舊mozzarella cheese喺上邊，牛扒份量都算足！不過就略嫌醬料有啲甜🥹冇乜黑松露味🥲最後會有少少漏🥹曲奇餅底做得好脆！唔會有油膩感🤣蟹籽沙律醬芝士雞蛋卷🍳🧀 4.8/5依個真係好好好好食！份量好足🥹上枱熱辣辣，切開芝士流心♥️蟹籽沙律醬整得一啲都唔漏！甜甜地，成個組合好夾！#food #foodie #goobnechicken #pizza #koreafood #hkfoodie #foodstagram #blogger

Chicken & More set $308甜辣炸雞🍗以香甜帶辣嘅秘製醬料調味烤雞 韓國人最喜愛之選烤雞外脆內軟 保留到juicy嘅肉質😋香辣醬汁惹味開胃 外層滿滿嘅醬料 入面都調味到位今次叫左無骨 食得爽啲 又乾淨啲鐵板辛奇煎餅🥘有驚喜嘅泡菜煎餅 見佢比一般厚以為會麻麻地點知反而更有口感 外脆內軟 非常香口😙西柚沙冰🍧 $58檸檬特飲🥤 $50兩杯都十分冰鎮涼爽 消滯解膩Goobne Chicken 屯門屯隆街2號屯門時代廣場北翼L1樓45-46號舖

岩岩去完濟洲玩，今日又好掛住韓國野。呢間荃灣分店成日大排長龍，咁岩黎開tuen mun探朋友見唔使排walk in 就食得。我地叫左個$388 set dinner:果味醬油蒜香烤雞Fruity Soy Garlic Chicken소이갈릭 치킨烤雞即叫即烤，上台熱辣辣，唔經油炸，食落同炸雞分別不大，但冇太油膩嘅感覺，我揀左無骨好方便食用，雞件厚肉，肉質嫩滑，而且成十幾件咁多，個汁用黎撈麵撈飯食一定無敵好食。蜜糖BBQ 芝加哥薄餅Honey BBQ Chicago Pizza허니 비비큐 시카고 피자소이갈릭 치킨用蜜糖用芝士調味，香香甜甜，很合我胃口，而且又厚又多塊，芝士拉絲唔算多但食落滿滿芝士味。Goobne Chicken 屯門時代廣場北翼

而家先至知原來呢度有咁正😊雞食，餐廳座位約有60個左右，而且人流都幾多，所以去食的人就最好早d去喇。看看menu就比其中一款三重芝士雞吸引住，秒速一定是必吃首選，共有六款味道選擇。1）甜辣、蜜糖香滑烤、蜜糖蒜香、火山烤、果味醬油蒜和三重芝士烤雞🐔🐔（全部無骨）如果覺得芝士唔夠，可以另加$40 refill大量芝士。選其兩款味道-我吃蜜糖蒜香和三重芝士。每款有8件，全共16件；店員用gas 爐把芝士🧀攪伴，芝士🧀有三款混合，店員把它混合成像一團麵粉，煙煙韌韌彈力十足。隨即把雞混合芝士🧀吃，雞肉外皮脆口濃郁芝士很有嚼勁😍😍 就算不沾芝士，烤雞本身都滿滿蜜糖蒜香和芝士嘅味道。2-3個人份量UFO烤雞二百幾蚊好吸引🤩吃完全盤雞已經很飽🐔再叫多一個凱撒沙律，全碟沙律每一粒配料都鋪滿咗芝士粉，還有烚熟咗嘅雞蛋🥚、菜和蕃茄等蔬菜配料，幫助消化。

Goobne呢間老字號，起碼烤雞一定有保證先，種類夠多得到朋友介紹，叫左呢個蜜糖BBQ芝加哥薄餅9时 $208 切好8件，多重口感，薄餅邊皮好薄脆，咬落去好似食緊cookie 咁， 軟腍腍嘅cheese, 中間嘅啖啖肉陷入左濃郁的芝士池內，豬肉半肥瘦，加入左蜜糖，味道香甜，薄餅拉出黎完全做到拉絲的效果芝士控之極邪惡系列三重芝士烤雞 （無骨） $238 外脆內軟&嫰烤雞，個層皮咬落去好香口，烤雞面頭痴滿左車打，忌廉，藍紋芝士，食到成個咀都芝士粉，濃烈嘅芝士香味呢個烤雞會有醃蘿蔔附送，蘿蔔嘅鮮甜味，真係爽口又解膩

