糖宮甜品專門店 (積信街)

Open Now

Now Closed

佛系芋圓（$38）有時去糖水舖，真係唔知嗌乜好🤣呢個佛系芋圓就有晒所有甜品選項，所以就同朋友一人叫左一碗有地瓜圓、芋圓、紫薯圓、紅豆、小丸子、仙草、雪糕（cookies n creme口味）當然唔係所有圓都好有味，惟獨地瓜圓係真係有番薯味。糖水底有椰漿，食完成碗其實都飽左🤣如果諗唔到食咩，可以點呢個佛系芋圓，唔洗諗🤣Btw, 當日有見到貓店長😸

食咗咁多次宵夜糖水，今日第一次晏晝過嚟試吓下午茶，點知令人大失所望🥲🥲本身諗住食朱古力窩夫伴雪糕，見到加多10幾蚊就可以配埋嘢飲（可以揀黑牛、白馬、芒冰冰、椰皇水、菠冰冰），見佢咁抵，所以揀咗食下午茶餐，唔係散叫。點知我哋嗌咗黑牛，送過嚟嘅時候淨係一罐可樂同埋一杯冰再加少少蒟蒻，完全唔見咗雪糕蹤影，嗰陣時以為個夥計唔記得咗放雪糕，所以同佢講返。結果！佢話下午茶餐黑牛係冇雪糕🤨🤨我嗰一下O左嘴，如果佢冇雪糕嘅話，係咪應該寫返清楚啲唔係叫黑牛而係可樂呢，因為餐牌有寫到黑牛係咪有包括朱古力雪糕同可樂，咁樣好容易俾人誤會黑牛跟下午茶餐係有埋雪糕。如果我知道係冇雪糕嘅話，我就唔會加10幾蚊飲杯可樂☹️☹️☹️另外，我哋開咗幾份窩夫，但係其中一份疑似漏單，然後我哋另外兩份食完，個夥計先出到最後一份窩夫出嚟，但係經過咗我哋呢一枱，俾咗另一台遲我哋好多入嚟嘅家庭食。當我見到之後，我哋就問佢係咪比錯咗，佢先至發現送錯咗，然後又要重新等佢整過另一份……係整嘅過程中佢又整錯咗另一隻口味俾我哋，最後都係問我哋介唔介意食呢一隻口味…總而言之，今次體驗極差，亦都警惕大家黑牛係冇雪糕嘅概念！！🙂🙂🙂

睇圖 就知道 出錯 啦又無 士多啤梨 🍓 又無藍莓 🫐最重要 連加 朱古力 🍫 雪糕都唔知 樓上室內有冷氣 都叫人地介唔介意 坐路邊 熱死咩大把位淨 都要求客人逼二人細枱服務、 禮貌 可以 改善 多啲

今日係大圍食完飯,同朋友仔去埋大圍最hit嘅圍坊行街,好似爭左個甜品先夠完美,所以突登黎宜到食,我地兩個都係鐘意榴槤嘅人,所以當然叫榴槤野啦榴槤椰椰(凍)配榴槤雪糕 ($68)宜個其實係椰王燉蛋白入面有榴槤肉同小丸子另配榴槤雪糕,榴槤肉都好多,椰王又好厚肉,榴槤雪糕都好濃榴槤味好滿足邪榴丸(芋圓榴槤飄香)(凍) ($56)宜碗係椰王入面榴槤西米露做底,都係有榴槤雪糕,唔同嘅係宜碗多d榴槤肉同有芋圓地瓜圓,我覺得地瓜圓比較出色,一咬落去已經好香蕃薯味,好好食我食嘅途中已經周圍望睇下見唔見到宜到出名嘅貓店長,但搵極都唔見佢地,最後俾錢個陣發現原來佢地有保護色,其中有隻一直都係門口瞓緊,另一隻就係收銀位瞓,第3隻就真係唔見佢,

店舖有三隻貓貓，有時仲會坐係你隔離陪你食😻😻。✨阿華田奶涷，阿華田味香濃不膩，奶凍質地嫩滑，配埋胚芽口感一流✨糖不甩即叫即製，黐上花生粉、芝麻粉同砂糖，煙煙韌韌好好食

