新肥泉海鮮大排檔

Open Now

Now Closed

今天從高鐵站出來，行五六百米到了官湧市政大廈2樓的新肥泉海鮮大排檔吃晚餐。早就聽講這個大排檔有多種美食選擇，甚至有四川水煮魚等各種麻辣菜，分量大，海鮮又夠新鮮。由於我們中意吃蝦，所以點了幾個菜都是有大蝦，果然蝦肉夠大隻又新鮮，好有大排檔特色，真是不虛此行滿載而歸！滑蛋炒蝦仁店員一端上這盤菜，感覺就是真大份，真實惠！滑蛋的火候剛剛好，很滑很嫩，還有少少拉絲，入口即化。蝦仁像草莓大隻，鮮嫩多汁，也好入味。邪惡黃金大蝦仁每個大蝦仁炸到酥脆，帶有鹹蛋黃的獨特香味。咬上一口時，馬上被蝦仁的飽滿鮮嫩肉質以及鹹蛋黃的豐富味道所征服。這道菜融合了鹹蛋黃的奶油口感、蝦仁的鮮嫩多汁和脆脆的外皮，果然很邪惡——令人回味無窮！招牌海明蝦球這盤菜色澤誘人，看到就覺得胃口大開！菠蘿釋放出酸甜的味道，並與青椒洋蔥的清爽和鮮美的蝦仁相融合。果然不負眾望，帶來了一種令人難以抵擋的美味！酸姜皮蛋一片片酸姜酸甜可口，很解膩！

今日又嚟到佐敦近期人氣大排檔--新肥泉大排檔，真係食過番尋味啊！豉汁蒸白鱔豉汁蒸白鱔係新肥泉大排檔嘅招牌菜之一。豉汁蒸白鱔嘅口感鮮嫩，白鱔肉質細緻，肥美彈牙。豉汁濃郁，與白鱔完美融合，十分鮮美。魚香茄子煲魚香茄子煲都係大排檔嘅另一道經典菜式。茄子經過煲製後，口感柔軟綿密，有著滑嫩的質感。魚香醬汁則帶有醇厚的辣味和鮮香的蒜香味，香辣可口。薑葱生蠔煲新鮮的生蠔肉質鮮嫩，口感爽滑，搭配薑葱調味，增添了一絲清爽的味道。煲製的過程中，蠔的鮮甜融入了煲中，味道更加豐富濃郁。👅味道💛💛💛💛💛👨‍💼服務💛💛💛💛💛🍽環境💛💛💛💛🤍💦衛生💛💛💛💛🤍💯抵食💛💛💛💛💛1️⃣遊客可從 高鐵-西九龍站C出口 朝住佐敦方向走 步行10分鐘 跨越廣東道再穿過九龍佐治五世紀公園向前行約5分鐘便到2️⃣港鐵柯士甸站F出口 向佐敦方向步行4分鐘#新肥泉大排檔 #foodie #food #foodporn #foodphotography #instafood #foodstagram #foodblogger #foodlover #yummy #delicious #foodgasm #homemade #instagood

🎏佐敦開餐🙌🏻 新肥泉海鮮大排檔🍽️地址寫佐敦，除咗可以佐敦地鐵站行過去之外，其實都近柯士甸站，近高鐵，行到去都只係4分鐘，大排檔嚟講都幾乾淨，而且空間夠大，坐得幾舒服，職員態度有禮貌又好快🥢 椒鹽雙拼(九肚魚拼鮮魷魚) 💰$168有得雙拼九肚魚同魷魚真係太好，可以兩樣都試晒，炸出嚟炸到金黃色，炸粉唔算厚，份量都好大份🥢 芥末炒牛柳粒 💰$138呢個菜式用芥末炒吸引到我🤩芥末味有唔算太重，亦唔會係食完好攻鼻，牛柳粒夠淋，份量都夠，菜式個味道幾特別，牛柳粒底下仲有好多雜果，豐富顏色之餘，食吓啲雜果冇咁漏🥢 荔芋雞煲 💰128今日去食飯係得8°C，所以要叫啲熱辣辣嘅嘢食，依個荔芋雞煲一上枱個煲已經係好滾好熱，芋頭同雞份量都夠，芋頭啱食夠粉，雞做得好嫰，叫咗呢個煲直頭唔使叫飯，夠晒飽

