英記美點小食

Open Now

Now Closed

潮州粉果 難得日頭經過新蒲崗 順道買返2隻招牌粉果😝 去到嘅時候 已經有好幾個人排緊隊🙊 不過人龍都去得好快 好快就買到👏🏻 🥟招牌粉果 $6/隻 (2隻起)呢度嘅粉果真係幾唔錯🤭 外皮厚薄適中帶點軟糯😍 最鍾意佢嘅餡料夠香💨 沙葛多之餘又爽 仲有花生🫰🏻 之前試過喺呢度買生粉果返屋企自己蒸 都唔錯㗎🥰 🥧魚蓉燒賣 $10/6粒 順便試埋燒賣 非常普通 果腹可以 唔洗特別試😌 ⛺️英記美點小食📍新蒲崗康強街32-34號康強洋樓地下17號舖

睇門面，就知道係開業多年既老字號。 主打粉果，亦有蒸餃、腸粉等小食。主打既招牌潮州粉果，外皮綿密煙韌，中間包住飽滿既餡料，兩樣加埋提供好豐富嘅口感。 大大隻食完，好有滿足感。 另外，佢既辣油炒得好香，值得推介。腸粉蒸得幾滑，仍然保持一層層地層次分明，冇黐埋一嚿。 上面慷慨地加上甜醬、辣醬、芝麻等等。 想食少少嘢，但係又唔想太飽時既好選擇。另外，仲有蒸餃、包點等等。 呢度整粉果既質素，蒸餃同包類應該都有一定水準。 但係一次過時唔晒，下次再試。

英記美點小食的混醬腸粉混醬腸粉是一道廣東經典小食，它的最大特點和好吃之處是它的外滑內嫩, 皮薄, 不需要有餡便已經很好吃, 因為它的靈魂是它會搭配多種醬料，味道非常好, 包括醬油﹑花生醬﹑辣椒醬和甜醬, 這裡更加有蒜蓉和蔥花, 不只是裝飾, 而是有其香味和作用在, 令食味更好。最欣賞是店家提供的醬料很多很足, 最怕就那些店家的醬料太少太吝嗇, 吃起來便淡而無味不夠過癮。混醬腸粉可以熱食或者冷食, 都同樣好吃, 下午餐或正餐也可以, 是夠飽的，滑嫩的腸粉搭配多種醬料，真是好味又開胃。

我經常去深水埗食腸粉， 見到 廣告 星期天五點 今去新蒲崗試下英記， 舖頭都坐咗十個人 ，腸粉竟然係硬嘅， 起曬毛嘅， 應該係蒸完再翻 ， 完全輸曬 畀 鴨寮街 ， 人哋腸粉滑嘅 ，啲醬又嘢味 ，本來 先前 諗住買啲外賣返去畀屋企人食， 但後來諗下都係 唔好整蠱屋企人。 老店 請努力改進， 守業 艱難

我自己好鍾意食粉果上次見到有人介紹話新蒲崗有間好好食的粉果梗係要黎試下啦!!😋😋LUNCH TIME時間都幾多人WO🤨🤨我自己就試左椰菜豬肉餃/韭菜豬肉餃/粉果同埋腸粉真心我自己都食唔哂🤣🤣🥟🥟椰菜豬肉餃/韭菜豬肉餃入面都幾多椰菜🥬反而韭菜個味唔係好重個皮可能蒸得耐左少少所以會有D痴埋一齊加埋豉油就會好食D🫙🫙因為味道都比較淡 普普通通🙂🥟粉果 唔點豉油都好夠味個皮都幾薄, 料都幾多花生同沙葛都好脆🥜好味既😍😍腸粉都滑身, 正常發揮P.S. 鍾意食粉果的朋友值得一試!!!

