豐信餃子店

Open Now

Now Closed

每次經過都係大排長龍，意想不到香港人對於餃子的熱愛，就算唔係食飯時間，餐廳基本上都係滿座，而且受歡迎嘅口味都會比較快賣完，已經無數次回訪，今次打算試吓新口味，隨心分享一下，每次嚟到都有唔同驚喜，口味非常多總共有17款，所以經常吃都會有新鮮感，記得要試吓佢嘅辣菜譜，配湯餃最搭麻辣白菜鮮肉餃味道唔會好辣，最喜歡麻辣餃子，配上椰子雞豬骨湯，中和返麻辣味，而且餃子非常惹味又爆汁，一般女仔都係食7隻，有時貪心會叫雙拼必點！金沙煎芝士粟米鮮肉 令我念念不忘的餃子外皮煎至金黃色好香口就算加埋鹹蛋黃金沙脆脆都唔會太膩，就算湯餃都一樣咁好食青檸蜜 十蚊大大支好過飲汽水，唔會太甜，味道都唔錯另外小食，通常都會點海蜇同埋青瓜，價錢唔貴揀多幾款都唔會肉赤—————————————————豐信餃子店 (太子)太子汝州街17號地下A號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodies #yum #hkfoodstagram #foodie #foodphotography #foodgasm #lun

已經第n次翻啅呢間餃子店。由唔使等至到近期次次去親門口都企滿人。水餃質素keep到水準：大嚿夾juicy！ 以我嘅雀仔胃，叫雙拼10嚿可以分到兩餐食～ 個人最愛《梅菜粟米鮮肉餃》同埋《芫茜鮮肉餃》。一咬開，啲茜味成口都係！ 另外都推介芝士愛好者《芝士粟米鮮肉餃》估唔到中西混合竟然咁夾，芝士仲要流心！！ 價錢由$43至$52／10隻不等，性價比爆燈💡💡💡💡💡 煎餃一樣出色，皮夠薄，咬落去圾圾聲 。小心爆汁會辣親條脷！ 多咗幾款新款例如《馬蹄薺菜鮮肉餃》， 有口，長期售罄。 仲有堂食限定既《邪惡金沙餃》，要食就要趁早！ 招牌湯底《椰子海帶豬骨鮮雞湯》更加冇得輸！但略嫌份量偏少，每次都要額外加錢買多碗～

📍豐信餃子店太子汝州街17號地下A號舖第一次幫襯呢間餃子店，本身自己都喜歡食餃子，當然要試一試。當日晚上只見等外賣人士，堂食並不需要等位呢。今次叫咗兩款餃子，椰菜鮮肉湯餃(7隻)($38-HKD)，韭菜鮮肉煎餃(7隻)($40-HKD)。椰菜鮮餃好鮮甜，加上個靚湯底，好食👍🏼至於韭菜煎餃又好有韭菜味道，而且煎得恰到好處，皮好香脆，好味道呀😋。店舖亦有菜脯提供，喜歡食菜脯的顧客就啱晒。加些少辣菜脯入湯餃度，又變了另一種口味。店舖有幾款飲品售賣，我們叫了一支豆漿($10-HKD)，一支菊花蜜($10-HKD)。可惜無得揀甜度，略嫌菊花蜜甜了一點。

-豐信餃子店🍽️-椰子海帶鮮雞豬骨濃湯配餃子湯餃就建議可以唔叫d咁重口味先飲到個湯既鮮甜😉今次叫左芫荽鮮肉同紫甘藍粟米🥟芫荽控必點啦佢毫不吝嗇咁落芫荽勁香🤣睇個名紫甘藍好特別未試過配餃子但佢味道冇芫荽咁強烈只會食到荽既甜味👍-煎餃煎餃就一定要有芝士粟米鮮肉啦！因為入面芝士🧀️煎到溶哂拉cheese勁香😋另外咖哩呢d咁重口味都一定要配煎先發揮到🤣-涼拌海蜇 $22海蜇🪼勁爽脆咬落係卜卜聲😂鐘意食辣既朋友我建議加一pat辣椒油撈埋勁好食😍-菊花蜜/柑桔蜜 $10原本係叫青檸蜜諗住酸酸甜甜消下濟點知俾錯左菊花蜜🤣不過仲好食左咁多煎餃飲完菊花蜜覺得冇咁熱氣😂-🌟評分:🏅🏅🏅🏅🏅📍地址: 太子汝州街17號地下A號舖-#foodieluveat#foodisluveat_hk#foodieluveat_太子#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #

