陳儀興玫瑰餐廳

Open Now

Now Closed

我出街食飯喜歡支持地道港式小店，新蒲崗充滿童年回憶，其中 同事朋友們都喜歡到 玫瑰餐廳陳儀興，主打港式手工火鍋，服務細心又唔使加一。海鮮濃湯黃金甲預早一日同餐廳訂咗黃金甲，傳統的味道，帶着創新湯底。海鮮濃湯黃金甲，充滿了時令海鮮的美味和鮮甜。黃金甲好有氣勢的名字，上枱時見到巨型肉蟹，成個煲賣相打卡一流。原鍋上滾一陣，香噴噴聞到濃濃蟹味，整個鍋圍邊放滿了好多大蜆， 睇到都流晒口水。湯底極度鮮甜，我都飲咗兩碗，店員幫手夾起蟹鉗，慢慢享受，蟹肉飽滿，鍾意食蟹嘅fans真係唔好錯過。開始食完蟹，接着是鮮甜的大蜆， 超甜無沙，份量勁多。還有南瓜，吸收了湯底精華，食完這個美味海鮮鍋已經有點飽。黃金炸魚皮超惹味的黃金炸魚皮，即叫即炸，熱辣辣又薄又脆的炸魚皮，被鹹香的金沙包裹着，金黃色，色香味俱全。蜆蚧鯪魚球鯪魚球食落去真係勁多肉， 蜆蚧鹹鮮，越濃味，每一啖都食到好濃烈嘅海鮮味，鮮美好食，超級滿足。招牌手切肥牛精美手切肥牛，果然是招牌配料之一，食落有驚喜。牛肉脂肪紋理漂亮，油脂分布幾平均，都幾肥，好新鮮。配合黃金甲湯底，食出好甜嘅牛肉味，口感好滑。獨門菠菜餃 雙拼 鮮蝦雲吞大大粒，好飽滿，菜餃好多內餡

這餐廳之前成為了熱搜。我很好奇是如何做到的。一家五口當晚就看到這餐廳，就是想要試試。這湯底要預早一天預訂。到場後，我後悔了，現點湯底更吸引啊。不過因為預訂了冬瓜盅，所以沒有轉湯底。鍋端上來就是滿滿的，店員一直叫我們先打卡（其實沒什麼好打卡的），之後會幫忙剪開冬瓜。就是鍋太小啦，湯跟隨店員動作，全都灑岀來，煮沸時湯灑得更嚴重。先嘗第一口湯，清淡子些，這湯底不適合火鍋用😌環境也很窄。很意外，當天滿坐。一邊吃天花的冷氣一邊滴水，都滴到鍋裡去，食慾都沒了

陳儀興玫瑰餐廳 @rose_yee_hing_chan 正宗傳統港式火鍋小菜餐廳🧊唔收加一，唔收茶芥；乜都有得食用料新鮮、即叫即整，足料火鍋店鮑魚花膠冬瓜盅$248鮑魚爽口彈牙🐓雞件鮮嫩；花膠、雞件連冬瓜湯底清甜🤝消暑清熱之選🐃招牌手切牛$208招牌手切肥牛😍即叫即切；油脂分佈平均，厚薄適中，見每枱打邊爐既都起碼嗌一碟鮮蝦雲吞，拼菠菜餃 (雙拼$53 + $5；每樣4粒，共8粒)招牌美食😁又係即叫即包；成個糯米糍咁大粒，差D食唔哂潮州手打牛丸$88及爽口墨色卷$57每份8粒，真材實料🥬仲叫左萵筍、豆卜及油麥菜價錢相宜；食材新鮮#相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #香港旅遊攻略 #香港必食 #香港地道美食 #hkfoodie #taiwaifood #hkfood #hkfoodblug #hkblogger #yummy #抵食 #火鍋 #陳儀興#冬瓜盅 #手切肥牛 #玫瑰火鍋小廚 #火鍋 #新蒲崗美食#打邊爐 #海鮮 #香港美食 陳儀興玫瑰餐廳 📍新蒲崗爵祿街33A-37A號百勝工廠大廈地舖