上次吃了招牌潮州粉果後，今次再encore 粉果，又試了韭菜豬肉餃、黑芝麻糖心包和腸粉。韭菜豬肉餃 $11/2個水晶皮皮薄滑，餡料充足，韭菜味不太濃。味道算是不錯，不過相比招牌潮州粉果，韭菜豬肉餃較遜色。始終粉果餡料多，爽脆沙葛，提升口感。黑芝麻糖心包$6/1個包是鬆軟，黑芝麻餡較少。包如其名，糖心，較甜 。腸粉$11/4條腸粉尚算滑溜，與其他小食店出售的腸粉差不多。還是招牌菜潮州粉果出色。👍😋

有媒體報道新蒲崗有間小店的潮州粉果十分出名，放工時間門外總是有長長的人龍，這間小店就是《英記美點小食》。今天經過小店，也想買招牌潮州粉果吃。看著食店門外張貼的餐牌，除了招牌潮州粉果，還有椰菜豬肉餃、韭菜豬肉餃、腸粉、魚蓉燒賣、糯米卷、上海菜肉包、黑芝麻糖心包和饅頭。排隊期間，看見很多人點了糯米卷、腸粉和燒賣，感覺他們是常來光顧的食客。有人說：「糯米卷是最好吃的。」，果然拿著一袋剛買糯米卷的人離開，也有很多人在店內吃著腸粉和粉果，各人都放了辣椒油。最後我決定買了招牌粉果$6/1個、燒賣$10/6粒和糯米卷$6/1個，在店內慢慢享用。因為食店座位不多，且有點擠迫，所以大部分食客外賣取走。招牌潮州粉果：坦白說，對粉果印象不太好，油膩、粉皮又厚身。這店的粉果改變了我的壞印象，粉果皮煙韌，不會太硬又不會太厚，餡料充足，有沙葛、豬肉、花生、蔥花、蝦米等。吃的時候，加了辣椒油，味道非常好。原來由搓水晶皮、炸花生、炒餡料和包粉果全是人手自家製造。極力推薦👍糯米卷：比想像細件。看外表沒有什麼特別，但是吃一口，外層香軟，糯米和花生帶點鹹香，味道不錯。魚蓉燒賣：有彈口，非用麵粉造。口感比其他小食店燒賣較好。

一直都知道新蒲崗有間小食店既粉果好出名，係全手工自家製，今次咁岩行開開附近就過去試下。 除左粉果外，鋪頭仲有餃子、包點、燒賣、腸粉賣，價錢都好實惠。英記手工粉果同出面食到入貨返黎賣既真係唔同，個外皮好煙韌，唔會太硬或者太爛，餡料更加係好足料，個人最鐘意入面有好爽口既沙葛～上面加埋香口既靈魂辣椒油，冇得輸🫡

新蒲崗英記重開，加上又有媒體報道，傍晚時段仍然大排長龍。潮州粉果是他們的招牌，餡料多，味道跟以前一樣，好食。老闆娘不停手密密包，即包即蒸，新鮮，怎會不好吃？粉果一定要配有渣辣椒油，是美味的組合。還有韭菜豬肉餃，皮帶煙韌，足料。全手工手造，要支持小店！招牌潮州粉果$11 兩隻韭菜豬肉餃 $11 兩隻糯米卷 $ 6 1個

新蒲崗英記重開，每次去都要大排長龍。潮州粉果是他們的招牌，餡料多，非常好食。一定要配他們的有渣辣椒油，簡直是絕配！員工不停手密密包，即包即蒸，非常新鮮，讚！椰菜豬肉餃和韭菜豬肉餃，足料！全手工手造，值得推薦的小店！如果未能在當天享用的話，也可以買一些未蒸的生粉果。店員教水滾後蒸七分鐘再焗兩分鐘就可以。招牌潮州粉果$11/2隻韭菜豬肉餃$11/2隻糯米卷＄6 /個新蒲崗康強街32-34號康強洋樓地下17號

呢間嘅粉果真係無得輸，呢間係新店之前食開係佢哋嘅姨媽做的，但大約2，3年前話姨媽要退休唔做了，當時聽到真係好失落，點知前日喺影片分享平台睇到段片話佢哋喺原址附近開返即時打開Openrice搜尋，知道地址後第二日即刻去買，即晚蒸完後即食（通常我係買未蒸的）好開心可以食返之前個味道，嗰日我都買咗多咗幾份比朋友食每個朋友都係6個一份，d朋友個個食完都話好正，個個都問我地址，希望呢間粉果店可以長做長有啦，如果唔係真係好難搵到一間咁好食嘅粉果店

