大滾友火鍋 (紅棉大廈)

Open Now

Now Closed

【👑大滾友（荃灣）｜皇宮內打邊爐🍲】打邊爐都可以好宮廷體驗，大滾友材料精緻，好鍾意佢哋煙霧彌漫嘅opening, 好似瞬間返到古代咁，好得意😎.🪄香滑豆乳濃湯鍋花花做成豆腐形狀，好精緻，滾一陣就熔於湯中，特別是用了哈密瓜做湯底，瓜味撲鼻，滾熟後口感似木瓜，好滋潤。.🪄牛肉拼盤(細)和部位都有幾塊，啱晒想試多部位又怕太飽嘅狀態，我最鍾意牛頸脊同牛仔粒，好重牛味。.🪄牛胸尖唔係度度有得食，今次真係好香牛油脂肪，仲要滾完後保持爽口鮮甜！讚！.🪄鵝肝墨丸黑鼆鼆其貌不揚，咬落超彈牙，每粒丸都釀咗份鵝肝，帶出矜貴感覺，亦見到白色墨魚粒粒，好味！.🪄伊比利亞橡果豬薄切火鍋剛剛好，快熟又香滑，豬味夠但又唔會太大臊味，食得輕鬆。.🪄大滾友雜菜拼盤雜菜新鮮，3人食都足夠，我最鍾意紫色淮山同埋萵筍片，同湯底好夾。.🪄啤酒🍻火鍋天作之合，啤酒款式多選擇，夠晒凍！.🪄火焰焦糖豆腐花臨走都要預肚食，店員灑上黃糖，點火讓糖面焦香，再放入小碗品嚐，見到火焰我就好開心😁

今晚 同皮姐一齊慶祝拍拖周年紀念呀帶佢去咗荃灣區 享受最愛嘅打邊邊呢嗰度環境好古色古香 古代庭園中國風枱面放置咗好多中國嘅擺設 好華麗喔入到去唔算光猛 成件事真係好有氣氛枱面 有九宮格調味醬汁配料盤任您調可以自由配搭 乾淨得嚟又夠晒衛生啦我哋最中意個雞湯 認真煲得好入味哇絕對係健康首選 暖胃之餘有營養價值-醬芥（$26）-玲瓏浮凸花膠雞湯鍋（半隻） ($328)揀咗 大量三黃雞熬製而成 再配合厚身花膠香濃雞味之餘 仲可以補充骨膠原 美顏首選-大滾友牛肉拼盤(細) ($428)賣相好華麗 成個拼盤好豐富 有手切外裙肉 本地手切牛頸脊澳洲和牛金錢展 美國頂級雪花肥牛 牛黃喉 牛肉粒同牛舌花每款牛肉嘅口感 好獨特 一個價錢 可以品嘗晒唔同牛嘅部分份量嚟講亦啱啱好 牛肉嘅質素 性價比高 今次真係大滿足喔-手打蟹子鮮蝦丸(4粒)（$72）皮姐嘅至愛 鮮蝦味濃郁 食落好爽口同彈牙-伊比利亞橡果豬 ($228)賣相好肥美 肉質食落好鮮嫩入口特別鮮美而油花分佈亦好平均 肉肉達人嘅強烈推介-大滾友雜菜拼盤（$118）賣相好豐富 有萵筍 油麥菜 金菇菜 娃娃菜仲有粟米 新鮮蕃茄 蓮藕片 紫淮山 唐生菜份量

