點心到 (鴻星大廈)

Open Now

Now Closed

中午時間到到都人多啦，但日日食茶餐廳，好悶呀，咁不如去飲茶啦，剛剛附近新開了間點心店，於是就與同事去食下，入去位置寬闊，光線充足。坐低後等職員給QR code 點食物，個荷葉蒸飯真係幾好食，可惜同事起筷太快，已拍攝不到，但飯裡有陣陣荷葉清香，值得一試。其次是個流沙飽也是一流，有大茶樓水準，餡料是流沙不是實心，炸兩腸粉亦都好鬆脆，建議大家豉油分開上，我還叫了麻蓉包，上面印有不同的樣子，非常有趣，而且不會太甜蝦餃和燒賣就一般，沒有特別，不過不失，但內裡有多隻原蝦，不是混合攪碎。馬拉糕和煎虎椒又於都是即叫即整，所以也不錯。整餐點心又落單到上菜只需20分鐘，非常快捷，有充足時間慢慢吃，而且味道比酒樓有水準，特別是荷葉蒸飯。又多一間午餐飯堂選擇。

夜晚見到居然仲可以一盅兩件梗係唔放過！💎潮州粉果一籠三件外皮好晶瑩好飽滿入面超多花生🥜口感超好💎欖仁榴槤酥外表扁身食落超濃榴槤味可以咁重味加埋軟身偏濕潤估應該落左真榴槤蓉👍🏻💎卡通流心芋蓉包一盅三件包點size較平時酒樓細唔怕食左一件就飽晒個樣畫左笑哈哈細路仔都鍾意食入面芋蓉甜度好自然食落唔死甜💎蜜汁叉燒包包體鬆軟蜜汁叉燒香甜💎黑蒜螺片燉肉排湯超足料超大粒原粒黑蒜！係重味既湯飲左一啖已感覺到好補身女士必點呀💎沙參玉竹燉土雞湯呢款湯相對較清甜如果同人share建議先飲呢款後飲黑蒜湯藥材同雞件都煲到淋好出味Overall都好高質性價比高冇加一茶芥$5位但茶一啲都唔hea唔係平時幾杯就冇晒味係起碼有茶味解膩

香港最近好流行全日點心 好新派啱曬我呢啲唔鍾意去酒樓嘅人呢一間 “點心到” 又係地舖 晚市又有點心又有飯食 啱曬我最鍾意放工嚟食點心 飲啖茶點心非常有水準 選擇又多又近地鐵站 非常之方便 食物好有質素所以都鍾意同朋友過嚟呢度食晚餐今晚點咗 燒賣 上面隻蝦好大粒 用料豐富 豬肉味好香燒汁讓燒虎皮椒 魚肉好新鮮 煎到好香上海小籠包 湯汁 爆汁豬肉味濃 係推介之選卡通流心芋圓包 卡通外表非常可愛 加上流心芋蓉 啱曬我呢啲鍾意芋蓉嘅人呢度仲有 燉湯 非常補身沙參玉竹燉土雞湯 用料豐富湯 好濃味感覺養生 最愛呢度嘅甜品有我鍾意嘅榴槤雪媚娘 裏面有好多忌廉 同埋榴槤肉 係我心水推介養之作係我另外鍾意嘅甜品 楊枝甘露芒果西柚勁豐富 芒果味好香濃 呢度地點方便 價錢唔貴 好想同朋友再嚟

油麻地..點心到.., 點心精緻好味道,價錢實惠, 而且免收加一, 茶錢每位只收五元, 地方裝修簡潔, 適合知己或一家大小共享飲茶之樂.蝦餃 16元...皮薄餡靚,新鮮蝦爽脆彈牙,味道不會太鹹,而且大大粒非常之抵吃.香茜牛肉腸粉配時菜.25元.....牛肉新鮮有肉味,腸粉皮薄爽口,即叫即做,與別不同,好味👍👍😋😋鳳爪排骨籠仔飯.35元....鳳爪和排骨醃製入味,排骨新鮮入口嫩滑,蒸飯好吃在飯是一粒一粒的,好有質感,好有水準😀👍🍚🍚潮州粉果...19元...內餡豐富有花生,瘦肉,香菜,榨菜等等 外皮煙煙韌韌好有口感, 好好食,真想食多一籠😀😀😋鮮竹卷.19元.....湯底清甜不油膩, 外皮淋身爽滑,喜歡吃清淡的朋友這個不容錯過👍👍🫔

