Fika

Open Now

Now Closed

將軍澳坑口一帶由多個廣場連接而成，一般起居飲食喺連鎖式店都搞掂晒，今次竟然比我搵到間街坊小店，價錢親民食物又有質素保證，值得大家去試吓！同老公嗌咗兩個Starter一個main，份量都唔小，夠晒我哋食🌮香濃墨西哥玉米片配三色絕對水準之上嘅玉米片，玉米片熱辣辣又脆卜卜，配上醬汁又香口有惹味🥑牛油果蟹肉脆餅牛油果醬撈埋啖啖蟹肉，配上脆片多士，味道好夾，一啲都唔漏！ 🍝Fika自家製係雙重煙腩肉卡邦尼意粉一開始諗住係普通嘅卡邦尼，食落口煙腩肉煙燻味好重，令到意粉嘅層次變高，某啲煙腩肉仲脆卜卜好似豬油渣咁，好有中西式mix and match嘅感覺！加上醬汁份量恰到好處，絕對水準之上！📍Fika (將軍澳)將軍澳坑口坑口村24號地舖大

#20240614 📝📍 Fika @fika.hanghau 將軍澳坑口坑口村24號地舖➖➖➖➖➖➖➖➖➖➖➖➖➖➖➖➖➖#牛油果蟹肉脆餅 #半份 $44💭 係平時啲吞拿魚罐配餅小食既高級版，牛油果味主要功用應該係將啲蟹肉變左一個醬，所以唔太濃味🥑無搶到啲蟹肉既味道，食到一絲絲既蟹肉，仲有面頭幾粒三文魚子，有海洋既感覺🦀.#12個月巴馬火腿芝士薄餅 $178💭 個pizza好大個，真係唔建議兩個人食，會飽到食唔落其他野😮‍💨上面有好多芝士，做到拉絲既效果🧀每塊上面都有大大塊既巴馬火腿同火箭菜，一啲都唔孤寒，餅底脆口得尼帶少少煙韌，係絕對飽肚既選擇🍕.#FIKA自家製雙重煙腩肉卡邦尼意粉 $168💭 佢個雙重煙腩肉絕對係自家製，係出面未食過咁得意既卡邦尼🤪用左本地同埋意大利既豬面肉去整，再加埋正宗既意大利綿羊芝士Pecorino，食落有種鹹香既味道👅撈埋面頭隻蛋黃，意粉索晒啲味好正🍝.#將軍澳美食 #🐷在將軍澳 #🐷_食

✨ 今日約好朋友落坑口村Fika晚餐，餐廳坑口站行過去大概8分鐘，晚餐時間座無虛席，好幸運有最後一張二人枱。***** ***** ***** ***** ***** 🥗香橙八爪魚冰菜海葡萄沙律賣相好靚喎，冰菜我哋第一次試吓，食落好鮮甜，柚子沙律汁使人好開胃，沙律菜又夠新鮮，八爪魚都好多，份量好足。🍝Fika自家製雙重煙腩肉卡邦尼意粉是餐廳自家製卡邦尼，有別於出邊餐廳，先將雞蛋撈勻，每啖都掛上雞蛋汁，感覺是健康不油膩，配料竟然有炸香煙肉🥓粒超好食。🥪牛油果蟹肉脆餅非常鬆脆的多士底上邊是牛油果蟹肉蓉，兩者口感同味道好夾，鬆脆+軟綿綿好creamy嘅蟹肉牛油果醬，特別又好味。整體嚟講，難得的西餐廳位於坑口村，服務一流，一定會再嚟幫襯。

