聚來車仔麵

Open Now

Now Closed

喺深水埗一間cafe chill完就嚟咗呢度買外賣返屋企食, 雖然主打係車仔麵, 但都有好多其他餸菜揀~ 《必試 - 招牌煎餃子🥟》自家製, 人手包, 即叫即煎, 可以選擇韭菜餃/椰菜餃, 亦都可以兩溝, 有選擇困難症嘅我就揀咗兩樣都要😜! 餃子煎至金黃色, 而且餃子皮薄, 隻隻都脹卜卜, 好足料! 多菜少肉, 肉汁豐富, 咬落去好juicy, 鮮味十足!《秘製辣魷魚🦑》鍾意食辣嘅要試吓! 魷魚上面有少少芝麻粒, 食落有咬口, 秘製辣醬夠入味~《招牌鮮炸肉丸🍡》一共有10粒, 一口size, 裏面包住豬肉同洋蔥碎, 洋蔥令肉丸味道冇咁單調, 食落幾香口《香煎雞扒》即叫即煎, 肉質嫩, 仲有蒜香《餐蛋麵》湯底揀咗腩汁, 味道幾濃, 都唔錯

朋友住深水埗，聽佢講成日會嚟食呢間餐廳車仔麵，食完真係有驚喜。無論係 餸．湯底同麵底．小食 都好多選擇呢排啲菜太貴，出街食飯都會加返兩條菜。🥬韮菜同生菜都好新鮮嫩綠。滷水豬大腸夠入味牛筋好淋好滑，口感好好就連好普通嘅蘿蔔都超甜，超好味加少少辣菜脯，好惹味，愛辣嘅一定喜歡再加多碗香辣豬紅，加上辣椒同蒜，令味道又香又惹味，仲有韮菜墊底添。總括嚟講食物質數，真係好食過出面連鎖粉麵，幾時都係小店製作最用心👍🏻

聚來車仔麵📍深水埗基隆街172號地鋪呢排疫情😷爆得好勁，唯有繼續買外賣食今次試左係深水埗既人情味小店❤️係家庭式經營😗叫左4樣野外賣埋單$149✔️抵食秘製咖哩雞球飯 $45 跟熱飲☕️⭐️⭐️⭐️⭐️/5好有屋企飯嘅感覺🙌😗個咖喱汁超級好送伴飯雞球好入味✔️正滷水拼盤 $40 ⭐️⭐️⭐️⭐️⭐️/5雞翼尖 雞腎 豬耳 豬大腸 豬肚 $40 有5款野，每款配料都有3-5件，真係好抵食，仲要滷水超級入味好好食👍🏻食完唔會死咸 食到停唔到🤣✔️一個人食哂成盒秘製辣魷魚 🦑 $35 ⭐️⭐️⭐️⭐️/5呢個秘製醬汁好特別，食落覺得有小小似沙嗲醬帶DD辣味魷魚🦑係好爽脆生菜魚肉 $25 ⭐️⭐️⭐️⭐️/5魚肉好彈牙👍🏻真材實料唔會食完覺得係麵粉漿😂由於出名爆漿華田多士無得外賣，決定下次再來堂食試下先😗❤️

2022-01-19 13:09 深水埗都算食平嘢嘅地方，車仔麵一般都唔貴，就入左去#聚來車仔麵  原來仲有飯食#給您家的味道入去睇餐牌先 家的味道 香煎豬扒飯--腸仔煎蛋$45蔥油豉油煎蛋嘅蛋黃🍳送飯無得輸蔥夠香，不過豉油偏鹹，唔係甜，所以食到底都幾鹹豬扒香煎有脆邊，都算家的味道不過腸仔同大部分茶記一樣係炸，外面少少皺皮，一下會知道返喺街食飯 凍檸茶＋$3沖得比較甜總計:$48

