元朗合隆潮州粉麵 (新文華中心)

Open Now

Now Closed

今日去到尖沙咀東部搵嘢食，見到想食好耐嘅元朗合隆潮州粉麵，就一於入去試下最出名既豬什粉一嚟到先是一啖湯先，佢用咗好重嘅胡椒湯底，辣辣地好過癮，佢所有嘅豬雜都好新鮮，唔會有臭味洗得好乾淨👍🏼每樣嘢都好爽口，再加上佢嘅辣椒油，增加香味再試多佢一個紫菜牛肉餅，今次係清湯，兩個湯都分別好大，啱晒小朋友食，牛肉餅好彈牙，數量都好多，紫菜唔會有沙，不過有少少散留意番如果唔食芹菜蔥嘅記住叫佢走，因為佢每日點都會加

午市精選套餐 A餐 $58 馳名葱油雞飲品$5 紙巾$3有碗腐皮紫菜丸湯先上，好有誠意有腐皮一大塊，滿滿紫菜，仲有粒魚蛋同魚皮餃。我想講全部都好好食❤️魚蛋好彈牙，腐皮係𡃁腐皮，吸湯汁又好咬口，成份飲落好似無味精，有胡椒粉，好飲，我差不多清曬。之後飯好大碗，雞好大份 目測有1/4雞 樣望落去雖然係麻麻，但食落有驚喜。個雞好嫩滑 同雞皮一樣好易入口融化（睇個人口味，我比較鍾意淋身啲既口感）對我黎講好味雖然姐姐俾左沙薑汁我 但都係一樣 睇自己鍾意

香港食市貴呢就係人都知道喇。 就冇諗過呢個六十幾蚊嘅泡飯。 嗰啲飯可以少到咁樣，食物嘅份量系可以少到咁樣。（生菜魚肉果啲細膠碗）唉，正常食量嘅人，都食完陣風咁。落order嘅時候，多胡椒粉就變咗冇胡椒粉。蠔仔肉碎泡飯，得五粒半蠔仔。如果因為一定要喺尖沙咀開鋪而影響本身食物嘅質量啦，就自己搞衰自己個招牌，本來呢，曾經試過喺灣仔鋪食，令我滿有期待。 上次試完尖咀鋪啲豬雜粉。 餸超薄，如紙張。諗住俾次機會再試吓其他食物。 點知？傻仔，再冇下次。囉哦

#元朗合隆潮州粉面hmmmm. i dont think thats a good place to eat. quite dissappointed for their food. lets cut the crab.1. soup is too strong pepper. completely over dose with pepper. too spicy and without any meat flavor.2. pork liver is no clean and not fresh. it taste slurry and in elastic. very dissappointing. 3. their wine chicken is ok. but portion a bit small.overall bad quality. wont be back bye.#food #hkfood #hongkongfood #台灣美食 #ukfood #ausfood #馬保國 #香港美食 #深圳美食 #hkfoodpoet #閃電五連鞭

今日去完大酒店，馬上去尖沙咀東食下野旺一旺，行過比佢餐牌部分食物吸引，店員又話無落味精，咪入去試下味道(3分)— 好似系無味精，— 胡椒湯底太辣，食吾到胡椒香味。— 豬肉丸系幾鮮味，羊肉同牛脷都無乜味環境(2分)—比較老舊。服務(2分)—都OK啦！系無熱水供應嘍，仲有最低消費$30衛生(1分)—本來基本OK，但食食下落雨，一個女店員拿起一張捲起的地毯放系客人檯面打開，地毯底系檯面，之後亦無抹。抵食(3分)— 系尖沙咀都OK

先不去深究這店的發源地是不是元朗，但這小店已開枝散葉，在香港及九龍多區也有分店。下午的lunch time 是這裡的勁繁忙時段，很欣賞幾個女士忙碌而有條不紊的為顧客安排座位。看似不簡單的點菜紙其實很簡單，當是車仔麵般order 便可。我選了雙併、白胡椒湯、米粉。雙併的餸豬肚和豬粉腸，白胡椒湯都幾辣，邊食邊流汗，覺得其實天冷食會更合適！豬肚和粉腸爽彈，但因為切得幼細，份量就顯得多！香芹惹味，很滿足的一碗湯粉！