新肥泉相信好多人聽過，佢早排做小菜放題，餐牌上所有小菜都可以任叫😆是晚來朝聖，雖然無諗住放題，但都想黎試下嘛😋晚上的熟食市場得兩間營業，但人氣都不弱，咁大個場都有八成滿坐。店員示意可以用qr code落單，嘩嘩，個餐牌長到呢…睇左十分鐘都未睇晒😆最後點左三樣野，有圖較吸引。⭐油泡田雞韮黃吸了田雞汁香口又鮮味，田雞嫩滑，份量唔少添喎😋⭐涼瓜豉蒜炒牛仔肉牛肉勁嫩無渣，涼瓜爽口多汁，少少苦味回甘，勁正😍⭐頭椒聖子煎米粉底聖子大大隻，又爽又鮮甜，米粉底煎得香脆有咬口，吸了芡汁同聖子精華真係一流，一口接一口食唔停😋食物好味有水準👍只係有點意外熟食市場都有加一😅

由香港高鐵站/柯士甸地鐵站步行5分鐘內就到，輕鬆食到香港地道鑊氣小炒🥰避風塘軟殼蟹平時食開避風塘炒蟹，叫軟殼蟹就方便食用好多，啖啖肉。剛炒起的避風塘蟹熱辣辣， 加埋炸蒜同蔥一齊食好惹味，推！菠蘿咕嚕肉咕噜肉炸到跪卜卜，豬肉外酥内嫩，醬汁酸甜味，配埋菠蘿，青椒同黃椒，一定要配飯！黑椒薯仔牛柳粒牛柳粒食到黑胡椒，醬油同蜂蜜香，薯仔酥又吸汁，整體風味鹹甜開胃，呢碟菜夠晒鑊氣，必點！頭抽乾炒牛河河粉層次分明，一條條，色澤均勻，味道比較淡，所以食落冇咩負擔，到底都冇咩汁淨底，證明有吸哂入河粉到👍🏻如果想再惹味啲，加埋辣醬就冇得輸。

來到這家店嘅時候，胃已經準備好迎接一場味蕾盛宴🍽️。一開始，避風塘炸軟殼蟹嘅香脆令我立刻讚好，每一啖都是那种嘎吱嘎吱嘅口感，重點係保持到蟹肉嘅鮮美。而啲豆腐粒簡直係夠晒口感對比，外面香脆，裏頭嫩滑，啲炸蒜仲帶嚟一陣陣嘅香氣，真係掂晒！黑松露帶子炒飯真係又香又正，黑松露嘅濃郁搭配帶子嘅鮮甜，真係無得輸，啖啖粒粒都係驚喜😋。青菜方面，啫啫芥蘭煲就咁香口得黎，嘅鹹香味提提我哋，食物原始嘅美好可唔單只係肉或者是海鮮，蔬菜同樣可以攞到主角位一戰。對於食物嘅熱愛，呢度絕對能夠得到滿足，每道菜都像係講緊自己嘅故事，邀請你細細品嘗每個角落嘅滋味。講真，想搵到平民化亦美味爆燈嘅飯局，呢度值得你嚟一試！🥢🎉

在openrice揾到这間大排檔，位置近地鉄，容易找到，很方便，環境也寬敞，坐位不緊迫，食物也算滿意，但未料會有加一收费，这個價錢就不太经濟了，不能日常來光顧，來一次体驗吧😆

