一喜車仔麵

Open Now

Now Closed

依一間餐廳，所有嘢其實都幾好食，咖喱三寶都辣得幾過癮，咖喱味好好食，同魚蛋、柏葉、魷魚非常之夾。另外佢生炸潮汕三寶同椒鹽魚片頭都好正，魚片頭都係自家製，非常足料。雖然呢一間係一間車仔麵店，但係如果你唔想食車仔麵嘅話亦都可以叫淨餸，因為佢啲餸真係好好食，再配埋佢嘅湯底就更加正。我特別推介佢嘅瀨尿牛筋丸，因為真係超級爆汁，當然佢生炸豬扒、紫菜同埋其他嘢食都好好食。另外，我會建議大家試吓佢嘅袋裝豆漿，因為佢個袋裝豆漿自家製嘅，所以飲落去好有質感，而且數量有限。