鋿晶館

Open Now

Now Closed

🦐月半彎晶瑩鮮蝦餃 最鍾意呢啲肥嘟嘟脹卜卜嘅蝦餃😍首先餃皮薄到呈半透明 可以見到入面有塊大大嘅蝦肉口感彈牙爽口 好實在簡簡單單唔點調味料就食到佢最鮮甜嘅味道🤤🧄蒜香蝦春卷 唔知有無人同我一樣 細個每次去飲茶都會嗌佢✌🏻入口第一個味唔係蝦味唔係海鮮味而係蒜香味跟住就會feel到春卷皮超級薄咔嚓一聲超脆！配搭沙律醬又係另一種感覺🤪🥢名醬蒸鳳爪 我願稱之為升級版嘅豉汁鳳爪醬汁味道鹹甜鹹甜帶好少辣 鳳爪蒸到軟腍入味 食落好惹味㗎！🐮山竹牛肉球呢款絕對係經典之作牛肉球非常稔身嫩滑 重點係餡料配搭嘅馬蹄同埋芫荽增添咗少少爽脆口感同埋清新嘅味道食嘅時候點少少酸味為主嘅喼汁同埋豉油😭🤤🤤

平日朝早要返工去唔到飲茶，晚餐都可以照食點心架姐😛荃灣見到間點心小店，木系設計好明亮，不過注意嘅係2人去食多數都要搭枱架啦。入到去聽侍應介紹話呢到嘅師傅有好豐富經驗，分別係日本、米芝蓮酒店同連鎖酒樓都做過。聽完就更期待啦，點餐後得知點心係即叫即整，所以相對要返多啲時間👻🔸 蒜香蝦春卷（HK$28）炸物小食方面試左呢款春卷，外皮炸得好香脆，蝦肉都算大舊，食落仲有少少嘅蒜香味飄出🍤🔸 香脆蘿蔔腸（HK$30）想食特別啲款式嘅腸粉，就可以試試呢款啦。滑滑嘅腸粉入面有炸成網狀嘅蘿蔔，中間仲有甜甜地嘅蘿蔔蓉，食得多幾舊都唔覺膩🔸 秘製叉燒包（HK$18）叉燒包嘅包皮自家製得黎同出面食開嘅口感有啲唔同，包裡嘅叉燒大大塊食落好香呢🔸 南翔小籠包（HK$27）小籠包嘅外皮厚薄適中，入面唔算超爆汁，不過食個陣都要小心啲太熱呢。每一個小籠包底下都有塊薄瓜，配返食都唔錯🔸 上湯牛肉球（HK$30）有上湯浸住嘅牛肉球好少見呢，牛肉食落都好彈牙，清清地嘅口感