重慶雞煲雞煲十分足料，香料與食材味道非常夾，一滾起就傳來非常濃郁的花椒洋蔥等香氣。雞肉非常嫩滑，火喉控制得很好，雞肉吸收滿滿食材醬汁，非常惹味！脆鯇魚腩吃完雞煲再加湯變火鍋，魚腩是必點之選，魚肉爽脆且少骨，非常適合老少。滋陰花膠仔花膠口感彈滑且不失軟糯，吸收了濃郁的湯底，滋補又美味😋安格斯牛肉安格斯牛肉肉質鮮嫩，吸收了湯汁，味道層次豐富又不膩。唐生菜+ 芫荽唐生菜清新爽口，能很好地平衡重口味的菜品。芫荽的香氣提升了雞煲整體風味，不可或缺。鮮淮山淮山吸收了濃郁的湯汁，加上爽脆的口感，令人一口接一口吃。羅漢果茶茶飲清爽甘甜，有助於消化，特別適合在享用豐盛的美食後解膩。

好多年前喺呢邊返工嘅時候記得呢度有一間唔起眼嘅火鍋店。今晚過嚟重溫舊夢，叫咗呢個需要提早預約嘅黃金甲湯底，見到一隻好大隻嘅肉蟹係新鮮上嚟，個煲都爭啲擺唔晒。大概等15至20分鐘左右，隻蟹變晒色就可以開始食。佢個底有一大舊南瓜，所以成個湯底都好鮮甜。見佢熟晒之後職員會好熱心咁樣過嚟幫你將個南瓜剪細佢，同埋會教你飲咗湯，食咗湯底料先，最後先再加返豬骨湯嚟打邊爐。佢呢啖湯真係不得了，係用咗蝦頭同埋蜆去煲，煲完呢個湯底之後再加返南瓜同埋呢隻新鮮嘅蟹再煮，所以個湯底真係好濃郁，而且蟹膏味好重，真係好好味。除咗隻蟹之外，入邊仲有好多蜆同埋沙白，全部都脹卜卜大粒。其實飲完呢個湯再加埋食埋啲蜆同埋蟹都飽咗一半。佢隻肉蟹真係唔少嘢㗎，隻鉗夠晒大隻，而且仲好鮮甜，真係夠晒新鮮。飲夠晒個湯就可以加普通豬骨湯嚟打邊爐。我哋叫咗一個切肥牛，佢呢個肥牛同普通嘅火鍋店唔同。唔同佢真係新鮮嘅牛，而唔係其他嗰啲冰鮮牛，因為我哋太早叫定啲火鍋料，所以其實放咗好耐，佢都冇出血水，仲係好似啱啱擺上枱咁靚仔。而且個肉味都好濃，又夠晒腍，值得一讚。跟住叫咗個蟹籽墨魚滑，佢個墨魚滑都好彈牙，中間仲有大大粒嘅墨魚肉添。而叫咗個雙拼餃

陳儀興 我細細個就聽個呢個名但食就真係未食過最近中同約食飯有同學介紹去呢間位於新蒲崗既陳儀興玫瑰餐廳在鑽石山站B出口穿過商場一路直行10分鐘就到達餐廳有小菜同火鍋 價錢親民陳儀興玫瑰餐廳既消暑冬瓜盅火鍋真係無得輸天時暑熱就岩晒數冬瓜盅每日限量供應 需要提早預定 湯滾後先喝一碗個湯好鮮美 冬瓜好軟滑冬瓜到最後仲吸收晒精華勁好味仲有原隻鮑魚、花膠、海參、雞件，非常足料//招牌手切肥牛 $218//牛魔王必點! 牛肉油花均勻肉質非常鮮嫩軟嫩 入口即化 牛味濃郁一碟份量都幾多 //魚皮餃拼手包松露雜菌餃 $58//餃都有好多款供選擇但原來+ $5就可以雙拼呢個幫到有選擇困難症既我地可以試多款特別鐘意呢個手包松露雜菌餃餐廳自己包好足料真材實料好大隻 入口滿滿菇菌味仲食到好實在的松露味 正//鮮肉青 $62//經店員介紹先知鮮肉青係咩黎無論外型同口感都好似豬頸肉半肥瘦 入口爽嫩 長知識了 //響鈴卷 $57//響鈴卷夠厚身 入口口感夠脆食落唔會有陣油漬味用冬瓜灼又幾正! //日本烏冬 $18////藍妹啤酒1支 $32//

