阿久根和牛拉麵屋

Open Now

Now Closed

同朋友睇完戲係附近搵食, 隨意入咗呢間日本麵食小店, 餐廳面積不大, 全吧檯座位, 雖然唔算坐得舒服闊落, 反而感覺很有日本地道拉麵小店嘅和風感覺, 食物水準至上, 而且全日免加一, 搶返唔少分數。呢度主打湯拉麵同沾麵, 另有數款小食選擇。沾麵隨餐奉上一張咭牌展示建議正確食用方法, 夠哂貼心!【人氣慢煮安格斯牛小排沾麵】HK$148自選: 濃厚味噌蝦湯味噌蝦湯以石鍋上, 如果可以再熱得滾下滾下就更好。味噌蝦湯味道如menu上所指嘅偏鹹一點, 味道鹹鮮易掛湯, 麵線QQ彈牙; 而主角安格斯牛小排分別有嫩紅刺身同埋炙燒過嘅熟和牛, 前者係咀嚼時食到和牛本身嘅筋絡, 後者口感比較林, 牛脂較出, 另配有原隻軟滑流心糖心蛋同埋京蔥。【味自慢炙燒豚肉沾麵】HK$115自選: 濃厚雞白湯幾塊表面燒得金黃有焦嘅厚炙燒豚肉, 選自五花腩, 肥瘦相間, 肥油層比例較少, 食落唔會感覺太油太膩, 肉質軟林有肉香。雞白湯同樣易掛湯, 濃郁鮮味。享用完沾麵後, 可以示意店員協助加清湯, 品嚐餘下湯汁精華, 因應個人喜歡嘅濃度而免費添加, 將整份沾麵餐盡吃, 滿足又飽肚。

又出廣華醫院，Lunch同朋友們嚟食拉麵主要食湯拉麵同沾麵湯底配料款式多，啱晒啲鍾意選擇嘅人 (me haha)▶️ 慢煮雞肉沾麵 Slow Cooked Chicken Tuskemen ($112)濃厚味噌蝦湯超濃郁🤩龍蝦味max唔算好咸，仲有好多櫻花蝦乾杰到有啲半啫喱狀，好掛麵👍🏻三片慢煮雞肉正常，帶有少少黑椒味糖心蛋正，蛋黃巨型，晶瑩剔透入味🥚加咗灸燒豚肉 (+$15) 🐷半肥瘦，脂肪入口即融，瘦肉鬆散沾麵粗身，咬落煙煙韌韌🍜好飽肚以大量香蔥同脆紫菜作點綴▶️ 牛舌芯柚子湯拉麵 ($108)期間限定🍋湯底的確重柚子味，甜甜地▶️ 招牌三色拉麵 ($138)配香濃海老湯三色包括雞肉、和牛、豚肉，真係一次滿足三個願望✨▶️ 慢煮安格斯牛小排沾麵 ($148)同樣配濃厚味噌蝦湯慢煮安格斯牛小排份量慷慨，油脂分布平均🥩▶️ 慢煮A4和牛叉燒拉麵 SlowCooked A4 Wagyu Ramen ($158)揀配黑蒜濃湯▶️ 烏龍茶 500ml ($20)-大愛佢個沾麵香濃味噌蝦湯🦐真材實料如果大家想飲晒個湯，可以叫廚師加高湯落去溝淡再飲用豚肉、牛肉、配料都做得好好每個麵用心製作，擺盤精緻，影相都

最近去咗旺角食拉麵-阿久根和牛拉麵屋，真係一個唔錯嘅小店，雖然細細間，但係就係呢種親切感，令人覺得好舒服1. 六週年限定：慢煮牛舌芯 (3pcs) 配柚子白味噌雞湯 $108呢個湯底真係好特別！柚子的清香配合白味噌雞湯，味道非常豐富。牛舌芯軟滑，與湯底配合得恰到好處。每碗拉麵都有個溏心蛋，蛋黃流心，為整碗拉麵增添咗層次感，真係好好味。2. 慢煮A4和牛叉燒拉麵 $158拉麵上嘅A4和牛叉燒好好味！叉燒肉質鮮嫩，濃厚嘅雞白湯令整碗拉麵更加美味，湯底濃郁但唔會太鹹，配合拉麵嘅口感，忍唔住飲哂成碗湯底。😋 3. 日式餃子（限定優惠）4 pcs $29餃子外皮薄脆，內餡鮮嫩，搭配醬油一齊食。