滷水拼盤因為咩都想食🤣每樣都嗌一樣又太多，呢碟滷水拼盤每樣兩舊就啱晒～ 有雞腎、蛋、雞翼同埋牛腱雞腎同埋牛腱都好軟淋，醃得夠入味，唔會太鹹👌🏼拍青瓜實在太需要喺咁熱嘅天氣嗌一碟涼菜！ 呢碟$16細嘅好抵食，都有大概十令舊。好重蒜味，但若果可以落幾粒辣椒 麻麻地就更正～👍🏼薺菜豬肉水餃薺菜有種淡淡嘅甜味，之前未食過呢款餃，食落又幾特別。餡料夠多，足以塞滿一隻餃。嗌湯餃可以連埋個椰子雞湯一齊飲，非常開胃🤩芫茜煎餃一食落去好飲食薯片咁脆，好香口。芫茜好新鮮，條莖仲係好脆好爽嘅口感。下次會想試下升級去金沙皮，應該會仲正🤣🤣最後仲嗌埋羅漢果水，有佢自己獨特嘅甜味，可以一解煎餃嘅油膩感🤓

說到食餃子，愛玩小生一定會想起太子，皆因當區有超多餃子小店，每間都各有特色，但共通之處，就是每間都要排隊呀！今次，選擇了豐信餃子店，網上看評分不差，而且有黃金咸蛋醬煎餃，當然要想試試啦！餃子選擇有超過10款，而每款都可以選擇煎餃或湯餃，份量亦分為7隻和10隻：✅✅韭菜鮮肉餃 （湯餃）餡香濃郁，韭菜帶著獨特的清香，口感鮮嫩，湯汁為椰子豬骨湯，配搭濃濃椰子味，非常好味。✅✅芫茜鮮肉餃（湯餃）芫茜的香氣彌漫，肉餡鮮嫩多汁，每一口都有著迷人的香脆口感，湯汁清甜順滑，令人回味無窮。✅✅✅芝士粟米鮮肉餃（配黃金咸蛋醬煎餃）外皮煎至金黃酥脆，內餡豐富多層次，粟米爆出甜味，芝士融化口中，搭配咸蛋醬，鮮味與鹹香完美結合，口感豐富有趣。值得一提，店內自製的辣椒醬非常好味呀！不過，店舖的確細小，空間較為逼夾，且餐桌有少少臭味，而有所扣分😅📍 豐信餃子店地址：太子汝州街17號地下A號舖

是晚想食簡單啲，見到呢間餃子店都幾多人等外賣，堂食都要等位。等咗大概十五分鐘都入得去，但張枱就完全無抹過，上手留低嘅水漬，飲品漬都留埋比下手個人覺得可以抹埋枱先入客會舒服啲食物我哋叫咗芫茜鮮肉餃同香菇鮮肉餃。餃都幾大隻，菜肉比例差唔多，皮薄，湯底都好飲👍🏻價錢都合宜，飲品$10支已有菊花蜜如果店員可以加強清潔枱邊，餐具柜筒，個日會覺得開胃啲，會叫多啲嘢食

太子有好幾間餃子店🥟，為食妹👧🏻情有獨鍾「豐信」❤️‍🔥。小店除咗提供餃子之外，仲有十幾款小食👍🏿。點了以下三款小食，分別有香煎豆腐、涼拌雲耳 （細）、涼拌手拍青瓜（細）。涼拌小食非常之開胃，豆腐軟滑好味😋。有十多款口味餃子🥟，可選湯餃/煎餃🥟。我同朋友點了兩款餃子開心share😬，分別係南瓜粟米鮮肉湯餃+芝士粟米鮮肉煎餃配埋金沙醬，餃子皮薄餡鮮，金沙非常滋味且屬邪惡之選✨。🥤羅漢果甘草茶🥤菊花蜜

韭菜鮮肉餃(十隻)$43芫茜鮮肉餃(十隻)$52食餃子一定要食韭菜味 招牌得黎又夠香🤓基本上去到邊間餃子店都一定會叫韭菜份😂同行朋友係芫荽控所以都叫埋一份 一咬落去芫荽嘅香味即刻湧出黎 雖然我唔係特別鍾意都覺得幾正🤣每件都大大隻其實食吓食吓都好飽😂但全部菜都好新鮮同埋煎得好香脆唔怪得知長期咁多人排隊🥰涼拌手拍青瓜(大)$22青瓜好爽口又好夠凍 而且好入味 夏天食真係一流👍🏻涼拌爽脆竹筍 $28呢個超辣 所以食咗兩舊就冇再食 但朋友就好鍾意涼拌海蜇$22影呢張相嘅時候已經差唔多食晒 我哋之後仲叫咗第二碟 雖然有啲鹹，但我哋就覺得好正好重口味

Chinese chives & pork dumplings 韭菜鮮肉湯餃 $38七隻嘅韭菜鮮肉餃都係用椰子海帶豬骨湯底，連埋餃子一齊食好match 🤤，韭菜好鮮嫩冇渣，一啲都唔老，而豬肉碎肥瘦均勻，值得推介呀！Pork & cabbage dumplings 🥬 椰菜鮮肉湯餃 $38一碗七隻嘅椰菜湯餃子用咗大量爽口椰菜同足料嘅豬肉🍖，而湯底係用椰子海帶鮮雞豬骨濃湯🥥，熱辣辣嘅天然自家製湯味道清甜滋潤，冇添加仼何味精或者防腐劑，好natural 👍🏻Homemade braised beef shank 秘汁金錢展 🥩 $40金錢展其實係牛腱肉嘅一部份🐮，食落去口感鬆軟煙韌，而且含豐富蛋白質營養價值高，加埋辣辣地嘅秘製醬汁好惹味呀🌶️Fried pork with pumpkin and sweet corn dumplings 南瓜粟米鮮肉煎餃 🎃🌽 $42除左招牌湯餃之外，煎餃子都係熱賣之選，即叫即煎嘅自家製餃子整到金黃色，皮薄餡靚，煎到好香脆可口又唔會太焦🔥，時間控制恰到好處，入面仲有creamy 南瓜蓉同甜甜地嘅粟米粒，點埋黑醋一齊食都幾match Pan-fried tofu

