聚來車仔麵

Open Now

Now Closed

💁‍♀️💁‍♂️ 14/4/2023(Fri), Dinner🍽深水埗近年除咗多咗啲文青咖啡店，其實都有好多地道既特色小店值得去試，為食妙妙🙋‍♀️同A先生🙋‍♂️今晚就嚟到基隆街既聚來車仔麵，佢地除咗車仔麵之外，爆漿西多士都係呢度既名物，今晚一於睇吓係咪咁爆漿先😋😋😋。而今晚我地order咗：🔆 車仔麵（米粉配豬大腸、豬耳同埋雞翼尖，腩汁加秘製辣醬中辣）（$46）店家既滷水味道醇厚，所以滷出嚟既食物吸收咗滷水既味道而變得入味好食。豬大腸清潔得乾淨👍👍👍，食落沒有多餘既脂肪；豬耳爽口好食，滷得入味而且份量都好多；雞翼尖同樣都係入味好食，入口輕輕就可以骨肉分離。車仔麵湯底用上雞骨及豬骨煮成，飲落清甜唔口渴，加入腩汁令味道多一個層次。不得不提既係店家自家製既蒜蓉辣醬，用匙羹🥄放喺碗入面，食落好香蒜蓉味，亦唔會太辣，加落湯入面或點嚟食好惹味。每枱既枱面都放有一樽，食得辣既可以再添。🔆 招牌鮮炸肉丸（$32）用上新鮮豬肉同碎蔥頭製作，即叫即炸所以上枱時熱焫焫。肉丸入口鬆化帶少少油份，加咗碎蔥頭增添香氣，再點埋泰式甜辣醬，好快又俾我地清晒。🔆 爆漿草莓🍓西多士（$38）賣相粉紅色，好吸引既一件西多士。西

我一向愛吃車仔麵，今日與朋友到深水埗基隆街聚來車仔麵試試，舖頭的名稱改得不錯呢！有緣相聚，歡迎再來，最尾兩個字便是「聚來」！這家餐廳提供的咖喱魚蛋番薯粉、煙靭的番薯粉和入味的四款餸菜（我們挑選的還有豬肚、豬皮和厚身多肉的冬菇），都是令人難以忘懷的美食。如果你喜愛豬肉，香煎豬扒絕對會讓你垂涎三尺，而招牌韭菜豬肉和椰菜雲耳豬肉煎餃則更是美味可口，不容錯過。此外，傳統花生醬配上香脆的西多士，熱辣辣好味道，也是令人回味無窮的佳餚。整體而言，這間車仔麵小店值得一試！

再嚟到深水埗旺區，睇完電子嘢之後又係時候醫下肚，周圍都係餐廳，喺無從入手之下，都係食返香港最有特色嘅車仔麵， 😍位於基隆街嘅聚來車仔麵夠晒吸引，除咗面之外，仲有一系列小食，值得推介😏椰菜雲耳豬肉煎餃— 🥟呢一度嘅煎餃同樣出色，當然就係即叫即煎，🥟煎完之後見到個皮就係吸引人嘅金黃色，少少脆，加咗雲耳之後裏面嘅餡料變得更加爽，🐽點埋汁就更突出豬肉嘅鮮味🐽芝士粟米煎餃— 🥟唔食豬肉嘅話就絕對要試吓呢一款創新嘅餃子，🥟拉絲芝士再配埋粟米，🌽本身已經鹹中帶甜，再加埋金黃色，煙煙韌韌嘅皮極好𡁻🧀車仔麵— 🍜有幾款餸係呢一度比較熱賣，包括牛腩，牛筋牛柏葉同埋水魷魚。🍜絕對係牛魔王嘅福音， 特別係牛筋牛腩份量非常足料，大大條嘅牛筋骨膠原飽滿，🥩牛腩最緊要就係肉質唔柴，仍然透出好似啱啱熟咗嘅嫩紅色，至於牛柏葉同埋水魷魚夠晒爽，🥩本身冇乜味嘅情況之下，就要靠呢一度自家製嘅秘製辣醬，裏面就包含咗蒜蓉同辣椒經典組合，鮮味十足辣度狠勁，🌶️至於個湯底亦都有唔少選擇，當然最推介都係豬骨雞湯，清清地夠鮮甜🍜聚來車仔麵 (深水埗)深水埗基隆街172號地舖