行經大圍， 好想試一試甜品， 卻被貓店長的甜品店吸引了。 就算是外賣， 都要試下啦💕。 （5⭐️最高）椰皇燉蛋白（熱）（5⭐️）$58好幼滑， 熱暖暖地， 入口即溶🤩， 我仲食埋內裡既椰肉， 非常有咬口， 而且爽甜🤩阿華田奶凍（5⭐️）$34奶味濃郁， 而且層次分明， 阿華田在面層， 而底層有香滑奶凍， 甜度適中😘😘。 好味抹茶紅豆奶凍（5⭐️）$36搽茶味比較偏重🤤， 而且紅豆🫘煮得好冧身， 同樣層次分明， 而且入口即溶化😍。朱古力心太軟伴雪糕（曲奇、綠茶雪糕）（5⭐️）$60心太軟焗得岩岩好， 朱古力味濃， 而且做到流心效果。 面上加了彩色珠珠， 外觀非常吸引。 有雲呢拿、朱古力🍫、曲奇🍪、芒果🥭及綠茶🍵5款雪糕可以選擇。 我最喜食綠茶味， 茶味濃而幼滑😍nice.

食物係平民街坊嘅質素唔會太伏，款式都多，但味道唔會令人印象深刻反而店舖就以貓貓為招徠如果大家喜歡貓，建議坐地下個層貓貓通常會在地下嗰層徘徊，不時會跳上沙發，幸運的話，客人就可以邊食糖水邊摸貓

同朋友去完圍方朝聖，諗住係大圍食個甜品完結一天，點知 超失望🥲同朋友點了一份心太軟併雪糕及菠蘿🍍拿破崙首先雪糕不好吃🤣 都不緊要，但是心太軟的重點就是中間有朱古力溶液，才能叫心太軟吧？救命 滿懷希望地用匙羹把它打開Whattttt? 完全是實心的朱古力蛋糕一件🥺💔而且還沒有多香濃的朱古力味😵‍💫暈了菠蘿拿破崙的菠蘿肉ok 有微燒過 有點心機在拿破崙是微溫的 挻有牛油的香氣但是真的太乾了建議可以落一啲該水果嘅汁希望可以改善一下食物質素🫠🤣

美麗槤夢露 $ 53 推⭕️有西米 榴槤肉 芒果粒 雲呢嗱雪糕所有野都好夾 整體甜度岩岩好榴槤肉好甜！唔會得好少榴槤味🍨仲有奶香芒果窩夫伴朱古力雪糕 $ 48 推推⭕️一拎上嚟就聞到好香外皮脆 厚薄適中 偏薄身 脆口 I like !裏面鬆軟 配埋雪糕😋冰火仲有芒果溶🥭榴槤椰椰 $ 68 推⭕️會有埋榴槤雪糕 偏奶味重我覺得ikea 榴槤燕麥好味d🤭裏面有椰肉 小丸子 榴槤肉呢個榴槤味就無夢露咁重 清淡d配埋椰肉都幾夾 鹹甜小丸木就正常 煙靭 店裏面仲有貓貓🩶不過唔識聽貓語🤣實測過🤣榴槤同窩夫都會encore ! 夜晚都唔使每人一個甜品 我哋4個人嗌左3個

今日係大暑☀️, 唔怪得知係條街行兩步已經滴哂汗 適逢大圍竟然有新商場, 本身想潮下聖既我地見到人山人海就敗走左 咁熱黎到大圍都要搵返間好野食, 食冰就夠哂消暑🧊去到門口已經見到兩隻貓貓坐定定𥄫住我地👀一坐低就有隻三黃貓走埋黎搵個patpat對住我🐈 睇menu先知原來呢隻貓知客叫做公仔, 最鍾意人地拍patpat, 奴才即刻遵命 主子拍到反哂肚oh yeah! 嘩咁樣係冷氣底下一路玩貓一路食野真係可以坐成個夏天既下晝甜品黎講非常多選擇最消暑既雪花冰都有勁多口味, 其中呢個咁搞笑既名就係菠蘿冰放係菠蘿殼入面🍍, 仲跟一碗有新鮮菠蘿肉既椰汁西米露, 兩個人食都夠!而椰皇燉蛋白隔住張枱都聞到用左椰青水溝左蛋白先燉, 又香又滑🥥湯圓可以揀芝麻或花生餡, 好流心又唔太甜烤焗類既代表係video都錄得到鬆脆聲既拿破崙, 層次分明又夠酥脆, 香蕉同玉桂既配搭啱啱好🍌-菠多野結冰（一路向西篇）配西米露🍍($68)椰皇燉蛋白伴湯丸3粒🥚($68)即製玉桂香蕉酥皮拿破崙🍌($60)

