聚來車仔麵

Open Now

Now Closed

大隻仔今次覓食嘅店舖就係💥 聚來車仔麵 💥 大隻仔想食阿華田西多士好耐，但唔係每一間都好食，問過朋友邊間好食，朋友推介「聚來」，今日終於食到期待已久嘅阿華田西多士。😋😋餐廳名字「聚來」原來解作「有緣相聚，歡迎再來」。餐廳老闆、員工都好有禮貌，服務周到，老闆建議大隻仔西多士當甜品後上。而且價錢平，食物質素高，值得支持嘅小店，推薦。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製蔥油扒飯套餐 $49（香煎雞扒飯 + 腸仔 + 煎蛋 + 熱鴛鴦）甜豉油+煎蛋+蔥油，真係冇得輸，超級好食，撈飯一流，食多一碗飯都仲得。腸仔唔鹹，雞扒煎得岩岩好，嫩滑多汁，雞皮煎到少少脆，好好食，雞扒冇雪味而且醃得夠入味。👍👍大隻仔真心推介「蔥油雞扒煎蛋腸仔飯」😍😍😋 熱鴛鴦 $0咖啡味重，奶茶味唔太突出，但味道唔差。🔥 兩餸車仔麵 $38 （包熱飲/凍飲+$3）（瑞士雞翼+雞腎+紅薯粉+瑞士汁+凍檸茶）好抵食，紅薯粉唔需要額外加錢，而且包飲

聚來車仔麵📍深水埗基隆街172號地舖又到左食車仔麵既環節😍😍而深水埗既 #聚來車仔麵 ，係呢區都幾出名🤗好好彩地今日唔使排隊就可以入去食🤟🏻🤟🏻必食煎餃-韭菜/芝士粟米（雙拼）餃子皮接合處用花邊形狀來塑形，食起上黎外皮酥脆，內餡有嚼勁，粟米🌽每粒都呈飽滿狀態，咬落香脆多汁😋韭菜同豬肉份量調配得剛好，配煎餃皮薄柔軟，內餡汁多。牛筋🐮牛腩🐮牛肚🦑米線 呢度最少揀三個餸，將選擇嘅餸菜寫落塊板度就得！車仔麵🫕份量非常足料又大份，例如牛筋粗大柔軟，食落好有膠質🤤🤤加咗少少本店嘅菜脯，好正呀👍🏻👍🏻👍🏻👏🏻

同朋友經過深水埗見到呢間小店 雖然店舖好細 但係勁多嘢食🤩 有車仔麵 多士 餃子🥟 各種街頭小食都有 4餸車仔麵 分別叫左🐮牛腩 🐔雞翼 🥟餃子 🥕蘿蔔 牛腩好腍好入味 餃子餡好飽滿 每粒肥嘟嘟😝 雞翼都大大隻 蘿蔔都幾多吓 重點係成碗都放滿晒餸 好飽滿好靚😍爆醬阿華田西多 食物與圖片💯相同😆 上邊係阿華田粉+ 濃郁嘅阿華田醬 入邊係花生醬 趁熱食成件事好夾 好邪惡😈雙拼煎餃（韭菜🐷+椰菜雲耳🐷） 好少食到外皮真係脆嘅煎餃🥟 仲有黃金嘅外皮 呢個絕對💯 另外每粒都爆餡同保持到餡汁👍👍👍

本來想食同一條街另一間人氣小店，但男朋友肚餓所以無排，行過見到呢間唔太貴，望落又乾乾淨淨就試吓。我叫咗8隻煎餃($42+$3)椰菜木耳豬肉煎餃+芝士粟米煎餃雙拼唔洗另外加錢，但如果叫芝士粟米就要+$3啱啱上枱熱到食唔到😂隻隻餃都煎到脆卜卜，好熱氣但睇見都覺得開心。椰菜木耳豬肉煎餃好好食，餡料好多，菜嘅比例都幾多，雖然係煎餃但都幾清新。另一款係OpenRice好多人推薦嘅芝士粟米煎餃開頭都怕得芝士同粟米會好普通，但入面加咗少少洋蔥粒，加咗有返D清爽口感。味道有少少○寶罐頭湯嘅感覺😂都幾好食，個人鍾意椰菜木耳豬肉煎餃多少少。

