Video
Read full review
2024-03-16
226 views
今次有朋友推薦位於深水埗嘅酒家，在深水埗站D2出口行5分鐘就到，呢間酒家有齊中式小炒、涼菜同海鮮，可以滿足曬咁多人嘅喜好。餐廳酒樓嘅裝飾真係好經典，外表係一間平平冇奇的酒家，內裡卻充滿地道港式風味的海鮮大排檔。我哋嚟到嘅時候都好早，所以唔算好多人，但係坐咗一陣之後成個場爆曬！雖然佢有2間舖位，地方都算大，但人流非常多，座無虛席，如果真係想確保有位嘅話，最好都係打電話嚟訂枱。雖然晚市人多，但上菜速度都好快，而每碟份量都算多，味道都好有鑊氣，不會因為人多而影響質素。好味醬烤骨我以為係金沙骨之類（一字排），點知原來係將肉腩煮熟再淋上汁（係炆不似烤），做法有點和東坡肉相似，完全同個名不同，味道一般，上面放咗一塊大菠蘿，然後再用較剪幫你剪開。避風塘賴尿蝦肉沒想過瀨尿蝦不用自己剝殼（不用拆骨的確係很大的賣點），啖啖肉非常好食，賴尿蝦味好濃，肉質鮮味，同埋炸過嘅蒜一齊食真係好正。椒鹽鮮魷有避風塘賴尿蝦打頭陣，即時比下去，下次可以不用叫（似土魷多過鮮魷，個粉厚左啲） 沙薑凍豬手豬手係凍食的，無豬騷味，非常清爽有彈性，唔會過硬，亦唔會過冧，肉質鮮嫩，質感富含骨膠原有咬口，不太鹹，蔥辣椒好多，調味亦都相對
我哋嚟到嘅時候都好早，所以唔算好多人，但係坐咗一陣之後成個場爆曬！雖然佢有2間舖位，地方都算大，但人流非常多，座無虛席，如果真係想確保有位嘅話，最好都係打電話嚟訂枱。雖然晚市人多，但上菜速度都好快，而每碟份量都算多，味道都好有鑊氣，不會因為人多而影響質素。
好味醬烤骨
我以為係金沙骨之類（一字排），點知原來係將肉腩煮熟再淋上汁（係炆不似烤），做法有點和東坡肉相似，完全同個名不同，味道一般，上面放咗一塊大菠蘿，然後再用較剪幫你剪開。
避風塘賴尿蝦肉
沒想過瀨尿蝦不用自己剝殼（不用拆骨的確係很大的賣點），啖啖肉非常好食，賴尿蝦味好濃，肉質鮮味，同埋炸過嘅蒜一齊食真係好正。
椒鹽鮮魷
有避風塘賴尿蝦打頭陣，即時比下去，下次可以不用叫（似土魷多過鮮魷，個粉厚左啲）
沙薑凍豬手
豬手係凍食的，無豬騷味，非常清爽有彈性，唔會過硬，亦唔會過冧，肉質鮮嫩，質感富含骨膠原有咬口，不太鹹，蔥辣椒好多，調味亦都相對很好，份量都幾多，不過就唔係好覺有沙薑味。
事頭婆炒麵
只是比一般水準好些，冇乜獲氣同埋比較濕，豉油皇炒麵不是間間都好食，金豪算是炒得不差，油量適中，香得嚟又唔油膩，麵身爽彈，鹹味適中，仲有好多芽菜，加埋店主提供嘅辣醬，味道可以。
啫啫通菜
店員用一個燒紅左嘅煲即時在客人面前將通菜倒入煲內爆炒，隨即咋咋聲同香氣令人胃口大開，通菜唔會過粗糙，食落無渣而且仍然保持翠綠，連同蒜薑、辣椒、蝦乾爆香，非常惹味，鹹度適中，原來又真係好特別既一道菜。
蒜蓉粉絲元貝
勁大隻元貝，乾濕蒜一齊蒸，蒸嘅時間掌握得剛剛好，不會過韌，底部粉絲吸收了元貝和蒜汁的味道，味香濃，超級鮮味，非常滿足。
芥辣牛柳粒
真係第一次食，味道出奇好味，牛肉粒被芥辣醬包裹著，食落去有少少攻鼻，牛的質感較為韌，要咬耐少少先吞得，不過加埋沙律菜一齊食超正，並配上合桃點綴，確實唔錯。
豉椒蒸大鱔
肉質腍軟，我個人較喜歡食彈牙。
最後要讚一讚店員嘅服務態度良好，很有禮貌，佢哋都非常友善，除咗推介美味菜式，仲自動幫我哋換碟，服務態度真係好。唯一不好的就是上菜速度好快，食物味道水準一般，唔算太好食，但唔難食，唔好期望咁高。坐的地方比較窄，交通算方便。總括一句不妨試試豬腳及炒麵。
Post
