一喜車仔麵

Open Now

Now Closed

平時成日去土瓜灣搵嘢食，呢間車仔麵第一次試，估唔到比預期好食佢有好多特別嘅配料，喺出邊比較難食到，湯底好清甜唔係落味精個種嗌咗幾個餸份量都好多，仲叫咗個椒絲腐乳通菜都好好食腐乳好多味道好香，見佢有個汕尾小米粿好得意，好奇係咩嚟嘅，原來係豬肉粉果第一次試最驚艷係佢個瀨尿牛丸咬流落去真係會爆漿姨姨怕我唔夠食推薦咗佢哋嘅炸單骨雞翼，炸得幾酥脆，好似有啲南乳味咁好惹味整體嚟講覺得佢哋好足料好有心做，會成日過嚟食

一喜車仔麵好多花款，勁多配料，湯底，小食。眼花撩亂，店員親切，qr code落單，簡單易明！豪華九寶車仔麵，已經有哂指定配料！豬紅嫩滑，墨丸有粒粒墨魚好有質感又夠爽彈！蘿蔔無渣帶清甜，另加左份水魷魚，爽彈有咬口！配了香辣咖哩汁，相當惹味又開胃。另一特色係好多小食，咖哩魚蛋16蚊12粒，魚蛋夠爽第，魚肉夠多，配上惹味咖哩汁好惹味，非常抵食！潮式小食相當煙un, 非常好食。香辣單骨雞翼夠啖啖肉，炸得香脆但又唔油，夠香口有水準。腐乳通菜夠翠綠，清新清爽，好新鮮又夠靚既通菜。另外外賣可以request用上靚靚既包裝，呢度既黃金雞湯超正，不得不打包。

🌟餐廳：一喜車仔麵📍地址：土瓜灣北帝街31號地舖💰價位：$50～$100⏰營業時間：星期一至日 11:30 - 21:30📱電話：23288030識我嘅朋友仔都知道我好鍾意食車仔麵，除咗食物選擇五花八門，而且又可以試勻唔同餸菜，飽肚又方便，今日就去土瓜灣呢一間「一喜車仔麵」，試吓佢哋既特色車仔麵先～———————————————————🔹汕尾紫菜四寶 （淨送 配 黃金雞湯）係一碗好傳統嘅潮州紫菜四寶～先講個湯底，用上用鮮雞熬製嘅雞湯，金黃色夠晒吸睛，飲落淡淡雞肉嘅精華，夠晒濃郁！四寶丸有齊有魷魚既魷魚丸、爆汁手剁牛筋丸、汕尾馬鮫豬肉丸及汕尾手工小米粿，材料豐富，特別係汕尾小米粿，口感煙靭，類似潮州粉果嘅外皮晶瑩剔透，餡料讓入豬肉香蔥等配料，好出色！———————————————————🔹自選車仔麵我哋仲叫咗一款四餸車仔麵～揀咗蘿蔔、柱侯牛腩、豬紅及午餐肉配公仔麵，加埋秘製腩汁，大滿足～特別推介呢度既柱侯牛腩，啖啖肉柱侯味濃郁，炆得夠入味！———————————————————🔹生菜魚肉另一款小食，我哋揀咗生菜魚肉！份量十足，魚肉大大件口感滑順，搭配新鮮爽脆嘅生菜，值得一試！——————

呢日心血來潮想食車仔麵，平時見呢間鋪頭都幾多生意，水準應該唔錯，就決定將我嘅晚餐交比佢啦😆自己本身好鍾意食魷魚類嘅食物，所以一見到水魷($13)就嗌咗，至於牛腩($15)就係評價一間車仔麵嘅最佳配菜，要做到入味又唔過鹹、軟淋得嚟帶點爽口嘅肥膏，都唔係咁易😛另外當然唔少得我每次食車仔麵同米線都必點嘅蘿蔔($10)😋食物嚟到嘅時候的確有考慮過係咪要叫多樣小食，因為個碗都比較細🤣牛腩雖然調味幾好又軟淋，但會有成舊肥膏黐住啲肉，甚至喺5小舊當中有一塊完全係脂肪，而且每舊都切到好細，所以真係冇咩肉食、唔太抵😗水魷份量就幾足，係就係夠爽口，不過有啲硬，但呢種口感好唔好真係見人見智，所以我就唔多作評論🙈蘿蔔就值得一讚，無渣得嚟有少少蔬菜嘅甜，而且炆到好淋，個人嚟講係幾滿意👍🏻麵底份量就比一般米線少，但其實佢嘅底價唔太貴，而且都煮得幾彈牙，如果要解決份量嘅問題就要考慮下加底🤣

