劉興記生煎包專門店

Open Now

Now Closed

每次經過荃灣街市街，都被呢條長長人龍吸引了眼球，個個都為左隻爆汁生煎包而嚟！今晚有時間，排左陣隊就有得食喇！如果一個人想試唔同款，都有套餐提供。坐低左仲發現驚喜，而家做緊無限添加豆漿。真係一坐低就放低兩杯，飲到差唔多店員就會主動再添加，好好服務。我試左個 蟹黃生煎包好濃郁，有點蟹黃味，配埋個醋更帶起個蟹味。唔係講笑，真係要小心食，熱騰騰又爆汁，唔小心就會噴汁。而個 原味小龍包也不比大品牌遜息，皮都薄肉汁都鮮味，一樣都系要小心食，小龍包更有預先準備好嘅醋,很貼心.排骨蔥油拌麪本身不是太喜歡拌面的， 但呢個面蔥油撈得好香，嚟會太乾身，有微微的濕潤，面身都好滑唔係太油底。仲有專為呢個排骨而點嘅排骨汁，完美.麻醬手撕雞絲粉皮好大份，唔係小食份量，個粉皮好滑身，又爽，醬汁份量啱啱好。手工豆沙窩餅細細份嘅甜品更顯誠意，個邊煎到剛剛脆，但又嗰係燶，豆沙微甜，高質。

今次行經荃灣，特登入去試下🙌🏻 Lunch時段坐滿人，今次我試左：雞絲酸辣湯麵 $34蟹黃生煎包（1隻） $18原味小籠包（4隻） $40（凍）低糖豆漿 $8手工豆沙窩餅 $28招牌生煎包（2隻) $20生煎包嘅豬肉無筋，唔用太多糊椒粉調味，因為肉味夠鮮唔洗重調味掩蓋，肉質軟嫩。包子點外皮厚薄適中，煎到面頭脆卜卜，咬開湯汁流出來，香濃湯底真係精華所在🤤 蟹黃生煎包，餡料加入蟹膏，香味再上一個層次！小籠包隻隻飽滿靚仔，皮薄圓潤，裝滿湯汁。豬肉餡料鮮甜，調味清淡已經好好味👍🏻雞絲酸辣湯麵水準之作 🍜🌶️ 雞絲、木耳絲、筍同豆腐份量超多，舖滿碗面。湯頭調味唔會太辣，啱曬我😁 我仲叫左豆沙窩餅，甜度恰當，餅底軟軟地又有啲煙韌，味道討好。歎埋杯豆味滿滿嘅涷豆漿，真係好滿足！埋單價位仲好親民，一定要揾機會再黎食😋

＜劉興記＞生煎包專門店，位於📍荃灣街市街37號地下呢度的生煎包套餐有4款，都係$5x，送豆漿。除生煎包外，仲有小籠包、菜飯、湯麵、拌麵，甜品等。招牌生煎包$20/2隻蟹皇生煎包$18/1隻生煎包唔燙口，但真係好爆汁，包面煎至金黃色，微微脆口。芝麻底的是蟹皇生煎包，餡料豐富有鮮味滿滿的粒粒蟹黃，入口有蟹鮮味。蔥花底的是招牌生煎包，裏面湯汁滿滿包裹一粒肉丸，入口鮮甜多汁。雞絲酸辣湯小雲吞$32細細粒的小雲吞，粉皮滑溜，加入以雞絲、木耳絲、冬菇、 筍、豆腐的濃稠適中酸辣湯，酸酸辣辣，好好味。麻醬手撕雞絲粉皮$35青瓜絲、手撕雞絲、粉皮，味道清爽。