前排見好多人介紹個阿華田西多士，今個假期就去咗食🤤嚟到嘅時候餐廳都幾多人，等咗一陣位就可以入去，餐廳座位數目多算多，所以唔洗要等好耐！你今次每人叫咗一個車仔麵再加個甜品🤩香辣魷魚、雞翼尖、豬大腸、豬紅番薯粉我哋其中一個就配豬骨湯底，平時食拉麵都好鍾意食豬骨湯底，估唔到今次食車仔麵都有得叫，佢哋嘅車仔麵都係比較新穎，切合香港人創意嘅需要🥰但佢哋嘅豬骨湯底都係熬製而成，香濃嘅豬骨湯一啲都唔似有味精湯，食完之後都唔會覺得口乾👍🏻👍🏻佢哋餸菜嘅份量都幾多，而且佢嘅香辣魷魚非常好食魷魚非常彈牙！爽脆豬頸肉、豬紅、魚腐蕃薯粉另外一個就叫咗佢哋都好多人推介嘅咖喱湯底加秘製小辣，佢哋嘅秘製小辣非常之惹味，如果好食得辣嘅人一定要黎試吓，佢個豬頸肉都真係名副其實非常爽脆，佢啲魚腐朔埋啲湯底都好入味🤤爆漿阿華田西多士 $33轉配朱古力榛子醬+$2佢哋嘅車仔麵都非常出色，但係我最期待嘅都係起個爆醬阿華田西多士，嚟到嘅時候個樣都非常吸引，真係同個名一樣係爆曬啲阿華田醬出嚟🤤我哋仲加埋朱古力榛子醬，估唔到食晒成個西多士都唔算好制❤️❤️

Cheese and sweet corn, leek pan-fried dumplings 芝士粟米🧀🌽、招牌鮮煎韭菜餃子🥟 $42呢款雙拼餃子總共8隻，今次就揀咗新出嘅芝士粟米味✨同埋招牌韭菜煎餃，餃子可以揀點酸酸地嘅茄汁🥫或者喼汁，一上到嚟望到外皮好薄好吸引，香噴噴嘅餃子煎到金黃色，食落去又唔會太肥膩，而且每一隻都脹卜卜好足料㗎，的確幾高質Mushroom, pork and flank udon noodles 🍖牛腩、冬菇、豬頸肉、豬手烏冬 🥩🍜 $68餐廳係出名食車仔麵嘅，我哋嗌左唔會太煙銀嘅牛腩、新鮮冬菇、滿滿骨膠原嘅豬手同埋豬頸肉做餸😋，個人認為豬手大件、多根又好食，而且冬菇有成四五隻都幾多，食完呢個車仔烏冬真係好飽肚啊！Strawberry toasts 爆漿草莓多士 🍓 $38 爆醬士多啤梨多士係餐廳嘅新產品嚟㗎👍🏻，一上到到嚟見到粉紅色嘅西多士，中間係流心士多啤梨奶醬🤤，仲聞到濃郁嘅士多啤梨味，打卡出嚟好靚呀📸，食落去酸酸甜甜，而且有好重嘅牛奶味🥛，絕對係幾有特色，呢款特別嘅港式甜品令到呢餐車仔麵好圓滿啊

黎到深水埗呢間聚來車仔麵，鋪頭細細，感覺似係家庭式經營既小店，入面既菜式比我想像中多，除左車仔麵之外，仲有好多唔同既小食，而且店員感覺好親切，食到最後仲同其中一位姨姨傾左兩句😙我地讚佢地啲野食整得好食啊，跟住個姨姨答翻我地，最緊要你地覺得好食，你地話好食我地就最開心😄聽完之後即刻對呢間鋪頭既好感度又提升左☺️1⃣️金菇+冬菇粗麵（$31）（秘製辣醬中辣）（腩汁）呢度主打無味精，湯底揀左要腩汁，味道比較淡，另外辣醬係另外裝係隻羹到既，辣醬幾夠辣，伴隨住蒜香，唔錯👍冬菇大大粒，咬落有汁🤤仲有佢啲份量都幾多，冬菇有成四大件，金菇同埋麵都好多。  2⃣️豬紅+手打魚肉油麵（$31）（秘製辣醬中辣）（沙嗲汁）豬紅有大約五粒，然後手打魚肉有四件，油麵份量都係好多。豬紅冇乜味，而手打魚肉係鯪魚肉，食落唔算係好爽口彈牙，但係都算幾滑幾有咬口。呢款湯底揀左沙嗲汁，個人覺得沙嗲汁好味過腩汁，呢度既沙嗲汁幾香同埋配埋辣醬食成個湯底更加惹味😋  3⃣️招牌鮮煎餃子（$40） 呢度既餃子有得揀韭菜餃或者椰菜餃，仲有得揀雙拼添。今次我就揀左雙拼。椰菜餃入面既料除左有椰菜之外，仲有啲木耳，食落好爽脆。而韭菜餃既韭菜同豬肉既比例啱

