點心到 (鴻星大廈)

Open Now

Now Closed

原隻蝦燒賣~燒賣鮮嫩多汁，表面嘅蝦仁爽滑彈牙。蜆蚧綾魚球 一共有六粒，粒粒都好大粒，皮脆肉厚又夠肉嫩鮮甜，配埋蜆蚧醬，熱熱辣食落去，更加鮮香味十足。金沙脆皮銀蘿腸 外層有軟滑嘅腸粉，中間包住黃金色嘅脆皮，入面就有清甜嘅蘿蔔絲。雖然係素食，但帶有三種不同質感，口感確實豐富。沙律明蝦角~即叫即炸，炸到金黃色，大大件夠飽滿，𥚃面有勁多蝦肉，真係好好食。上海小籠包~ 小籠包皮薄餡靚，薄中帶韌，湯汁濃郁，輕輕一咬就肉汁四溢，所以食嘅時候真係小心會爆汁。籠仔香辣排骨飯~整個排骨飯都充滿着荷葉香氣，份量都真係唔少，排骨肥瘦適中，辣度剛好夠哂惹味。

 說到香港美食非飲茶莫屬，經典手工點心、精美創意小食，歎一盅兩件！ 晶瑩鮮蝦餃大大隻蝦餃，蝦肉爽口彈牙，皮薄且有彈性。原隻蝦燒賣頂層放上原隻蝦仁，半肥瘦豬肉和蝦肉粒粒飽滿，口感扎實。 金沙脆皮銀蘿腸軟滑的腸粉包裹著黃金脆皮油炸鬼，裡面還有清甜的蘿蔔，口感層次豐富。 黑金流沙包黑色加金色的造型搶眼，餡是流質沙沙，軟綿香甜，口感柔軟。 四寶滑雞扎鮮竹包裹着嫩滑雞肉、粉嫩芋頭、蟹柳和吸滿汁液的花膠。黑蒜香氣突出，帶有微微的甘甜，為味覺帶來另一番滋味。 沙薑汁燴鮮淮山淮山爽口，搭配沙薑好惹味。

香港人喜歡食點心，歎一盅兩件，除了去酒樓，還有很多點心店舖選擇，不單價錢優惠，茶芥也相對便宜，有些更不收茶芥和加一，絕對抵食。位於油麻地彌敦道的［點心到］，就是一間又好食又抵食的點心店，點心款式多，每日即製，由上午至晚上都有得食，每樣點心熱辣辣上枱，點心控一定要來試試。《燒賣2粒》$15燒賣可以自選要2粒或4粒，除開價錢是一樣的，這點又比酒樓優勝。燒賣真是香港人的至愛。《鮮竹牛肉球》$21三粒牛肉球又柔軟又彈牙，食得出要人手製作的。叫點心怎能不點炸物？《鮮蝦腐皮卷》$28脆卜卜的腐皮包著鮮蝦，濃淡有致，回味無窮。《香煎蘿蔔糕》$20經典的蘿蔔糕，百吃不厭。《籠仔金針雲耳蒸雞飯》$36大大碟的籠仔蒸雞飯只是36元，雞的份量也多，雞肉嫩滑，非常抵食。《香茜牛肉腸》$25牛肉餡豐富，腸粉皮透薄，滑溜溜，淋上甜豉油，正。《沙薑汁燴鮮淮山》$22除了經典的點心，還有健康的蔬菜，這碟鮮淮山炒西芹，絕對是健康之選。《 黑金流沙包》$25黑金色的表皮軟腍腍，非常吸睛，裡面是熱辣辣的流沙奶皇醬，非常好食。食了咁多點心，每人也不用100元，絕對抵食。

油麻地美食攻略20238月美食攻略糯米雞燉湯牛肉球滑雞飯皮蛋瘦肉粥點心到糯米雞超大隻,充滿荷香,有咸蛋,雞肉,肉碎好多料,加埋滿滿既糯米,好飽呀!燉湯 超足料,鮮甜,雞肉多,好滋補黑松露餃,個皮薄包住蝦肉,爽甜香氣足皮蛋瘦肉粥香綿口感滑,肉絲多,皮蛋多牛肉球夠大球!蒸飯,雞件嫩滑,鮮雞肉,加埋金針雲耳大盤抵食好食#點心到油麻地彌敦道484號鴻星大廈地舖G/F, Hung Hsing Building, 484 Nathan Road, Yau Ma Tei #開心香港 #HAPPYHK

