糖宮甜品專門店 (積信街)

Open Now

Now Closed

大圍好多甜品店，但呢度接近滿座，甜品糖水選擇都好多，椰皇系列、中式糖水、布甸、雪花冰、窩夫等等，仲有貓店長坐鎮🌟芒果🥭拿破崙拿破崙賣相幾靚，酥皮好香好鬆化。上層放有芒果粒，中間夾住吉士醬，酥皮沾吉士醬好食🌟朱古力🍫心太軟伴雪糕個心太軟朱古力味好香濃，又唔會好甜，雪糕球揀咗曲奇味，朱古力醬好澎湃，凍冰冰雪糕冰火交融~🌟椰皇榴槤雪糕小丸子椰皇裝住燉奶，椰香同奶香都好重，榴槤蓉超級香，加埋榴槤雪糕雙重榴槤🌟爆芒芒果布甸、芒果、金柚、爆爆珠、寒天粒、小丸子、芒果汁 & 雪糕。芒果愛好者必叫，滑又有奶香味嘅布甸，金柚酸味清新同爆爆珠嘅口感，真係好fresh，味蕾大滿足

第一次嚟食，見到之前網上都有介紹，都幾多人嚟食，就嘗試吓。點知一試就中伏，一入舖頭有一位女店員年紀比較大的，以命令形式安排座位以及叫我們一次過落單。聽起來就很不舒服。然後叫了一個佛系芋圓，芋圓質素比較較差，細粒和比較硬。外貌亦都唔係好靚。另一個叫了肉桂香蕉窩夫伴雪糕完全沒有玉桂味，香蕉出奇地小得可憐，只有舊頭的部份，就像半隻手指那麼長，很沒有誠意。總括而言，來一次就夠了。但是這裏的貓貓是很可愛的，他們是無辜的。

因為逢晚上都很多人幾乎每次去都是外賣一家三口都各有所好原隻椰子類最出色今次難得下午來到可堂食但見沒有椰子原來剛好今天沒有只好點了華華雪糕可另選曲奇配脆脆，布甸和西米口感極佳還偷偷擼了貓店長

大圍真係好多甜品店，呢間之前身邊朋友推薦過，座位不多，但7點半已經滿座，好收歡迎喔！ 研究一輪後終於知點解咁多客，特色甜品最貴都係6x，大部分都係2-4x，真心抵👍用左200鬆就食左4款甜品…大癲椰皇燉蛋白 $60呢個有驚喜，燉蛋白好滑，又可以食到椰肉，呢個價錢收貨，性價比高。榴槤飄香$52榴槤愛好者必試！榴槤果肉幾甜，仲附送一球榴蓮雪糕。🍍菠蘿酥皮卷伴雪糕$56見好推薦就試下，酥皮超薄，即叫即整好食，但菠蘿酸左D。🥭芒果窩夫伴雪糕$50呢個好平，平時食起碼7x，窩夫不太甜，仲有芒果粒同芒果雪糕，掂👍

大圍其實有好多甜品店，不過本人食甜品一向鍾情椰皇燉鮮品😍 知道呢一間出名食椰皇燉蛋白，再加上有兩隻貓店長🥰超喜愛動物嘅我當然要去朝聖啦❤️食過好多間甜品店嘅椰皇燉品，其實味道都好千篇一律，好多時都係不過不失！今次去試食之前，本來都沒有抱太大期望😅純粹諗住食甜品又可以玩吓貓！點知居然喜出望外😍燉蛋白用上了椰皇水令椰香充斥整個蛋白，而且椰皇水本身嘅清甜剛剛好，好適合不喜歡太甜嘅香港人味道😋椰皇肉亦燉到好腍，可以輕易刮出嚟食😋真心值得推介👍🏻本人強烈建議熱食👍🏻👍🏻才可以將椰子的清甜和蛋白嘅香滑表達得淋漓盡致😍🔴🔴愛護動物嘅我有少少意見😅希望店主可以小心照顧貓貓，因為我食緊甜品期間見到貓貓走出馬路，甚至捐喺車底😱甜品店對開嘅馬路車來車往非常牙煙！搞到我一路食一路擔心睇住貓貓😭