之前老細住清水灣，成日都會落嚟坑口村搵食～佢話以前呢度非常繁榮，好多食肆，今日帶我嚟重拾舊歡！但係其實週圍景況已經大不如前…偏偏黑暗之中有一顆螢火蟲！🤭😅就響坑口村牌坊下面有大大個燈牌～就有一間西餐廳！週圍水靜河飛，但係佢門口就排滿曬人，入面坐滿曬客～星期五冇預約都要等一輪先可以入座～🫣😵所以記得預約喇！！🥰餐廳除咗食晚餐外，好多枱都嚟飲酒，可以自帶…可以order～悉隨專便～牛油果蟹肉多士：上面仲有脹卜卜三文魚子，牛油果蟹肉調味唔錯～清新有蟹味～佢個多士用嘅麵包好好味～烘脆咗口感好好，兩三啖就可以食一件！週打魚湯：顏色同平時飲嘅好唔同～質地亦都冇咁稠，又係嗰件麵包（應該係湯種包）外脆內煙韌～淋上香草橄欖油，好好食！！水牛城雞翼：有別於一般炸到脆曬紅卜卜嘅水牛城雞翼～店員佢哋用正宗嘅做法，即係用tabasco同檸檬汁，所以食味又係比較特別…鹹鹹哋…酸酸地…辣辣地…都幾惹味嘅！！Carbonara扁意粉：呢個上枱除咗好香嘅芝士味～竟然畀我發現佢哋用咗特別嘅食材---豬油渣！！店員話佢哋嘅意粉係用豬面肉、豬油渣嘅豬油，所以好香口～好似中式嘅豬油撈飯咁，但係感覺一啲都唔油膩，咬落豬油渣度，真

今日去將軍澳醫院🏨睇完中醫，約朋友响附近搵食，見到有間幾靚嘅西餐廳，一於入去試吓😃坐低之後店員給我們餐牌，雖然只係午餐，但都有好多選擇我哋揀咗其中兩款 lunch set首先前菜係沙律，好 fresh，啲蕃茄🍅好甜之後上 main dish，墨西哥牛肉卷，餡料仲有啲洋蔥絲同埋彩椒絲，切開有拉絲呀，真係好好食😋，配菜係薯條🍟， 味道一般啦。朋友叫咗餐湯，主菜明太子🍝，啲醬超好食，同個大🦐配搭得好好Set lunch 包飲品，我點咗特色咖啡，要加18蚊，朋友點咗花茶☕餐廳位於將軍澳坑口附近，坐得好闊落，同埋店員嘅態度都好好，好親切， 店來裝飾都是自家手繪的🖼️油畫

Fika～ a moment to slow down and appreciate the good things in lifeFika 是一間可以令人放慢腳步，停下來歇息一下的西餐廳，和好友👭一齊品嚐美食，是生活中美好的時刻……餐廳開設在將軍澳村屋內，簡約設計 配合木系傢俬，地方不大，但感覺清新自然，令我印象最深和最喜歡的貓咪主題和Fika日與夜畫作，原來是店主家人繪畫的，非常靚😍午餐配沙律/餐湯和飲品，人均消費大約一百多元，是一般意大利餐廳的價格，不算太貴。我和朋友二人點了：-墨西哥烤牛肉配粟米卷餅 薯條$108，餡料豐富，有牛肉、芝士、洋蔥、椒絲和生菜，味道微辣，除了香烤味道，賣相很有墨西哥風味🌮日本明太子扁意粉配炸虎蝦 $128，有5隻幾大嘅虎蝦，醬汁微辣，意粉面舖咗少許紫菜絲，無論賣相或味道，都加添了一份層次感。沙律配羅勒油醋醬，清新開胃。茉莉花茶 (跟餐免費)，味道清香。Cappuccino 特色咖啡跟餐 +$18，味道不錯。

Set Dinner for 2（$668）✨甘筍粟子湯湯底濃郁醇厚，甘筍和粟子完全融入湯中，味道層次豐富，顏色和味道亦頗像南瓜湯，好好味✨牛油果蟹肉脆餅牛油果蟹肉蓉搭配酥脆的餅底，好足料，啖啖肉，入口感受到蟹肉的鮮甜，口感層次豐富✨慢煮雞胸凱撒沙律雞肉以低溫慢煮的方式烹調，鎖住了肉汁，口感細膩，沙律清脆可口，佐以濃郁的凱撒醬，清新又多汁✨炭燒加拿大豬胺配溏漬蕃茄沙律肉質柔軟多汁，豬皮邊煎得香脆，一點也不韌，好驚喜，配以桂花漬蕃茄沙律，酸甜適中，可以解解膩✨XO醬香蒜大蝦蝦千扁意粉蝦肉肥美彈牙，XO醬的香辣醬汁與蒜香完美融合，沾在彈牙的扁意粉，一口接一口✨橙香卡特拉娜配雪糕橙香卡特拉娜配以雪糕，好香甜，雪糕底部帶有脆脆，增添一點口感