必試芝士粟米水餃🥟估唔到深水埗都臥虎藏龍，有咁多日美食隱藏咗喺度。睇落平平無奇嘅一間餐廳仔竟然要排隊，好彩唔使排好耐，入到去個叔叔好有禮貌，介紹我哋點樣落單。餐廳非常環保♻️，用marker不及膠板可以循環使用👍🏻我哋叫咗兩餸麵餐$35包飲品咖喱魚蛋豬肚幼麵走瑞士湯汁一碗有三粒咖喱魚蛋，味道正常，豬肚淋得嚟帶爽脆，幼麵份量適中，不過瑞士汁唔太夠味。不過可以任食辣菜莆🌶️，加埋落去非常惹味😋牛腩芝士腸米線配牛腩汁牛腩炆得淋身，芝士腸有成五條👍🏻，牛腩汁濃味個湯底都好好飲😋最有驚喜係個芝士粟米🌽煎餃子🥟，呢個非常好食，煎出嚟個賣相已經好靚，$42/8隻，食落口仲有拉絲嘅感覺😍，我個女係咁食，一邊話好好好味😋

呢排俾一件爆醬阿華田西多士吸引咗去深水埗😂因為花生醬西多就食得多. 阿華田味就未試過聚來車仔嘅位置唔難搵. 地鐵站行大約5分鐘就到啦. 估唔到呢到店仔細細. 嘢食嘅種類都唔少. 食緊嘅期間重見到好多街坊嚟買嘢食🚗四餸車仔麵分別有腸仔、豬紅、豬肚、牛腩同粗麵粗麵無鹼水味👍🏻好欣賞佢嘅腸仔有煎過豬肚都清潔得好乾淨. 沙嗲醬都好香🍆煎釀三寶由於我喺唔食青椒. 就麻煩店員幫我走咗佢鯪魚肉好厚. 亦幾彈牙茄子好淋好索汁. 豆腐好香脆🥟雙拼餃子分別有韭菜味同芝士粟米味🤤餃子隻隻都脹卜卜好多餡. 而且都煎得好香口唔會好油芝士粟米餡嘅芝士比較流心. 咬落去會流出嚟😍但唔會好膩🍴爆漿阿華田西多士我嘅主角嚟啦💗一切落去中間嘅醬流哂出嚟賣相一流🤣食落去發現味道都一流西多士上面灑滿左阿華田粉. 但唔會好嗆喉中間嘅餡料可以揀花生醬或者榛子醬. 我就揀咗榛子估唔到食落冇想像中咁甜而且同阿華田好夾成件西多士上枱嘅時候都仲熱辣辣. 外皮香脆入面鬆軟. 唔會啖啖油就算食晒成件都唔覺得好甜好膩🥰