Iunch time 又到啦！去左間潮州粉麵、雖然元朗先有、不過佢現在開分店去到尖沙咀都有得食、所以入去試下啦湯底一流、可以為左個湯底值得一試👍🏻60-70年代的裝修🤣🤣魚餃鮮甜、豬大腸滑嫩、厚實、魚片頭一般😀、旦湯底有好重胡椒味、暖胃開胃、飲完湯會發覺全身暖洋洋、冬天食一流👍🏻牛丸、墨魚丸就一般、冇咩特別、旦個豬耳爽脆、湯底濃郁豬骨味、煮至鮮奶白色、上盛的老火湯、啖啖鮮甜、芬香撲鼻👍🏻

【油尖旺區】【元朗合隆潮州粉麵】好耐冇寫過 1am紅館 系列，一部份原因係想顧及返其他區域嘅需要，另一部份原因係之前紅館嗰頭嘅餐廳食肆好似都已經穩定咗，再重寫好似有啲 over 咗。不過經過武漢肺炎之後，又好似洗過吓牌，我又可以寫吓佢哋喇喎。而轉舖轉得最快嘅其中一度梗係新文華中心，呢幾年嚟都見證佢嘅轉變。而呢間「元朗合隆潮州粉麵」插旗，我點都會去會一會佢。叫咗碗 $58 嘅「豬什豬油撈」，有豬雜食係過癮，不過個撈麵平庸咗啲，冇乜特別咁囉。我仲加 $15 要多「鮮牛脷」呢個餸，佢放埋喺個湯入面，夠濕潤，幾好食嘅牛舌嚟。面對呢個白胡椒湯底，點都要叫嘢飲，我叫咗 $12 嘅「金銀菊花茶」，枝裝，好似係自製嘅，唔錯。夾埋 $85 亦都唔貴，促成咗我再食一次。碗 $55 嘅「花雕鮮醉雞麵」我係要油麵，還好啦我覺得。再用 $48 叫特色小食「胡椒芫荽湯牛肉餅」，其實好似普通牛丸呀牛筋丸呀嗰啲打成一塊塊咁，okay 啦。飲 $12 嘅枝裝「香滑豆漿」，可以，今次食咗 $115 就好似小貴。。。（地址：尖沙咀科學館道14號新文華中心地下10-11號舖）#1amfoodie #foodie #hkfoo

有一次去尖東附近做嘢，趁有時間同個朋友再去覆桌食多一次呢間潮州麵館，因為想試吓其他湯底嘅味道，可能因為仲係算做農曆新年假期附近，所以唔算太多人。今次就想試吓佢個豬油撈飯，所以叫咗一個豬什拼豬油撈飯，豬油嚟到其實都幾大碗，裏面真係幾足料同幾多唔同嘅款式，豬油撈飯基本上個香味實有嘅，簡簡單單豬油加豉油，雖然都明白會好唔健康同埋比較肥，但係都係希望豬油可以再多少少，因為撈起上嚟啲飯感覺唔係好夠豬油味。朋友就叫咗個豬骨湯底嘅麵，加咗腐竹，魚角，同埋牛肉，我試過個湯底都好香，下次我都會食呢個湯底。另外叫咗個清湯牛肉餅做小食，同埋一個冰鎮墨魚頭小食，兩個嘅味道都好好。

又係去開尖沙咀嗰頭做嘢行到去尖東嗰度想同個朋友坐低食啲嘢，不過上次講咗唔會再去食嗰間牛腩牛雜，所以就行過少少試吓，呢一間粉麵店，其實個人嚟講個外表裝修真係唔係好吸引，嗰種懷舊風味有少少尷尬，不過重點當然其實係講緊佢嘅食物。我叫咗個胡椒湯底牛脷豬脷墨魚頭麵，第一樣嘢係胡椒湯底有驚喜，跟住有得選擇嘅呢三個餸亦都唔係成日都有，所以係食得開心好味嘅。另外叫咗個牛肉湯餅做餸，佢嗰個湯亦都唔錯，牛肉餅本身係有驚喜嘅。跟住仲有叫咗個醉雞，份量方面有啲偏少，但係味道方面都係唔錯。最後忍唔住加咗個炸鰻魚皮，呢個味道都好香，亦都好夠脆又唔唔會太韌。總括嚟講全部都係比想像中好，所以好大機會會再返嚟食過。

