竹面譜

Open Now

Now Closed

之前食左太子個間老闆娘介紹他新蒲崗分店話有鵝腸、黑柏葉同魚皮有時間可以去試下👍❤️新鮮黑柏葉黑柏葉好新鮮又爽口同平時既自己買既好唔同值得一試❤️白灼鵝腸鵝腸點左鼓油好有味食得出鵝腸好乾淨好新鮮食既係鮮味👍❤️鯇魚皮呢個值得一讚平時食會好多沙食得唔乾淨呢度完全係鮮同滑平時好少地方有得食❤️咖哩牛腩飯牛腩量多咖哩香$39真係超值又抵食又好味❤️薏米水好飲又唔太甜💁‍♀️竹面譜 (新蒲崗)👣新蒲崗仁愛街40號舖

喺新蒲崗Mikiki隔離，一間裝修傳統嘅潮州食店，除咗有好食嘅粉麵、小菜，仲有吸引街坊熟客嘅人情味🥰。舖頭嘅年輕店員熱情親切，而且處理唔同菜式嘅手藝都好好🧑🏻‍🍳！.🍜油渣麵($29)配埋上海麵最夾！豬油渣脆卜卜，係湯裏面都仍然保持脆口🫦，配埋上海麵粗身有咬口嘅質地，仲有冬菇等配料，食落口感好好又夠香口😋。.🐷薑蔥豬雜河($36)味道好潮式！豬雜每一片夠厚切，食落滿足😆。本身嘅香味，配埋辣椒豉油吊味，真係好正🤤。.🪿淨白灼鵝腸($45)嚟呢度必試！淨鵝腸份量好多，share食都好滿足💕。而且處理得好好，鵝腸超級爽脆，口感爽口又唔會粉👍🏻。而且同辣椒豉油超級夾，配埋一齊超惹味。.🎏脆炸鮮鯪魚球($34)大大粒夠香口！份量真心夠厚，食落好感受到鯪魚滑嘅彈牙🌟。而且裏面嘅魚香味，配埋濃濃嘅蜆蚧醃製、酒香味😝，味道夠晒鹹香。.🐟鮑汁冬菇花膠呢度嘅長期受歡迎菜！好多街坊過嚟就係為咗食呢度嘅大大份、平價花膠😍。花膠同冬菇都大大嚿，鮑汁炆得超級入味，口感彈牙多汁💦。.🍵清心火涼茶舖頭自家熬製嘅清熱涼茶，飲落清甜👅，涼茶味唔會太澀。.🌼銀菊薏米涼茶菊花味好出，甜香嘅味道好易入口💐。好夾呢一餐嘅嘢食！

上星期食咗個筋腩撈,先唔講$49只有7件左右細細件筋腩,最難頂係D面無走鹼,有苦味!以前都寫過篇食評,讚佢D食品抵食好味,但今次體驗,感覺有啲失望,唔知係唔係掛住搞太子店!講真,$49在新蒲崗大把選擇,仲包凍飲!竹面譜退步了,無下次!

呢問粉麵茶記型食店，在新蒲崗巳開業有幾年時間，但因個門面格局，吸引唔到肥演呢個，古老石山去光顧，直至最近肥華得到FB，飲食羣組谷友資訊，盛讚此店出品極得，有見及此4月21日，肥華和靚媽即到此店，一試虚實，FB羣組果然冇老點谷友，肥華今日在此店，所點嘅食品，豬油渣豬什湯米，雲吞牛筯湯麵，鮑汁花膠冬菇，都獲肥華俾A++評語，可能連帶關係連個碟腐乳通菜，肥華都覺得特別好食值A級水準，加上此店老闆，待客態度親民至誠，值得為食友專誠到此店，捧佢場😋👍😋👍😋👍

今日放工係哩面見到哩間餐廳啲野食好吸引靚靚仔仔 不過太多人 就買咗外賣返屋企試試佢叫咗個招牌雲吞套餐 姐係一碗雲吞麵 加個全走油菜 侍應十分細心 叮囑廚房同事注意油菜要求和分湯 可惜我返到屋企 一打開就真係有啲失望 麵個度冇分到湯 麵已經脹哂 菜又冇走到油 反而比油浸住 真係救命呀 碗面仲要附送發泡膠粒 真係失策雲吞真係好味 大細岩岩好 爽口惹味 可惜麵脹哂其實碗麵真係好食 如果堂食嘅話 一定避免到哩啲問題 真係食好野真係唔可以懶 下次點都要等位堂食

店名喜玩文字，因此多年前去牛池灣街市外墟已留意。那時會買其推出舖外售賣的一盒盒幾款水餃生料，件頭比平常大三分之一。另特別喜愛冷盤泰式沙葛，爽爽甜甜好醒胃，似乎只此這家這菜，當時老闆說是夏天限定，因此現見牆上寫停售。原來搬了來仁愛街，舖面比以前稍大少許，一樣掛了舊舖獅子山下情懷的照片，一樣喜播九十年代粵語國語歌。我也一樣來碗豬油渣麵，咦，有豬雜，因此來個雙拼河多青。豬雜清洗乾淨，有粉腸x2、豬腰一大瓣𠝹了井字刀痕（𠝹的痕使其夠熟又不失彈牙）、豬膶x2大片（剛好燙熟沒血水，因此保留爽口）豬肚x2大片（煮的有點過了時間，肚皮呈深啡變硬）。豬油渣5-6條依然夠脆。有別於一般粉麵舖，除沙葛冷盤外，還有售幾款自製涼茶，銀菊薏米少甜，解渴夠潤。特價的南乳豬手飯豬手夠腍。見圖可能以為份量很少，但對應價錢，其實抵食。總數過了一百元還打了個88折……

