保頓冰室

Open Now

Now Closed

來到尖沙咀平時這間餐廳有很多人流，今晚早了收工一定要去感受一下懷舊食物。Menu有很多懷舊小食，好似有懷舊腸仔包、雪沙、豬油撈飯等等。我從來沒吃過豬油撈飯，所以必定要吃。豬油渣蝦乾炒飯先看到很多炒香了白飯魚鋪滿在飯上，白飯魚香脆，飯炒得很乾身，蝦乾大條香口。美式雜扒 配蒜蓉意粉（跟餐有羅宋湯）吃鐵板餐就是喜歡把汁淋在食物上嘅時候，「炸」的一聲。這個餐份量好大，炸雞翼煙肉法蘭克福腸雞扒和豬扒，還有一些粟米和西蘭花伴菜。所有肉類醃制味道都恰當。值得一贊那個蒜蓉意粉是用新鮮蒜蓉人手剁制，意粉彈牙。懷舊香蕉船真的用上透明玻璃盤放上香蕉，像一隻船，把香蕉分開一半放入雪糕和忌廉。菠蘿冰用原粒菠蘿的菠蘿冰。杏霜已把渣滓完全隔走，所以杏霜口感很滑溜。一邊行吃飯一邊有八十年代的懷舊金曲，好似鄭少秋汪明荃…回到讀書時期。

放工又搵好嘢食，今日去咗一間尖沙咀的懷舊冰室，室內裝修好有特色，是懷舊的冰室風格。二人的晚餐點了一個焗豬扒飯，醬汁酸甜豆乾好，焗完後豬扒仍然鮮味多汁，好吃！另外一份是雞扒芝士撈丁，芝士醬份量很足料，但質地較稠，另外一整塊芝士片鋪滿在麵上，10分有滿足感的芝士量。但女生吃略嫌一點太油膩。

去尖沙咀搵餐廳食飯，行過見到呢間店舖，裝修得好有特色，完全好似搭咗時光機返去八九十年代。推門入去已經聽到八九十年代嘅流行曲，仲有好多懷舊嘅茶餐廳座位擺設等等，好適合打卡同埋約會。// 西冷牛扒薯菜兩個人撐枱腳，一定要叫塊鐵板牛。完全係還原茶餐廳鋸扒儀式感，有鐵板同埋上菜先淋汁嘅咋咋聲。塊牛扒好厚！完全唔係薄片牛扒有真鋸牛扒feel，煎得剛剛好三至五成熟！黑椒汁亦都唔會過分辣同濃烈，唔會蓋過牛肉味。唯一薯條一般般，雪藏出嚟炸，唔夠熱，炸得唔透、唔夠脆。最正最正係佢送餐湯羅宋湯，完全係真材實料，用唔同蔬菜煮出嚟，超好飲！微辣。好耐冇飲過呢種高質港式茶餐廳鋸扒湯。// 椒鹽豬扒煎蛋豬油撈飯見到OpenRice好多人叫豬油撈飯，本身好糾結叫唔叫好，始終豬油撈飯都偏肥同唔健康。點知！！！原來豬油、豉油都可以自己選擇落幾多同落唔落實在太貼心了！椒鹽豬扒好大塊，十分入味、煎得夠香，再淋滿美味嘅洋蔥汁、少少甜酸醬，十分惹味、送飯一流真係好可惜個肚完全冇空位，未試食佢出名嘅雪糕菠蘿包，下次嚟到一定要試食！另外有位男服務員完全好似發緊夢、新嚟，完全唔熟悉餐牌，邊啲跟餐有湯有嘢飲、邊啲要加錢。原本餐牌話加錢

【尖沙咀•保頓冰廳】@ππππππππππππππππππππππππππππππ新派懷舊香港冰廳辣手撕雞豬油撈飯凍檸檬紅茶焗蕃茄雞扒飯凍朱古力奶瑞士汁雞脾紅豆刨冰配雪糕辣手錶撕雞豬油撈飯辣手撕雞豬油撈飯是一道令人垂涎的美食，手撕雞肉鮮嫩多汁，搭配特製的辣醬，香氣四溢。豬油撈飯的米飯吸收了雞肉的鮮汁，再加上豬油的香氣，讓整碗飯變得更加香濃。凍檸檬紅茶凍檸檬紅茶是一款非常清爽的飲品，檸檬的酸味與紅茶的芳香相得益彰。冰涼的飲品在炎熱的天氣中尤其讓人感到舒爽，檸檬的清香也為紅茶增添了層次感。焗蕃茄雞扒飯焗蕃茄雞扒飯是一道色香味俱全的菜品。雞扒外皮金黃酥脆，內裡鮮嫩多汁，搭配香濃的蕃茄醬汁，讓人感受到豐富的味道層次。凍朱古力奶凍朱古力奶是一款甜品飲品，濃郁的巧克力味與奶香交織瑞士汁雞脾雞脾肉質鮮嫩，瑞士汁的醬料味道濃郁紅豆刨冰配雪糕紅豆刨冰配雪糕是一道經典的夏日甜品。細緻的刨冰配上香甜的紅豆，口感清爽，雪糕的加入更是讓整體味道升華，增添了奶香的層次。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 260✨✨✨✨✨✨✨✨✨✨✨✨✨#尖沙咀美食 #保頓冰

