羅東肉焿番

Open Now

Now Closed

我係一個超級芋泥控成日食嘢，如果有芋泥呢個Choice都一定會揀芋泥朋友見到呢間餐廳之後，即時介紹俾我去食今日難得入嚟元朗行山就決定試一試佢今次試左好多野 。首先係個胡椒豬肚雞腳米線，湯底清甜，米線吸收了肉味，胡椒香氣恰到好處。配上輕量酥炸雞扒，外脆內嫩，口感極佳。古早冬瓜茶清爽解膩，芋泥肉鬆吐司與肉鬆芋泥西多士口味互補，香甜可口。最後的甘梅地瓜條外脆內軟，甜中帶鹹，整體餐點色香味俱全，值得一試！！

今晚嚟到元朗嘅”羅東肉焿番”，一間主打台式料理嘅小店，質素同價錢都好合理唔錯㗎💜芋泥肉鬆吐司今餐嘅主角💟因為太掛住台灣嘅芋泥吐司，所以即刻勁期待咁order咗一份！芋泥份量非常慷慨，每次咬落去都即刻唧晒出嚟😍芋泥做到好綿，無作狀嘅香料味，可以食到天然芋香味吐司烘到微暖脆脆地，配凍嘅芋泥加肉鬆，口感又滑又沙沙地有啲衝擊好過癮👍🏻下次一定再ENCORE🤤💜鹽酥一口雞魯肉飯單點一份已可享用台灣兩大特色美食🤓鹽酥雞脆卜卜好香口，炸粉唔厚，肉質厚實，好食！滷肉醬汁醇厚，用肥瘦相間嘅腩肉，軟熟，撈飯極惹味💜QQ炸地瓜球地瓜球即叫即炸，味道甜甜地，外脆內軟，口感軟糯帶小煙韌，感覺似麻糬波波💜仙草芋圓另配鹽酥花枝丸（套餐）芋圓夠軟熟，唔會煮得死實實好硬，煙韌程度啱啱好，仙草滑嫩味道微甘，用紅豆調味唔會好甜，消暑恩物😀花枝丸唔喺港式魚蛋嗰種彈牙，墨魚味好強，食到一粒粒墨魚粒，炸得剛好💟餐牌：

台灣嘢食唔少得超邪惡、又綿滑嘅芋泥😍！呢間位於元朗嘅台灣舖頭，將芋泥融入咗唔同嘅台式小食甜品，最有特色一定係芋泥奶酪紫米糕👍🏻。另外仲有芋泥肉鬆、芋泥蛋餅、芋泥肉鬆吐司等等。.🍜4號紅燒牛肉湯麵餐 ($89)套餐真係超抵食，除咗可以優惠價加配小食，仲有包埋台式飲品！紅燒牛肉湯底味道唔會死鹹，反而仲有蔬菜嘅甜香味🤤。麵質仲係又滑又彈牙嘅刀削麵。牛肉嘅口感都超正。.🌮肉鬆芋泥蛋餅 (+$10)真係一定要試呢度嘅芋泥！有綿滑，有重芋頭香味。蛋餅裏面真係有煎蛋，食得出濃濃嘅蛋香味。.🥤凍古早冬瓜茶(餐飲)甜度啱啱好，充滿台式感覺嘅冬瓜甜香味，啱晒配埋味道濃郁嘅其他嘢食。.🐥鹽酥炸大雞扒湯麵(紅燒牛湯) ($65)除咗紅燒牛湯有香濃又有蔬菜甜味，而且麵質好味之外，呢度係雞扒都係一大特色😝！鹽酥雞炸得超酥脆，而且係大大塊雞扒，裏面又夠厚肉，好足料。.🥬滷肉汁燙青菜($28)好有台灣風味！有滷肉碎同埋滷肉汁，配埋菜咁樣食，味道好正。

餐廳招牌主打肉焿湯、魯肉飯、蛋餅、芋泥吐司等不同系列的台式料理，價錢親民，而且不收加一服務費。餐廳走台灣老店風，店內環境不大，坐位不多，長期排長龍。肉鬆芋泥鐵板吐司 芋泥份量很足，芋泥濕潤綿密，粒粒芋頭增添口感，芋香味突出。香煎大雞扒魯肉飯 雞扒大大塊，經烤過後表皮香脆魯肉肥瘦均勻，肉味香濃，有豆卜絲，肉汁拌飯一流。乾拌麵• 花枝丸胡椒湯餐 花枝丸裡面包著花枝肉，搭配胡椒的溫和辣感。刀削麵比較煙韌但不算好彈牙。