旺角多嘢食就係人都知，我哋為咗搵好嘢食成日捐窿捐罅咁就俾我哋搵到呢間拉麵店🍜啱啱開門已經差唔多滿晒位😝🍽️ 招牌三色沾麵呢間小店好有日本特色，見到隔籬左右都叫沾麵🍜我都唔執輸叫咗呢個乜都有嘅沾麵，好足料有齊佢哋嘅招牌A和牛、豚肉、雞肉😍而且個麵質感剛剛好，配埋熱辣辣同超濃口味味噌蝦湯😋生🦐湯汁！一沾放入口即大讚個湯汁好有蝦味🤤仲好濃厚🤤🍽️ 香煎大虎蝦拉麵食完沾麵，味道出色嘅拉麵店當然要食返個暖湯嘅拉麵🍜🦐我哋叫咗呢個出名嘅香煎大虎蝦拉麵試吓🦐個湯汁真係好鮮味，一口拉麵配個汁，鮮蝦味極濃真係好正，雖然我個人來講比較鐘意食沾麵🤪但呢個拉麵都有濃濃嘅鮮味！而且呢個香煎大虎蝦🦐燒到好鮮甜勁好味啊😍不得了呀！🍽️ 白桃烏龍茶 & 烏龍茶啲湯頭咁濃😋所以我哋都叫咗兩支烏龍茶味清清喉嚨，真係好好清新解渴🤤冰涼嘅白桃烏龍茶配熱辣辣拉麵🍜絕配～下次一定會嚟！

我真係好鍾意食拉麵，所以成日去試不同嘅拉麵，特別係超濃蝦湯嘅拉麵，絕對會吸引到我幫襯。今次嚟到旺角嘅呢一間餐廳，店面細細，但充滿着日本拉麵小館嘅裝修，好像身處日本去食一碗地地道道舒舒服服嘅拉麵。今次我哋叫咗兩碗唔同嘅拉面！味自慢灸燒豚肉蝦湯拉麵及招牌三色拉麵。兩碗拉麵都係用非常之濃嘅蝦湯做湯底，入口極度濃厚，好像跳咗落海一樣，非常濃郁嘅蝦海鮮鮮甜味。另外A4 和牛入口即溶非常好味。另外亦都叫一碟餃子，煎得非常之香口，非常滿足。

招牌三色沾麵驚豔登場！A4和牛，豚肉，雞肉滿足鬧市中的拉面店，濃郁豚骨香氣撲鼻而來，夾雜著炭火炙燒的焦香。品嚐招牌菜色，令人印象深刻是招牌三色沾面招牌三色沾面 沾面精髓在三種頂級肉料組合，和牛，豚肉和雞肉，經過師傅精心處理。A4和牛油脂豐腴，入口即化，豚肉軟嫩不柴，搭配濃厚沾面湯汁，層次感滿滿，雞肉低溫慢煮，鮮嫩口感。沾湯以大蝦湯熬製，濃郁不膩口，面條用粗麵，吸附湯汁能力一流，棒棒燒牛肩胛拉面 炭香風味，燒牛肩胛拉麵值得一試。牛肩胛肉高溫炙燒，表面微焦，粉嫩多汁，湯頭是雞湯，搭配細直面，味道平衡。將肉蘸辣椒醬，辛香帶出肉甜味 鹿兒島流心芝士薯餅 流心芝士薯餅，外層酥脆，馬鈴薯綿密與芝士濃郁，能拉出長長芝士絲！不油膩之小吃，作為拉面的配角，很合適店內環境簡約，滿滿日式氛圍，上菜速度快

This is one of my favorite ramen shops in Hong Kong. I’m really into strong, rich flavors, and their tsukemen totally hits the spot. It’s got a deep prawn taste, and the soup is super thick, which helps it cling to the noodles perfectly.The amount of protein in the tsukemen is just right. Not too much, not too little, so no complaints there. I’ve tried their ramen on a few different visits, and it’s nice, but I still prefer the tsukemen by far.The queue usually starts around 7 in the evening, so