身為韓餐愛好者的蘑菇食過好多間Goobne Chicken，而位於屯門時代廣場的呢間係我心中最有韓國feel的分店，無論食物質素定係店內環境，都令人彷彿置身於韓國。店主係一位文質彬彬的韓國아저씨，店員都普遍識韓文，服務十分周到，會幫手斟水今次蘑菇嗌咗Chicken&More套餐（$308）可以選擇一款烤雞拼一款小食十分抵食～🍗果味醬油蒜香烤雞蜜糖般濃郁的果味醬汁包裹住鮮嫩多汁的雞肉，表皮酥脆金黃，散發出誘人的蒜香，同時甜與辣交織，每一啖都令人讚嘆🌶️泡菜煎餅以鐵板盛上，表面金黃酥脆，散發令人垂涎的香味。內餡則是酸甜可口的韓式泡菜，酸澀中帶有一絲辣味，與麵餅完美融合🍹鯊魚之淚（$88）檸檬與香桃調和的一款招牌特飲，清甜可口，碎冰解渴消暑，啱晒打卡

朋友想食韓國野，屯門都得幾間可以揀，就決定試呢間，落餐時叫左三樣野，一路食一路等，個玫瑰炒年糕一直都未到，試過催單兩次，但都係未出餐😂😂 就黎食完時，搵另一個待應再催單，先知原來一直冇幫我地落到😂 白等左半個鐘等緊途中，都見到😂 男店主(?)韓國人黎，佢為左執啲位出黎比人入，有台客食緊無啦啦幫佢執埋同一碟😂 見到個食客都o左咀😂 又冇啦啦比個外賣兜佢，但重點佢地一直仲食緊😂😂😂 仲有另一台想合成8人台，都係有催另一台人埋單走咁 態度真係麻麻地炸雞都滑既　但無雞髀肉有啲唔係咁開心個粉太厚啦！未必有下次！

在網上外賣平台落單，我準時去到，去到門口已經好多人等緊外賣，等極都未有。結果話我張單俾人拎咗。有冇搞錯？ 企喺度等咗就嚟成個鐘。你哋人為嘅錯誤，點解要我哋食客負責？超級過分。仲誣蔑我，問我係咪有朋友拎咗。如果有CCTV，都會見到我企咗喺門口等咗好耐。同埋我已經同佢多次強調，完全冇將個code俾家人或者朋友拎。真係好過分。呢間餐廳真係需要檢討，處理外賣單嘅程序。有乜理由我呢張單會俾人哋拎咗都得？ ？ 你哋冇個程序去檢查人哋客人訂單嘅咩？

屯門友聚餐選擇了韓式烤雞 🍗 提前預約訂枱，當日小店都坐滿客人，座位之間都有點擠擁，連放袋既位置都無 😅 而且入座計起用餐 90 分鐘，感覺上會有點趕🍗 𝗛𝗮𝗹𝗳 𝗮𝗻𝗱 𝗛𝗮𝗹𝗳 (𝗯𝗼𝗻𝗲-𝗶𝗻 𝗼𝗻𝗹𝘆.) 𝗛𝗞𝗗𝟮𝟰𝟴烤雞味道款式眾多，但如果想要半半烤雞卻只有四種選擇，而且只限有骨，最後要 🌶️ 甜辣烤雞和 🍯 蜜糖蒜香烤雞。份量都算多，甜蜜烤雞灑上花生碎(好似係🤭) ，整體味道少少甜但唔辣。而蜜糖蒜香烤雞就灑上蒜片，蒜香同蜜糖味都唔夠。其實兩款味道有點相似 😂 雞肉亦唔算嫩滑，整體一般🧀 蟹籽沙律醬芝士雞蛋卷 𝗛𝗞𝗗𝟭𝟮𝟴見到隔離枱好邪惡蛋卷就心思思叫埋一份 🤭 沙律醬滿瀉，切開仲有拉絲芝士，唯一美中不足就是蛋卷煮得有點過熟，不夠流心 🍳🌶️ 鐵板辣炒豬肉 𝗛𝗞𝗗𝟭𝟱𝟴雖然味道比較重口味，少少辣但愈食愈上癮 🤤 而且除了辣豬肉，仲有年糕、洋蔥、蘿蔔、大蔥等配料，啖啖滋味！🥘 砂鍋魚糕湯 𝗛𝗞𝗗𝟭𝟱𝟬同印象中的魚糕湯有出入，串串魚糕去左邊呢？🥹 至於味道，頭湯味精味濃，魚丸魚糕都偏重粉🦈 鯊魚之淚 𝗛𝗞𝗗𝟴𝟴十分有噱頭的一杯打卡飲品🥤可以選擇有酒精或無酒精，十分方便揸車人士！👧🏽

