Video
Opening Hours
Today
10:00 - 22:30
Mon - Sun
10:00 - 22:30
Above information is for reference only. Please check details with the restaurant.
早陣子剛開業嘅時候一度排晒長龍，更有人話夜晚七點已經好多食物已售罄。等到今日熱情退，我哋晚上八點嚟到，唔使等位就有得食，食物任君選擇。食物方面，味道中規中矩，份量適中，適合輕食或小聚。照燒烤雞三文治的雞件大塊，肉質尚算Juicy且嫩滑，搭配的醬汁份量十足，但味道偏鹹，建議醬汁可以稍為調整比例。芝士咖喱白汁蝦仁以長通粉為底，但醬汁略嫌太多，味道不過不失，符合預期。炸雞及香脆薯角，炸雞只有3件，搭配大量薯角，整體份量合理。另一款芝士漢堡肉醬意粉，漢堡肉質地似係白烚而非烤焗，略為欠缺香氣，但意粉本身煙靭有咬口，口感不錯。飲品方面，果凍朱古力咖啡略為偏甜，但果凍部分味道突出，令人驚喜。哩度裝修風格仿如日本本店，氛圍舒適，partitions 得頗高，私隱度極高，枱邊更有插頭供客人充電，完美迎合需要在這裡長時間工作的顧客。點一杯飲品，就能悠閒地坐上幾小時，甚至拿出電腦慢慢處理事務，環境相當適合「磨時間」。
continue reading
今日day off就去komeda食個chill chill的decent午餐 嗌左$65拿破侖意粉 點知黎到好細份!(又話cp值高食到飽滯嘅==) 感覺被騙 but啲麵質幾煙韌蠻特別的 anyway我未飽所以嗌左菲佛嘅迷你冰與火 第一次食覺得好驚艷點解配埋楓糖漿可以咁好食 但今次已經係第n次食 可能是免疫了就覺得還好 總結一個人食咁多實在太飽太貴了啦ps心情日記 食飯就想影比男朋友睇食緊咩 好掛住佢arrr(uwu)
continue reading
🧊冰與火🔥 $65等得有啲耐64層嘅丹麥酥皮麵包上面有牛奶雪糕自己按需要落楓糖漿🥰本身麻麻酥皮，就咁食似食包會好濟而佢焗到好脆加埋雪糕同楓糖漿好好食！等左差唔多25分鐘先有🥲🍎蘋果批 都幾甜，有肉桂香同酥皮～
continue reading
餐單選擇小，晚上7點已經好多售罄，想了很久最後點選了意份, 但意粉上枱後我發現份量十分小，只是一小小碟（伴碟似的小碟），沒有伴菜，不能想像這是餐廳的出品！服務一般！味道還好！要讚嘅係有自動收費機！
continue reading
同姪仔黎到AEON搵食，見到3樓新開了KOMEDA COFFEE，當時已經係夜晚八點幾，見到唔駛排隊，就入去試下。座位係我最怕的梳化椅，見到啲細路仔踩到都覺污糟...另外，張椅郁唔到，感覺同張檯分得有少少遠。點餐都係自己QR code落單，不過檯上面都會有一疊餐牌比你睇，好齊，可以睇到晒食物的樣子。食物芝士咖哩多士好得意，咖哩係用咖啡杯裝，多士好多份切開左，等你容易啲食。齋食有啲寡，所以唔建議當主食～食時有啲論盡，因為好驚咖哩沾污裝麵包的籃，如果改用碟裝多士就好～KOMEDA漢堡$59都係新鮮熱辣辣整，不過覺得有少少貴，因為$59在MOS XXX可以食到一個餐...另外見到小朋友啲兒童餐都幾吸引。飲品咖啡係必點，跟餐加入$20。我見平時動畫主角會飲歐蕾，就試下，點知原來都幾多奶，如果唔鍾意奶味都係叫返經典咖啡比較好，可以自己調較奶的份量。欣賞個杯幾得意，同埋真係好夠熱，每杯咖啡仲會跟兩包小食。音樂農曆新年都過埋，但間餐廳不停播聖誕歌！唔通要配合返紅色嘅凳？付費出去埋單時，店員主動問我有冇AEON會員卡，咁我就以為可以儲分，於是開個APP比佢嘟。點知半個鐘之後去第二層買野，打開個APP睇下有冇優惠券，先見到原來會員APP有張KOMEDA八折券，真係唔明點解個店員冇作出友善提醒...---雖然唔駛加一，不過都有啲小貴，希望日後可以試到出名的早餐啦。
continue reading