早幾天同好友慶生，好耐無去過大排檔，又想食海鮮，聽聞官涌市政大廈有海鮮食，所以就試試。因為朋友在油尖旺區返工，所以揀咗官涌，同埋由柯士甸站F出口行過去, 近住高鐵，真係超近，一落隧道行2分鐘，在官涌街嗰邊出口上返去向後行1分鐘就到。我哋在官涌街市選擇了新肥泉海鮮大排檔，揀咗份2人餐。電話落單。👍🏻韭黃瑤柱羹：以韭黃和瑤柱烹煮而成，帶有清新的蔬菜香氣和鮮美的瑤柱風味。👍🏻上湯浸時蔬：好多時蔬特別係白菜仔，以上湯浸泡，保留了蔬菜的鮮甜口感，食得太多濃味食物，有碟靚菜是必需。👍🏻豉油皇大花蝦：新鮮的大花蝦以豉油調味，保留了彈牙口感，並帶有豉油的香氣和味道，香口惹味。👍🏻香煎金錢膳：我不吃膳，所以我朋友食哂。金錢膳香煎而成，外脆內嫩，帶有濃厚的香氣和美味。👍🏻避風煻炒軟殼蟹：這道菜無想像中那麼辣，適合大眾，以新鮮的軟殼蟹炒製而成，口感酥脆，並且帶有少量的辣椒和香料調味。👍🏻XO鮑魚煲： XO醬和鮑魚烹製而成，濃厚的醬汁與鮑魚的鮮甜相互融合，帶有豐富的口感和風味，送飯一流。👍🏻金銀蒜蒸巨蟶子：蒸製巨蟶子，並以金銀蒜調味，加了粉絲在上面，保留了蟶子的鮮美口感，並帶有大蒜的香氣和風味。👏🏻這個餐性價

好開心去大排檔食飯喜見兩隻白貓😍圖一係喵媽咪，圖二係喵bb，見到店內的staff對兩隻貓貓🐱都好好。呢間大排檔好近柯士甸高鐵站，行過黎5分鐘內好方便。一坐低就用QR code點餐，點完仲聽到大廚炒菜的穫聲，好期待😚#星洲炒米粉 $98 米粉炒到乾身得黎又有鑊氣，咖哩粉均勻地撒佈於米粉度，鹹度剛好，仲附送左辣醬自由添加，仲有爽彈的蝦同肉做配菜，唔錯！#菜遠炒田雞 $128田雞切到細細件好入味，肉幾紥實得黎又鮮甜，白菜一齊炒味道清爽鮮味，家姐一路食一路讚不絕口。#椒鹽鴨舌 $128 將醃好嘅鴨舌裹上薄麵粉，再下油鍋炸到變金黃色，食落唔會好油膩，配汽水食好正😊#椒鹽雞軟骨 $98濃郁嘅椒鹽香味將雞軟骨炸到好惹味，當小吃好唔錯，而且鹹度適中，而且份量都唔細架。

平時日韓放題與自助餐大家就聽得多，港式大排檔小炒都可以放題任食？位於佐敦這間傳統人氣大排檔，近日就搞搞新意思，推出小菜放題，有過百款港式小炒、煲仔菜任點任食，還有汽水任飲。除了基本的小菜任食套餐，加$100，即可額外享用火鍋，及麻辣水煮放題，有醉雞鍋、麻辣鍋、豬骨湯湯底任揀，肥牛、魚滑、蝦滑等等任叫任食。每款小菜即叫即炒，鑊氣十足，上菜速度亦相當快，而且份量也不會因為是放題而減少。餐廳環境也很闊落乾淨，地點方便，勝價比高，值得推介。

👈🏻新肥泉海鮮大排檔避風塘軟殼蟹 $168大排檔緊係要嗌避風塘口味啦🤤特別惹味 辣辣哋撈飯一流軟殼蟹嘅份量都幾多炸粉夠薄 又有肉食夠曬邪惡黑椒薯仔牛柳粒 $138熱辣辣食嘅牛柳粒juicy又夠腍🤩記得要趁熱食呀 擺耐咗會靭啲薯仔搽咗蜜糖醬 個皮脆卜卜 夠曬香口 好味出色出色家鄉生煎蓮藕餅 $108兩邊煎到金黃色😙食落夠晒香脆蓮藕粒好爽脆令到口感更加豐富配上豬肉打造而成嘅蓮藕餅 肉香十足點埋甜酸醬真係冇得彈吖Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟📌服務：🌟🌟🌟🌟🌟

一向鍾意食大排檔美食，二訪此地，呢度就離高鐵西九龍站唔駛十分鐘路程，好方便！天氣凍，今次叫返個湯羹暖暖身先。我地叫左兩款料理、兩碗白飯、一個湯羹同兩支汽水。.🍤酥炸黃金蝦球呢個幾惹味，件件蝦都大隻，蝦肉爽，加左鹹蛋黃來炒香，充滿鹹香！.🥬 豆苗炒牛仔肉見到有豆苗即刻要叫，估唔到牛肉既份量都多，大大片，肉味濃！豆苗煮得好香好好食.🍲海皇豆腐羹有豆腐、蝦仁、瑤柱、蛋花等等既湯羹，好鮮甜！而且份量多，我地兩個人飲都可以每人飲到兩碗半