同男朋友行完圍方，走到小路搵食，意外見到一間貓貓甜品店，有隻黑貓叫旺店長，係面口迎接客人，我地於是毫不猶豫地進店品賞甜品。點左：每日限定椰皇燉蛋白（凍）椰皇表面有一層簿簿焦糖，兩粒藍莓點聚，第一啖蛋白配焦糖食，奶香特別濃，微甜，蛋白結實，連埋椰皇肉一起食口感多變化，CP值高即製榴撻酥皮卷伴榴槤雪糕呢樣好巧功夫，將一層簿簿酥皮包榴連肉，蛋糕，皮面淋上朱古力醬，一切香噴噴榴連味飄香，配上甜度適中雪糕，一口接一口食完製作需時係值得即製菠蘿酥皮拿破崙（每日限定）好好彩早左來食，當日仲有少量供應，酥皮拿破崙，極之脆，每咬一口「索索」聲，又香牛油味，酥皮之間有微甜吉士醬，配上新鮮菠蘿，既清新又可口芒果三重奏濃厚芒果汁，有芒果肉，爆汁丸，芒果雪糕下面係大大件芒果布甸，芒果布甸係整個甜品既靈魂

朋友鍾意貓咪所以特登帶她來這裡嘆甜品和可以探吓2隻🐱店長⋯⋯貓不太怕人有時懶洋洋也有時會跳到枱或梳化逗下你摸下佢☺️集合中西台式嘅甜品店，小店有兩層，晚上來要等位。今次下午茶來都要等一陣。甜品都有下午茶食。 一入到舖子已經聞到香噴噴嘅酥皮味，所以點左芒果拿破崙• 因即叫即焗，所以需時15分鐘。 拿破崙皮脆脆，層層鬆化。芒果滿滿加埋吉士咩醬，甜而不漏。爆芒有寒天，小丸子，芒果布甸，金柚，芒果雪糕同芒果汁，充滿口感岩曬芒果控嘅我。抹茶紅豆小丸子加綠茶雪糕- 粒粒大紅豆Q Q丸子配埋綠茶雪糕好夾。糖不甩 - 口感煙煙韌韌加埋椰絲花生醉。 唔太甜👍

今日原本只是閒逛，卻意外地發現了一家名為這間甜品專門店。門口已經有一隻貓貓坐左係到，營造出一種慵懶舒適的氛圍，貓貓吸引左我入去坐低一試。坐低發現鋪頭細細但有兩隻貓，猶如置身貓cafe，相當溫馨。兩隻貓貓完全唔驚人，老闆甚至在menu中印埋佢地嘅樣貌同喜好，貓貓完全融入呢間鋪頭。我叫左碗佛系芋圓配曲奇雪糕，好快就有野食。芋圓，紅豆，涼粉配上冰凍的曲奇雪糕，一啖q彈芋圓一啖冰凍雪糕，口感相當豐富，係一個慵懶嘅下午，有著不一樣嘅快感。一邊品嚐著美味的芋圓，一邊可以欣賞著兩位貓店長的慵懶姿態，時間彷彿在這一刻靜止了。在這家充滿溫馨與甜蜜的小店裡，我度過了一個愉快的下午。原本只是路過，卻意外地收穫了一份甜蜜與驚喜。在這家充滿溫馨與甜蜜的小店裡，我度過了一個愉快的下午。

我哋三個人叫咗三份甜品，個南北杏雪耳燉木瓜都幾好味，好重木瓜味。另外叫咗個玉桂蘋果香蕉酥皮卷伴雪糕，都好食，但係足足等咗多過半小時。我覺得作為一個甜品店，要等一個甜品半個鐘實在太慢了…