因為呢間車仔麵嘅小食太出食，所以就講咗小食先🙈咖喱三寶啲咖喱好香口濃味。最鍾意係魚蛋，大大粒又彈牙！牛栢葉同魷魚都煮得岩岩好、唔老、唔韌。生炸潮汕三寶就有馬鮫豬肉丸、魷魚丸、墨魚丸。 食落唔油膩，而且好食得出唔同肉嘅口感同味道🤩唔係方間嘅大路 ‘丸味’炸韭菜餃，係餐廳自家製，皮薄而且餡料好足😋1️⃣車仔麵: 麵底: 油麵 扣底湯底: 腩汁餸: 豬紅、蘿蔔、瑞士汁雞中翼、豬手2️⃣車仔麵: 麵底: 油麵 扣底湯底: 腩汁、麻辣汁餸: 豬紅、豬皮、蘿蔔、牛栢葉油麵口感唔錯，腩汁湯算係好濃個啲，但都好香😋如果食得辣嘅一定要加麻辣汁，好有花椒嘅麻香，唔會係死辣，辣得有層次!! 餸就推介蘿蔔、豬紅、豬手🐖一間車仔麵最簡單就睇佢哋嘅蘿蔔，就知佢哋有冇心機做！蘿蔔好清甜冇渣☺️豬血好身、好吸湯汁！而豬手就炆得好淋同入味酸梅汁味道調校得適中，唔會太甜。

食到呢一間嘅時候，我真係有嗰種"哇"嘅感覺！🍲 首先，啲車仔麵選擇多到你眼花撩亂，嗰種感覺就好似小朋友入到糖果店一樣開心。我揀咗碗鴛鴦麵，底下係混合咗辣嘅豬骨湯，啖啖肉感十足，湯頭夠哂kick，飲落去仲有種暖笠笠嘅感覺。 邊款配料都做得好出色，特別係嗰啲自家製嘅魚蛋啊，彈牙得嚟又唔會太硬，咬落去感覺到魚肉嘅新鮮。仲有牛丸呢，真係軟腍腍嘅，同時保持到肉感。至於麵，我選咗粗麵同埋河粉，兩者嘅口感都好對路，真係好扎實！ 邊食邊諗住我點樣可以形容呢個味道給大家聽，但講真，有啲嘢你真係要自己試吓先知有幾正。環境上，雖然簡單但搞笑嘅廣東流行曲令人心情都好輕鬆。食物味道、價錢都係平民至上，下次有機會一定要再嚟！🥢🥣

位於土瓜灣北帝街既特色小店車仔麵鋪店內大概25個坐位左右，位之間不會太迫Menu 到好多餸選擇，比一般車仔麵鋪多（豆卜蘿蔔酸𪗋米粉）+沙嗲汁湯底比較濃味，沙嗲汁都好味，佢啲餸入味，米粉就偏淋一點（朋友叫左個紅腸豬腸豬皮粗麵）+腩汁小食（生炸潮汕三寶）有墨魚丸，豬肉丸，魷魚丸好食值得一試另外佢有辣菜圃，但佢比較偏辣，喜歡吃辣的可以一試少少

去到北帝街，好多餐廳選擇，但可能撞正lunch time，成條街都係人，每一間都座無虛席，最後揀咗食車仔麵。食車仔麵，最好就係坐低想食乜就叫乜，舖頭細細，已經有晒我想食嘅嘢🍜今日朋友叫咗淮山麵，我就要淨餸，對我嚟講最吸睛嘅係「有魷魚的魷魚丸」「胡椒豬肚丸」「深海粒粒墨魚丸」同埋「汕尾小米粿」。其實本身對車仔麵都冇乜特別要求，只要佢比齊啲餸我就OK，但呢間都真係比好足料去做，menu上推介嘅魷魚丸真係食到有魷魚粒🦑好彈牙！基本上佢嘅胡椒豬肚丸，就食到有胡椒豬肚；墨魚丸就真係食到有墨魚，而且每一款丸都真係好彈牙，絕對唔係嗰d得嚿麵粉嘅丸🧆另外再叫咗汕尾小米粿，佢話用咗薯粉、五花肉，同馬駮製成，食落真係好Q彈，十足家鄉小食食到飽飽之際，老細叫我幫佢買個小食外賣，幫佢揀咗個單骨雞翼，同埋椒鹽魚片頭，佢個外賣包裝令我哋最驚喜，竟然係一個好似罐頭嘅包裝(+$3的，真係好似開罐頭咁揭蓋😍)真係超可愛！拎到返公司仲係熱辣辣架！♨️