家庭式經營嘅小店煮出家庭味無味精 而且新材實料👍🏿爽脆豬頸肉 牛腩 上湯花膠 冬菇 米粉 (腩汁) $61小馬叫左一個豪氣車仔麵✌️豬頸肉 🙆🏿‍♀️肉質爽口彈牙 份量唔少 推👍🏿牛腩 🙆🏿‍♀️牛味幾重 肉瘦但係肉質一啲都唔柴的花膠 💁🏿‍♀️$13一份的花膠 size有半隻手掌大 幾腍滑花膠膠質豐富 平日一到五返工成日派膠 都要食啲補吓 .o.冬菇 💁🏿‍♀️夠晒大隻 如果係蠔油底就仲正啦椰菜餃 手打魚肉 炸魚皮 烏冬 (腩汁加秘製辣汁小辣) $45椰菜餃 🙆🏿‍♀️入面有雲耳椰菜豬肉因為豐富嘅餡料 食落一啲都唔dry 推👍🏿手打魚肉 💁🏿‍♀️同出面嘅魚肉相比係有魚味即係無溝粉溝到一Pat嘢咁 亦都唔會食落好膠炸魚皮 🙆🏿‍♀️份量適中 但舊舊都有返咁上下大細仲要卜卜脆 落湯時si si sa sa聲 正😋秘製辣汁 🙆🏿‍♀️放喺匙羹上面 建議可以試咗味先小妹叫小辣都覺得有啲辣 佢呢款有埋蒜喺入面幾好味 蒜味同辣味都好出🧄🌶腩汁菜芯 $18 💁🏿‍♀️小妹扮健康之選🤭比較淋 點埋腩汁食唔錯題外話聽到有食客阿叔大讚魷魚好味 讚不絶口嗰隻有麻醬味 減低辣度之餘 又出到少少麻醬味仲同老闆娘講話下次會再叫我

喺深水埗放工，同同事行咗陣見到依間車仔麵幾吸引就入咗去食～🤤我點咗雞翼、肥牛、墨丸同豬頸肉配油麵😋 豬頸肉好多肉汁，而且唔會好薄😚肥牛嘅牛味好重亦唔會好煙韌👍🏻雞翼配上瑞士汁真係好夾，雞皮同雞肉都好嫩滑😍 墨丸好彈牙👍🏻雖然係油麵，但食落唔會太油膩～ 感覺冇咁邪惡!!🤣另外同事點咗牛腩、豬耳、豬腸配河粉🤤牛腩好重牛汁，油脂分佈好平均，肥而不膩 豬耳同豬腸都各有特色～😋😋見到佢地有西多士做甜品，分別係阿華田同士多啤梨味，我地揀咗後者🤩一切落去啲士多啤梨漿爆曬出嚟🤤食落好甜但又唔會過甜，加埋本身士多啤梨帶有少少酸溜溜嘅感覺真係好夾😍😍平時喺甜品店都好少見到依類型嘅甜品，估品唔到喺車仔麵店會食到，重甜愛好者一定要試下呢～🥰依間一定要encore啦 😛地址：深水埗基隆街172號地舖

.📍聚來車仔麵 📍香港深水埗基隆街172號地舖爆漿阿華田西多士內餡的醬我選了榛子醬🙈其實還可以選普通的花生🥜口味，流心效果超明顯，每一口都邪惡的大滿足😂我會為了這個西多士再來！招牌鮮炸肉丸10粒(28hkd)肉丸的口感比較鬆軟，是豬肉和菜混合而成的內餡，配酸甜醬剛剛好，而且$28很划算🙈豬頸肉+香辣魷魚+豬大腸咖喱河(48hkd)辣度選了中辣，其實算是挺辣的😂愛辣之人可以來挑戰一下大辣😂不夠的話可以加辣菜脯，菜脯有加蒜，非常香很惹味🥰大腸處理得很乾淨👍🏻魷魚也很爽脆，份量很足😍牛柏葉+蟹柳+金針菇腩汁米線(40hkd)腩汁會相對比較清爽，不會過咸，不喜歡太重口的人可以試試看，金菇很吸汁😍牛柏葉爽脆，絕對是車仔麵標配😆#foodiblum港式