沙田人經常吃的糖水店，主要是因為有兩層，比較快容易等到位置😂😂人多聚腳好地點剛好遇上窩夫售罄，唯有改吃「爆芒」，雪糕加上芒果布甸及芒果汁，再加爆珠小丸子，啱晒鍾意食芒果的人

第一次打食評，因為啲芋圓真係好難食。（本身無諗過打，所以食左幾啖先影相）唔明點解咁多人推薦叫左個「佛系芋圓」外賣，即刻上車食。一打開見到啲芋圓外層係透明即係表示粉多過地瓜/芋頭果然食落一啲地瓜/芋頭味都無入口得個「靭」字。白色小丸子入口即刻變一Pat粉，完全0口感唔知自己食緊乜。紅豆就中規中矩，涼粉底都係得個「多」字。另外值得一提係店內職員無乜禮貌諗住開開心心食個甜品，點知幾十蚊一個甜品難食到食完仲勞氣。

好唔專業而且態度又差 完全唔抵食心太軟連埋個模上 已經完全唔係果樣嘢 都冇所謂 食完俾埋錢 搵左其中一個員工(冇責怪佢)只係提醒佢心太軟唔應該連埋個模上架喎 期望聽到佢一聲唔好意思我哋之後會留意 但係佢答”因為個心太軟痴住左個模甩唔到出黎所以成個上” 然後就咁走左去就好似食豬扒飯塊豬扒唔熟 個員工答你”因為個焗爐唔夠熱所以豬扒係5成熟”食雪糕全部溶晒好似奶昔咁嘅 個員工答你”因為個雪櫃唔夠凍所以溶左都上俾你”仲有個廁所好臭好嘔心

貪方便，叫外賣平時嗌都係椰皇燉蛋白，熱同凍都咁出色，其他雪糕雪條果類，外賣一定唔可以叫，嚟到一定溶到唔見晒。 今日難得有時間，就打算過去試下食下堂食。夏天天氣熱，叫一個餐牌上嘅芒滋枝同埋抹茶雪花冰。熱天食冰食凍嘢最啱，😋😋😋超好食。呢度係尖沙咀難得一見嘅甜品店 。地方又大，坐得好舒服，可以一大班人坐低傾計食糖水都唔會覺得逼，最好就係好食得嚟，又唔會話好多人要等好耐，腦細員工都無話一路趕住要下一輪咁 chur 食客。難得。

👧🏻😋👅🍽✨夏天救星🍧-糖宮甜品專門店🇭🇰 大圍積信街61號地舖 🇭🇰-🐱 個個街坊行過都摸下貓店長🤣 呢三隻貓都幾親人, 會跳上你張枱等摸🐱有戶外位置帶寵物都可以食, 鋪仔細細但款式好多-🌺 🍧洛神雪花冰 $49💯超級特別, 平時我地飲野都揀洛神花茶, 放入雪花冰原來都超夾, 每一啖酸甜平衡, 冰好綿滑🤤💯伴碟仲有荔枝多多爆珠同啫喱, 都係酸酸甜甜但更多口味-🍮阿華田奶凍 $34✨質地彈滑, 阿華田味超香濃, 完美奶凍☺️-🥭 🍮北海道奶凍伴芒果 $34💯芒果好重手成個奶凍都遮住左🤣 芒果當造超級甜-🥥 🍍 菠椰菠蘿汁 $30✨果汁最快到, 熱到全身濕晒既我地飲完一啖係即刻滿血復活😂✨Piña colada果汁版, 有少少沙冰底超爽! 仲加左半塊菠蘿成件事即刻感覺度假🤣-🥭 🍊 芒滋枝 $48💯本身想食楊枝甘露但叫左杯菠蘿汁, 就唔想叫咁多水💯芒滋枝同楊枝甘露一樣都有金柚, 仲多左一大舊芒果布甸同小丸子; 西米唔會太腍我鍾意😍