約咗朋友入荃灣打邊爐，揀咗呢間大滾友。呢到最大嘅賣點除咗嘢食嘅質素唔錯，重點就係d湯底同菜品全部都視覺效果十足，啱晒打卡。香濃豆乳蜜瓜龍躉雞湯鍋 $328湯底叫咗餐廳新出嘅豆乳鍋，湯頭除咗有滑溜豆乳同鮮味雞湯，仲有大大個蜜瓜同龍躉片，一加湯就營造出煙霧彌漫，好似仙境花海咁嘅境象，打卡呃like一流。因為加咗蜜瓜個湯底非常鮮甜，打邊爐之前可以飲一碗。三重芝士腐乳牛丸(四粒) $72呢款芝士腐乳牛丸都幾特別，分別有芝士同腐乳兩種唔同嘅鹹香味，牛丸彈牙。大滾友牛肉拼盤(細) $428打邊爐點可以冇牛肉，我哋叫咗個細嘅牛肉拼盤，入面又曬牛嘅唔同部位，好似係手切外裙肉、手切牛頸脊、黃喉片、金錢𦟌、牛舌同牛柳粒，當然唔少得仲有頂級雪花肥牛。牛肉款款油花分佈均勻，肉質腍嫩，肉味香濃，黃喉同牛舌口感爽脆。伊比利亞橡果豬 $228我哋另外仲叫咗碟伊比利亞橡果豬，唔似普通豬肉，肉質非常之嫩口而且冇渣。新鮮鮑魚(兩隻) $98海鮮方面我哋叫咗鮮鮑魚，size都唔細，食落新鮮，口感爽彈。大滾友雜菜拼盤 $118蔬菜拼盤都好豐富，有齊生菜、油麥菜、娃娃菜、蕃茄、粟米、萵筍、金菇、木耳、蓮藕等等。用豆乳雞湯浸嚟食

餐廳周圍嘅裝飾同擺設充滿中國風，瓦頂同埋磚牆等格局誠意十足，情調滿滿，打卡一流📸。我哋點咗以下湯底同埋火鍋配料：🚩玲瓏浮凸花膠雞湯鍋（半隻）🐓🍲鍋底滋味濃郁，鮮嫩雞肉同花膠交融，湯頭誠意熬製，清甜滿溢，鮮香撲鼻。熱騰騰嘅湯汁融合濃厚嘅雞肉香氣，帶黎極大滿足。🚩大滾友牛肉拼盤（細）拼盤豐盛，份量十足，包括牛舌片、手切牛肉、牛胸油、牛肉粒等。每一款肉品都口感獨特，一個拼盤滿足曬唔同口味，超值！🚩店長推介伊比利亞橡果豬🐖豬肉肉質細嫩多汁，入口鮮美滋味濃郁。豬肉油花分佈均勻，充分豐富左湯底嘅味道。🚩手打鵝肝墨汁墨魚丸🦑口感彈牙鮮嫩，濃厚鵝肝香氣同埋墨汁嘅風味完美結合，令人回味無窮。🚩新鮮鮑魚鮑魚肉質鮮美彈牙，帶有淡淡海洋風味，令火鍋更豪華滋味😋。🚩大滾友雜菜拼盤內含多款新鮮時蔬，例如蕃茄、蓮藕、金菇、生菜、娃娃菜等。係火鍋時候解膩良品！🚩自家製足料竹蔗茅根🎍清新香甜，帶有濃郁竹蔗風味同埋淡淡茅根嘅清香。每一口都充滿著大自然嘅味道。

今次同一班朋友仔來到大滾友火鍋嘅荃灣分店，嘆返個港式邊爐！一入到餐廳，見到充滿住中國宮廷風嘅裝修，環境既華麗又古色古香，真係為呢一餐飯增添咗唔少嘅儀式感～✨醬芥✨玲瓏浮凸花膠雞湯鍋(半隻)湯底用咗6小時新鮮烹製而成，所以味道特別鮮甜，口感特別濃厚！仲有大量厚身花膠同埋新鮮嫩滑嘅三黃雞，真材實料😋～✨牛肉拼盤(細)牛肉拼盤有手切外裙肉、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒同埋牛舌花，一次過食到晒七種唔同牛嘅部位～✨手打蟹子鮮蝦丸(4粒)蟹子鮮蝦丸帶有海鮮嘅鮮甜味，而且爽口彈牙～✨伊比利亞橡果豬伊比利亞橡果豬肉質肥美而柔軟，肉味亦好香濃～✨大滾友雜菜拼盤雜菜拼盤包含咗多款新鮮蔬菜，有唐生菜、娃娃菜、油麥菜同埋金菇等等！食咗咁多肉肉，食返啲清新嘅蔬菜就啱晒啦～✨竹笙竹笙爽口得來又吸收到滿滿嘅湯底精華～✨自家製足料竹蔗茅根連盛載住竹蔗茅根嘅水壺都相當之古色古香！味道清甜解渴～✨火焰焦糖豆腐花火焰燃點嘅嗰一刻非常之吸睛！表面嘅焦糖形成咗一層脆皮，內裡嘅豆腐花非常嫩滑，整體充滿層次感～