今次黎到深水埗既一間港式小店～～小店係家庭式經營，主打車仔麵同其他港式小食🇭🇰🇭🇰店員都好熱情，會主動同我地介紹菜式，感覺唔錯🥰🥰
🍜車仔麵 $45✨我地揀左3餸，分別叫左爽脆豬頸肉、牛腩同貢丸～～麵條揀左粗麵，口感Q彈有咬口😋😋另外配腩汁同秘製辣汁，佢地既秘製辣汁都幾辣！叫左小辣都好夠味～～整體味道唔錯，份量都好多！叫多幾份小食同朋友share都好夠飽🤤🤤🥟招牌煎餃子 $40✨餃子係佢地自家製人手包，煎得金黃色好吸引😍😍我地揀左韭菜餡，另外仲有椰菜餡可以揀～～每隻餃子都脹卜卜，外脆內軟好足料！咬落爆哂汁好juicy，推介👍🏻👍🏻🍡招牌炸鮮肉丸 $28✨一共有10粒，size啱啱好可以一啖擺落口❤️❤️裡面包住豬肉同洋蔥碎，蘸泰式辣醬食更開胃～～🍞爆漿阿華田西多士 $35✨最後要試埋佢地既招牌爆漿西多士！！西多士面頭鋪滿阿華田粉，上枱時已聞到好香😍😍切開後見到d煉奶就流哂出黎，好震撼🤩🤩我地揀左榛子醬餡，味道香甜～同阿華田味道好夾！！已經想再去食多次🤤🤤

☞ 之前已經bookmark咗呢間想試，前排去開深水埗就決定try try佢🤫🍴爆漿阿華田西多士（$35）❖ 最想就係試呢個！一上枱已經聞到好香阿華田味，切開之後啲醬流晒出嚟😍西多士個餡就揀咗榛子醬，同阿華田好夾👍🏻🍴招牌鮮煎餃子（$40）❖ 問咗老闆原來啲餃子係佢地每日新鮮人手自己包架😱佢有椰菜餃同韭菜餃揀。今次就揀咗椰菜餃，煎得好脆好香口😍入面又keep到好juicy唔會好乾身，好食😋🍴秘製辣魷魚（$35）❖ 成日覺得車仔麵店嘅魷魚好好食，所以就嗌咗碟小食🤣魷魚都好淋身，唔會太難咬。個醬汁唔算好辣，不過食落都幾開胃👍🏻🍴車仔麵（$46）❖ 麵底揀咗幼麵，餸就揀咗豬頸肉、雞翼、魚腐，配埋秘製辣汁同沙嗲汁，啲餸睇得出有心機去餣過，食落覺得不過不失～

如果鐘意食西多我相信一定識呢間聚來車仔麵！我碌ig見到人地食所以忍唔住又黎試下，仲特登lunch食少啲留返quota就知我有幾期待😎。比較少去ssp，不過舖頭都唔難搵，原本以為整呢啲打卡食物既係文青裝修café，但原來係家庭式經營既車仔麵店！幾有驚喜！🔅招牌鮮煎餃子(椰菜) ($40)由於同朋友都極鐘意食餃子，所以叫多8隻煎餃試下。煎得好靚好香，皮厚薄適中，無穿到又無燶到👍🏻。有埋木耳好爽口，餡都夠豐富，好滿意！🔅車仔麵 ($45)叫左豬頸肉、雞中翼同生菜配油麵，揀左小辣同沙嗲汁。豬頸肉好爽、份量都唔算少。雞翼好入味！加埋少少薑既沙嗲汁同埋小辣超正，$45蚊都幾抵食。🔅車仔麵 ($45)牛筋、豬皮同豬大腸配蕃薯粉加腩汁。牛筋就普通，但豬皮幾爽、豬大腸都幾入味幾腍。🔅爆漿阿華田西多士 配榛子醬 ($33+$2)原本西多係配花生醬，不過覺得榛子醬夾啲所以毫不猶豫就加左$2😎。西多一黎就勁吸引！可惜豬隊友拍片拍得唔好所以俾唔到大家睇切出黎係幾正🙈。真．爆漿！流晒心，邪惡程度滿分！阿華田粉都舖滿晒塊多士😍，除左正都唔知講咩好。明知極肥但都係同朋友清晒成碟🤣，絕對願意為左個西多再黎幫襯(不過要有