漢發麵家 (大南街)

Open Now

Now Closed

之前已經食過一次，今次咁啱經過梗係要再嚟食啦呢度出名嘅係豬潤，所以今次照舊豬膶公仔麵再加個豬扒米粉豬潤爽口大舊兼厚身，係我鍾意嘅質感（張相食到一半先記得影），配上公仔麵所以湯底會偏濃味，枱面有日式麻油，如果鍾意嘅話都可以加幾滴應該會更加好食另外叫咗個豬扒米粉，豬扒係第一次食估唔到好有驚喜，豬扒係分開另上唔會俾啲湯浸林左。豬扒大大塊好入味而且容易岩入口，下次去會再食豬扒！！！！不過豬扒米粉個湯底就比較清淡，我就會加埋豬膶公仔麵嘅湯底落去就比較有味

不知道這裏有幾多喜歡吃豬潤（豬肝）的朋友呢？我就是其中一個啊！看到網上不少朋友分享哪裡有好吃的豬潤麵都會收藏起來，可男友就不愛吃也不愛吃茶餐廳，這個收藏就讓我來獨樂樂一番 豬潤公仔麵 $48奶茶 $19（熱飲） $21（凍飲）幾乎每檯客人都會點的豬潤公仔麵，一碗麵有4大塊如半隻手掌大又厚身的豬潤，實物跟網上看到的相片一模一樣！超誇張的！一咬爽口腍滑，帶酒香跟薑味用以辟除豬潤的腥味，但對我來說，這幾塊豬潤就像用太多梳打粉跟調味料處理過，然後全然奪走豬潤本來的味道跟口感似的感覺⋯ 對我來說這個不是吃豬潤啊！麵身用上某品牌的公仔麵，略帶硬身的口感是我的菜！不想吃公仔麵也可以轉換其他如通粉等。湯頭偏鹹，滿有薑汁的辛辣感，當然份量就不會多啦就剛好而已～ 對我來說整碗也蠻失望的，不過這純為個人觀點，只是個人真的不喜歡這種口感跟味道不代表其他朋友的立場啊！而這裡也不像其他茶餐廳一樣有套餐供應，想喝飲品的話就需要單點囉～ 簡單的要來一杯熱奶茶，色澤偏深看得出來是茶多奶少的比例，入口偏澀奶味略嫌不夠，不過不失店家在深水埗區幾乎無人不曉，也有不少像我一樣的慕名而來，更有不少明星到來用餐，但沒想到平日早上未

深水埗區都有好多正野食，今日朋友就約左我去食呢間好出名嘅豬潤麵🍜，成日都大排長龍，今日亦都5例外，我地差5多等左20張枱先有得食😰，不過都叫得好快，坐低即刻order左鮮牛肉豬潤麵🍜$55(豬潤係厚切好新鮮，牛肉都好淋😋)，仲有餐肉蛋公仔麵🍜$40(午餐肉新鮮煎好脆卜卜)，另外再加多左1份小食炸雲吞$42(雲吞炸得好脆，蝦好新鮮好大隻😋)，5係套餐飲品另外order凍檸茶、凍咖啡$21@，不過座位都坐得比較迫😅

今日會展開工，聽聞深水埗出名嘅豬膶麵已經開到嚟灣仔。所以大清早7:30就過嚟呢間盛傳已久嘅漢發麵店，要一嘗招牌豬潤麵。除咗豬潤麵出名，聽朋友說牛筋牛腩也很出色，菜品十分多。我叫了一碗豬膶米粉加午餐肉。上枱豬潤香氣撲鼻而來，湯頭清甜，豬潤竟然可以切到半寸厚，都仲係爽彈而不蘇，招牌果然係名不虛傳。兩片厚厚的午餐肉，份量非常之大，煎得外脆內軟，女仔食完兩片已經飽咗七成，建議可以同朋友share食。唯一美中不足的是沒有早餐套餐，不包飲品要額外加，對於一個早餐價錢就偏貴。

唔知點解喺深水埗搵食，豬膶麵總會係其中一種諗起嘅名物，講起食豬膶麵喺深水埗區內都有兩間幾有口碑，老字號「漢發麵家」就係其中一間。牆上有關於麵店歷史嘅牆畫，店內坐滿客人，一貫麵店格局坐得逼逼的，所以食客享用完通常就會緊接離開，客如輪轉。✣豬膶幼麵 $48我本身唔鍾意食豬膶，但話晒係名物，點都夾舊試吓，豬膶新鮮厚切，每碗都有四大件，一啖食唔晒。火喉啱啱好，唔會煮到過熟，入口軟糯得嚟又爽嫩，我都覺得唔錯，無腥味。豬膶精華都滾晒入啲湯度，飲啖湯有齊鮮味、酒味同薑味，生麵幼身爽口。✣豬扒公仔麵 $50豬扒用碟另上，大塊醃得入味，沾上薄薄炸粉，炸得甘香juice，公仔麵底係用東和招牌麵，麵質爽滑夠煙韌，放耐咗都唔容易浸腍。一張兩頁嘅餐牌，係單點無套餐。⊙凍檸茶 $21⊙茶走 $20#漢發麵家地址：深水埗大南街192號地舖