今日去咗大坑村搵朋友，發現原來村口有一間西餐廳，裝修光猛闊落，又有啲畫作裝飾，所以就入去坐下休息吓啦！未開始正餐之前，我哋點咗個餐湯，今次係龍蝦湯，飲落充滿龍蝦味，仲有啲蝦肉粒粒同八爪魚喺底， 十分足料！首先我哋點咗一道炸八爪魚粒粒，外皮好香脆，已經調好咗味道，不過配埋個沙律醬更開胃，一粒接一粒停唔到～另外見到呢度都好出名卡邦尼意粉，食落果然名不虛傳，每條意粉都包滿好Creamy嘅白汁，配埋半熟嘅溫泉蛋蛋汁，份量啱晒女仔😋😋我哋仲點咗一道黑毛豬鞍配豆泥，黑毛豬肉質好嫩口，切開仲肉汁流出嚟，十分Juicy！推薦大家試吓😍😍😍

Fika • 將軍澳要搵呢間餐廳可能有少少難搵，位置可能比較遠，都係見網上有人推介所以決定試一試。餐廳服務非常好，雖然係西餐廳，但感覺係可以同老闆閒話家常嘅餐廳，老闆態度親切，服務幾好😋😋..✅ Fika 炭燒西班牙黑毛豬梅頭烤日本甜薯 🐷 $298豬肉普遍係較難處理嘅肉類，呢道菜嘅梅頭肉煮至剛熟並帶點微微粉紅，豬肉無太濃調味，食嘅係純純帶點肉汁嘅肉香味；旁邊日本甜薯細細粒好煙軔軟糯，味道香甜，感覺似食拔絲嘅感覺😙..✅ 十二個月巴馬火腿芝士薄餅 🍕 $178薄餅係6塊，超大塊，餅底煙軔，上面芝士份量好多而且搵絲，火腿感覺帶濃嘅鹹香味，而加入火箭菜帶來少少清新😙..✅ 牛油果蟹肉脆餅 🦀 $88脆多士上鋪上滿滿蟹肉，食到一絲絲感覺，本身同牛油果都夾，味道唔係太濃，作為餐前小食唔錯。

同小茉莉係坑口體育館玩完messyplay去搵野食比我seach到坑口村有間新開既隱世西餐就行去試試佢😌叫左個海鱸魚配米形粉，個魚煎到外皮脆魚肉嫩，個娃娃菜都落左啲鹽去燒，唔會燒到好乾，咬落仲有菜汁。而個米形粉我第1次食😆覺得好特別，好有咬口，仲要粒粒都有汁係外面，好juicy 同埋叫左個自家製沙律🥗好大一碗！啲菜好新鮮又脆口，仲有好多唔同材料，南瓜、蕃茄仔、無花果、菇、煙三文魚、藜麥、杏仁片，配埋酸酸地既沙律醋都幾開胃

本身唔太肚餓 所以就咁嗌咗兩個意粉就算 查實我睇中佢哋個set dinner嘅XO醬意粉 可惜冇得單叫 下次有機會再嚟試試- Fika自家製雙重煙腩肉卡邦尼意粉呢個好似係佢哋嘅招牌 唔同舖頭煮嘅卡邦尼意粉嘅手法同味道都唔一樣 佢有個好橙黃嘅蛋黃喺中間畀你撈 成個意粉都好多芝士🫢味道唔錯- 日本味噌配新鮮青口蟹肉意粉好似未食過味噌配意粉 幾特別 青口都算多 意粉好creamy 味道方面我鍾意呢個意粉多啲最後由於我太飽 交灑畀朋友清碟😂話說呢間餐廳服務幾唔錯 幾有禮貌 令人回頭機會增加咗

今日同朋友嚟到將軍澳踩單車，踩到嚟呢邊見到有間幾靚嘅西餐廳，望落去好超，同埋入邊好似有好多打卡位，一於入去試吓😃我哋叫咗一個水牛芝士沙律，好Fresh，d蕃茄好甜😍😍然之後叫咗個辣肉腸Pizza ，pizza拉絲既，真係好好食丫😍😍另外叫左3重滋片taco，個片超級脆，好香口，另外啲醬超好食，同個脆片配搭得好好餐廳位於將軍澳坑口附近，坐得好闊落，同埋店員嘅態度都好好好熱情，推介大家過嚟試吓😃