🍽 秘製蔥油雞扒飯配腸蛋 $49 ❤️4/5 秘製蔥油甜甜地，而香蔥味道亦都好出，撈埋蛋汁送飯十分好食😋 雞扒亦十分脆口鮮嫩，很有地道感覺！🍽自選車仔麵 (豬頸肉，炸魚皮，肥牛，番薯粉，秘製辣醬中辣）❤️4/5 港式車仔麵味道🤤，秘製辣醬酸酸辣辣，與其他辣醬有些小不同，配合返番薯粉十分掛湯，配料方面，豬頸肉爽口，炸魚皮另上保持脆香，肥牛不會太靭。🥤熱檸水就黎夏天啦，為左維持身形小編都要戒下糖🙈🥤凍檸樂有四片檸檬片配可樂，夏日熱熱一定要飲杯凍檸樂噎下先爽🤤

是日在深水埗覓食，打算試呢間出名阿華田流心西多。剛好過咗三點下午茶，跟餐送熱飲，叫咗杯凍檸茶+$3，茶底偏苦澀、味道濃郁。三餸車仔麵 $46 加底+$6餐廳規定至少叫3款餸，咁就叫咗牛腩、魚肉春卷、豬紅，配番薯粉。春卷普通，牛腩多筋，豬紅OK入味，叫咗中辣都唔係好辣，需要自己再加秘製蒜蓉辣椒醬，整體味道中規中矩。煎餃八隻 $42（雙拼加$3）車仔麵普通，反而煎餃出色、有驚喜。難怪眼見唔少枱都嗌咗。韭菜豬肉餃，非常多汁，炸得又脆，好味。至於芝士粟米餃，呢款係冇豬肉喺入面嘅🧐口感就爭啲，不過芝士味好香甜。阿華田流心西多士 $35去到重口戲西多，本來充滿期待，食完之後幾失望🙁流心效果幾澎湃嘅，但食落冇乜阿華田味，比花生醬味搶晒，好似食緊一嚿普通西多加啲阿華田粉沈喺面咁。總結煎餃係可以一試，其他就正正常常啦😌

上網搵邊度有蒜泥白肉食就發現呢間野，今日咁啱系附近睇跌打就行過嚟：【蒜泥白肉】+【椰菜木耳豬肉煎餃】下午茶😋，一入去自己搵位坐底望望餐牌有乜食落左店員問飲唔飲嘢(因為個袋仲有支烏龍茶所以同距講唔洗)就玩電話等食，蒜泥白肉正常水準 12片，反而木耳椰菜豬肉蒸餃有驚喜😋皮煎得夠脆香口👍咬落仲有汁😋企起身想行去收銀位埋單店員見我右腳有狀況(因為拗柴包左藥)樓面店員就叫我坐返底距找錢比我唔洗我行👍，咁都比距留意到👍下次路過一定會再幫襯

好耐冇食車仔麵，「聚來車仔麵」喺網上口碑唔錯，仲有佢哋招牌「華田西多士」一直都好想試，今次就同朋友過嚟食午餐簡單蔟新的裝修感覺舒服，有別於舊式車仔麵舖除咗車仔麵同西多士，仲有港式小食、餃子同飯類供應，定價合理車仔麵可選辣度，跟熱飲$5️⃣、凍飲/汽水$7️⃣、特飲$1️⃣0️⃣==========🔹自選車仔麵 (至少一麵三餸)牛腩 $14、香辣魷魚 $14、韭菜餃 $11、菜底 $12菜底可選生菜或菜心，生菜翠綠新鮮牛腩有腩衣位，炆得腍滑香辣魷魚為水魷，爽口又辣得過癮韭菜餃皮薄餡滿，韭菜香不錯湯底清清哋唔油膩，小辣辣度就個人而言係剛好==========🔹自選車仔麵 (至少一麵三餸)牛筋 $14、肥牛 $12、手打魚肉 $11、粗麵 $10牛筋炆煮時間恰好，保持口感肥牛大片軟嫩，牛味不錯手打魚肉口感彈牙，帶淡淡魚香粗麵份量充足易入口==========🔹爆漿阿華田西多士 $35 (朱古力榛子醬 +$2)第一次品嚐阿華田味道的西多士西多士厚薄適中，軟熟濕潤，甜甜的食完令人心情愉悅==========免加一服務費整體令人感覺乾淨衛生，食物質素符合預期