同朋友行到肚餓，揀咗去保頓冰室。呢度真係好有七，八十年代茶餐廳嘅feel，成個裝潢都係懷舊風，一坐低就好似返咗去以前嗰種簡單嘅時光。茶餐廳都有鐵板餐，一於就試下。鴛鴦扒餐（黑椒汁），$118有雞扒同豬扒兩款肉，加埋意粉、餐湯同牛油餐包，飲品仲有杯凍朱古力奶。雞扒煎到啱啱好，外皮煎得微微金黃，肉質嫩滑。豬扒肉質唔會太乾，切落去好容易，配埋黑椒汁，鹹香味十足。意粉就係典型嘅茶餐廳意粉，吸晒黑椒汁，食落去幾有滿足感。 西冷牛扒，$138。五成熟嘅牛扒鐵板上，嚟到時嗰陣「滋滋」聲真係好吸引。牛扒煎得外焦內嫩，五成熟啱啱好，保持住牛肉嘅鮮味同肉汁。黑椒汁同牛肉嘅搭配一流，唔會太過鹹，反而帶出牛肉本身嘅香味。雪糕菠蘿包 $38。菠蘿包內裡軟腍，配埋雪糕嘅冰凍口感，甜而唔膩，perfect ending。

在尖沙咀這個繁忙地區中，想不到有「保頓冰室」這家懷舊冰室，這裡的裝潢帶著濃厚的80、90年代香港風情，讓人彷彿回到了那個充滿懷舊氣息的年代。一走進冰室，牆上掛滿了舊式的海報，桌椅有經典的卡位木座，懷舊的燈光柔和，讓人感到舒適。店內播放著80、90年代的廣東歌及粵語歌，好像是張學友、梅艷芳和巫啟賢等人的經典歌曲，讓人不禁跟著輕輕哼唱，瞬間勾起了許多美好的回憶。來到這裏，自然不得不點招牌懷舊菜式——生炸雞脾飯。上菜時，金黃酥脆的雞脾配上香噴噴白飯，讓人食指大動。雞脾外層炸得恰到好處，口感酥脆，內裡保持多汁的鮮嫩，每口都充滿濃郁的雞肉香味，搭配特製的蒜蓉汁，提升了整體的風味。而冰室還提供了各種懷舊的飲品和麵包餐點，這些都讓我回想起在小時候經常光顧的冰室，最後就點一杯冰涼的雪糕梳打，實屬清涼夏日的甜蜜享受，更是一種美好的回憶。保頓冰室 (尖沙咀)地址：尖沙咀亞士厘道20A號地舖

今日去尖沙咀海港城shopping，晚飯決定離開商場出去搵嘢食，第一時間諗到亞士厘道嘅餐廳，經過一間「保頓冰室」懷舊嘅裝修被吸引著，餐廳地面鋪上一格格懷舊嘅瓷磚，一張張透明玻璃面嘅方形木枱，加上牆身貼上懷舊嘅海報，令你有時光倒流嘅感覺，以前嘅回憶返晒嚟，加上高質嘅食物，真係冇得輸。公司燴意粉用上冰室常用嘅材料，例如香腸，餐肉，火腿等等，跟意粉大兜亂，香濃嘅蕃茄醬汁將每一條意粉包着，口感一流，除此之外，意粉在鋪上煎蛋和漢堡扒，用料十足。椒鹽豬扒煎蛋豬油撈飯 出邊好少餐廳可以食到豬油撈飯，所以決定試吓。首先豬扒份量頗多，肉質嫩滑，椒鹽和辣椒嘅味道恰到好處。跟餐還奉上一支秘製醬豉油和一支豬油，芳香撲鼻嘅豬油加埋豉油跟白飯撈勻之後，將平平無奇嘅白飯昇華，令你食唔停口。紅豆冰椰汁和淡奶嘅份量剛好，跟紅豆攪勻之後，能帶出紅豆嘅鮮甜，唔係咁多間餐廳可以調校出咁高嘅水準。