I have been coming to this restaurant for sometime now and the owners are extremely friendly, can communicate well in English and can also remember my order even if I haven't been for several months. My personal favourite is the wontons and beef brisket with flat noodles in a beef soup and a dash of the mala and chilli sauce which is provided on each table. The mala and chilli sauce complements the noodles well and I have also bought their sauce on several occasions and used it to make various d

這家麵店每天早上10點便開門營業，早餐吃雲吞麵配油菜或凍飲(不用加$2蚊)，可謂清新之選。否則，天天吃茶記的沙爹牛麵或餐腸腿醃製嘢(我已戒多年)真的唔多掂。外食族都可以有較健康的挑選(近月連糖都盡量戒，精糖即砂糖 Refined Sugars或任何化學嘢加工嘅Sweeteners ，真係會吃壞人不可不防)。離咗題㖭！梳Li！🌽在下每次必選淨雲吞配通菜，兩樣都要求加腩汁。這是我的其中一款低碳飲食(Low Carb Diet，即低量碳水化合物為主食)。🍌雲吞多蝦大大粒，無話使用肥豬肉粒裝假狗扮蟹嘅烹調偽術(至鬼憎👿)，新鮮彈牙，腩汁湯我都飲埋。另外，辣醬都有兩款，最合嗜辣嘅食客，都頗辣。🌶通菜嫰綠爽脆無渣，加腩汁(汁都飲埋一滴不漏)最有食味，強過腐乳/蠔油。🥬埋單$32蚊Low Carb餐有菜有海鮮，好食抵食剛剛好的滿足感有食力。最重要一點係吃完沒有一點口渴，證明無MSG，真係一流！🍉我的常餐可以持續發展，食極唔厭。🥗

差不多每個星期日有時間都會去食，由之前係牛池灣到依家搬左係新浦崗，我同我太太都喜歡食佢地既雲吞麵，我係一個比較少食牛既人，但係每次去我都會叫碗雲吞牛腩麵食，我個人覺得好好食，地方又整潔，所以向大家推薦下，仲有個老闆中意講下笑，一邊食野，一邊傾下計，感覺好好

這星期六有工作，去了新蒲崗，大概半小時就完成了工作，肚子餓了便在大有街，爵禄街附近找吃，行下行下去到仁愛街，這樣彎入的內街，可方便食客泊車，本想隨隨便便食 小小餃子算了，見到這間小店，貌似新開，標價都不貴，都好試下。主麵食，感覺介乎傳統和新牌之間，有粉有麵，對於這類食肆，我一定要試它的辣，這間特別之處還有一樽麻辣，我點了孖筋麵，茶和奶茶、、、茶就吾得啦！吾夠味，牛筋夠淋，特別要贊的就是麻辣，呢個好味。

一碗湯粉/麵$20，價錢來講是好平的，但餸菜及面量好少，食吾飽，一個女仔食都要加底先夠今日食左牛筋併雲吞面，牛筋量都有3-4件，大大件都好入味，反而雲吞得2粒🙈，雲吞入面的蝦都彈牙，只可惜面只得3-4啖，吾係好夠食，下次食都係叫加底（$8）先得，湯底都吾錯，應該係加左牛筋汁所以食落口幾香下銀菊薏米水無糖都幾好飲，單買一支$16，配餐$10，原本我分開2次叫，所以佢無俾到優惠我，之後我有朋友遲來再叫時佢先有俾優惠我（即有跟餐價）

最近經過見價錢調整到$20一碗粉麵，雙拼都係$28，非常頂爛市，見咁平即管一試。牛腩夠味但唔夠淋，牛筋夠淋夠味雲呑麵只有三粒雲呑，不過夠哂大粒足料，對得住價錢。仲有其他口味得閑再試，整體味道唔錯。新蒲崗飲食業競爭好劇烈，除了味道外，價錢係另一重點，必須貼地才能生存！

隻手傷左.心情已經差.屋企又冇人唯有出街食.同男朋友行過見到20蚊碗甘平.驚吾好食.原以食左小小野先人去.叫左碗豬潤面食左第一啖面已經叫男朋友試.好有蛋味.好好味.再加上麻辣醬仲好食豬潤都好正值得一試希望keep到水準

誤打誤撞入去這間麵店，雲吞麵得三粒，大是大，但雲吞不在乎大，是在於材料和美味程度，大反而影響了口感！淨魚旦不夠數目用魚片搭夠，魚片薄到無可再薄，湯底更加不知所謂！吃完又勁口渴，肯定無下次！

今日同朋友過嚟新蒲崗呢一間嘅舖頭食嘢， 見到係食有關雲吞嘅嘢， 就入咗嚟幫襯下， 叫咗個雲吞米線食， 個啲雲吞原來都好大粒， 麵線亦都好滑， 我朋友叫咗一個牛腩麵， 佢話牛腩好好食， 肉肉分明， 面都好有咬感