話說荃灣有間主打養生湯底同手工火鍋料既隱世宮廷風火鍋店睇落好似好正咁，小妹同朋友想試好耐，前日終於有時間過去實測下喇🤓我哋食咗：⬇️⬇️✨滋潤養神椰子雞番薯蜆濃湯鍋✨ $328用左勁多椰子、粟米、番薯蜆、雞件同雞湯滾出嚟嘅湯底，唔使講都知－定勁鮮甜😉正到小妹－水滾就連飲好幾碗🫶雞件雖然滾過湯，但係肉質都仲係好滑，唔會有嚡既感覺🤟🏻番薯蜆仲要隻隻都肥美飽滿，淨食湯料都幾乎飽左半🤣✨牛肉拼盤(細)✨$428內有鮮嫩多汁，肉味超重既手切吊龍、清甜軟滑既本地手切牛頸脊、爽滑兼備既澳洲和牛金錢展、肥瘦適中既美國頂級雪花肥牛、超級爽脆既牛黃喉、油花豐富既牛肉粒同柔柔嫩嫩既牛舌花👅，一碟就已經滿足晒牛魔王🐂既慾望😍✨櫻花蝦豬肉丸✨$ 72蝦味突出+彈性滿分= 一食就上癮😋✨伊比利亞橡果豬✨$228油花好靚又夠滑，細品之下仲有陣靚豬獨有既肉甜味，－食就知靚野🤜🏻✨大滾友雜菜拼盤✨$118內有油麥菜、娃娃菜、粟米、金菇、蕃茄、萵筍、芋頭、生菜、木耳．．等等嘅大量蔬菜．．大大盤勁豐富❣️食左咁多肉最啱就係食返多d菜🥬✨黑松露午餐肉✨$88黑松露既香味好突出，仲要炸到外脆內軟又乾身，油膩感唔會好重，香口又惹味🤟🏻

假日與好友去荃灣《大滾友》嘆火鍋，華麗宮廷裝潢，高掛紅燈籠🏮設有VIP房私隱度高。我們點左玲瓏浮凸花膠雞湯鍋（半隻）：店員先把花膠放鍋底然後加入金黃色雞湯，湯滾加雞件煮3分鐘就可食用，雞肉嫩滑味鮮甜，雞湯底清甜好飲，花膠厚身腍滑。牛肉拼盤(細) ：有安格斯牛小排、牛胸爽、牛柳粒、牛𦟌、牛舌等⋯全部都有牛肉味又多汁好食👍秘製香醋凍蟶子皇：鮮甜爽口彈牙。伊比利亞橡果豬：用乾冰盆奉上有煙霧很吸晴，豬肉色澤嫩紅，豬肉有味清甜好好味。手打蟹籽蝦丸（4粒）：蝦肉爽口彈牙，很多蟹籽超正🤩大滾友雜菜拼盤：多種蔬菜新鮮嫩綠，大盆抵食。自家製竹蔗茅根：不太甜夠健康。餐廳迎新會員送火焰焦糖豆腐花 ：店員加紅糖、冧酒，用火槍點火燒向豆腐花，紅糖燒成薄脆的焦糖，豆腐花好滑。

大滾友火鍋 (荃灣)荃灣青山公路荃灣段125-133號紅棉大廈地下A&B號舖 荃灣大滾友火鍋，係打邊爐嘅必試之選。位於紅棉大廈，近荃灣地鐵站同千色店，行5分鐘就到，地點超方便！入門即見古董留聲機，聽講生日聚會會播生日歌，氣氛夠晒特別。餐廳環境寬敞企理，火鍋香氣撲鼻，啱晒同朋友或家人滾一滾。職員好親切，晚市人氣旺，記得Book位😋 餐廳細心到爆，職員用熱水消毒碗碟餐具，乾淨企理。餐廳用QR code落單，方便快捷，仲有九宮格醬料任調，急不及待開鍋，特色卜卜蜆鍋係必試，湯底清甜濃郁，蜆肉肥美鮮香，仙氣蒸騰，影相打卡一流！牛肉拼盤（細）肉質嫩滑，涮幾秒入口即化，牛味濃，沾醬超正！🍲 自選手打丸（4粒）彈牙多汁，蝦丸鮮甜有咬口，滿滿手工感。伊比利亞橡果豬油花均勻，涮完軟嫩香濃，入口化開。大滾友雜菜拼盤新鮮豐富，菇類同青菜涮完爽脆，解肉膩一流。炸蝦球外脆內彈，蝦肉結實，上面有一些Wasabi醬，非常惹味。🔥 竹蔗茅根一渣用精緻砂壺盛載，清甜解渴，一壺夠6人分享，配火鍋Perfect！甜品有火焰焦糖豆腐花，豆腐花滑嫩，焦糖微苦香甜，火焰一燒好搶眼。價錢親民，食材高質，連紙巾座同湯壺都精心設計，細節