。O小姐。招牌豬扒麵。日常。因為要去深水埗買嘢，同行介紹要去呢度食早餐 - 漢發麵家聽講好出名🤓聽返同行講，呢一間之前係另一條巷一間舊舖度嘅，裝修就冇咁靚，而家喺呢一條行嗰度嘅舖頭已經係改良版，所以坐得舒服啲，門面靚啲，內在裝修到靚啲，咁食客嚟到坐得食得都舒服啲。由於我地時間尚早，所以都唔係太多人，但因為我唔食內臟，所以我就冇叫到佢嘅豬潤面，反而我叫咗佢另外一個招牌炸豬扒拼五香肉丁公仔麵！上枱嘅時候得五香肉丁，仲以為佢呃我啲豬扒係個面底，原來係分開上！唔係講笑，佢個豬扒好厚，好大塊！個皮炸得幾脆，啖啖肉👍🏻👍🏻 五香肉丁都有好多舊，仲要舊舊都有咬口，有肉食😆食完之後，呢一間係暫時食過咁多間炸豬扒公仔麵嚟講，佢算係數一數二。可以再嚟。🙆🏻‍♀️ 下次要食西多士紅豆冰。另外好值得一讚嘅就係，佢枱面上有日本麻油！！加埋幾滴麻油落個麵度，味道即刻升華咗！👍🏻👍🏻再配埋一杯凍鴛鴦，滿足😏不過如果以平民嘅價錢嚟講，佢就貴咗少少，因為都要成六十幾一碗，隔幾條街嘅雲吞麵應該都係廿零三拾🙈🙈🙈所以都係因人而異，平有平食貴有貴食，有多少少錢嘅時候就食一兩餐貴啲，冇嘅時候，就食平少少或者返屋企煮，各有風味🙂

-「欣賞身邊的小美好」呢間真係食咗超多次，因為佢嘅豬膶麵& 西多士真係好出名 ，西多士富有蛋香，好好食，平時仲會食炸面雲呑。🤤豬膶牛米 $55每次必點！呢度重點厚切！豬膶其實花好多心思去炮製，厚厚一片，有用薑汁、料酒醃過，去臊提鮮，且灼得剛剛僅熟斷生，口感爽嫩不老，中間有少少根，但都唔影響嫩滑程度。一咬入口有內臟嘅鮮甜，好輕微的腥味同苦味，湯底入面特登加咗薑，中和豬潤的腥味。🐃牛肉使用鮮牛，9成熟仲有少少粉紅色，都算嫩滑。Ps: 星期日休息，記住唔好白行一趟 。📍漢發麵家 (深水埗)📍深水埗大南街192號地舖-

點解唔似豬潤？我食緊啲咩？😅一碗麵50蚊，嘢飲係原價，一共72，呢個價真係可以揀間好食嘅豬潤麵常餐（包多士,炒蛋,嘢飲+10蚊以內）。OK，嚴重離題；講返個豬潤麵，我係第一次吃個豬潤覺得好似個假豬潤，口感好怪，而且個湯底都唔好飲，味精好重。我係外賣返屋企食，冇留意現場杯嘢飲有幾大杯，外賣果杯就好細杯，同熱飲差唔多🌚下次想食豬潤，我會去返港里食🤣厚切真係厚嘅，而且有5塊，但口感唔好食，再加湯底亦都偏味精，咁成件事就完咗啦。我會叫未食過嘅朋友想食呢間就快啲嚟試下，一齊同甘共苦先係朋友嘛😊仲有個環境，一入去就覺成個場好昏暗，茶餐廳都不如嘅食物水平，鋸扒嘅環境，真係特別。

幾年前第一次食已經覺得係世界第一豬潤麵簡直刷新咗我對呢種食材嘅認知同同區都係出名食豬潤麵嘅X記絕對冇得比今日帶女朋友去食依舊好味我哋叫咗豬潤公仔麵同埋豬潤米粉公仔麵出色d因為好掛湯個湯好鮮味有酒香重薑味每塊豬潤都好厚身一啖咬落去集爽！嫩！於一體一碗有成四至五大塊每塊大到要分兩啖先食得晒食到一半嘅時候，我哋都加咗啲辣椒油多咗啲香！辣！又係另一個風味食食吓中途唔小心濁親姐姐好貼心咁靜雞雞俾咗杯暖水我以為我太辣頂唔順🤣細心！另外叫咗份西多士姐姐好貼心，問我哋要糖漿定煉奶無論糖漿派定煉奶派都照顧到我哋就揀咗糖漿，你會揀咩呢？佢係法式style, texture比較軟身加埋塊厚切牛油好香口中間夾住薄薄嘅花生醬不自覺令人一口接一口！正！兩碗麵一杯嘢飲一份西多久違了的幸福感！滿足！