香港大部分拉麵店都係叉燒做主打，想搵啲唔同主題嘅真係少之又少！不過今次喺旺角附近，竟然俾我哋搵到間以和牛做主題嘅拉麵店🧐 「阿久根」係乜水？間舖頭叫「阿久根」，個名奇奇怪怪又唔係咁易記。不過我八卦一查，原來佢係日本鹿兒島一個地方嘅名，仲係鹿兒島和牛同柚子嘅特產地添！🤯 聽到都覺得間舖頭老闆好認真，唔係求其改個名㗎！✨ 必試推介：柚子白雞湯牛舌拉麵 🐮🍋今次我叫咗個期間限定嘅柚子白雞湯牛舌拉麵，呢個真係今日最大驚喜！🥳 柚子果然冇負「特產」之名，個湯底帶住陣陣清新嘅柚子香，飲落去又清爽又解膩，超正！而拉麵上面嘅厚切牛舌，肉質爽口彈牙，咬落去口感好豐富，同個清新嘅柚子湯底配埋一齊，嗰種對比真係好特別，好值得試吓！👍✨ 朋友之選：慢煮安格斯沾麵 ⚫️🍜朋友就揀咗慢煮安格斯沾麵。佢個湯底有好濃嘅黑蒜味，嗰種獨特嘅風味，相信好多「黑蒜控」都會好鍾意！麵條煮得都啱啱好，點埋個黑蒜湯汁，味道好夠！😋✨ 小總結雖然我哋去食嗰陣係晚市尖峰時間，但樓面啲店員都好有耐性，服務好好！由帶位、落單、加水到埋單都好流暢，俾人感覺好遊刃有餘總括嚟講，「阿久根」係一間有自己獨特主題同堅持嘅拉麵店。個柚子湯底真係令我印象

店舖細細，可以坐12-15人左右，好有地道日式feel～招牌三色拉麵🍜三色指天竺肉、雞肉及A4和牛，採用了細麵，煮嘅時候應該有過冰河，所以口感比一般麵更彈牙，蝦湯濃郁，重口味人士必試，拉麵好掛汁，我欣賞有完整成粒溏心蛋，調味醬汁甜甜地，入面好軟心😍我尤其鍾意個雞肉，好軟嫩，完全無乾柴一絲絲嘅感覺，和牛都好深刻，個油花超多，分佈好平均，牛脂香好重，一啖拉麵一啖和牛好爽！無辣不歡的我另加了辣味肉醬(+12hkd)夠辣，增加拉麵湯的層次～

味自慢灸燒豚肉拉麵 - 湯底就選擇濃厚味噌蝦湯雖然店員話呢款湯底會偏咸，但我完全唔覺，仲覺得非常濃厚，味道啱啱好，拉麵吸收晒d湯汁，勁正，灸燒豚肉非常厚切，食落好淋滑，一d都唔柴，燒到外面焦焦地，好香口。招牌三色拉麵- 湯底就選擇濃厚味噌蝦湯呢款最啱貪心嘅我，因為有齊3款我最鍾意嘅餸，包括豚肉，雞肉同A4和牛，豚肉同雞肉質地好淋滑，完全唔柴，而A4和牛就好重牛味，肥瘦適中，呢款麵非常抵食。支裝可樂，好少地方有得飲，支裝特別夠汽，爽

謙謙開始放假話天氣熱唔想食飯，我話咁食麵囉！佢話好耐冇食拉麵，我就上網拉見幾多人推薦阿久根和牛拉麵屋就去左食。✡️ 唐揚雞件 ～ 一碟5件即叫即炸，肉嫩多汁。✡️ 慢煮 A4和牛叉燒沾麵 ～ A4和牛叉燒入口即溶， 呢度係用粗嘅拉麵去做沾麵， 沾麵汁香濃， 每條拉麵都可以掛滿汁。✡️ 味自慢炙燒豚肉拉麵 ～ 炙熱豚肉燒得好出色，豚肉帶一點點肥肉，入口帶點焦香味道一流，我呢碗係雞白湯底加辣肉碎，湯頭清甜中帶點微辣配上幼拉麵係我鍾意的質感。