朋友的介紹, 說附近開了一間很好吃的粉麵.我們正好趕及在店家關門前到達, 店家友善的接待了我們.門面相當易認, 是那種懷舊的綠色拉閘, 與店內懷舊裝修互相呼應.快速的下單後就靜候美食的來臨.潮州珍珠蠔仔+紫菜+墨魚丸白胡椒湯米粉.白胡椒湯味道濃郁, 蠔仔粒粒飽滿也鮮味十足. 紫菜的味道也較別的店家好, 墨魚丸也夠彈牙, 我把湯也幹掉了.要讚的是配角"芹菜粒"好香, 將整碗粉麵提升了另一個層次.總括來說是我喜歡的style!😆

這間新開的潮州粉面，裝修感覺似上世紀的大排檔那種，特別是那些屋村用的小瓷磚，配上綠色鐵框，另有一番風味第一次見潮州粉麵，可以好似車仔麵咁樣，自由選擇，而且佢哋嘅胡椒湯底可以選擇辣同唔辣湯底可以選：米粉/河粉/油麵/銀針粉又或者配 豬油撈：撈米/撈麵/撈針/撈河/撈飯/白飯食物種類，主要都係牛肉同豬肉為主，豬什部份比較多內臟可以選擇，例如豬肺，呢個真係唔容易喺其他地方可以隨便叫到，還有傳統的牛肉餅我們兩個點了兩碗，個湯底好正，大家一定要試

短評：價錢合理，店員有禮貌，未有想像中咁好食平日1點黎食，前面有2枱等緊，等左10分鐘左右就入得店員好禮貌，填好紙仔比店員，幾分鐘就有得食呢間舖響大半年前比Ricky介紹過，當時淨係得灣仔一間店，變到而家已經有4間店。今次揀左大碗既豬雜米，招牌胡椒湯，$58響門口等緊果陣已經聞到一陣陣胡椒味，碗麵一上枱，胡椒味更加明顯。豬雜包括豬心，豬肺，大腸，粉腸，豬脷，豬耳，豬潤，豬肚，種類幾大路，每款大約2件，食得到豬內臟微微既甘甜，應該係新鮮貨。當中較出色既係豬潤同豬心，其他就無令人有印象，合格水準。講番湯底，胡椒湯底，第一啖已經覺得辣，但仲飲得到豬骨既甜味，但食多兩啖，基本上得番胡椒既辣味，雖然主打係胡椒湯，但太過量反而失去平衡，食到尾有少少辛苦。後尾先見到有豬骨清湯揀，不過要加$3。比較平衡既胡椒湯底大概可以參考新加坡松發肉骨茶，胡椒昇華到個湯底，唔會令湯底過辣。總體而言，唔差但未必再黎，如果好有神心食豬雜麵，應該會去西環一帶食。

呢間係間新開嘅粉麵舖😝😝，咁啱想食下啲粉麵嘅野所以就入左去試下。 叫做個花雕鮮醉雞湯河粉。個份量幾多，調味都幾入味，但係就太油膩，啲雞都有啲肥。嗰胡椒湯底真係好嗆、好辣🌶️🌶️，其實我食到一半都開始頂唔順🙈，但都其實幾惹味、幾有潮州特色。個河粉一般般，煮得太𣺉，口感唔太好。

平時粉麵店通常都離唔開魚蛋河雲吞麵咁...呢間嘅選擇比較另類，有牛肉餅，珍珠蠔，墨魚頭，羊肉同豬什...湯底方面除左清湯有胡椒湯麻辣湯，最正有銀針粉揀！之前試過胡椒湯底真係堅嗆，唔係人人頂得順咁刺激～今次外賣點了清湯珍珠蠔，爆汁牛肉餅，鮮牛肉銀針粉！清湯湯底係奶白色嘅豬骨湯，濃郁帶有胡椒味配銀針粉食都足味唔會太咸；珍珠蠔粒粒脹卜卜，新鮮唔會有臭味；鮮牛肉即使浸係熱湯到都唔會靭，新鮮都有牛味；爆汁牛肉餅就誇咗，雖然無爆汁，但好彈牙，味道似食靚牛丸咁！整體配料係新鮮，粉麵都可有另類選擇！