📍保頓冰室 - 尖沙咀良心冰室，尖沙咀懷舊冰室🥢入到嚟冰室，梗係要食佢最招牌嘅雪糕菠蘿包的確名不虛傳！不愧為招牌😋✨乾炒叉燒意粉將爽口彈牙嘅意粉炒得好有鑊氣加上叉燒，加埋醬汁一齊炒，好滋味炒意粉是茶餐廳的黑椒炒意粉果然係冰室嘅風味😋✨雪糕菠蘿包一上枱覺得個雪糕令到個包覺得好巨型雪糕係雲呢拿味個菠蘿包夠脆＋ 上雪糕都係冷火口感有新鮮感既🥯✨忌廉鮮奶最懷舊亦都係我最愛嘅忌廉鮮奶🥛好有兒時回憶❤️

前排成日經過中午時段超級多人排隊，今日提早少少lunch，終於可以一試懷舊港式冰室 ！餐廳非常光猛，佈置好多懷舊港式海報擺設，仲要播住70/80年代流行廣東話歌曲～未食已經好有feel！🔸生炸雞髀煎雙蛋飯招牌菜，當然要叫試一試～煎蛋半生熟👍🏻配上黑椒汁非常惹味，生炸雞髀外皮酥脆，咬落脆卜卜！😋除咗黑椒汁之外，仲可以揀蕃茄汁、蒜蓉汁同咖喱汁，每樣都非常下飯～🔸銀牌公司燴意粉配料有餐肉、火腿、廚師腸、漢堡扒同煎蛋！選擇咗較為經典蕃茄汁，簡直係兒時味道～港式風味！除咗蕃茄汁，亦都可以選擇黑椒汁同咖喱汁 ！🔸瑞士雞翼瑞士汁非常香濃，兩隻雞全翼非常入味！雞翼愛好者不能錯過～🔸雜果賓治 & 紅豆冰紅豆冰紅豆大大粒，甜到適中。雜果賓治簡直回憶殺，而家較少港式茶餐廳有！總括🔹餐廳環境清潔衛生，有多款懷舊港式冰室菜式，除咗一眾上班一族之外，仲非常適合外國朋友一試！同時亦都適合同爸爸媽媽一齊去「想當年」

冰室以八九十年代香港懷舊風做主題。冰室不斷播放90年代香港流行曲。有好多90年代嘅配置。好正😌回憶返晒嚟😃 冰室整體環境餐具好乾淨企理, 店員哥哥姐姐服務好好。上菜速度理想。食得好窩心❤️👍🏻1）椒鹽豬扒煎蛋豬油撈飯第一次食。呢個超驚喜👍🏻。份量十足，超抵食。豉油/豬油係另上，可以因應個人喜好自己添加。椒鹽豬扒好正。再加埋熱辣辣香噴噴嘅豬油撈飯，齒頰留香。絕對一試難忘😋👍🏻👍🏻👍🏻2）金牌生炸雞髀煎雙蛋飯配黑椒汁雞髀新鮮熱辣辣香噴噴炸起😀黑椒汁係放響炸雞髀下便，咁樣個炸雞髀就唔會因為醬汁而整冧咗炸香咗嘅脆皮。好細心❤️ 🍗。口感非常好👍🏻再加埋兩隻香滑荷包蛋，好大份超抵食，性價比超高。3）法蘭西多士＆牛油蛋撻西多士做得好好，好有香港茶餐廳特色熱辣辣香噴噴噴。牛油皮蛋撻亦都令人一試難忘。好有香港風情。配合港式奶茶，簡直絕配。超讚👍🏻👍🏻👍🏻。4）熱奶茶。凍檸檬紅茶好多人都讚過佢哋嘅熱奶茶＆凍檸檬紅茶好正，果然名不虛傳。茶膽正👍。檸檬茶加上大大杯夠冰凍，地道香港檸檬茶口味。飲完透心涼。地道港式奶茶亦都好香滑。正👍🏻。❤️menu仲有好多好多唔同種類嘅港式美食。相信都好出色。❤️ 感受到用心製作👍🏻

間唔中真係要食番呢啲舊時懷舊冰室XO醬牛柳粒豬油撈飯超懷舊豬油撈飯，坊間依家已經好少有，一定要試一試，加左XO醬成個飯香好多，另外豬油&醬油分開上，可以隨自己喜好放適量鐵板扒餐（西冷牛扒）懷舊冰室鋸扒另一番風味，叫左黑椒汁，西冷牛扒比想像中更腍身，配埋薯條yummy ~~員工亦非常貼心，會提醒倒黑椒汁在鐵板上可能會被彈到～雪糕菠蘿包菠蘿包熱辣辣夾住凍冰冰兩球雲呢拿大雪糕，冰火兩重，必定要試，非常邪惡！！