今日嚟到元朗見到呢間餐廳 就諗起之前喺羅東食過嘅牛肉麵好好食就入咗去試下一坐低就叫返碗紅燒牛肉麵先🍜餐廳用咗刀削麵做底食落非常彈牙湯底係香濃既紅燒牛肉味牛肋腩都煮得好嫩 好入味！🥩魯肉飯(小)因為想試食多啲野 所以叫左碗細既魯肉飯食魯肉既肉質好淋 可以做到入口即融而且都唔會太咸 肉汁既份量岩岩好撈到成碗飯牛湯燙青菜🥬用牛湯黎燙生菜 令生菜好入味唔需要額外調味都可以食哂啲菜！招牌芋泥肉鬆蛋餅🥞呢個餐廳主打芋泥！自己又好鍾意食蛋餅🍳所以順理成章又叫埋個芋泥肉鬆蛋餅！芋泥做到好香滑 同肉鬆一咸一甜咁非常夾又唔會搶走蛋餅啲蛋味成個層次提高了唔少！最後叫埋個凍既仙草芋圓做甜品🍧入面有三色芋圓、紅豆同水晶做配料煙煙韌韌好有口感最緊要係唔係好甜 食落無乜罪惡感🤣呢個台灣餐廳性價比好高！叫左咁多野食$200都唔洗！仲要樣樣性價比高 真係可以再三幫襯！

經過元朗見到呢間台灣野都幾多人食就試下｡台灣最出名牛肉麵同蛋餅類小食，一解寶島情結!芋泥肉鬆蛋餅醇厚的芋泥帶來甜美的香氣，搭配鹹香的肉鬆，形成絕妙的風味對比。紅燒二寶牛肚牛肉湯麵牛肚燒得軟嫩又有嚼勁, 使得整碗麵含有高湯的鈣質, 鮮美牛肚的口感, 搭配刀削麵，麵條較一般刀削麵幼身，但不失煙靭，搭配半隻溏心蛋，營養十足!紅燒牛肉麵牛肉肉質軟嫩， 爽滑Q彈，牛肉都幾多下，而且燉得爛爛地，入口即化，正啊！配香濃牛肉湯品嚐極品滋味在舌頭!

今次專程去元朗試呢間台灣小店「羅東肉焿番」，由台灣宜蘭老字號直營，🥣！店仔細細但晚晚爆場，全因佢哋嘅紅燒牛肉湯麵同芋頭甜品真係「邪惡到喊」🤤 仲有社交平台洗版級嘅鹽酥巨無霸雞扒，即刻同大家開箱！ [🌿 文青風打卡位 啱晒閨蜜］ 白磚牆掛住台灣風景相，木系枱凳加吊燈好有夜市feel～雖然得十幾個位，但坐得舒服唔逼，最啱三五知己嚟chill住食台式小食！👯♀️ [🍜 必嗌藥膳紅燒牛肋條湯麵]湯底用當歸、川芎熬足8個鐘，飲落甘香唔油膩，仲有淡淡藥材回甘🌿！牛肋條燉到「淋哂」一咬即化，刀削麵吸盡精華超掛湯 [🧀 拉絲芝士肉鬆蛋餅王] 即叫即煎嘅蛋餅皮脆到「咔咔聲」🔥！爆餡流心芝士混搭鹹香肉鬆，仲加咗秘製甜辣醬，鹹甜交織真係「停唔到口」～ [💜 芋泥控必搶紫米千層糕] 鎮店甜品超有層次！紫米糕+芋泥+奶酪層層疊，芋頭香濃到似食緊雪糕🍦，紫米煙韌有咬口，重點係甜度剛剛好，食完成個幸福感爆棚💥 **[🐔 手掌大鹽酥雞扒霸氣登場]真·比臉還大嘅雞扒炸到金黃酥脆，咬落「索索聲」仲keep到肉汁💦！配埋自家製蒜蓉醬，邪惡程度滿分👑 ✨ 總結： 人均$100有找食到捧住肚走，芋泥甜品同紅燒牛肉