返尋味手工水餃🤤🤤真是我食過最爽的水餃，每次每個人都可以吃10只🫶🏻超瘋狂的，而且還要㗎店家自家製的菜譜，辣辣鹹鹹的😚太爽了吃完還要買30只外賣生的水餃回家，看來真的怕宵夜，沒有著落喔 哈哈

今日5點鐘到咗太子，可能未到食飯時候，見唔係好多人排隊，咁不如早啲食喇🥟芫茜鮮肉餃(7隻):餃子大大隻，一口咬落餃子，滿滿嘅芫茜香爆發出來，芫茜控嘅我十分滿足，再喝一口湯，簡直係完美配合，正👍🏻！🥟芝士粟米鮮肉餃(7隻):呢個冇得輸，餃子煎到脆脆的，芝士有拉絲效果，夾埋粟米好有韓國餃子風味😋🥟韮菜鮮肉餃(7隻):韮菜塞滿隻餃子，香香濃濃的，鍾意韮菜嘅一定歡喜🥤羅漢果甘草茶($10) &🥤菊花蜜($10):兩種都非常解渴，食煎餃子馬上無咁熱氣兩個女人仔好似叫多咗，咁咪俾多$2打包返屋企，估唔到返到去餃子仲脆喎

依間人氣餃子店長期好多人排隊，lunch time去開太子整野所以特登預鬆少少時間去排，大熱天時等左35分鐘，不過食完真係覺得值得🥹餐牌上有十幾款餃子，我叫左十隻湯餃同加$2雙拼，餃子size比想像中大隻同飽滿，建議女仔叫七隻都好夠飽🙈椰子海帶鮮雞豬骨湯味道清甜，唔係油膩味精湯底🥥另外叫左支菊花蜜，偏甜但好潤喉。依間整體來講性價比好高，我覺得算係香港數一數二嘅餃子店👍🏻下次會再去試其他味同招牌滷水小食！🧀🌽🥟 芝士粟米鮮肉餃 $𝟝𝟛/𝟙𝟘 ᴘᴄs (𝟙𝟘/𝟙𝟘)本身有啲擔心芝士會好漏，但見係其中一款招牌餃子所以照嗌，結果芝士一啲都唔漏之餘味道啱啱好，同粟米同鮮肉好夾，好有驚喜！🥬🥟 雲耳椰菜鮮肉餃 $𝟝𝟘/𝟙𝟘 ᴘᴄs (𝟠.𝟝/𝟙𝟘)本身鐘意食椰菜，配搭夾脆嘅雲耳咬落口感好有層次！🌟 Follow @gfgm.hk on Instagram for more 🌟

太子長期人龍店，今日終於早啲來排隊！店舖面積唔大，長期坐滿人，墟冚場面超誇張！堂食／外賣客人同樣咁多～🍽️涼拌海蜇 $22夏日消暑一流，海蜇Q彈，但略嫌食落有點太鹹～🍽️麻辣白菜鮮肉湯餃 $40麻辣味好出，但唔會太辣！好惹味嘅一款餃子，又夠新穎～配埋自家製無味精椰子鮮雞豬骨濃湯，味道鮮甜，椰子味道都幾出，飲落好舒服～🍽️邪惡金沙韭菜豬肉煎餃 $54一見到賣相就覺得好邪惡！原本嘅韭菜豬肉餃已經好足料，味道好濃，再配埋大量咸蛋黃係面，加倍香口！煎餃嘅脆口伴隨著沙沙口感的鹹蛋黃碎，令口感更為豐富！🍽️芝士粟米鮮肉煎餃 $43滿滿的芝士餡料超滿足，熱辣辣咁食仲會有拉絲嘅效果，呢個價錢食到呢個質素嘅餃子絕對係超值！🍽️菊花蜜 $10🍽️柑桔蜜 $10自家製嘅飲品，大枝抵飲！

太子／大角咀一向餃子兵家必爭之地，唔缺餃子店。呢間第一次食時覺得好食，但之後水準下降……以前只有食紫菜味或冬菇味會覺得有d鹹，宜家係食乜味都好鹹…非常鹹…（食兩粒已經要係咁飲水🫠）太子其他餃子店通常都係皮太厚／煎變炸，但好似好少會覺得太鹹…再加上個皮真係好冇存在感，只要係湯餃個皮都好易開口／爛而且即使買生餃都唔便宜…如果住附近 買其他餃子店會好d