放工又同朋友食飯 好想食點心就嚟咗呢一間晚上都有點心食嘅地舖餐牌種類真係好多好正夠曬親民地到精瑩鮮蝦餃 蝦肉好新鮮 彈牙沙律明蝦角 係我嘅最愛炸到好香口 大粒蝦肉好飽滿沙薑汁繪鮮淮山 好少有做得好好食楊枝甘露 夏天食呢個甜品真係一流呀榴槤雪媚娘 忌廉好香滑再加埋榴槤好香啖啖榴槤肉黑金流沙包 感覺高級矜貴 流沙熱辣辣香茜牛肉腸 份量夠曬多 即叫即拉 熱辣辣上海小籠包夠 爆汁好多湯呀皮薄餡靚豬肉味好濃 坐得好舒服選擇又多晚上人流都好多 有水準嘅點心我會同朋友多啲嚟

油麻地點心到，別於一般酒樓，茶餐廳格局，點心主題，價錢親民，幾特別🙆🏻‍♀️ 我地叫左：.🥟黑松露菜苗餃🦐籠仔金銀蒜海蝦飯🥠懷舊鵪鶉蛋燒賣🌶️紅油抄手🥯黑金流沙包🍲沙參玉竹燉土雞湯.籠仔金銀蒜海蝦飯必食！超香！飯同蝦都吸收哂蒜味好正好惹味！黑松露菜苗餃賣相精緻，點點黑松露在面頭增添香味！.黑金流沙包即奶黃包🤩 係我鍾意食既包點之一！裡面既蛋黃醬好香！燉湯不得了，原盅上，裡面勁足料🤩 有好多紅棗同桂圓，湯頭好濃郁，好滋補👍🏻

優點- 有幾種點心可以叫兩件，適合一兩個人，如果所有都有半份，貴小小都OK。- 所有食物都非常熱辣辣。蝦餃 兩粒（ $16）4分- 都算大隻，皮薄同滑- 涵料應該大部分都系蝦，都算鮮味燒賣兩粒（$15）4分- 一大隻蝦系燒賣面，蝦味比蝦餃更好更爽- 肉應該系切肉吾系免治豬肉，有咬口，系肥左小小。山竹牛肉（$21）4分- $21蚊有三大粒，賣相都幾好- 牛肉味系有，但比原茜味蓋過吾少- 牛肉吾夠彈口。牛肉腸粉（$25）（4分）- 皮吾算食過最薄，但好滑- 牛肉都幾厚同滑碳燒山楂鴨絲包（$28）（$2分）-哩個系賣相同名呃到人的包，因為好多檯都有叫- 表面系乜真系吾知道，包皮有小小黐口- 涵料同汁非常吾滿，空洞洞- 一D 山楂味都無- ”鴨絲”質感一D 都吾似鴨，好似午餐肉，又無鴨味。

今日放工同女朋友去現時點行下街，路過見倒有點心專門店。見最近都有幾個星期無同屋企人飲下茶，試下夜晚入去過番個飲茶癮。呢間" 點心到 " 坐低之後係唔洗叫茶，因為佢會預設得普洱，不過我同女朋友都係普洱愛好者，所以係無問題~見倒佢餐牌都好多選擇，有炸有腸粉有傳統蒸點心，都好齊全下。懷舊混醬腸粉:  腸粉本身都幾夠熱同幾滑，甜醬同花生醬都比得好夠。蝦餃: 個皮都算幾薄，蝦肉彈牙可以食得出係新鮮上海小籠包: 汁水都有，舊肉調味亦無過咸 黑松露菜苗餃: 呢個出面茶樓好少有得食，餃入面蝦肉同菜都好夠味，黑松露為點心加左少少新鮮感黑金流沙包: 呢個推薦，有D茶樓係做到流心個款反而唔係太喜歡，佢流沙個口感食得黎唔會好麻煩四寶滑雞扎: 雞肉好嫩，加埋有我超級喜歡嘅蟹柳呢排好熱氣，少少可惜無試佢D炸野食，下次可以再黎!!