今日去咗大圍一間甜品舖，之前喺尖沙咀見到佢哋嘅招牌甜品，心心念念，終於可以試到！原來大圍都有分店，真係太開心啦❤️首先試咗「西冰冰」，即係西瓜冰沙，口感清新，味道濃郁又唔會太甜，真係一口接一口，好好味😋裏面仲有粒粒西瓜味嘅爆珠。口感好特別。然後係「椰皇燉蛋白」，仲係熱食，椰香味撲鼻而來，蛋白燉得滑溜，入口即溶，搭配椰汁嘅香甜，真係好享受。接著試咗「芒果拿破侖」，層層酥皮包住鮮嫩嘅芒果，甜而不膩，果肉嘅鮮味同酥皮嘅脆口感完美結合，食完真係令人回味無窮。最後係「朱古力心太軟」，搭配雪糕真係一絕！朱古力心底流出嚟，配上雲呢拿雪糕同士多啤梨雪糕，味道層次多，甜而唔膩👍🏻

今日黎到由大埔踩單車到大圍踩到攰攰哋，嚟到大圍搵嘢食但又唔想食得咁飽，於是乎就嚟到積信街呢一度搵吓搵吓見到有兩隻貓咪企響門口一隻叫阿旺，一隻叫公仔咁我就殺咗入去呢間叫糖宮嘅甜品店一入到去聞到好香嘅榴槤味我哋呢啲榴槤控二話不說立即叫咗個榴槤拿破崙同埋榴槤飄香榴槤拿破崙要等大概15分鐘左右但係榴槤飄香就即刻有兩個嘅榴槤味都非常之香拿破崙皮唔係一般嘅拿破崙係非常鬆脆嘅酥皮一層層食落去連埋吉士醬真係不得了食食吓店主忽然間講話研究咗一隻新嘅甜品應該係榴槤味嘅心太軟仲請咗我哋做白老鼠食㖭其實我哋本來已經好飽㗎啦但係都覺得超級好味榴槤肉同榴槤嘅汁喺個心太軟度流出嚟搞到我心思思想過幾日帶埋屋企人過嚟食希望店主真係快啲研究成功上架啦其實我好懶寫食評不過今次真係唔寫唔得店主仲話會研究更多嘅甜品希望大家都繼續支持小店啦

今晚喺大圍食晚飯，食完飯想搵甜品食，上網見呢間多好評，就嚟試吓先。.呢度都幾多甜品糖水選擇，包括椰皇系列、傳統中式糖水、奶凍布甸、芋圓、沙冰、雪花冰、烤焗及窩夫類等等。.今晚我哋想食西式甜品，就叫了〈芒果拿破崙加朱古力雪糕〉及〈菠蘿酥皮卷伴曲奇雪糕〉。兩款都即叫即做，酥皮好脆，係有誠意之作。.芒果拿破崙加朱古力雪糕 —呢度嘅拿破崙賣相同坊間嘅不同，酥皮肥嘟嘟好可愛，賣相幾靚😍酥皮好香，好鬆化；兩層酥皮，上層放有芒果粒，中間夾住吉士醬，酥皮沾吉士醬好食；芒果粒都算甜，一啲都唔酸，配埋雪糕一齊食都幾好味。.菠蘿酥皮卷伴曲奇雪糕 —呢款甜品幾特別，喺其他甜品舖未見過。酥皮卷好薄好脆；入面有微烤過嘅菠蘿粒同蛋糕，菠蘿酸酸甜甜好食，烤過仲幾香幾好味；微溫嘅酥皮卷加凍雪糕一齊食，口感都唔錯。呢款甜品幾特別又好食，有驚喜👍🏻