聚來車仔麵 Gather Again📍深水埗基隆街172號地舖呢晚終於約到學日文嘅朋友食晚飯，一心想行下深水埗啲文青鋪，所以我哋揀咗喺店舖附近嘅餐廳食。朋友話心血來潮有啲想食車仔麵，所以我哋search到呢間餐廳，坐低邊食邊傾。好鍾意餐廳印喺牆上嘅一句：「我的麵給您家的感覺。」，的確，無論係嘢食，定家庭式經營嘅店員，都好有人情味，好有家的感覺！ 💰$44三餸車仔麵 🍜我自己叫咗一碗三餸車仔麵食，揀咗番薯粉做麵底，另外叫咗豬頸肉、魚腐同咖喱魚蛋做餸。佢嘅湯底default咗係豬骨雞湯，可以自行加多一款醬汁，所以我加咗腩汁。番薯粉煙煙韌韌，好有咬口；湯底飲落無味精，加埋腩汁特別香。豬頸肉細細條但份量多，而且佢唔係一般嘅滷水口味，爽口得嚟食到原汁原味。咖喱魚蛋雖然唔係我鍾意嘅細粒皺皮魚蛋，但都好味，佢嘅咖喱同一般港式咖喱嘅調味有少少唔同，都有香味但唔會過鹹。 💰$48三餸菜底 🥗朋友叫咗碗三餸菜底，揀咗生菜、香辣魷魚、貢丸同冬菇。佢無揀加汁落個湯底，反而揀咗加中辣嘅秘製辣汁。佢大讚個辣汁好味，因為個汁係重蒜嘅，而且辣得嚟好香！冬菇隻隻都大大隻，亦好厚身；魷魚唔腥同爽口，貢丸就正正常常。 💰$

▪️車仔麵 配腩汁▫️牛柏葉$12▫️墨魚丸$10▫️蘿蔔$10▫️魚肉春卷 $12▫️米線 $10車仔麵有好多餸選擇，花多眼亂😛今次就試咗4個餸，當中最鍾意嘅係墨魚丸，好夠彈牙，有一粒粒墨魚粒，幾有口感😚鍾意食辣嘅話建議加埋啲招牌辣醬一齊食，辣醬幾嘢味，但又唔算太過辣▪️餃子麵 $42 配咖喱汁▫️6隻餃子(椰菜雲耳豬肉餃) +米線米線幾滑，軟硬度啱啱好，咖喱汁偏椰汁味重。餃子方面，個皮好夠薄，餃子幾足料，又唔會好易散👍🏻▪️ 招牌煎餃 $34 ▫️ 6隻餃子 (芝士粟米)+$3煎餃子熱辣辣，咬第一啖就見到半溶既芝士流出嚟😍配埋粒粒嘅甜粟米，幾有咬口

每次去深水埗就一定會想幫襯呢間小店，今日下午四點食下午茶，成間鋪都坐滿人，就算係星期六日都有下午茶餐。另外，呢間小店睇落都係一家人去經營，服務真係好細心，一見到有空碟就會幫手收，等我地有多啲空位放野食，然後見到我地好論盡咁食到枱面都有汁，就會用毛巾幫我哋抹乾淨，好窩心！1. 爆漿阿華田西多士（$37+$2朱古力榛子）呢個簡直鋪頭嘅招牌西多士，西多士夠脆，上面鋪滿勁多阿華田粉，一切開就會有好多煉奶流出嚟，而我哋就揀咗加兩蚊要朱古力榛子醬餡，切開就會明顯見到夾左好多醬，雖然好邪惡，但好值得食！2. 招牌鮮炸肉丸（10粒，$32）肉丸炸得外皮好脆，上一台都要攤凍一陣先可以放入口，一粒一口就會食得出入面有粒粒洋蔥加埋啲豬肉，仲會提供甜酸醬，豐富番個味道！3. 三餸車仔麵（香辣魷魚、牛腩、滷水雞腎，$50）呢個車仔麵最欣賞係佢嘅沙嗲醬，估唔到沙嗲醬入邊都有自家製嘅味道，有適量嘅蒜味同薑味。餸方面，估唔到三餸嘅量都好多，香辣魷魚好爽口，如果辣番啲就更加好，麻辣魷魚有小食份量可以叫，我諗會重口味啲；牛腩就好林同入味，唔會畀湯底搶左味；滷水雞腎都好爽口同量多，呢個車仔麵啲餸加埋米線底真係好飽！！！仲有