煙廠街曾經有好多出名小店，依家變得7788，雖然覺得唏噓，但剩下來既都係經得起時代考驗，呢間拉麵店係其中之一。沾麵 VS 拉麵 ？ 沾麵較粗，有彈性，所以配濃厚味噌蝦湯先夠味。拉麵較幼，但由於湯底有油，食落似清爽油麵，係其他拉麵店少有 👍🏻，我投拉麵一票！🍜招牌三式沾麵：有齊A4和牛、燒慢煮雞、厚切豚肉。和牛充滿油脂香、慢煮雞有炭燒味、豚肉則啖啖肉好滿足😌。就好似劉備、關羽、張飛，互相輝映。🥢湯底：有蔥醬油湯、黑蒜醬油湯、白雞湯等等選擇。

舖頭細細大約十幾個座位, 平日lunch time都要等一輪先入到. 燒牛肩胛拉麵 $108黑蒜濃湯真係好濃. 牛肩胛燒過牛肉香味更出. 溏心蛋好夠入味, 半熟甜甜哋好食麵口感唔會太腍招牌三色沾麵 濃蝦湯 $148三色沾麵有齊炙燒豚肉、慢煮雞肉、慢煮A4 和牛, 岩哂選擇困難. 三款都好唔錯, 最欣賞灸燒豚肉, 厚切但唔會乾柴. 反而煮得腍身炙燒過好香, 比平時拉麵店薄身叉燒好食. 下次黎會直接選佢. 雞肉同A4和牛都唔錯蝦湯都幾濃稠, 沾麵係粗麵好掛湯阿波美雞皮餃子 $48以雞皮包肉餡, 如果皮再脆d 會更可口

自從食開果間黑蒜沾麵結業，已經好少去搵沾麵食。呢間話有黑蒜沾麵，可以一試。裡裡外外都好傳統既日式拉麵店，完全令你感受到果種”氛圍”。拉麵款式也不少，最留意當然係沾麵。人氣慢煮安格斯牛小排沾麵安格斯牛小排雖然唔係大大片，但一碗有成十片，個量都算多。最關心既沾麵用石鍋上，喜出望外，因為好夠熱，直頭滾，加上石鍋，令沾麵湯唔會即刻凍晒，影響整個體驗。黑蒜味唔霸道，入口反而似黑椒味多，熱湯底下都幾好食。比晒咭片教你最佳享用三部曲，不過我淨係沾麵已經幾乎食晒啲湯。招牌三色拉麵（豚肉、雞肉及A4和牛）三色拉麵有齊豚肉、雞肉及A4和牛，加埋糖心蛋同紫菜，賣相唔錯。拉麵湯揀左雞白湯，清香唔鹹，個人認為比較適合拉麵。

呢一間喺旺角嘅拉麵店，我竟然咁遲先發現‼️呢間舖頭鋪仔細細，但係一入到去就覺得有驚喜，因為真係好似行咗入去一間日本嘅拉麵小店咁，咁岩店員攞緊拉麵出嚟俾其他客人，香濃嘅蝦湯味撲鼻而黎🤤🤤難怪舖頭keep住有人等位啦！🫶🏻🫶🏻黑蒜生牛肉拉麵 🧄 $98黑蒜湯底味道香濃，入面嘅生牛肉，經過浸泡湯底之後，生熟程度啱啱好，口感腍得嚟牛肉味濃！我另外仲加咗$30加配 味自慢灸燒豚肉🐷，佢哋嘅豚肉同樣都好腍，而且好入味😋😋招牌三色沾麵🍜 $148三色沾麵嘅配料分別有豚肉🐷、雞肉🐔、A4 和牛🐮，非常豐富！三款配料都好食，其中A4和牛最出色，油脂感好重，做到入口即溶，極推介大家試吓！另外，呢一個沾麵嘅濃厚味噌蝦湯🦐都令人好驚喜！蝦味非常濃郁，嚟到嘅話絕對要試！🙌🏻🙌🏻烏龍茶 $20