荃灣街市街有兩間舖頭出晒名經常大排長龍，其中一間就係呢間劉興記生煎包專門店，舖頭11:00開門，我哋10:45去到已經有人排緊隊，雖然人多但職員非常有效率，而且有禮貌👍🏻👍🏻⭐️招牌生煎包$20（2隻）生煎包係即叫即煎，包底煎到非常香脆咬開超多汁💦，而且非常容易爆汁，所以要小心啲食🤭🦀蟹黃生煎包$18（1隻）蟹黃生煎包同樣包底好脆蟹黃味好濃郁，我比較鍾意食蟹黃生煎包🥰🥰🍲雞絲酸辣湯麵$34酸辣湯麵湯底有大量筍絲，非常夠酸👍🏻，而且好香濃，而且湯底有濃濃胡椒味非常開胃😋排骨蔥油拌麵$42炸排骨非常香脆，而且已經去骨所以非常方便進食蔥油拌麵的醬油味香濃有微微甜味非常開胃，美食之前已經聞到好香🤤手工豆沙窩餅🫓$28豆沙窩餅同樣係即叫即煎，外皮蛋味香濃，入面豆沙唔會太甜非常好味👍🏻👍🏻低糖豆漿$10豆漿似係自家製，因為飲得出豆漿比街外的濃稠很多，好香豆味，而且不會好甜⭐️⭐️惠顧滿$60以上豆漿就可以任飲，好抵😝😝

喺荃灣見到呢間生煎包專門店咁冇乜考慮就同朋友一齊入咗去開餐🤣$18「蟹黃生煎包」：叫咗2隻，真係有蟹肉蟹黃喺裏邊👍有幾款「人氣熱賣皇牌套餐」，揀咗 $59「迷你雞絲酸辣湯＋生煎包6隻」再配「凍豆漿」😋「招牌生煎包6隻」全部都爆汁🤣，一咬落去爆到成口都係汁🤣，好食🤣「迷你雞絲酸辣湯」：酸酸哋辣辣哋仲有都幾多雞絲🤣「豆漿（凍）」：唔係好甜😋$42「上海排骨湯麵」：排骨用脆漿包住外邊炸到脆脆哋好香口😋；「湯麵」有啲啲煙韌🤣$30「鮮雞湯小雲吞（12粒）」：細細粒，容易食，一啖一粒😋

蟹黃生煎包 $18/隻最近真係非常多人介紹食生煎包，呢間店舖有蟹黃生煎包一於試試，一咬開蟹黃味非常香！飲湯除左肉香仲好鮮！小編鍾意飲一啖原味湯，之後加少少醋再一啖食曬佢！咁又飲到湯嘅鮮味，之後加咗醋亦都可以減輕油膩感，令小編可以食多幾粒😂！鮮雞湯小雲吞12粒+生煎包2隻+豆漿 $54雞湯好清甜 小雲吞好有口感 仲有啲雞蛋絲 同兩棵菜心，生煎包一如既往咁好食 個底煎得好脆 如果食嘅時候令到入邊嘅湯汁唔流出嚟，就要先咬開面頭嘅皮，再飲晒入面嘅湯，肉味香濃生炸雞扒$22雞扒炸得好酥脆 雞肉口感嫩滑多汁，一啲都唔乾 外面嗰層炸衣都好薄

帶阿女去荃灣上興趣班前，專程過來這間火紅的生煎包店午餐，店舖門外就貼上發哥周潤發都來幫襯的照片，很容易找到！🥢招牌生煎包/蟹皇生煎包必食推介嘅生煎包，無論係原味定係蟹黃，都係爆汁，食之前真係要注意！🥢麻醬手撕雞絲粉皮份量十足，無論青瓜絲、手撕雞、粉皮都好爽口，好啱夏天食。🥢招牌擔擔麵有驚喜，毫不吝嗇落咗櫻花蝦，提升擔擔麵味道。🥢雞絲酸辣湯酸辣味道啱啱好，好開胃！這裏還有一個優惠，凡惠顧套餐/滿$60或以上便可以任飲豆漿，而且仲係低糖豆漿，好健康！

今日收工同埋娘親去咗荃灣劉興記到食嘢之前都見好多人話好好食 平時行過都排長龍今日去到我哋就坐埋最後嗰張枱如果唔係都要慢慢等位不過咁嘅天氣坐近門口都真係好熱🥵🥵🥵我地叫咗個排骨菜飯 雞湯小雲吞 手工荳沙窩餅上菜個陣嚟咗個生煎包😂我又無為意食咗後尾先發現原來落錯單 無落到我最想食嘅荳沙窩餅🥹好彩個生煎包都好好食 不過大家食個陣都要小心啲因為我一咬落去啲湯飛埋上塊面😂都好有驚喜 但一定要小心地襯熱食排骨菜飯個排骨我覺得都幾好食姐係炸豬扒 幾林又唔會太乾最正係佢唔會太厚炸粉呀嘛雞湯小雲吞 一啖一粒 小朋友食都好方便最後整返杯荳漿飲 佢自動走甜 啱晒而家健康主義👍🏻整體嚟講食物都出色 而且價錢相宜不過呢啲天氣 冷氣可以凍啲就更好啦🫣