第二次嚟因為係dinertime 見餐廳周圍都坐滿晒人老闆娘好好即刻專登攞咗幾張櫈比我哋坐住等住先雞肉好juicy 滑嫩即叫即整嘅 等咗有dd 耐但冇失望到如果下次要來嘅話可能真係要預啱啲時間

就嚟聖誕，同屋企人出去食餐飯。屋企人發現屯門呢家韓國烤雞舖，就嚟試下。未入到去門口就見到裝飾好靚，非常有聖誕氣氛！入咗去，員工就用韓文同我哋打招呼，店內播住韓文歌，覺得自己好似喺韓國旅遊咁。嘢食都幾好味，下次會再嚟試下其他嘅雞同side menu。

有手臂紋身 服務勁差。首先我1815入座等齊3位屋企人。8分鐘後同我講落單先。因為焗野耐d... 10分鐘後屋企人到齊。想再落單。同我講落單時間得30分鐘。前後20分鐘。絕對趕客。無下次如果想係到同朋友gathering...佢地絕對唔歡迎。只係想你入黎即刻食完起身

又係忘記影相2個人12點剛開舖入座，可能太早，得1個員工，未訓醒咁，位自己搵坐，睇完餐牌有個嬸嬸番工，就諗住叫佢落單，跟住開口講普通話，以為係同胞，原來係韓國人，知道之後改用英文同佢溝通，問佢係咪韓國人時，佢態度好嚴肅咁用英文答，呢度韓國店，當然係韓國人，呢點我有d反感，即係我都係問句，方便睇下以咩形式溝通者～同埋你咁講，我係咪可以話呢度香港，用番廣東話啦?咁?其實大家友善少少，唔好一黎就起槓囉～因為最近睇完韓劇超想食，就叫到成枱野，反正食唔哂打包～芝士火鍋烤雞2個味共16件，泡菜餅，炒粉絲午餐，炒年糕，2渣馬格利，1藍莓1桃味味道真心100%好味，至少係好岩我胃口😀🥰，-烤雞配芝士，需邪惡但真心正，不過美中不足係，雞冇想像中脆口-泡菜餅又香又脆，味道夠，唔會太咸冇泡菜味，又唔會淨係得泡菜味，食得出有層次感☺️-炒粉絲又係我好鐘意既味，唔會好似韓米咁又乾又淨係得黑椒味，肉又冇味餸又少，咸、麻油、黑椒3隻味平衡，餸又足夠-炒年糕軟硬適中，又多配料，汁好味但我個人感覺汁多左d，鐘意食汁人士就岩哂-馬格利，係酒同一d果汁呀汽水呀個類既混合，有d仲會加冰blend下，呢度就應該係加果味糖漿加冰b

三個人來吃Goobne, 都知道咁小人叫唔到好多款野架啦！但估唔到最後係飲野仲貴過食野😂我地點左個UFO Fondue,超邪惡又大愛既芝士😋這裡的店員好專業，望住佢煮芝士煮到好似玩雜技咁👍🏻十六件雞三個人食，每人平均最小要食五件😏真係食到我地眼鯨鯨，甜辣烤雞比蜜糖蒜香烤雞更好食，最意想不到我地點了渣蜜桃韓國米酒可以咁好飲，酸酸甜甜，不停續杯，最後還要再encore多渣，真係好痴線😂🤣，我地係咪去左居酒屋呀？😅 P. S酒精濃度只有0. 8%！🙈