見到好多人推呢間餐廳,我都唔執輸,試一試!位於坑口村離地鐵站都要行一陣,絕對係隱世西餐廳!餐廳唔算好大,但都坐到6-7枱客,餐廳唔單止令你能夠體現西式精緻用餐體驗,而且仲可以令你味蕾感受到好滿足🤤真係好難搵到!⭐️牛油果蟹肉脆餅 $44金黃色的烤多士表面酥脆,放左牛油果泥mix蟹肉係上面,另再on top放左少量三文魚子做點綴,賣相唔錯~作為前菜分量唔多,一份有2件,係一個幾清新既開胃菜。味道食落好鮮好脆,幾好味～⭐️炭燒黑毛豬梅頭豬排,烤日本甜薯 $298擺盤好靚,黑毛豬燒得好靚,好香～🐽油脂分布比例平均,呈現出誘人粉嫩色,好高質既黑毛豬!煮至7成熟,睇得出係經過精心煮出黎,肉質鮮嫩多汁,咬落去感受到肉汁係口入面流淌,肉質細膩,無一絲乾澀～烤日本甜薯好甜,口感軟糯~另外!!!!芝士蘑菇🍄‍🟫真心好好食🥹🥹🥹一定要試!!!⭐️Fika自家製雙重煙腩肉卡邦尼意粉 $168拎出黎仲係熱辣辣,令人食慾大增!!細心啲睇意粉上鋪左兩種唔同口感既煙燻肉,一種嫩滑多汁,一種帶有微微香脆的煙燻感,兩種肉質共同烘托出呢碟意粉既精粹🤤!食落鹹鹹地脆脆地又好creamy..有少少好惹味嘅感覺～好味😋絕對值得一試！

#朋友推薦 超高質意大利餐廳🇮🇹瑞典北歐風格 - 簡約裝修、木質家具都令人感覺悠閒、舒適老闆以前任職酒店西廚，同女朋友一齊開咗呢間小店地點雖然有少少’隔涉‘但住屯門嘅朋友表示都會再去幫襯😂😋必食😋🥩炭燒美國肉眼扒·蒜蓉炒菜配薯條欣賞廚師強烈推薦medium (通常廚師對出品有要求，煮出嚟嘅嘢先好食) 果然出到嚟火喉控制剛剛好，塊扒rest夠冇血水，仲有濃濃嘅炭燒香味⚡️另外值得一讚係炒菜，非常有心思 - 用蒜蓉炒四季豆、紅蘿蔔、西蘭花、椰菜花，唔係平時用水hea烚熟就上碟*唔怪得另一個朋友仔家住青衣，都成日山長水遠專誠揸車去坑口食扒🍕傳統美式辣肉腸薄餅小朋友扭計扭咗好耐要食 #pepperonipizza 趁熱食邊皮鬆脆 (由於mommy只被分配到個皮… 中間個餡comment唔到😅) 不過以佢一個人仔食咗兩大塊，應該好好食

想不到坑口村也有隱世高質cafe，從坑口港鐵站行至富寧花園商場後面便見到坑口村，離遠望向村口已見到Fika的招牌。Fika這個瑞典詞語代表了休息一下、慢下來、重新調整或與朋友見面的意思。在小店悠閒的氛圍下，放慢急速的腳步，享受特式的美食，簡直是一樂也！🦪紐西蘭青口～青口以白酒及忌廉汁烹調，配上法包同吃。青口肉質肥美鮮甜，法包蘸了白酒忌廉汁後，特別滋味。🥑🦀🍞牛油果蟹肉脆餅～牛油果及蟹肉先打成醬，然後鋪在脆餅上，可說是鮮、脆，香集一身。🍝Fika自家製雙重煙腩肉卡邦尼意粉～卡邦尼意粉用上煙肉加豬腩肉烹調，豬腩肉的油脂及煙肉的鹹香，令Fika的卡邦尼意粉較坊間的味道更具層次。🍎🫓招牌Fika焦糖蘋果金寶配意大利雪糕～Apple Crumble 充滿肉桂及焦糖香味，焗得香脆可口，伴雪糕同吃，形成絕美的冰火二重奏。