我同朋友嚟到佐敦食嘢，突然間好想打邊爐，於是嚟咗呢個熟食街市。餐廳都幾多嘢食，而家仲有放題可以食到小菜火鍋同埋海鮮。不過現場就好多人，今日就有好多大陸嘅團友喺度，講普通話著哂團tee, 都坐咗七、八圍枱，所以環境都好迫同嘈，少左港式，多左係大陸既感覺。不過依個都可以係黎熟食市場食既原因！夠有風味同熱鬧啊嘛😇💯食呢個放題都要注意，餐廳規定必須食晒先至可以再叫，而且每人只可以每次嗌兩款，以避免浪費。咁所以係咁多人同出餐咁慢嘅情況底下，我哋都只係係限時内只可以叫到一次，無奈有啲浪費左個放題添😨😚大家黎食就要注意時間啊🫣💜食物方面，叫左個花雕醉雞火鍋，好大碟，雞都正常份量，幾新鮮，湯底偏淡。可惜真係等左45分鐘左右先上到餐🫣個爐仲要煲好耐都煮唔滾啲湯😂經過溝通後姐姐幫我地整個爐同埋比蓋及住，搞左成個鐘終於滾到食得👍🏼😊當然有叫埋牛肉，美國肥牛一大碟👍🏼新鮮，偏肥，都唔錯。黎依啲地方咁熱，當然要叫啤酒！😊都大大枝森堡，不過可惜環境真係好熱，加上食火鍋，好快凍，要快啲飲完佢。去得熟食中心食，就預咗環境同服務都會差啲，咁食客要有合理期望！如果有時間慢慢等，同埋有興趣食小炒、火鍋，都係好有風味嘅地方嚟

7月尾，氣溫30，朋友約食呢間官浦街市出名嘅大排檔，喺呢間街市上面都係得一兩間食肆開晚市，依家係最多人，亦都佢最多枱同顧客。呢度可以散叫或者叫任食。任食分兩個價錢，一個係提供小炒同埋煲仔，2百尾。另一個貴啲提供海鮮同埋小炒煲仔，價錢4百尾，要再加一。當日我哋食咗個四百幾嘅任食，時限90分鐘。其實90分鐘係唔夠時間食，因為佢每次點餐只可以俾每人點兩個菜，食完先可以再點。每次點完賽，都要等10至15分鐘先上齊，再加上我哋要起碼15至20分鐘先至完成到所有菜，所以最後都係嗌咗三輪。飲品都係任飲，但係都係飲完先可以再叫，呢個我覺得唔太合理。因為有朋友想叫啤酒加汽水兩溝都唔可以。其實四百幾蚊加埋一都五百幾，飲品任飲都冇問題啩？雖然每人每次可以叫兩款，但係海鮮所謂一款份量好細，例如聖子兩隻，大元貝兩隻，每樣海鮮兩隻已經係一款，真係好少。只可以講佢啲海鮮真係新鮮嘅，如果再食我會叫散叫。喺街市隻食，預咗衛生會比較差，有小強都在所難免。

一向都好鍾意去食大排檔，樣樣都係comfort food，近排天氣轉涼，約咗朋友去呢間室內嘅大排檔食飯～ 用QR code落單，方便又快捷，店員服務態度十分有禮，整體impression大大加分！大排檔當然唔少得食炸物，椒鹽鮮魷係個人嘅最愛菜式之一，外層炸至金黃酥脆，食落唔油膩，肉質爽口彈牙，大大條，鮮味突出，性價比高😆鍾意呢度嘅菠蘿咕嚕肉，香脆外皮，掛滿酸甜醬汁，咬落外脆內軟，雙重滋味令人回味無窮😛 正常嚟講嚟得呢度唔會叫鹹蛋蒸肉餅，但出奇地好食，家常菜料理，新鮮豬肉，咬落結實，唔會一夾就散，肉質唔韌，肥瘦比例適中，感覺juicy、仲有個芥蘭，爽口鮮甜，薑汁味出💕