阿久根和牛拉麵屋

Open Now

Now Closed

係旺角想食牛拉麵，一定諗起#阿久根和牛拉麵屋，就係廣華街，小店日式裝潢，好有拉麵店既氣氛✨吧枱望住入面既師傅製作唔同款既拉麵，真係流晒口水🤤好多款都好吸引🤩炙燒豚肉、慢煮雞肉、燒和牛…🍜黑蒜濃湯生牛肉拉麵，好少機會食到生牛肉既拉麵🥹要試試，生牛肉大大塊，加落啲熱濃湯浸浸就半熟食，好嫩好滑😻肉質正之餘，最緊要加埋大葱絲、拉麵胡椒食，又惹味又重肉味👍🏻正😎黑蒜油湯，好香好吸引，濃到爆😌亦係最多人叫既選擇，配麵，幼身重蛋味，掛湯後感覺好豐富🥳配料都唔少野，糖心蛋真係爆蛋汁，橙黃色蛋王好滋味😮‍💨加湯食正，沖繩苦瓜餃子，食落真係有苦瓜既苦甘味，好特別，外皮煎到金黃色，加埋豚肉同餃子汁酸甜苦咸都有幾得意，幾好味既👍🏻小店賣既就係心機同質素🫶🏻拉麵同配菜同小食都好高質，一於黎一麵入魂🙌🏻🙌🏻

阿久根和牛拉麵屋，位於旺角廣華街，拉麵小店，感覺幾和風🎌吧枱位置都舒服，可以望住入面既師傅整拉麵，我咁啱望就燒緊牛同剝緊糖心蛋🤤好正，主打幾款配料豚肉、雞肉、和牛，湯底好吸引🤞🏻黑蒜濃湯燒和牛肩胛拉麵，忍唔住揀左黑蒜油湯，實在太香太吸引😆啲黑蒜油好多，個湯就好濃👍🏻飲⼀啖就返唔到轉頭🥹必試，即刻要試麵，幼身有蛋味，幾彈牙，非常掛湯，勁好味❤️‍🔥淨係湯同麵已經超班，配埋糖心蛋，真 · 爆汁💦加落蒜湯食無得輸燒和牛肩胛，外面超濃牛油香，少少半熟口感好好，同蒜湯同大葱都係好朋友😘雞軟骨餃子，推介，長條形，外皮超級香脆👍🏻唔會太厚，餡料雞軟骨口感好特別，好味，配餃子汁都好正😋好高質既拉麵店🍜亦非常啱香港人既重口味，又濃又香又正，拉麵控召集喇喂😎

一人一碗拉麵+玻璃樽可樂，食拉麵飲可樂真係好爽🥰一邊飲可樂一邊等拉麵招牌三色拉麵🍜一次試曬慢煮A4和牛、慢煮薩摩鶏、燒豚肉，賣相吸引🤤和牛一大片，非常軟嫩，如果驚一片唔夠喉，可以直接叫A4和牛拉麵😬蝦湯飲落好濃厚，好香蝦味，而且一啲都唔油膩慢煮蕯摩雞拉麵🍜香濃又綿密嘅雞白湯好順滑，飲落好舒服😌軟嫩而不失彈性嘅雞肉切得好薄，加入黑胡椒粉更顯雞肉風味麵條中規中矩，夾雜葱絲緩和飽足感，而且口感清爽食拉麵點可以無溏心蛋呢🤭每碗拉麵都有半隻溏心蛋，唔夠都可以額外加仲有多款調味料可以自行調配啱自己嘅口味，食得辣仲可以試試香港製造嘅辣粉，有3款唔同風味🌶️