呢間係我由細食到大嘅舖頭，之前執咗，而家重開喺轉角位。有好多老街坊幫坊，就算住喺慈雲山一帶都會特登過嚟食。呢個舖頭真係好受歡迎，無時無刻都要排隊。招牌潮州粉果 $11/2隻：味道維持到十年前嘅水準。內裡包著香脆花生同爽甜沙葛，粉果嘅外皮非常煙靱，厚度啱啱好，食落去好順滑。魚蓉燒賣 $10/6粒：質感比一般出面嘅魚蓉燒賣好，有少少彈性，唔會太麵粉。不得不提係佢個鼓油，應該係自己調配出黎，無論係配上魚蓉燒賣定粉果都一流。

之前看過網上有介紹此小店粉果好味，今日去新蒲崗，順便過嚟試試。見到輪候的人很多， 需要等候耐少少可以買到食物。坦白講， 佢哋嘅粉果係好食嘅， 粉果很足料。 至於燒賣和椰菜餃，質素就一般， 燒賣11蚊六粒價錢真係有啲貴。另外我想講 ，店舖需要處理時間管理。 知道小店是人氣店舖， 等候的人很多，個個也想買粉果 和餃子，但是貨品數量有限，不夠 未必能滿足客人的需要，而且蒸也需要時間。 今日我買燒賣，粉果和餃子， 店員說 韭菜餃和椰菜餃需要蒸，稍後才給我， 當我等候一段時間，仲未有，原來店員忘記了我的order， 說 韮菜餃已沽清。另外我又想講， 今日原來我 購買的東西， 總值應該 是33元， 店員收了我43元， 我畀錢嘅時候，自己亦都冇發現， 後嚟我發現佢哋收多咗我十蚊， 但係因為現金交易，冇收據， 加上亦都唔係即時發現 ，我亦都無法追討。 無端端蝕咗十蚊。雖然貴店的粉果真的很好味，但係， 我希望貴店好好注意管理，出貨及收錢的管理， 否則就算點人氣都好，呢啲做得唔好嘅話，客人亦都唔會再嚟幫襯

睇左yt 片講呢間英記，順路就去食下，應該真係yt 效應，平日接近5點去到都有條短人龍，個個都想買粉果小店係可以坐低食既，但如果要食粉果都係要先排隊，先可以坐入去食，食其他燒賣腸粉就可以即入講返啲粉果，真係好似yt 片咁講，水晶皮好滑，好薄，摺口位，即刻厚啲既位都好滑，唔會好似食粉咁，口感軟糯，饀方便勁多，沙葛非常爽脆，花生🥜又係好脆，比例都幾高，豬肉蝦米味道都唔錯，整體成個粉果本身都好夠味，加埋佢哋既辣椒油就錦上添花，我唔係成日食粉果，但絕對係食過最好食😋由於粉果真係即日包，老闆娘基本上係不停包，但係由於外賣既人好多時都係一打一打咁買，所以一盤好快就賣哂排隊中途聽到人問可否買生粉果，即場買生粉果都要排隊，但店員話可以早啲打電話去，唔知係咪可以訂呢？除左粉果，仲有用水晶皮包既韮菜餃同椰菜餃，似乎韮菜餃受歡迎啲，好快就賣哂，相對粉果，椰菜餃味道清淡啲，都係饀料非常飽滿整體來講，值唔值得排隊食粉果就見仁見智，順路唔熱唔太長龍…..我都會再食既😆

之前有一排沒有開檔，想不到重開了，還有座位可以坐低食，是新蒲崗的古早味小食， 早餐及下午茶之選，味道跟之前不變，特別是粉果真係無得輸，魚蓉燒賣正常OK，腸粉麻麻地，自家製辣椒油也不錯，行過可以試下