火鍋控經常都想打邊爐，今次去咗新蒲崗一間高質火鍋店。一心想試佢地嘅雙龍吐珠海鮮鍋，大份又多海鮮，湯底滿滿鮮味，喜愛龍蝦嘅一定唔可以錯過呢！一上枱見到2隻開邊龍蝦已經讓我流晒口水，咁大份成個湯底都只係做緊優惠價$328，不過就要提早訂座預留返會穩陣啲。除咗龍蝦，仲有大大隻鮑魚同蝦，好滿足啊！食晒湯底嘅新鮮海鮮後，當然要點啲火鍋配料烚下烚下。手切肥牛係必點，每次食都覺得相比和牛更對味。黑柏葉唔係間間火鍋店都有，口感食落好爽啊！脆鯇魚腩食得出新鮮，所以口感係好爽脆嘅。蟹籽墨魚滑好彈牙啊！餃類我都係打邊爐必點的，朋友推介佢嘅韭菜餃，試完真係有驚艷，韭菜超香又滿滿餡料係入面。朋友仲點咗豬潤拼豬粉腸，兩款我都覺得唔錯的。

又係睇網上飲食YouTube 介紹這餐廳老闆，好有熱誠同來頭不少。所以就黎試佢個靚湯底和用心食材的火煱。一早打去訂位，唔知老闆定員工超親民。好有家的感覺，問勁多野都冇兇你，話早一日前再決定湯底都可以。本來想試佢個冬瓜盅鮑魚湯底（見YouTube 介紹好利害咁）,最後家人見FB今個月出左個時令火鍋，所以就試下。打去問職員係咩來，佢話就係老闆當天早上出去買料回來。豐富的海鮮船。去到餐廳真心好多人，但大家都好似好chill咁，見到個老闆好”佬”咁成場飛俾碗又俾醬汁配料，好落力。家人即場叫左個黑椒牛魔王雞煲（半隻雞+牛雜）,讚不絕口，我就覺辣，但好回味。我地個主菜係海鮮船。一上係一個好似南瓜粟米湯，我地以為攪錯，因為唔係話用蝦頭加雞湯底咩，點知職員話係咁。仲叫我地飲湯先。之後上左個海鮮大碗。所有海鮮放係上面。好豪呀！有龍蝦有海蝦有蜆有鮑魚，主力4樣野，龍蝦超好食，蜆都好好食而且份量都多，鮑魚做麻麻地新鮮因為係離貝殼嘅，海蝦個頭有啲黑色嘢朋友話應該係冰鮮蝦。但我就覺得其實可能係因為今早落雨，來料問題，d蝦俾黃雨嚇死左。😂😂仲叫咗啲安格斯肥牛，黑豚肉，魚麵，響鈴，炸魚皮。安格斯牛肉，魚麵真係好好食

👧🏻😋👅🍽✨冇得輸港式海鮮靚火鍋🫡🫡-🥢 餐廳係我心目中最有香港特色既火鍋菜館, 員工唔會好似澳牛咁燥, 但貼地親切, 感覺似睇住我大既uncle auntie, 所以都做唔少街坊生意🥢 有多款靚湯底需提早預約, 配料大大份好抵食, 仲要免醬芥茶位加一, 明碼實價同時有貼心服務-🍲 消暑冬瓜盅 $248💯捉緊炎夏既尾巴食冬瓜, 冬瓜面鋪左鮑魚, 海蔘, 花膠, 頭啖湯鮮甜到極致; 大冬瓜上鍋前已蒸熟, 店員幫手剪開一塊塊, 雖然中間有少少阻住打邊爐, 但留到最尾煮到勁腍好好食🤤 清晒!-🙌🏻 古靈精怪 手慢賣晒✨彈牙鮮蝦丸 $98 比較軟身真蝦肉, 重茜爆蝦汁好鮮甜✨芝士墨魚丸 $98 比蝦丸挺身, 質地爽口, 中間有芝士同粟米味道好突出✨潮州手打魚麵 $48 動L 好彈牙! 最後食埋啲冬瓜同淥魚麵都唔會滯, 份量多仲好香海鮮湯味-🥟 新鮮包 餃很掂 💯獨門菠菜餃/彈牙魚皮餃 雙拼 $58 好大粒飽滿, 菠菜餃個皮都有菠菜綠色, 菜肉餡好鮮甜冇菠菜澀味; 魚皮餃咬開爆肉汁, 油香爆棚口感好潤滑-🐟 特選配料 🍢✨鮮魚腩/鮮豬膶 雙拼 $67 兩款都厚身鮮切真係好抵食, 魚腩鮮甜嫩滑,