荃灣宮廷式火鍋，帶我穿越時空回到古代，體驗帝王般的盛宴！環境雅緻，進饍過程儀式感十足！首先係9宮格醬汁盤比你慢慢溝靈魂醬汁。然後到火鍋，一落湯就煙霧四起猶如置身仙境！其餘食材都係出住煙咁上，非常打卡友好😆。卜卜蜆滿滿一大鍋！伊比利亞橡果豬肉片同各款牛肉都香味十足🤤！尤其牛肉有各種部位包括牛舌，各有各香，連牛胸爽都有，真係意料之外！ 手打蟹子鮮蝦丸足料又彈牙，帶子新鮮厚肉。雜菜拼盤都幾多菜款。竹蔗茅根都非常清甜，食住火鍋又飲返啖下下火好正！另外壓軸甜品火焰豆腐花亦非常有特色，睇得又好食！望住店員先落黃糖再落糖水，最後點火，儀式感滿滿！☺️唔止睇得，食落表層焦香，內層滑捋捋充滿豆香。好食！

本身諗住打個普通邊爐,點知又仙氣又有火🤣🤣整體仲要好好食❤️‍🔥大推卜卜蜆湯底！山咁多又多汁嘅蜆真係見到都開心🤤🤤食極都仲有hehehe特色卜卜蜆鍋 $238啲蜆勁！鮮！甜！本身係辣不過揀左唔辣！食晒啲蜆就可以打邊爐啦！牛肉拼盤(細) $428肉味超濃！大推牛舌！手打鵝肝墨汁墨魚丸 $72勁入味又有咬口🤤🤤伊比利亞橡果豬 $228好彈牙！大滾友雜菜拼盤 $118太大盤最後食唔晒🤣🤣澳洲帶子片 $98好彈牙勁新鮮！竹蔗茅根 $78自家製好飲！火焰焦糖豆腐花見到火真係嚇親🤣🤣豆腐花勁滑又好食！有少少酒味~

Recently, my family of five, including our little one, dined at 大滾友, and it was a fantastic experience!The standout feature of this hotpot restaurant is undoubtedly the freshness of the ingredients. The beef and pork were tender and flavorful, making each bite a delight. The selection of vegetables was also impressive; they were crisp and complemented the meats perfectly.We opted for the chicken soup base with fish maw, and it was nothing short of amazing! The rich flavors combined with the uniq

走進荃灣的大滾友火鍋宮廷風的裝潢讓人眼前一亮，青花瓷餐具、雕刻龍紋鍋爐，彷彿置身古代宮廷享受美食伴隨著懷舊歌曲這個二人餐火鍋，從湯底到食材，每一口都是驚喜。 花膠雞湯鍋是這次的主角，湯底濃郁鮮甜，花膠厚實滑嫩，雞肉吸收湯汁後更加嫩滑。牛肉拼盤包含牛頸脊、牛舌、牛柳粒，每片肉質鮮嫩，稍微燙煮幾秒即可入口，牛味濃郁。伊比利亞橡果豬肉質細膩，油花分布均勻，入口香氣十足。 蔬菜拼盤種類豐富，紫淮山、萵筍、蓮藕等最後的火焰焦糖豆腐花更是視覺與味覺的雙重享受，焦糖香氣撲鼻，豆腐花滑嫩細膩，為這場火鍋盛宴畫上完美句點。整體而言，大滾友火鍋的食材新鮮，湯底濃郁，環境舒適，是一家值得再訪的火鍋店！