💫酥炸雞扒醬肉飯炸雞扒既份量都多, 外皮炸到金黃酥脆, 內裡嘅雞肉嫩滑多汁, 口感極正, 仲有溏心蛋, 青瓜作配搭, 好好味😋💫芋泥肉鬆蛋餅蛋餅外皮酥脆好薄, 夾雜住綿密順滑嘅芋泥, 肉鬆嘅口感豐富, 蛋餅嘅蛋香更係增添咗整體味道嘅層次感, 醬汁嘅微甜同鹹味恰到好處，每一啖都充滿驚喜😍💫芋泥肉鬆吐司吐司外皮酥脆, 內裡柔軟, 中間夾左層厚厚既肉鬆同芋泥, 芋泥嘅綿密同肉鬆嘅鬆脆, 令每一口都充滿咗驚喜, 仲要勁香😍🥤古早冬瓜茶［凍］好清甜 消膩一流🥤凍奶茶自家製既奶茶 好香滑

久仰大名呢間台式餐廳，咁啱入元朗有機會朝聖。👉🏻酥炸雞扒魯肉飯好大塊雞扒🤤炸漿非常出色，薄薄地又有存在感，重點係超級脆，雞扒入味又鬆軟。溏心蛋好高質，好入味好流心。 靈魂滷肉汁淋係飯面，好鬼香，唔算太油膩。👉🏻芝士芋泥蛋餅必叫之選，芋泥份量唔孤寒，真材實料。👉🏻肉鬆芋泥西多士西多士食得多，芋泥西多士第一次食，見到滿滿肉鬆已經食指大動。芋泥只係微微甜，配埋煉奶+肉鬆，邪惡又好味。👉🏻滷肉汁生菜平平無奇嘅生菜加咗滷肉汁，好食左10倍😂

👨‍🍳羅東肉焿番👨‍🍳👣 值得科勞指數：🏃🏻‍🏃🏻🏃🏻🏃🏻🍽炸大雞扒 配 魯肉飯炸大雞扒外皮金黃酥脆，內裡肉質鮮嫩多汁，搭配上特製的醬汁，讓每一口都充滿了香味。雞扒的厚度適中，咬下去時感受到脆皮與嫩肉的完美結合。魯肉飯則是經典的搭配，肉燥醬香氣四溢，米飯吸收了肉汁，口感香濃🍽胡椒豬肚雞腳湯 配米線湯品的味道濃郁，胡椒的香氣與雞腳的鮮香相互交融，湯底清澈卻不失厚重感。豬肚的口感滑嫩，搭配米線，讓整道菜更加豐富。米線吸收了湯的精華，每一口都充滿了香氣，讓人感受到暖心的滋味🍽肉鬆芋泥芝士西多大推！好正！肉鬆的鹹香與芋泥的甜美形成了鮮明對比，而芝士的融化讓整體更添滑順。西多的酥脆外皮包裹著內餡，咬下去時口感層次分明！📍 地址：元朗鳳翔路69號建輝大廈地下5號舖#羅東肉焿番 #元朗美食 #元朗飲食 #香港美食 #香港必吃 #香港點心 #食評 #元朗探店 #元朗餐廳 #followme #followmetasting #魯肉飯 #炸雞扒 #胡椒豬肚雞腳湯 #foodie #高質 #肉鬆芋泥芝士西多

好耐冇食台灣嘢，今次專程去元朗嘅羅東肉焿番搵返台式既味道，餐廳價錢親民，用餐環境舒適簡潔。最特別係店內有芋泥產品，相當吸引。芋泥肉鬆吐司芋泥系列嘅產品真係好吸引，當然要order ！吐司烘到暖暖的，配埋微凍嘅芋泥，好似冰火二重奏咁，夾埋肉鬆食又甜又鹹，口感豐富。注意一點個包嚟到要即刻食，唔好凍咗先食鹽酥一口雞滷肉飯滷肉飯附上半粒糖心蛋加青瓜絲，滷肉肥肉唔多比較清淡，唔會好油膩。鹽酥一口雞份量合適，同埋唔會炸得過老香煎大雞扒湯麵（紅燒牛湯底）個湯頭好特別，表面冇乜油花，個湯應該落咗唔同香料去熬製，飲落清甜，另外個麵都好特別，呈波浪形，食落好爽口。而雞扒亦都好大份，差啲食唔晒，雞扒表面灑咗啲椒鹽粉，調味充足，層皮煎到好香脆仙草芋圓一號呢碗嘢有唔同嘅配料，有愛玉、紅豆、仙草、芋圓，佢嘅仙草則比較淡口，所以混埋食甜度較高既配料就變得啱啱好啦