荃灣又有一個食生煎包好去處🫓😍所有生煎包都係即叫即煎，店舖寫明如果生煎包唔爆汁嘅話，即刻可以免費換🥹果然一吉落去即彈汁🥹仲要超薄脆底！size 超大，每一啖都有鮮甜湯汁味😋人氣Top2 要叫蟹粉小籠包🥰皮薄又有勁多蟹湯，仲要勁大嚿肉😋一啖放哂入口會爆哂汁，小心燙口但又好滿足！麻醬手撕雞粉皮有超多麻醬，好多手撕雞，粉皮爽口😇酥炸排骨撈面嘅排骨雖然有少少薄，但肉塊都唔柴😚惠顧夠$60仲有得免費任飲豆漿🥳📍 劉興記生煎包專門店 (荃灣)荃灣荃灣街市街37號地舖

天氣而家熱辣辣，夜晚都唔知食咩好，見到呢間劉興記餐聽，佢哋有豆漿飲，咁就吸引咗我入去。餐廳有好多食物選擇，我隨便叫了一些，店員話我已經消費到指定金額，可以任飲豆漿，二話不說，馬上飲了兩杯凍🧊豆漿，好爽，熱辣辣嘅身體，即時冷卻下來👍🏻👍🏻餐廳食物質素好高，真係估唔到，咁細間鋪竟然可以做出咁好味嘅食物😋招牌生煎包 - 生煎包外皮煎得好香脆，口感非常好，入邊的肉餡都好Juice，真係好好味👍🏻原味小籠包 - 皮薄餡靚，一咬落去，啲肉汁流晒出嚟，充滿整個口腔，好食到不得了，食4粒都唔夠喉呀😍鮮雞湯小雲吞 - 個雞湯好好飲，每食一粒小雲吞必需要連一口湯飲下去，咁先夠爽，好食到停唔到口😛蟹皇菜飯 - 每一啖飯都食到蟹肉，菜飯吸收晒蟹汁嘅鮮味，真係好正，鍾意食蟹嘅朋友，真係必食👍🏻上海排骨湯麵 - 我覺得似炸豬排，熱辣辣上菜，一口湯麵，一口炸豬排，好豐富嘅感覺。炸排骨好細心哋分件上菜，方便進食。整總食物質素高，係唔錯嘅晚餐選擇👍🏻

早前留意到唔少人推介呢間蟹黃生煎包，最癲嘅係原來周潤發都食過～好快已經開咗好幾間分店，而屋企附近呢間都不時有人排隊，今次就到訪一試🤙🏻今次嚟就一定要試佢哋嘅招牌生煎包 ($20/2; $30/4; $40/6)，見到枱枱都有嗌，包底煎到金黃色，一咬開就會有大量嘅湯汁湧出嚟勁誇張，肉同包嘅比例大概係2:1～ 不過佢哋嘅蟹黃生煎包 ($18/1) 都好出名，食落去有一梳梳嘅蟹肉同好香嘅蟹黃，啲油都帶蟹膏嘅香🦀招牌擔擔麵 ($42) 面頭有大量櫻花蝦同肉碎，食落去都有芝麻同花生香，麵都幾有咬口🤤麻醬手撕雞絲粉皮 ($35)呢個性價比勁高，面頭個座雞肉山勁壯觀，粉皮係比較短身，而且係卷狀的，所以一撈勻啲麻醬就會掛晒上去，所以啖啖都有滿滿嘅芝麻香🤪 秘製上海炸排骨 ($22)都幾有驚喜，排骨炸得好香口，而且唔會好乾😆老實講其實佢哋啲餐點真係唔貴，但最癲嘅係堂食人均過$60就包豆漿任飲，仲要估唔到任飲嘅豆漿都幾高質，飲落去唔會太甜，質地都算濃稠👍🏻總括嚟講，呢間小店性價比都幾高，服務就正正常常，唔怪得一開門已經咁快坐滿～如果想平平地食一餐，係附近都不妨一試🤑