行街經過見佢街外野食相廣告幾吸引入黎試入座洗埋野等咗5分鐘唔叫都唔比張qr code落單紙黎😓籠仔金銀蒜海蝦飯味道可以但d飯得1cm高食完一定唔夠飽，太少薑蔥牛柏葉都可以千萬不要點凍檸檬茶，完全大伏，似d茶溝咗好多水落去放2塊檸檬就算，難飲過街邊茶記食完好似趕收工，收哂d野，連筷子碗都收埋我心諗我都未食飽諗住再點野食見佢咁做唯有賣單冇下次，因為同類型嘅店舖都仲有好多，所以同我標題一樣，野食可以，但服務唔得既一間店舖

「點心到」開左油麻地新分店，好近公司，收工黎嘆點心。👉🏻蝦餃蝦肉存在感好高，爽滑彈牙。有得叫2粒，可以試多幾樣點心。👉🏻金沙脆皮銀蘿腸⭐️好推介呢隻腸粉，雖然餡料只有手切白蘿蔔幼條，但裏左層脆漿炸得好香好惹味。👉🏻潮州粉果細細粒好的式，內餡都唔少，有好多爽口嘅沙葛粒粒🙌🏻點辣椒油幾和味。👉🏻三絲鮮蝦舂卷⭐️驚喜～非常多蝦肉，熱辣辣即叫即炸。👉🏻豉汁蒸鳳爪、薑蔥牛柏葉呢兩樣都正常水準，大碟抵食。👉🏻榴槤雪媚娘⭐️黎到最期待嘅甜品，薄薄糯米皮包住忌廉同榴槤夾心，唔甜唔漏，唔怕肥的話我可以食3個🥳

上網睇到食評 談論流心芋蓉包同榴蓮雪媚娘好正 實在太吸引啦大概7pm入座 榴蓮雪媚娘已經售罄啦🤓我地點左卡通流心芋蓉包 蝦餃 (2粒) 燒賣 (2粒) 金沙脆皮銀蘿腸 香煎蘿白糕💁🏻‍♀️卡通流心芋蓉包賣相相當趣致 每個包既表情都唔同芋蓉味好突出 仲有芋泥粒粒甜度岩岩好 雖然無流心效果 芋蓉相當香滑好味🫰🏻💁🏻‍♀️蝦餃/燒賣 各兩粒可選擇兩粒或四粒一籠蝦餃同燒賣d 蝦都好爽口 但冇鮮甜味 蝦餃餡有蝦仲有有一細舊豬肉 味道好奇怪 唔識用文子形容 燒賣餡肥豬肉偏多 💁🏻‍♀️香煎蘿蔔糕蘿蔔糕賣相煎到微金黃 相當吸引 面層煎得薄脆 但質感麻麻 一夾就散而且配料相當少 只有少量蘿白絲同臘腸粒💁🏻‍♀️金沙脆皮銀蘿腸脆皮銀蘿腸入面有足料蘿蔔絲 西芹碎同香茜碎 腸粉皮夠薄身算滑 但脆皮炸得好油唔脆 仲有一陣油溢味 已經影響整體味道除左芋蓉包好味 整體黎講點心味道比較普通而且同市面上既點心價錢相若 熱茶只有一款提供 無其他選擇 食物: 6/10環境: 6/10服務: 6/10性價比: 5/10

平日朝早無折，叫3碟點心埋單$82, 貴到飛起。沙律明蝦角有洗潔精味，又炸到過火。鳳爪以為自己係街市買個D雪床，唐記都好食個佢。腐皮卷油淋淋餡料又差。無得選咩茶只有普洱。中伏伏....