大概八點幾嘅時候同朋友去到餐廳，餐廳入邊都幾多人，好好生意店員好友善、有禮貌，當我哋落完餐之後，店員有耐性慢慢咁樣重複一次我哋要order嘅餐點，而且因為自己同朋友都比較想食台灣小食>正餐，咁所以就淨係嗌咗一個飯，同埋兩款小食，一個甜品，店員都好好咁樣攞多兩個碗俾我哋分肉鬆芋泥鐵板吐司芋泥厚實味道濃郁，入口綿密，肉鬆帶有淡淡鹹香，每一口都食到芋泥粒同肉鬆，非常足料。見到toast係有焗過嘅，但係因為我哋見到滷肉飯同埋蛋餅都好吸引，掛住食其他嘢食，咁所以去到後尾個toast變林咗少少，口感上冇咁脆鹽酥雞大雞扒魯肉飯飯嘅份量非常多，我哋兩個人食啱啱好，大雞扒呢個名名副其實，大塊得來亦都都炸得好香脆炸，滷肉肥瘦均勻，性價比頗高，下次嚟到一定encore！芝士肉鬆蛋餅蛋餅外皮軟熟，芝士同肉鬆好match仙草芋圓食完啲鹹嘢就係時候食返啲甜嘢，芋圓煙煙韌韌，配搭埋仙草爽滑，水晶晶瑩剔透 ，口感Q彈、爽口，紅豆鬆軟香甜，讚整體體驗非常滿意，而且價錢唔算特別貴，又食到好多嘢，超級推薦大家嚟

走過路過不要錯過📍地點：元朗🍽️菜式：台灣菜💰人均消費：午餐 / 晚餐 HK$70~90🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱📝落單方式：侍應生落單免費🅿️：❎【乾伴麵、花技丸胡椒湯餐】💰HK$69乾伴麵表面有肉碎莞芫，味道不重還帶點麵湯。花枝丸胡椒湯味道重，跟麵吃剛好。【紅燒牛肉麵湯餐】💰HK$89牛肉為牛肋條紋得入味，配湯麵非常合適。紅蘿蔔亦夠淋身，湯則融合蔬果和牛肉的味道。餐另跟蛋餅，加了HK$8要芋泥蛋餅，第一次嚐試。【香酥甜不辣】💰HK$33魚漿甜不辣QQ 的，店家附了一個泰式辣醬，吃辣的可以沾一下。#foodcourt #foodxcourtx #foodxcourtxYL#元朗搵食地圖 #元朗美食 #元朗 #台灣菜.羅東肉焿番🏷️元朗鳳翔路69號建輝大廈地下5號舖

聽講元朗有間出名食芋泥嘅台灣菜，今次終於過來朝聖啦！餐廳除咗提供唔同種類嘅台式美食，另外仲有多款含有芋泥嘅菜式，非常之適合我呢個芋泥控～香煎大雞扒魯肉飯💰HK$65雞扒外皮煎到好香脆，肉嘅部份保持嫩滑多汁！魯肉係唔肥膩嘅嗰一種，用來撈飯一流！仲有半隻溏心蛋同埋青瓜絲，令到成個飯嘅口感更加豐富～胡椒豬肚雞腳湯刀削麵💰HK$56豬肚爽口有嚼勁！雞腳滑嫩，而且容易去骨，係滿滿膠原蛋白嘅感覺啊！湯底雖然看似清澈，但胡椒味非常突出！刀削麵口感Q彈，吸收咗湯底嘅味道～芋頭奶酪紫米糕💰HK$52底層同埋表層都各有一層煙煙韌韌嘅紫米糕，中間夾住咗甜度適中嘅芋泥同埋芝士奶酪，味道同口感都好有驚喜，值得一試～凍奶茶💰跟主食+HK$5奶茶嘅茶底味道清新，而且有少少回甘嘅感覺！加入咗牛奶之後，入口更加順滑～

元朗出名多好野食，好多有質素又唔貴既小店，今次試左呢間台灣小店，同朋友都非常滿意👍🏼餐廳面積唔大，平日唔夠7點，已經坐滿人，深受街坊歡迎。餐牌選擇多，一般台灣出名既食物都有👍🏼👍🏼煎雞扒滷肉飯雞扒好大塊，煎得香脆，上面仲舖左好多滷肉，份量好多👍🏼紫米糕呢個係餐廳既招牌甜品，好特別好有特色，好多層次，上下果兩層係紫米，中間係cream cheese，然後係芋泥，好有口感，好好味😋而且整體唔太甜，食多啲都無罪惡感