好想 好想 好想食車仔麵🍜今次去左依間係橫巷嘅 聚 來車仔麵入到去坐低好闊落 嘢食嘅相貼晒係牆身望見都好難唔肚餓🤤係檯面會有餐牌 上面劃好再比店員自選車仔麵有好多款餸揀 $10起跳 價錢都合理而且餸嘅份量都唔少 另外可以加$2轉菜底唯一改善就係湯底可以重味啲秘製辣魷魚$38辣味唔算好重 但香味勝在係口度留好耐而且魷魚韌度適中 唔會太難咬爆漿阿華田西多士配榛子醬$35+$2 有2款醬可以揀 花生醬或者榛子醬+（$2）上到檯 份多士中間係 浪下浪下 好流心嘅感覺面頭同碟邊大量阿華田粉 聞落就好香一切開 不得了 榛子醬不停流 好正每一舊蘸上流出黎嘅醬 好好食 味道好濃另外店員見到差唔多完左主食 會主動問多士係咪可以上 依個時候再等十五分鐘到先有得食所以份多士都係即刻整 熱辣辣的 麵包鬆軟💛 收現金

最鐘意去深水埗搵食😋特別係d 小店，隨時有驚喜。今次試呢間車仔麵，主要係被佢個阿華田西多士😍😍吸引入去，點知其他食物原來都好鬼正⭐️爆漿阿華田西多士呢個西多士超邪惡😈表面灑上滿滿既阿華田粉，加埋阿華田醬汁，入面餡料可以選擇花生醬或者朱古力榛子醬😎我梗係揀朱古力榛子醬，一切開西多士，阿華田醬汁即刻爆哂漿😂每啖西多士都有濃濃阿華田味⭐️招牌煎餃-韭菜豬肉見到好多人都推介呢間煎餃，我地就揀最經典既韭菜煎餃。呢間既煎餃係目前覺得最好食嘅煎餃，出面一般既煎餃都偏乾，但呢間既煎餃除左外表脆卜卜，入面仲有汁添，一個人食哂8隻都得⭐️豬大腸x辣魷魚x豬紅車仔麵估唔到呢間既車仔麵既餸都幾正，辣魷魚爽口，仲有魷魚嘅鮮味。豬紅口感實淨，感覺到真材實料。豬大腸滷水味香濃，無臭臭味😂⭐️咖哩酥炸雞球飯車仔麵店竟然有咖哩飯，但係咖哩飯都係好出息，咖哩椰汁味香濃，薯仔炆到入哂味，酥炸雞球肉質滑溜溜舖頭仲有秘製辣醬，無論係配車仔麵定煎餃都好夾👍記得要試！

邊個話去麵店一定要食車仔麵 ？！黎呢到可以嘆下午茶港式小食😋「爆漿阿華田西多士」全日供應＄35多士夾心搽上濃味花生醬豪放滿滿阿華田粉加上熱熔既花奶 賣相好吸引不會太甜 麵包炸得脆熱*如果你係唔鍾意食花生醬夾心仲可以加錢轉朱古力榛子醬🍫*雙拼煎餃子 ＄42 /8隻（韭菜+椰菜）餃子🥟煎到兩邊金黃色 唔會有陣燶味皮唔會太厚 豬肉比例剛好 肉餡多汁椰菜餃入面附帶雲耳 細膩軟熟餃子汁加啲台上既辣菜脯更加惹味秘製辣魷魚🦑 $38魷魚爽口微彈睇相以為係平時淋啲秘醬辣汁但原來係有花生香味 麻醬加辣汁表面灑上芝麻 有少少似麻醬涼拌既感覺幾特別既開胃味道整體環境不大 街坊親切小店 性價比高📍 聚來車仔麵 (深水埗)深水埗基隆街172號地舖