荃灣打邊爐想食得高質啲，必然諗起#大滾友火鍋，裝修係好有特色既中式風格，特色火鍋湯底卜卜蜆鍋、炒蜆雞湯鍋、豆乳鍋咁✨最後揀左最正既花膠雞湯鍋🐣先飲金湯食花膠，爽😤雞件已經半熟淥一淥嫩滑，有肉汁仲好濃鮮雞味👍🏻牛肉拼盤，漂住煙上，靚爆既擺盤，多款牛肉，各有特色🤗牛頸脊同牛小排肉質正牛味濃，牛黃喉爽鮮，牛柳粒厚肉有口感，好正既牛😍伊比利亞橡果豬，好嫩既口感，相當好味😋飲杯生啤再繼續，Hoegaarden都有就係爽👍🏻金屋藏嬌和牛墨魚丸，個名太吸晴🤣好彈牙既墨魚丸，加啲和牛油脂仲濃味✨菜苗帶子餃，幾濃帶子味，皮夠滑都唔錯👍🏻雜菜拼盤份量十足，啲菜勁鮮配花膠湯食一流😎火焰焦糖豆腐花，酒味燒到好香，超濃豆香！高質😆食材高質又有特色，想食好啲真係幾唔錯既選擇🌟多年信譽保證👍🏻鍾意食牛定飲湯都啱，推介！🫶🏻

跟朋友到荃灣聚一下，剛巧看見這間火鍋店，外表很有宮廷感覺，當然要一試特色卜卜蜆鍋鍋底選了卜卜蜆鍋，卜卜蜆有很多，職員加入湯底時有霧煙出來，絕對是打卡1流的份外有有仙氣，而且蜆無沙份量多亦配好多芽菜，湯很清甜牛肉拼盤（細）有6款不同部位的牛，黃喉，牛舌，牛柳粒，每個部位也有自己的口味，你想吃那款也可以，每款也嫰滑有咬口，配火鍋一流伊比利亞橡果豬豬肉油脂均勻，肉質嫰口，完全沒有韌的感覺，來時亦有仙氣襯托大滾友雜菜拼盤拼盤分別有多款新鮮時菜，金菇，萵筍，生菜等，分量不會少於只叫一款菜，相當超值大滾友響鈴拼盤打邊爐不少得吃響鈴，這拼盤有2款，1款入面有咸蛋可以即食，有咸蛋咸香亦香脆，可以當小食食吃，另一款配上火鍋湯底一流三重芝士腐乳牛丸牛丸彈牙，肉味重，而且配上芝士，感覺特別有風味自家製逐了竹蔗茅根竹蔗茅根香甜解膩，亦不會死甜，茶具別具特色，真的是打卡恩物火焰焦糖豆腐花店員在豆腐花上加了少許糖水，再用火槍燒一燒，豆腐花表面立刻起了一層焦糖，甜甜脆脆，別有一番風味大滾友火鍋青山公路 - 荃灣段125-133號紅棉大廈地下A&B號舖

🤓 今日同男朋友去左荃灣食火鍋😍，食呢間唔知Encore左第幾次嘅火鍋，環境依然都係好華麗又舒服，食物亦都保持到水準，好啱同朋友屋企人一班人去食🥳🫶🏻✨玲瓏浮凸•花膠雞湯鍋（半隻）佢絕對就係我哋encore 呢間餐廳嘅原因！😚🫧湯底濃郁鮮美，花膠滑嫩，超彈牙😌雞肉鮮嫩多汁。開始打邊爐之前一定要飲啖湯先，飲落滋味濃郁👍🏻👍🏻😭✨大滾友牛肉拼盤(細)拼盤中有唔同部位牛肉，勁多款都好正😚🤍而且都肉質鮮嫩，口感彈牙，帶有豐富的牛味😋✨手打鵝肝墨汁墨魚丸(4粒)墨魚丸口感滑順，融合鵝肝的香氣，超特別！好有驚喜😋💓✨伊比利亞橡果豬肉質鮮嫩，帶有濃郁的豬肉香氣，肉質更加豐潤，正🥹👍🏻❗️✨大滾友雜菜拼盤呢個雜菜拼盤有勁多種新鮮蔬菜🥬，超健康，有油麥菜，娃娃菜，金菇，蕃茄，雲耳，粟米等等🤣要咩有咩‼️✨新鮮鮑魚（兩隻）鮑魚新鮮肥美，鮮甜無比，食落去非常過癮！👍🏻🥰✨竹蔗茅根清涼解渴，口感香甜清爽😋✨火焰焦糖豆腐花色澤金黃，豆腐花滑嫩細軟，🍯焦糖的甜味與豆腐花嘅清香好夾，仲可以自己加糖黐豆同黃糖，螞蟻人必點🥰🥰