喺新蒲崗呢種舊區 最好就係可以食到有本土風味嘅餐廳 天氣熱一定要冷氣夠陳儀興玫瑰餐廳 一到晚上就會提供火鍋及各種小菜 環境氣氛夠 冷氣足最重要係冇醬油費 冇加一服務費淨係呢兩樣 都已經爭百幾蚊（假設食$500）火鍋配料的質素 可以大部份都有80分以上新鮮度高！推薦俾同事個個都讚不絕口⭐️今次揀咗重慶辣雞煲 半隻168 價錢合理最緊要呢度啲雞 真係多肉唔似某間雞煲店 🙊另外餐廳員工的服務態度 也比起同類型餐廳 優勝80%煮雞煲會幫手 又會自動幫手加湯環境亦都乾淨企理光猛 難得大大粒韭菜餃 仲可以揀雙拼每日新鮮手制 好食好多而家喺香港先食到呢啲新鮮手製返大陸全部都係預製😆每一次都會揀靚豚肉因為朋友唔食牛但係我覺得佢好食過唔少火鍋店的安格斯牛豚肉顏色靚 肥瘦均勻仲有唔少得嘅蝦滑有雙重口感 脆卜卜蟹籽雞煲有大量配料 仲可以揀大 中辣 小辣最鍾意就係揀小辣 洋蔥夠香 個汁好正之後用嚟打邊爐 勁好食芫荽超多 非吃不可 美國桶蠔大大粒真係超正 好有鮮味又唔貴 性價比之選我建議兩個人 揀4-5配料就差唔多

🍊 餐廳名稱：陳儀興玫瑰餐廳 (新蒲崗)🐝 味道：7.5/10環境：7/10整體分數：7.5/10💰人均：$200+———————————————————一直主打潮式菜嘅陳儀興係新蒲崗一直都好出名，今次去到另一間佢地主理嘅火鍋店試試佢！ 冬瓜盅(要訂)💰248打頭陣嘅有冬瓜盅，有鮑魚海參雞去熬製。係打邊爐之前先飲一飲個湯頭，鮮味十足，冬瓜本身蒸過先放落去所以煮一陣就食得。Iron Grilled Flank Steak 💰192牛扒叫左五成熟，上枱剛剛好。食落juicy得黎帶點牛香味，而且薯條好新鮮（好重要！)，呢碟菜式有一種置身係外國嘅感覺。招牌打切牛肉💰218每塊牛肉都食到厚薄一致，肉質嫩嫩的，必點！梅菜豬肉丸💰78梅菜豬肉呢個組合真係無得輸，口感豐富！。炸午餐肉💰62切好晒一條條，齋食or打邊爐一樣正。炸魚皮拼蝦卷 💰62韭菜餃拼菠菜餃💰58菠菜餃幾特別，出面唔係成日食到！

天時暑熱有咩好過嘆住冷氣打邊爐呢，今次同朋友來到新蒲崗呢間老牌火鍋店，最正係免加一、免茶芥、免醬油費。首先㨂左湯底先，選擇都好多，夏天甘熱點返個消暑鮑魚花膠冬瓜盅就岩晒啦。消暑鮑魚花膠冬瓜盅：冬瓜盅黎到仲要煮一陣，好足料，有原隻鮑魚、花膠、海參、魷魚等，湯底鮮甜清潤，消暑一流。美國桶蠔：桶蠔好新鮮，無腥味，肥美可口。脆鯇魚片：脆鯇魚片食落清脆爽口，鮮甜得黎帶點嚼勁。獨門芥末西芹餃：餃子漲卜卜，芥末味道突出，同西芹豬肉竟然甘夾，鮮甜美味。獨門菠菜餃：翠綠色既菠菜餃，餡料有菠菜同豬肉，鮮味多汁。鮮滑牛：賣相吸引，牛肉嫩滑新鮮，口感豐富。油麥菜 + 皇帝菜：食到尾聲既時候，食d 蔬菜，索晒湯底既精華，特別鮮味。烏冬：烏冬煙韌彈牙，索晒湯汁既精華，口感鮮美十足。🔎陳儀興玫瑰餐廳 (新蒲崗)📍新蒲崗爵祿街33A-37A號百勝工廠大廈地舖