餐廳為新派速食茶點,有兩間分店.餐廳地方不大,但裝修光猛地方乾淨,卡位坐得舒適.食物即叫即蒸,仲有奶茶檸茶叫.點心質素不錯之餘,價錢亦實惠!全日免加一,茶錢$5位,二人飽肚滿足亦不過二百蚊,CP值很高!!🔸晶瑩鮮蝦餃($16/2粒)🔸原隻蝦燒賣($15/2粒)每次飲茶都會有蝦餃同燒賣二選一嘅抉擇😅依到竟可選擇兩粒或四粒,對於二人飲茶非常適合👍🏻既可多心兩種點心都食到亦唔會太飽,而價錢相宜.鮮蝦餃外皮晶瑩有彈性,兩者當中嘅蝦同樣爽口新鮮,內餡肥豬肉半肥瘦,口感剛好🔸燒汁釀茄子($23)🔸沙律明蝦角($28)炸物件件有份量!茄子非常厚身,釀上並無腥味魚肉,香口惹味.沙律明蝦角脆卜卜,內裏包裹大量爽口蝦肉,配上沙律醬更為滋味🔸豉汁蒸鳳爪($21) 🔸潮州粉果($19)鳳爪入味,醬汁唔會過甜或過鹹粉果外皮煙靭軟糯,餡料滿滿🔸金沙脆皮銀蘿腸($28)腸粉皮厚度正常,內裏包住脆脆及微甜蘿蔔粒,外脆內軟而帶有咬口🔸籠仔煎蛋牛肉飯($35)香煎雞蛋旁邊放上一大片牛肉餅,肉質口感良好,加上用籠仔放入荷葉,味道更顯特別

呢間鋪本身因為嚮公司附近所以都多機會同同事去幫襯，一直以來都OK幾好食，所以都出面都多人排隊。但係食物味道好食唔代表食物唔會變壞㗎嘛，夏天啲野食易變都好理解，今日叫咗8個點心其中一個係叉燒腸，食到3-4籠其他點心都冇問題，但係上個叉燒腸，一放入口就發現酸嘅。我叫其他同事都試吓，其中一個同事用鼻聞都聞到佢酸「宿」，再同餐廳侍應反映番啦。侍應通知經理，個經理嚟到唔出聲，就咁拎走碟嘢；隔一陣返轉頭，就話佢哋試過覺得冇問題，但如果我哋嘅要換嘅都冇辦法囉，黑口黑面、態度惡劣！

點心長期都係我嘅最愛！呢間點心店好熱門 超多人食～我地兩個人叫左7碟最鐘意係牛柏葉同埋腸粉牛柏葉夠入味爽口牛肉腸夠滑不錯小籠包總共有三隻都係會爆汁燒賣有得揀兩粒同埋四粒正常！雞仔入面有豬皮，雞肉芋頭同埋蟹柳仲叫咗一個蒸雞飯 用荷葉包住最特別係鯪魚球 原來係炸 總共有六粒超級多！茶介$5一位 #香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

油尖旺一帶出名多酒樓、點心鋪頭，新試呢間「點心到」位於油麻地站C出口斜對面，鬧市中心，平日繁忙時間排曬長隊。點心選擇唔算太多，一坐底就自動揀左飲咩茶，連壺上，唔似平時酒樓開咩壺茶。上菜速度偏慢，上完一碟先到另一碟，啱曬大家一邊打牙骹一邊等食。勝在價錢合理，多數$20～30幾一樣，正常價錢，份量適中，部分點心$20唔洗，都算糧尾飲茶之選。好在唔使收加一，性價比高，食物質素整體唔錯。甜品方面有特色榴連雪媚娘，中意食榴連嘅朋友一定唔好錯過～ 榴連味極濃，飲完茶以此作結真心唔錯，值得一試。

-食物: 餐廳是新派速食版的茶樓，用app落單，餐牌差唔多，所以由朝到晚都可以食到點心。欖仁榴連酥 ($30):榴連味適中，唔會太濃味難到唔食的人！外皮酥脆！沙律明蝦角($28): 沙律醬加滿滿的蝦肉，再用餃子皮包住！鐘意食蝦的人一定好鐘意。金沙脆皮銀蘿腸($28): 貪得意，未食過，所以點左。用左薄薄的油炸鬼皮包住細細的蘿蔔粒。外軟，中脆，內甜，好新奇！黑蒜螺片燉肉排湯($38): 黑蒜味重，湯裡面有一兩塊螺片和燉肉。其餘仲點左，蝦餃($16)，燒賣($15)，流沙包($25)，大至都唔錯。環境: 座位雖然冇酒樓咁寬闊，但店員都盡量按人數安排合適的座位，務求令每位客人都坐得舒適。幾適合晚上突然想食點心的人士。

我唔講呢間嘢食掂唔掂，你lm，一個一歲bb都收茶位費？你屋企咁缺錢？個啊姐都幾poor guy喔。我以為寫錯，特意問下，點解會收4個人茶位，你lm竟然同我講按人頭收錢？一歲bb都收個茶位費，我真是費事嘈，我食咗佢。但是我事後唔記得去消委會投訴，唔緊要，但是我都會係呢度講返，大家唔好帶bb去啦，按人頭收茶位啊，唔食都收。

最近好鍾意呢一種全日嘅點心餐廳 晚上都可以食到點心 我好鍾意呢一間全日點心餐廳近地鐵站係地舖嚟 嘅非常方便而且價位一啲都唔高所以可以keep住幫襯 點心menu 非常之多 keep住有新鮮感而且啲嘢食好好味 又經濟 所以我一直都好支持今日點咗蝦餃兩粒 好多蝦肉好新鮮 keep住有水準 黑松露菜苗 入面啲蝦好新鮮 夾咗黑松露真係好高級春捲 我不嬲都好鍾意食春捲 呢度外脆 裏面啲蝦肉餡好新鮮 燒汁釀茄子 小食 炸得好香 香茜牛肉腸 分量好多 腸粉好滑 楊枝甘露 配料有好多芒果同埋西柚 大量生果 好下火 皮蛋瘦肉粥 好大碗有好足料呢度上菜速度快 裝修新穎 好抵食