經土瓜灣地膽介紹，有間必試既高質車仔麵店，鋪頭主打特色潮汕小食，而且好多食材甚至麻辣汁都係自家製作，啖啖食材都充滿老闆心機❤️汕尾小米粿．炸有魷魚的魷魚丸．菜芯油麵（麻辣汁）$45汕尾小米粿以豬肉作餡料，外皮用蕃薯粉搓成，煙煙韌韌，普通車仔麵店好少見到呢啲特色小食🧡另外魷魚丸真材實料，真係有粒粒魷魚，口感彈牙，超推薦❗️酸齋．汕尾馬駮豬肉丸．咖喱魷魚油麵（咖喱汁）$46汕尾馬駮豬肉丸又一店內招牌潮汕小食🐷入口Q彈有勁道，將馬駮魚肉混合豬肉打成，味道既帶魚鮮又有豬肉香味🐟 咖喱魷魚爽口，咖喱汁帶微辣，非常惹味🌟 酸齋酸酸甜甜，而且跟湯另上，唔會浸晒湯淋晒🤣紫菜豬扒米粉（清湯）$35豬扒都值得一讚🐷老闆娘表示豬扒每日新鮮醃製，食落有口感唔會過淋，而且豬扒係甜炸，即使放湯都仲表面保持少少香脆韭菜豬紅 $24豬紅軟硬度適中，非常入味冇腥味，滑嘟嘟，配埋韭菜好好食香辣單骨雞中翼$28單骨雞中翼食得方便，炸得香脆入味，雞翼仍保持肉汁，帶少少辣味好開胃生炸潮汕三寶 $39汕尾馬駮豬肉丸．炸有魷魚的魷魚丸．深海粒粒墨魚丸粒粒都係人手新鮮打成，粒粒都炸得香脆，口感彈牙，絕冇偷工減料，食得出同坊間好大分別炸韭

🙋🏻‍♂️餓底探員今日去咗土瓜灣調查呢間潮汕車仔麵，麵店有多款手工丸，由資深老師傅手工捶打而成，每款手工丸都用料十足，用心製作，充滿傳統風味，而且價錢親民，店員細心介紹食物，非常好客，充滿人情味嘅一間麵店👍🏻🍡咖喱魚蛋 $16📸表示個咖喱魚蛋一份有12粒，每粒魚蛋都好大粒，配上用咗數十款香料嘅自家秘製咖喱汁，而且限量發售，每人每日限購兩份🙋🏻‍♂️表示個魚蛋用咗八成魚肉兩成麵粉製成，口感非常彈牙，味道鮮甜，咖喱汁味道香辣，夠晒惹味，食到停唔到口，真心推介👍🏻🐟椒鹽魚片頭 $26📸表示個魚片頭每件都切成三角形，炸到脹卜卜，配上椒鹽，聞起嚟香噴噴，好吸引🙋🏻‍♂️表示個魚片頭口感彈牙，味道鮮甜，食落同魚蛋好似，多咗份香口嘅感覺，配上椒鹽令個魚片頭更加惹味🍡生炸潮汕三寶 $39📸表示個潮汕三寶每樣有3粒，分別有：🐖汕尾馬鮫豬肉丸，金黃色粒丸方形咁嘅🍡有魷魚的魷魚丸，白色入面有魷魚同蔥粒🦑深海粒粒墨魚丸，金黃色好似粒魚蛋咁🙋🏻‍♂️表示個潮汕三寶都係手工捶打而成，口感爽彈有咬口，喺味道方面，各有特色：🐖豬肉丸，加咗馬鮫魚，食落豬肉鹹香仲有魚鮮味🍢魷魚丸，入面有魷魚粒，味道鮮香，層次感豐富🦑墨魚丸，充滿