今次我地過左黎新蒲崗呢邊探朋友，新蒲崗我就真係唔熟，所以就問佢有咩好食，佢帶左我地黎呢間幾有街坊風味既餐廳打邊爐啦🔥餐廳裝修就係d街坊小菜館咁，入面d員工好親切，好有d舊時既人情味感覺，仲要免茶錢，免加一，免醬料錢，非常好，餐枱有齊用有用具，同我最重視既紙巾，又值得讚啦👏🏻重慶辣雞煲（半隻）（$168）我地揀左雞煲做開始，佢都有其他唔同既特色鍋煲，雞煲我地揀左小辣，已經好惹味，最重要係佢勁多汁，有d雞煲唔夠要另外嗌多碗，呢度就絕對夠，仲送左份生菜比我地，食完雞再留定d打邊爐點都仲得😆招牌手切肥牛（細）（$218）呢碟肥牛原本想嗌大，我個fd話細都夠食，咁就信佢，細都真係好大碟，d牛勁靚，淥一陣就食得，雖然夠食，但我下次要照叫大碟，因為太好食🤩自家手包韮菜餃（$53）餃類可以+$5雙拼，不過我地就係鐘意韮菜餃，冇拼到，佢個韮菜餃勁大粒，脹卜卜咁，size大之餘味道又好，自己包既果然有d料到🥟潮州手打牛丸（$88）陳儀興其他餐廳係食潮州菜既，所以佢既潮州手打牛丸唔方會差，佢都冇令我失望，裡面好有肉汁，口感彈牙，正👍🏻炸枝竹+響鈴卷（$57+$5）呢個又係可以揀雙拼，加$5就可以，驚響鈴食唔

打邊爐除左要個煲次外，湯底就最重要。餐廳有多種唔同風味既湯底，由重慶雞煲、冬瓜盅到海鮮湯都有，梗有一款岩食。而且仲免收加一、茶芥同醬油費。冇左咁多隱形收費抵食好多🍲鮑魚花膠冬瓜盅湯頭鮮甜清潤，鮑魚肉質彈牙，花膠膠質豐富，冬瓜清甜解膩。成煲都好滋潤養生🥩安格斯肥牛肉質鮮嫩，油花分佈均勻，入口即溶🐙蟹子墨魚滑口感豐富，每一口都能吃到彈牙的墨魚滑同脆卜卜既蟹子。令人驚喜🐂黑栢葉口感爽脆，因為冇漂過，建議烚10零秒就好食，過時會影響口感🐖黑豚肉肥瘦適中，口感軟嫩。肉味濃郁🎋竹笙口感滑嫩，吸滿哂湯汁既精華。清甜爽口既竹笙與濃郁既湯底相得益彰

最近經常出沒新蒲崗，想打邊爐就諗起幾年前食過嘅陳儀興玫瑰餐廳，質素好且平靚正。今次訂咗位同預留咗個靚湯底，一行四人仲可以試得多啲嘢。湯底選擇十分多，好多足料嘅配搭。我地提早預訂咗當月優惠嘅雙龍吐珠海鮮鍋，係超豐盛由唔同海鮮組成嘅鍋。先要講講兩隻大大隻龍蝦，平時出去食蒸龍蝦都唔止依個價啦！龍蝦新鮮彈牙，鮮味十足！入面仲有鮑魚、蜆、海蝦等海鮮，夾埋番茄、南瓜啲蔬菜一齊滾完個湯底好鮮甜呢。火鍋配料我必點脆鯇魚腩，平時係屋企少啲食到，每次打邊爐食到魚肉爽脆口感都覺得好正。依度嘅手切肥牛質素好高，睇到啲紋路都覺得正！切得厚薄適中，入口少少油脂感外，肉質腍嫩十分讚。餃子都係必點項目，上次嚟食韭菜餃就已經好喜歡，超重韭菜味又足料。今次拼埋芥末西芹餃，芥末少少嗆辣，西芹味好出又香，整體好過癮。蟹籽墨魚滑夠彈牙，蟹籽仲添加咗重口感。配料都不乏內臟的選擇呢，豬潤同粉腸都係我嘅愛，雙拼就一次過可以享受晒兩款。豬潤涮一陣就熟了，質地仲會爆汁。粉腸都無異味，又唔會難嚼。新鮮黑柏葉都好適合火鍋食，幼條咬落脆口，比普通牛柏葉更嫩，不會韌。今次食完都一樣覺得好正，下次要再同朋友一齊嚟呢！