高手通常都係會哩埋喺凡間默默耕耘為社會付出👨🏾‍🍳阿公無意入咗嚟食野就比呢到嘅特別野吸引咗👀有兩款爆醬西多士 雖然最後阿公好飽食唔到🫣但見到人哋食真係D醬要湧出隻碟咁濟💦仲有十幾款小食、餃子、咖哩飯、車仔飯麵等等試哂都要嚟多五、六七次先得🤣車仔飯/麵👇🏻有多達50款餸可以揀😱(阿公真係逐款數)麵底都有10款 仲可以揀菜底最最最最緊要份量多‼️睇下阿公夾起咗咁大注D餸都係唔沉落去嫁🤣 知佢咩料啦唔係淨係主糧多嫁🍜餸都係以量取勝🏆(Yeah)🥬生菜有半碟份量咁多🍙紫菜有1/4餅🐽豬頸肉有十幾條🍄冬菇有四大粒🐮肥牛睇落好似得三片 但係闊身佢一片已經等於出面三片🌶辣椒醬 以蒜泥為主 食落重蒜香 配襯麵一流👍🏼招牌鮮炸肉丸👇🏻就好似港版「依家肉丸」咁入面其實係洋蔥豬肉丸特別在洋蔥多🧅 小量豬肉淋身D但就好香 唔會成口肥膏肥油而且無味精 好「屋企」嘅味道粟米芝士餃👇🏻滿充住粟米芝士😍阿公第一口咬落去仲要拉絲入面仲有小小淋咗嘅洋蔥食落無洋蔥味反而鮮甜咗整體就算無肉都唔會寡😋講咗咁多，最深刻就係場上面一句「我的麵給您家的味道」食完一餐飯 我感受到嘅係人情味唔係用錢就可以買到嘅味道😌

被邪惡嘅阿華田西多士吸引來了 小店位於深水埗 雖然係車仔麵餐廳 但其他嘢食一樣出色 好有驚喜‼️ 而且人情味滿滿 店員熱情 會主動問西多士洗唔洗飯後上 好細心👍🏻 好彩晚市早少少去 唔洗排隊 入座冇幾耐 見到出門已經要排隊✿ 雙拼招牌煎餃8隻 ✿ [$45]我地叫左椰菜雲耳豬肉同芝士粟米餃🌽 有驚喜✨ 餃子🥟煎到脆卜卜 而且皮薄餡多 鍾意芝士嘅一定要叫芝士粟米煎餃 好正‼️ 椰菜雲耳豬肉餃都好正 有肉汁 8隻食完仲想encore 煎餃必叫👍🏻✿ 爆漿阿華田西多士 ✿ [$35]好邪惡😈 西多士即叫即做 熱啦啦 灑滿曬阿華田 但意外地唔會過甜👍🏻 西多士切開啲花奶瀉曬出來 味覺同視角都好滿足😋 必點✿ 三餸車仔麵 ✿ [$52]車仔麵最少要叫三餸 我地揀左豬頸肉 雞翼 牛腩 啖啖肉 每樣餸都好足料 雞翼同牛腩煮得好軟糯 湯底方面我叫咗小辣 辣度係譚仔嘅五小辣左右 大家嚟食嘅話可以用依個指標👍🏻地址➸ 深水埗基隆街172號地舖★好食指數★：4/5★服務態度★：4.5/5★冇加一★