保頓冰室 地址: 尖沙咀亞士厘道20A號地舖電話: =====================必食西多士同雪糕菠蘿包，無錯呀，呢間冰室最出名，我叫了個$128 蒜蓉蝦豬油撈飯，豬油撈飯已唔多地方有啦，蝦重蒜香，個飯索了豬油同蝦汁，有幾好味？我會叫你自己來食不要錯過$118 雙損餐，是豬同雞扒，仲有甜餐包添，要配意粉蒜蓉汁包飲品。　當在熱雄雄鐵板上淋上汁，即響起滋滋聲同白煙，熱乎乎保持溫冰，好吃兼令我想起兒時大節日去吃扒餐的開心情景。懷舊感覺，播著舊歌，好似返到細個80-90年代雪糕菠蘿包做甜品，夾了vanilla ice cream ,甜甜的加上香港名物菠蘿包，表層香脆中間麵包鬆軟。物價都好抵，其實80-90年代一個扒餐都要上百元呀！ #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #

強烈推薦大家來這間香港正宗懷舊冰室🇭🇰店內播着香港的懷舊音樂🎵門內外的裝修都十分復古☎️很有心思💕連店員的衣服設計都是十分有年代感！我爸媽都說進來就像回到七、八十年代一樣🤣【雪糕菠蘿包】$38⭐️⭐️⭐️⭐️⭐️全港首創‼️一開始就是被這個吸引進來的！菠蘿包外皮好脆好熱，加埋雲呢拿雪糕🍦外冷內熱🧊冰火交融🤣值得一試！【招牌椒鹽豬扒豬油撈飯】$88⭐️⭐️⭐️⭐️⭐️椒鹽豬扒好香好入味😋 鎮店豬油和豉油是另上的，可以按自己口味加減，飯入面食到脆口的油渣粒，再篤穿埋蛋黃拌勻🍳真係人間美味😍【生炸雞髀煎雙蛋飯】$63⭐️⭐️⭐️⭐️⭐️手掌般大嘅雞髀🍗仲要係即叫即炸，外皮非常香脆🤤雞髀肉有肉汁而且鮮嫩可口👍🏻可以選擇蒜蓉汁、咖哩汁、黑椒汁和蕃茄汁🍅好大份好抵食😍【懷舊香蕉船】$42⭐️⭐️⭐️可以食到這些懷舊甜品的茶餐廳已經好少見啦🥲來到的時候有少少嚇親😂超級大份🍌【紅豆冰】跟餐價+$12⭐️⭐️⭐️⭐️粒粒紅豆加上椰奶🧉紅豆份量很多，最抵讚係竟然可以選擇甜度！👍🏻【菠蘿冰】跟餐價+$12⭐️⭐️⭐️⭐️爸爸說和他小時候飲的味道一模一樣，罐頭菠蘿份量也很多，解渴一流☀️餐點：4.5/5服務：4/5環境：4.5/5性價比：4/5

係附近反工，見到呢間新開嘅懷舊茶餐廳想試好耐，仲要朝早7點半就開，反工前食反個早餐都仲得。見到佢有菠蘿包蛋撻個啲賣😋茶餐廳收10點都好少見，但放工次次去親都見到冇位😂個日星期6反工晏晝1點去到食晏，好彩早啲落去攞位，唔洗排隊，翻枱率超高😵好方便有得用電話落單，雖然佢都可以幫你落order🤣我一嚟就嗌左個我想食好耐嘅雪糕菠蘿包，好足料又幾好食，仲要只係$38🤑臨尾埋單發現仲要冇收加一又冇人趕我地走😙

經過尖沙咀見到好吸引就同朋友入咗去冰室嘅門口同室內嘅裝修充滿80年代港式茶餐廳風格，一入去就好似返番細個咁～XO醬牛柳粒好香口，用辣椒炒過牛柳粒，唔會太乾身，配埋豬油撈飯好邪惡😈生炸雞髀有手掌咁大，切開好Juicy，配埋雙蛋黑椒汁食👍🏻👍🏻👍🏻黎到舊式茶餐廳一定要飲一杯紅豆冰，配埋甜品雪糕菠蘿包！菠蘿包烘到熱辣辣，加埋一球雪糕喺入面🤤🔸 XO醬牛柳粒豬油撈飯 ($98)🔸 生炸雞髀煎雙蛋飯配黑椒汁($63)🔸雪糕菠蘿包（$38）🔸紅豆冰📍保頓冰室地址: 尖沙咀亞士厘道20A號地舖