在油麻地看到新開的點心專門店，相約朋友吃去午餐。店內檯與檯的距離較近，兩旁設有卡座，行人的通道窄，送點心的手推車也是剛好能通過。我們進店時剛好有卡座，三人可以坐得較舒適。全店的食物品種就在一張餐單紙上，數數看有49樣。茶錢每位5元，只供應潽洱，用一個大的保溫壺放檯上。店內用掃碼下單，不過我用手機把點心款式點選後卻不能送出，向店員查詢，店員也解決不了，於是改回紙本在餐單上剔選。炭燒山楂鴨絲包，包面黑漆漆的，包內鴨絲混和著醬汁，口感非常軟熟，熱度足夠。黑松露菜苗餃，賣相像一顆鳳眼，內裏有爽口結實的蝦仁，黑松露量多，味清香，材料充足。潮州粉果，爽口馬蹄，香脆花生，芹菜粒和肉粒均衡分布，餃型大大隻。金沙脆香銀蘿腸，腸粉上放了一條大菜芯，如果能剪斷成幾段可以大家分享就更好。腸粉皮包著脆脆的油條，油條內又釀入不少的蘿蔔絲，入口層次脆中有軟，軟中有脆，腸粉皮滑滑易入口，味道相配。籠仔金銀蒜海蝦飯，金銀蒜味道香濃，蝦開邊蒸，有五隻，蝦不是很大隻，但也美味。每粒飯都吸收了蒜味，用油泡過的金銀蒜，令飯粒油光滿滿帶上濕潤。榴槤雪媚娘，大大個雪米滋放在紙盤內，入口綿密，內層充滿忌廉和絲絲榴槤肉。楊枝甘露，用料

點心到油麻地新開咗點心到都未去試過，今日想食點心就諗起佢。店舖空間感比佐敦店好，座位闊落，坐得更舒適。用QR code 落單，好方便，慢慢叫都唔怕麻煩到員工。因為冷氣都幾大，我唔想啲嘢食凍晒，所以分咗三次叫。兩個餓底叫咗8樣嘢：蝦餃燒賣沙律明蝦角豊料糯米雞香茜牛肉腸鮮蝦腐皮卷沙薑汁燴鮮淮山蜆蚧鯪魚球佢燒賣同埋蝦餃可以叫兩粒，其他嘢就冇分大細。推介：沙律明蝦角 燒賣 蜆蚧鯪魚球沙律明蝦角，好飽滿，全部都是蝦，又香趣。燒賣好足料，唔會成口肥豬肉。蜆蚧鯪魚球好抵食，一碟有6粒，即叫即炸熱辣辣。點心到啲點心款式選擇多，全部即叫即蒸/炸，上枱出晒煙，大部分都好滿意，價錢又唔貴。食咗咁多嘢，埋單$200總結：會回頭。

假期過後仍然要營營役役，本應得閒飲茶嘅朝早，就留喺office，一盅兩件變一疊文件就留返放工先歎茶，油麻地呢間點心店晚市都幾旺大胃作為澱粉怪，腸粉、飯盅、包點都走唔甩呢度嘅炸脆蘿蔔腸粉超綿，內裡卜卜脆排骨飯超大籠，用荷葉墊住蒸，鳳爪排骨嫩，白飯粒粒爽口平時啲包點不外乎叉燒包、奶皇包、雞仔包等等，呢間有鴨絲包用鴨肉做餡都唔錯，外皮嘅雪酥係黑色，甜甜地脆脆地蝦餃燒賣一籠四粒，對於兩個人嚟講又太多，menu有得揀兩粒一籠兩款都熱辣辣，蝦肉幾新鮮腐皮卷驚喜爆分，表皮勁脆一咬爆香芫荽味，蝦肉好鮮嫩甜品榴槤酥好大份，啖啖果肉但又唔會太甜