第二次黎食呢間聚來車仔麵，呢間餐廳嘅車仔麵唔錯之外，佢嘅爆漿阿華田西多士更加係令我再黎幫襯嘅原因，所以網上好多人都推介🌟車仔麵今次同朋友一人叫咗一碗3餸車仔麵，朋友揀咗沙嗲汁配豬頸肉、豬紅、生菜、油麵，我就揀咗咖哩汁配魚肉春卷、豬皮、蘿蔔、幼麵，兩款都有加辣醬，令個湯底好香蒜蓉味，而咖哩汁相對較辣，但食落幾過癮啲配料樣樣都唔錯，而特別一提係豬紅同蘿蔔炆得好淋好入味，蘿蔔再索到啲咖喱汁更加惹味🌟秘製辣魷魚魷魚爽口，面頭有芝麻醬同芝麻，帶少少辣味🌟爆漿阿華田西多士呢個係招牌菜，餡料可以揀花生醬或者朱古力榛子醬，我就揀番食開嘅花生醬，西多士除咗炸得幾好之外，面頭海量嘅阿華田粉同埋切開爆哂出黎嘅阿華田真係好吸引，味道亦都好正，所以一定要黎試呢個！

回訪愛店❤️瑞士雞翼 $30最近朋友好鍾意食瑞士雞翼，所以我哋去到餐廳見到瑞士雞翼就會嗌一份嚟試下！今次試呢個瑞士雞翼色澤依然吸引，而且超級入味，大概係我近期食過最好味嘅瑞士雞翼！佢入味之餘唔會太鹹，同時帶有甜味，而且佢啲肉一咬就斷，應該炆咗好耐～芝士粟米煎餃 $45其實呢間舖頭我已經食過幾次，自從第一次試完佢個芝士粟米餃之後，我就決定每次去都要去嗌！每次都係即叫即煎，所以食落口一定係熱辣辣脆卜卜～裡面嘅芝士同平時食開嗰啲唔一樣，佢比較流質。另外，配搭粟米食落會有甜味，依家一路介紹又好想食多次啦！爆漿阿華田西多士（朱古力榛子醬）$37另一樣必嗌嘅就係爆漿阿華田西多士！多士出面裹滿阿華田粉，加埋裏面嘅朱古力榛子醬，有多重朱古力香，食完超滿足！3餸車仔麵套餐 $45今次我哋叫咗三餸車仔麵，配料有蘿蔔、咖喱魚蛋同埋芝士丸。湯底方面，我哋揀咗滷水汁同埋小辣。佢嘅蘿蔔好甜，索埋湯汁超juicy！

不嬲都中意食下小店，經常都會去食下車仔麵😌 整得好味同乾淨嘅車仔麵店其實唔多，呢間我會想再去。必食雙拼煎餃 ($42/8隻)叫左韭菜餃同埋椰菜餃，隻隻都好足料，外面煎得好香脆又唔會燶，裏面係仲有肉汁，所以食嘅時候要小心肉汁飛出嚟，好好味🤣下次想試埋佢新嘅芝士粟米餃子。嚟到車仔麵店，一定要試佢嘅車仔麵啦，叫咗牛腩、牛柏葉、墨魚丸同埋咖喱魚蛋嘅河粉，配埋腩汁同埋秘製辣汁，鍾意食辣一定要試吓佢嘅辣汁。 ($55)除咗車仔麵啲餸之外，佢都有一啲小食，今次就叫咗秘製辣魷魚🦑 ($38)，幾爽幾彈牙，而且個秘製汁個味幾好，辣得幾過癮。爆漿阿華田西多士配朱古力榛子醬($37)睇咗好多食評都話要試呢個，真係冇叫錯。邪惡得來真係好好味，好有滿足感，唔會係超甜，但係有啖啖都係醬，好正😋但相信要做返D運動先可以消化到佢🤣最後想讚一讚啲店員，全部都好Nice，會特登問我哋西多士係咪食到差唔多先上，我哋冇叫嘢飲，又會主動俾兩杯暖水我哋，見我哋拎住個袋，仲特登比四人枱我哋兩個人坐🥹開心🥳。