今日約咗朋友喺荃灣，朋友話要帶我去食一間好食嘅生煎包，呢間就係劉興記,劉興記生煎包專門店位於荃灣荃灣街市街37號地舖。呢間就連發哥都會幫襯嘅生煎包，我哋當然都要去試下啦！今日就點咗兩款生煎包，一款係招牌生煎包，另外再點多兩個蟹黃生煎包。招牌生煎包6隻$45,外表平平無奇,但食嘅時候真係要小心,一口咬落去熱辣辣嘅肉汁就咁噴咗出嚟,肉汁鮮甜,好似飲緊肉湯咁,皮薄包底脆，加上芝麻香，味道更上一層。蟹黃生煎包2隻$36,入口有驚喜，肉汁超多，先飲肉汁，後食蟹黃豬肉餡，最後食佢噶脆皮！口感豐富！冇時間去上海，唯有嚟食佢解饞啦！

聽日同屋企人去荃灣呢間地道小店食飯，打開餐牌，見到有好多平靚正嘅嘢食。我哋點左招牌生煎包，皮薄內餡飽滿，肉汁鮮美可口。佢外皮經煎製後金黃酥脆，入口即化，是一道傳統好滋味。蟹黃生煎包入面既蟹黃鮮甜濃郁，讓人回味無窮。另外，仲點左糖醋炸排骨菜飯，糖醋醬料酸甜適中，十分開胃。生炸雞扒伴蔥油麵既雞扒肉質鮮嫩多汁，外皮金黃酥脆金。蔥油麵Q彈有勁，與雞扒完美搭配。最後點左麻醬手撕雞粉絲，雞肉鮮嫩多汁，被麻醬完全包覆。粉絲軟糯有嚼勁，很能吸附麻醬。

荃灣超人氣生煎包專門店劉興記近期於網上爆紅，全因其噴射式爆汁的招牌生煎包，就連發哥是常客！肥仔今日放工就特別岀荃灣試下有幾正！🫓蟹黃生煎包🫓生煎包皮薄，包底煎得夠金黃香脆。包內多汁，一咬即爆出滿滿的蟹黃香氣，肉餡分量十足，令人難忘，味道十分鮮甜。🫓麻醬手撕雞絲冷麵🫓一入口雞肉嫩緊，原來係用新鮮嘅三黃雞手撕肉製成。麻醬香甜好開胃，超啱夏天食。冷麵有一定嚼勁度。🫓糖醋炸排骨菜飯🫓排骨掛汁紅亮通透，自帶高光，肉質嫩而彈，醬汁甜得綿長，酸得醇厚，好食到連骨頭都要嗦到手味先放手！菜飯唔會油膩，健康之選！🫓原味小籠包🫓小籠包即叫即整，用筷子輕輕夾起，會立時感覺到裏面嘅肉餡墜落，外皮厚薄得宜有韌性，足夠承住湯汁不漏，食落又煙韌，不會一口粉兼糊口。如個米醋更夠濃則更佳。🫓手工豆沙窩餅🫓甜而不膩，脆皮甜餡一口咬下卡滋卡滋音，讓人欲罷不能。總結，超級抵食，質素又唔錯，豆漿仲係任飲𠻹！

早前去荃灣吃手工生煎包店，全人手製造新鮮即整，餐牌有有套餐價，覺得價錢平民抵食，性價比不錯～裡面侍應姐姐都好nice!!招牌生煎包 $20/2必試招牌菜～傳統方法人手包制。包底煎得香脆金黃，脆卜卜！皮脆餡嫩，豬肉好香，食生煎包時候要小心湯汁，湯汁熱辣辣而且多汁，會噴射爆汁～面頭有芝麻，增加了香味。原味小籠包 $40/4餐廳最近新品，小籠包食用時小心，一咬落去差啲俾湯汁燙到!!小籠包肉汁多好新鮮~值得一試～麻醬手撕雞絲粉皮 $24喜歡夏天食粉皮，涼浸浸好舒服～水晶粉皮食落彈牙清爽，煙煙韌韌～有一定厚度!!麻醬醬汁濃稠，撈雞絲青瓜絲一齊食好夾。招牌擔擔麵 $42推薦!!好食~好香濃花生味!!醬汁比較濃稠，每啖都索哂汁，好惹味!!重口味必食~生炸雞扒 $22豆漿 $8叫了個小食，炸雞扒不會很油~