腐竹蛋花芋圓糖水，芋圓冇味又硬，啲雪味仍然仲留左係度。另外，腐竹少得可憐，得腐竹碎同埋少少蛋花。係個味道都ok椰汁紫米露，入面啲西米煲到腍晒,一pet嘢, 紫米又少，冇野咬，難食！🙂‍↔️紫米露剩係得熱，冇凍可以揀。仲聽到離枱班男仔話呢間出名，但話估唔到咁難食😅我望一望佢哋食咩，佢哋食緊芒果西米露、楊枝甘露之類嘅糖水..第一次來糖宮，一開始見到佢門口好多人排隊，覺得一定好食。我哋仲要特登夜麻麻揸車出嚟食佢，真係失望🙍‍♀️

食完晚飯嚟到大圍呢間有貓店長而且性價比高嘅甜品舖😻入門口就已經見到有隻懶訓貓訓到扯晒鼻鼾🙊鋪頭有上下兩層，我哋平日夜晚10點黎到地下個層已經坐滿晒，好彩座位數量充足，仲有上層可以坐😄食住甜到入心嘅甜品，又可以摸下隔離貓貓🐈‍⬛心情即刻放鬆同好治癒☺️不過要小心對待佢地，唔好造成騷擾同亂餵野食比貓貓啊😌🧇芒果窩夫伴雪糕 $50 (😸😸😸😸)熱辣辣嘅窩夫外皮口感好鬆脆，內裡軟熟😆外層金黃色而擺盤砌成三角形，十足十一個金字塔咁，都幾有心思😆(個店員行樓梯搬上黎都冇冧算幾穩😂) 芒果肉係另外跟上，比客人自己揀淋上面定分開沾嚟食☺️🍫朱古力心太軟伴雪糕 $62 (😸😸😸😺)心太軟個主角當然係朱古力！夠濃郁已經加分🤤一切開個心太軟啲朱古力就流心咁流出黎😆而且仲配兩種雪糕可以揀，值得一提嘅係個綠茶雪糕好濃郁，唔錯架☺️🍍菠蘿酥皮卷伴雪糕 $56 (😸😸😸😺)一咬落口個酥皮好脆😆每一卷都有好大舊菠蘿夾係入面，材料無偷工減料☺️如果啲菠蘿肉甜多少少會更好😌服務：😸😸😸😸環境：😸😸😸😸回頭：😸😸😸😸打卡指數：😸😸😸整體評分：😸😸😸😸價：～$60/per person📍 糖宮甜品專門店 (積信街) (大圍)大圍積信

📍糖宮甜品專門店今晚同朋友運動完，天氣熱辣辣，同佢來到大圍食糖水。🍈榴酷瓏（牛奶沙冰） $70用半個幾乎係完整嘅哈密瓜裝住雪花冰，每啖都充滿濃郁嘅蜜瓜同埋牛奶冰嘅甜味！搭配蒟蒻口感很豐富，料好足好多。最後仲有半個哈密瓜肉心可以食吖，呢個真係足料到爆好啱share～🥭 爆芒 $54有埋芒果布甸、芒果、金柚、爆爆珠、寒天粒、小丸子、芒果汁、雪糕咁多款材料。芒果汁係新鮮芒果整嘅，芒果好香甜。柚子粒粒飽滿多汁，寒天係好有咬口，小丸子煙煙靭靭，仲有Q彈芒果布甸，味蕾大滿足吖！🥭 即製芒果酥皮拿破崙 $62 Mango Puff Pastry Napoleon真係好大件！酥皮好脆，好少食到拿破崙個皮可以係咁香咁脆。即叫即整嘅真係好正吖，再配上份量十足嘅芒果吉士醬，滋味滿分。🥤椰青水 $10清甜又解渴，最重要健康低負擔，當然其他嘢飲都好好飲，可以試下！♡♡♡♡♡♡♡♡♡♡♡♡♡♡♡♡♡🍴餐廳：糖宮甜品專門店(大圍)📍地址：大圍積信街61號地舖💸消費：60@♡♡♡♡♡♡♡♡♡♡♡♡♡♡♡♡♡