好想食點心，來到點心到油麻地分店，店舖光猛，坐位闊落，見到有位，嗱嗱聲入坐😄落單係掃QR Code ，點心上枱時熱辣辣👍🥢沙律明蝦角$28🥟非常香脆，內餡蝦肉🦐彈牙扎實😍🥢懷舊鵪鶉蛋燒賣$26唔係度度有得食，質素唔錯🥢香煎蘿蔔糕$20一碟有5件，有蘿蔔粒粒，軟綿綿，有驚喜。🥢蝦餃(2粒)$16🥢燒賣(2粒)$15🥢蜜汁叉燒腸$25🥢四寶滑雞扎$30🥢濃湯鮮竹卷$19茶位/$5位

“晶瑩鮮蝦餃(2粒)”($16)“原隻蝦燒賣(2粒)”($15)“沙律明蝦角”($28)“鮮竹牛肉球”($21)“黑金流沙包/蜜汁叉燒腸”($25)“籠仔煎蛋牛肉飯”($35)“奶茶”($18)宜家多咗好多點心專門店岩哂我呢啲鍾意夜晚食點心嘅人😝今次嚟到呢間喺油麻地嘅點心到裝修十分新派而且好開揚光猛入座後用qrcode落單夠哂方便😚食點心就一定要點蝦餃同燒賣呢道最正嘅係可以揀4粒/2粒2個人嚟食就可以留quota食其他點心😛另外點咗牛肉球,叉燒腸,流沙包全部點心味表現都十分正常😋絕對對得住個價錢☺️特別推介沙律明蝦角炸到金黃香脆,入面係滿滿嘅蝦肉🦐除咗點心呢道都有籠仔蒸飯可以點我地就叫咗籠仔煎蛋牛肉飯🐮大大一籠飯食完夠哂飽肚見唔少人嚟自己食一籠,三十幾蚊埋單超抵飲品方面點咗杯奶茶茶味幾香濃又唔錯喎😚

同長輩食點心決定去食新派d 嘅點心點心到好有人氣食飯時間都有人排隊入面嘅環境乾淨亦可以用QR Code 落單最後食飽飽埋單都係大概$80一個人 又沒有加一好抵食呀😍✨燒賣（4粒）$30熱騰騰的燒賣入面嘅蝦大大隻豐富多汁堪稱經典點心之一價格實惠又美味😚✨黑金流沙包$25黑金流沙包外形獨特流沙餡順滑細膩甜度適中😝✨蜜汁叉燒腸$25蜜汁叉燒腸色澤誘人肉質鮮嫩多汁🥳✨金沙脆皮銀蘿腸$28腸粉入面加上脆皮入面仲有白蘿蔔配撘有趣亦非常得宜🫶✨黑松露菜苗餃$27餃子皮薄而有彈性內餡則是以新鮮的菜苗為主搭配了黑松露的獨特香氣係健康之選🤩✨楊枝甘露$20滑嫩的芒果肉配上清香的椰汁外觀色彩繽紛吃起來爽口醇厚😋 🍴點心到📍油麻地彌敦道484號鴻星大廈地下📞52628465

我好鍾意飲茶，今日又好想食點心，又會諗起食「點心到」，小店一向點心出色，價錢相宜，任何時間都係人氣爆滿，最近又喺油麻地開咗新分店，最近我屋企好方便👍🏻👍🏻✨燒賣（2粒) $ 15我的最愛，大大粒蝦肉配上爽口，半肥瘦豬肉餡，新鮮好味，係佢哋嘅必食推介✨沙律明蝦角 $ 28估唔到咁大隻，外皮炸得好香脆，包住足足有3大隻鮮蝦，配合蝦膠，蝦味超濃，爽口又彈牙，沾上沙律醬更滋味✨鮮竹牛肉球 $ 21牛肉球結實彈牙有咬口，最鍾意佢呢個牛肉球都幾多芫荽，飲茶我一定會食嘅一個點心✨蜜汁叉燒包 $ 20包皮軟熟，叉燒肉質豐膄，入口鮮嫩多汁，最傳統嘅飲茶美食✨燒汁釀虎皮椒 $ 24清甜嘅紅椒青椒各兩件，釀住鯪魚肉煎香，加上甜豉油一齊食，少少辣，香口又惹味✨香煎蘿白糕 $ 20蘿蔔糕面層煎得帶點焦脆，粉漿和蘿蔔比例剛好，口感帶有絲絲蘿蔔，味道清甜，軟綿綿，好味道✨籠仔鳳爪排骨飯 $ 35 呢個飯好大份，足足有兩碗飯，用荷葉放底，鳳爪排骨好入味，蒸飯好軟熟，而且飯吸哂肉汁，再加埋甜豉油，好味道，幾飽都可以食得晒