呢間小店應該係家庭式經營，一坐低老闆就介紹佢哋招牌煎餃同車仔麵餐，之後就有位年長嘅姐姐經過時主動同我講早晨🤗老闆娘就同D熟客傾得好開心，感覺氣氛好親切☺️✨招牌煎餃🥟揀左韭菜豬肉+椰菜木耳豬肉雙併，🥟大大隻包得好靚，即叫即煎，熱辣辣好香口✨三餸麵$45車仔麵我一定食油麵！至鍾意揀豬紅同咖喱魚旦，今次再加埋瑞士雞翼，仲有佢哋嘅秘製辣醬～自家製辣菜脯，都算幾辣，落左一湯匙，成碗麵變得好刺激🥵鍾意食🌶️嘅朋友一定要試吓 🤭

星期日係深水埗買完sim card之後，同老公去食車仔麵。車仔麵2餸套餐 呢個揀左牛腩、蘿蔔，腩汁湯底，粗麵，牛腩唔韌，蘿蔔腍得黎又爽口，無渣夠清甜。呢個揀左豬手、芝士丸，鹵水汁，米線，米線夠滑身。招牌鮮煎鴛鴦餃子$34/6隻，揀左雙拼，要椰菜雲耳豬肉餃同芝士粟米餃(加$3)，鍾意前者多啲，好飽滿又多汁，而且外皮煎得好脆，好食。爆漿阿華田西多士$35，拼朱古力榛子醬加$2，比起平時既西多士更加邪惡，多士蘸滿榛子醬變得好濕潤，索晒啲味，正。餐飲要熱檸茶同熱華田。

嚟到深水埗食車仔麵，小店家庭式經營，坐得好舒服，店員好親切好有屋企人嘅感覺😂 大家去撐下呢間小店啦❤️小店食物選擇有好多，叫咗碟炸魚丸share，好彈牙又有魚味，點埋個秘製汁好好食！同朋友一人嗌咗一碗麵，份量都好多，大大碗好多麵，餸又大份，朋友話冬菇大嚿彈牙，豬骨湯底清清地，白菜餃皮薄多餡，滿足到餃子控！而我推介沙嗲湯底，少少辣好惹味，但冇味精感覺，豬紅都係必叫，好入味，蘿蔔好大嚿又甜，米線好滑又彈牙！

去咗深水埗發掘平民美食🍽️, 呢間車仔麵小店好有特色, 除咗有車仔麵, 仲有供應多款港式美食, 例如有煎釀三寶、瑞士雞翼、蔥油雞扒飯、煎餃子等等, 價錢貼地⸝⸝ 𓌈˒˒ 自選車仔麵自選麵款同餸菜嘅選擇都好多, 湯底都有6款揀, 包括有豬骨雞湯、腩汁、滷水汁、咖喱汁、沙嗲汁、瑞士汁。我揀咗上海麵配豬骨雞湯底, 熬煮得幾清甜, 配料有冬菇、生菜、牛筋, 牛筋燜至軟腍入味ꕀ𓌈˒˒ 推薦 - 招牌湯餃🥟椰菜雲耳豬肉湯餃 - 餃子係自家製同人手包, 新鮮即叫即煮！餃子粒粒飽滿, 皮薄餡多, 椰菜同肉嘅比例平均, 一咬落去啲肉汁多到漏出嚟, 餡料肉汁豐富！