漢發麵家👂聽就成日聽 今日第一次試🤤 大約星期六一點🧍👫👨‍👩‍👦👨‍👩‍👧‍👦哇～ 人多到呢叫咗🐷豬潤公仔麵 爽麵 一上枱 哇😧😧😧 嗰啲豬潤厚到嚇死人 睇圖我諗都感覺到佢幾大舊🙈 味道+口感都非常高質 雖然好厚 蛋煮到啱啱好 保持流沙嘅感覺 入邊都係啱啱熟🤩 每舊都好大好厚 食完好滿足見佢個🍞西多士外型好特別 出邊啲一般🟨四邊起角 所以叫埋試下 可惜繁忙時間唔俾加單😅 只好外賣 西多可以揀🍼煉奶或者🍯糖漿 口感偏軟熟 唔係炸得好勁 保留麵包咁 好唔好食就見仁見智啦😌

呢度嘅西多士同平時茶餐廳食到嘅西多士好唔同，單係外觀已經唔係四方形或三角形，而係圓圓嘅、好似梳乎厘咁樣。切落去更加感受到個種鬆軟，配上西多士必備嘅糖漿、花生醬夾心，放落口軟棉棉嘅，口感有啲似魚腐。食完一舊會好想再放第二舊入口，而且唔會有油膩、熱氣感。

漢發人氣厚切豬潤麵店，總是什麼時間都排大隊，人氣十足😆今日精神好企得下星期六午飯時間到漢發拎張籌，哎呀～要等20張枱，點解咁多人🥲以為要等一個鐘，好彩無行開同打退堂鼓，有好多人拎咗籌離開咗，故 20分鐘已可入坐。點了豬潤麵～厚度足份量，而且爽口唔腥，但略欠豬潤味，豬潤味好似略淡🤔湯底鮮甜有淡淡姜味配上公仔麵，麵唔會太淋，軟硬適中牛筋河～湯底鮮味河粉滑口唔太淋👍牛筋炆得恰好，唔太淋太硬，適中有口感，充滿膠原蛋白像片雲的花生醬西多，比較軟身中間有花生醬，表面有牛油加上糖醬，比較甜同很膩，個人口味麻麻地太膩太淋。比起赤柱有間小店又是雲朵西多遜色，欠蛋香太膩～有點失望另點了 2杯飲品凍檸茶，沒餐跟散叫21蚊杯，茶底不錯沒苦澀味，不錯🥤🥤店舖小小位置有限坐得比較迫，食完都即刻離坐，店外仍是客似雲來，雖然人多但店員落單服務仍有禮👍

天氣熱，有時都唔想太辛苦和勞累，想簡簡單單咁慢活和休息，但⋯來不去都係食、食同埋食😅😅 很久沒去深水埗食嘢，是日和T先生去深水埗覓食😇 第一站就揀選<漢發麵家> ，貴為該區其中一間人氣食肆，當然跟風試下啦。原來食店有用the GULU 排隊用，我地攞飛後，等了大概10-15分鐘就入座。我地當然揀選該店人店名物啦～～📍豬膶公仔麵 $48人人都叫豬膶麵，我地都叫😆 有4塊厚切又大塊既豬膶，煮得剛剛熟，入口軟軟綿綿，帶有陣陣酒香和薑味，好醒胃，湯底夠熱亦有適量既酒香豬膶味，係我既favourite, 令我想一口一口地飲。公仔麵煮得剛好，唔會太硬或過腍，一口豬膶 + 一口麵 + 一口湯，一個字：正👍🏻📍蔥油撈麵 $50 + 水餃 $10簡直要嘩一聲，賣相非常得體，麵餅上鋪上極多既蔥，麵鋪上適量既蝦籽，麵底就有4隻足料水餃；食得撈麵，當然跟上碗清湯啦。店員姐姐話，要將麵和蔥放入清湯一齊食，是的，因為蔥都有點硬身，齋生食會有點辣。清湯夠熱，用上大地魚熬製而成，清甜中帶有鮮味😋。麵餅較難分開，完全一餅野，如果有剪刀剪幾剪，會較方便入口。至於水餃，正常亦足料，配上辣椒油風味更佳👍🏻 難

今次已經係第三次去食 豬潤麵一樣係甘吸引 大大塊而且咬落去一啲都吾老 仲好爽 不過比以前食份量少左 由5塊變到得4塊 如果份量再夠小小就非常滿足啦 而具奶茶夠香夠滑 食完飲反杯就一流 雖然份量少左 但下次都一樣會繼續幫襯😆😆😆

-在之前筆記里有朋友建議過讓我去這一家結果還蠻多人認同的 答應了抽時間試試 所以就擇日不如撞日 直接來了.都是本地人來吃 翻台率也挺快的下午兩三點吧 過到黎都需要等一下咁啦.講下我點嘎菜單啦 嘿嘿 因為唔係特別肚餓 就點佐四樣嘢 唔多紅豆冰(都足料噶 給的紅豆塞滿半杯喔凍奶茶(少冰多奶已經是慣例嚕 鍾意耶西多士(可以選煉奶還是糖漿 確實挺絕哈哈豬潤餐肉一丁(豬潤好評 軟熟大夠 彈牙不腥-🐷📍：漢發麵家深水埗大南街192號