1. 車仔麵 （3餸：炸有魷魚的魷魚丸 、秘製菜肉餃、生炸豬扒；配秘製黃金雞湯；米線 ）秘製黃金雞湯好香濃雞味，湯入面仲加入南瓜令到個湯底更加清甜，飲落更加有層次；米線食落好滑，口落好彈牙；炸有魷魚的魷魚丸表面好香脆，入面好多魷魚粒，好有魷魚既鮮甜，食落好彈牙；秘製菜肉餃餃皮好薄，肉同菜比例啱啱好，粒粒餃子都好飽滿；生炸豬扒好腍但都有咬口，豬扒醃得好入味，同埋炸得好香脆。🌟評分：9/102. 車仔麵 （4餸：紫菜、豬大腸、牛腩、肥牛、豬腩肉；配沙嗲汁；公仔麵）沙嗲汁好香濃；紫菜份量好多，吸滿曬湯汁；豬大腸冇異味，炆得好入味好腍，大腸肥瘦適中，而且好厚切；牛腩肥瘦均勻，肉質鬆軟，牛腩炆得好香；肥牛同豬腩肉份量好多，味道正常冇乜雪味，豬腩肉肥膏好爽口，唔會覺得肥膩。🌟評分：8/103. 淨丸（炸有魷魚的魷魚丸、炸墨魚丸、炸馬交丸）所有丸類都係每朝人手新鮮打成；炸有魷魚的魷魚丸表面好香脆，入面好多魷魚粒，好有魷魚既鮮甜，食落好彈牙；炸墨魚丸由新鮮墨魚打成，比起其他鋪頭更加有墨魚味；炸馬交丸出面比較少見，食落有一種獨特嘅香味，口感比較似豬肉丸，非常值得一試。🌟評分：8/104. 汕尾小米粿8粒

今日諗住食近近哋一間車仔麵，果然有驚喜！入到去地方唔大大廈去到乾淨衛生，而且好多人等外賣🧍🏻‍♂️🧍🏻‍♂️🧍🏻‍♂️佢哋嘅招牌車仔麵真係一绝！麵條煮得剛好，彈牙有嚼勁，同埋入口即化。湯底鮮濃，正宗香港風味，令人回味無窮。仲有個選擇，可以揀炒麵或者湯麵，滿足唔同口味嘅人。而且會有各種不同嘅配料🤩🤩🤩小食亦係絕對值得一試！脆口雞翼係其中一款人氣小食，皮炸得金黃酥脆，內裡肉質嫩滑，鹹香味道岩岩好。🔥🔥🔥韭菜餃，外皮煎得香脆，內裡韭菜嘅鮮味同肉馅嘅鮮美相融合，口感豐富。🤝🤝🤝

呢間車仔麵食物選擇多，座位都幾多，餐廳老闆好nice,推介我地食紫菜四寶丸，潮汕特色既牛丸，魷魚丸，入面好多都係自家制比較特別既丸，值得一試，我地仲揀左好濃郁既雞湯湯底好大碗同足料嫁，小食推介單骨雞翼即叫即炸好香脆，另一碗叫左勁大塊既豬扒，魚蛋彈牙仲有銀針粉都好特別，仲有深海魷魚丸好大粒同彈牙爽口，咖哩魷魚三寶咖哩醬汁特別都係值得食既食物入面牛栢葉都幾多，咖哩魚蛋小編推介，飲品更有自家制涼茶系列解渴精選。

小店的車仔麵配料相當多選擇，而且別具特色，有別於一般的車仔麵店。必試瀨尿牛丸、魷魚丸、小米粿、馬駮豬肉丸，小食生菜魚肉，香辣單骨雞中翼亦相當岀色。香辣單骨雞翼外層香脆，內裡肉汁豐富，肉質嫩滑，非常惹味，必食推介生菜魚肉魚肉每日新鮮自家製造，打至彈牙爽口，魚香四溢，絕無粉感炸豬扒即叫即炸，外層酥香，內層肉質鮮嫩肉汁豐富，有驚喜汕尾小米粿汕尾小米粿外皮QQ，口感煙韌，餡料豐富 ，豬肉加上大地魚，非常香口特級瀨尿牛筋丸爆漿牛丸，滋味滿分，超彈牙，咬一口，中心內的牛肉汁精華向四面八方濺岀汕尾馬鮫豬肉丸魚味濃郁，一試愛上！味道非常特別，魚肉和豬肉混在一起，炸過後香脆可口茉莉花茶零糖零卡零脂，推介一喜車仔麵📍土瓜灣北帝街31號地舖

一喜車仔麵 (土瓜灣)土瓜灣北帝街31號地舖今次嚟到土瓜灣，好多住附近嘅朋友都同我講有一間區內超抵食嘅車仔麵，今次經過即管試吓💪🏻一坐低就即刻叫佢哋出名自家製嘅香醇豆漿, 少少甜而且豆香十足🤤 跟住仲叫咗佢哋馳名嘅車仔麵,湯底濃郁👍🏻 配菜都唔錯,今次就叫咗咖喱牛柏葉魚蛋&韭菜餃&豬紅, 佢哋嘅咖喱超級入味,魚蛋亦都非常彈牙爽口，豬紅仍然非常有彈性唔會一夾就散😍 韭菜餃子皮薄餡多。而且價錢亦都非常親民