自選車仔麵  $47- 豬大腸 🐷- 雞中翼 🐔- 煎蛋 🍳- 油麵- 秘製辣汁---小辣🌶 凍奶茶 +$7自選車仔麵   $48- 豬肚 🐽- 豬大腸🐷- 紅腸 - 米粉- 多蔥 凍奶茶 +$7 自選車仔麵價錢非常親民，但完全沒有偷工減料，料超足的！！🤩尤其是豬大腸，兩碗都給了超多😝 而且意外地煎蛋並不是全熟蛋，而是中間流心的半熟太陽蛋🍳小妹至愛💕 不過要留意店家的秘製辣汁真的有點辣🌶雖然小妹只叫了小辣，但感覺都很辣🥵招牌煎餃🥟 8隻單拼 $42招牌煎餃小妹選了韭茶餃🥟 超驚喜！！😍 餃子煎得金黃香脆，看到店家默默在後面包餃子，應該全是自家製的🤩 餃子皮很薄，而且餡料滿滿的，最重要的一點是會爆汁 ！！！😋 超好吃！！🥰 總結： cp值超高，價錢親民但大件夾抵食，而且店面很乾淨，值得再去☺️

因為要到深水埗買野，要醫肚既時間，第一時間諗起價錢親民的車仔麵小店。已經第二次幫襯聚來車仔麵，水準依然。今次沒有試它們的爆漿阿華田吐司，反而叫了手工餃子及車仔麵。3餸車仔麵 X 2我同朋友都叫了3餸車仔麵。我選了牛腩、魚肉春卷、生菜併米線（小辣）；牛腩依舊炆得好淋並入味、魚肉春卷不會過鹹、生菜份量都多、米線彈牙，不會過淋。最重要係佢個辣醬，好香，有一個畫龍點精的作用。朋友選了魷魚、墨丸、餃子併油麵（小辣）；魷魚爽滑，用了辣椒蒜蓉咖哩粉調味，不會太辣；墨丸彈牙、手工餃子餡料足，大大隻，舔舔脷。雙拼煎餃　（韭菜餃＆椰菜餃）呢個真係高度推薦，餃子煎到卜卜脆，底面都有煎香；個人喜歡韭菜餃多D，韭菜好香，餡料足；入口要小心，因為咬落去，會有好多肉汁留出，小心熱呀。

爆漿草莓西多士🥹我的最愛！😍自問唔算食得好甜，呢款只係望落甜，實質有驚喜，西多士中間特意整咗夾心士多啤梨醬，放心唔酸亦冇藥水味，浸晒喺煉奶+糖粉又可以keep住和暖+脆口，食過番尋味，下次一定要試吓佢個阿華田o(^▽^)o2餸麵 + 凍咖啡朋友揀得好快手，咁多選擇冇難度，牛腩、芝士腸、幼麵、腩汁湯底，加少少辣菜甫會變好辣。牛腩落咗唔少，切得細件容易入口，成碗麵都好飽肚，味道符合期望，抵食！招牌煎餃 8隻 鴛鴦款：一半係韮菜豬肉、一半係椰菜豬肉，煎出完美金黃色！夠脆又好juicy，欣賞佢肉唔肥、菜比例多，啱晒我口味😌C+ 檸檬🍋凍飲只係加$5環境地方乾淨企理，雖然東主有小朋友喺餐廳，但佢哋都算乖乖，唔嘈唔歪皮🤣嘢食好快送到，性價比高，呢條街又多一間值得一試嘅餐廳！

前排在IG見到這間小店有個爆漿西多士好多人食，mark低左好耐，終於放假下午茶時間經過，見無咩人就入去食下啦。結論係我完全食唔到阿華田味，主要係影相同拍片only。深水埗大南街除了文青咖啡店，還存在很多傳統小店，這間車仔麵我成日經過，都無留意有咩特別。下午茶二十零三十蚊仲有野飲，過隔離啲咖啡店只係飲到半杯咖啡。我就是見到這個爆漿阿華田西多士覺得好勁，新年想來個甜甜的開始嘛。爆漿阿華田西多士跟朱古力榛子醬+熱奶茶 HK$35西多士原來可以揀朱古力榛子醬或花生醬，不過上年紀的店員阿姨講得唔清唔楚，我都係佢上檯先知。而個醬係要另外加2蚊，餐牌或者阿姨都無提及，小錢我就無計較啦。這個西多士主要是拿來拍片影下個流心效果，佢係兩片方包中間搽醬，外層灑滿阿華田粉，中間再淋一陀汁。切開個汁流動就有流心效果，沒甚麼特別秘密。吃起來完全不甜which is非常神奇，而且無阿華田無朱古力無榛子無煉奶味，話唔定我中左招無味覺都唔定。丫，唯一食到係西多士有蛋汁味，其他真係無囉。