Yadllie Plate 야들리애플래이트 (海之戀商場)

同朋友慶祝生日 ！ 地方都闊落 坐得好舒服好好服務，職員都好有禮貌點既野食都好味除左個冷麵普通左少少最後既生日蛋糕太有驚喜，第一次有餐廳會畫碟係自己買去既蛋糕到！！從來吾寫食評既我都忍唔住要寫返今次既體驗

餐廳位於海之戀商場2樓，鄰近地鐵站。餐廳環境十分空曠闊落，坐得好舒服，以西式風格為主，令用餐體驗良好。蜜味乳酪粉無骨雞（$128）無骨炸雞完全無骨，啖啖肉食落好滿足，雞炸過之後好香口，表皮炸得剛剛好，唔會太厚，內裏雞肉鮮嫩多汁，而蜜味乳酪甜甜酸酸，令炸雞味道更豐富。卡邦尼年糕（$108）卡邦尼醬好濃郁，有濃厚奶味，但同時唔會覺得油膩，年糕有兩款，分別是圓條狀及圓片狀，口感煙韌，配菜另有熟蛋及魚糕。烤牛肉水冷麵（$128）烤牛肉在水冷湯底下特別爽口彈牙，湯底清甜冰涼，夏日炎炎食特別開胃，此外有辣椒醬及酸菜絲佐，令味道層次更豐富，麵條放在冰水中都好爽口彈牙！火炙牛（$98）火炙牛賣點係即叫即燒，店員係我地面前用火槍以高温炙燒牛肉片，燒至表面焦香，而中間仍然半生熟，食落肉質鮮嫩多汁，牛味濃郁，佐料有洋蔥絲及蒜瓣等，配合食用更加香口。芝士蟹子蛋捲（$128）蛋卷表面以蕃茄醬及蛋黃醬裝飾成紅黃間隔，好睇之餘味道亦好豐富，蛋捲口感細滑豐盈，蛋捲已經切好一塊塊，入面的蟹子份量相當有誠意，每次夾起都多到滿瀉，配料有沙律菜。海鹽焦糖沙冰（$68）焦糖和海鹽的配搭意外匹配，令沙冰不會過甜。沙冰上的忌廉加上

Happy Friday想食炸雞，於是約咗朋友去荃灣海之戀Yadllie Plate食韓國野，餐廳主打炸雞，裝修新穎，如同英國火車卡，以深色為主調，高雅又時尚。見到餐牌琳瑯滿目嘅嘢食，樣樣都想試，我哋叫咗驚喜二重奏、魚介湯鍋、八爪魚煎餅、卡邦尼年糕、農家鮮泡菜及兩杯嘢飲，分別草莓乳酪梳打及玫瑰蜜桃果茶。驚喜二重奏分別有安格斯牛扒及炸雞，非常大份足料，一大塊牛扒及半隻炸雞。牛扒係熱石上，可以一邊煎一邊食，生熟度由自己控制，牛扒牛味濃郁，煎到兩邊蕉香，配上燒烤醬，非常美味；炸雞炸得外脆外軟，非常之Juicy，唔怪得知餐廳主打炸雞，炸得非常之好食。魚介湯鍋充滿韓國街頭小食嘅味道，湯鍋有各式各樣嘅魚糕、年糕、豆腐、雞蛋、新鮮蔬菜等，非常之豐富。八爪魚煎餅八爪魚煎餅主要有蔥同八爪魚，煎得兩面非常之香脆，內裏滿滿嘅八爪魚，點上佢配嘅兩個韓式醬料，非常之惹味。卡邦尼年糕卡邦尼年糕除咗年糕之外，仲有蛋、魚糕同米通，卡邦尼汁非常之creamy，配上煙靭嘅年糕，令人食唔停口。農家鮮泡菜新鮮製嘅泡菜，爽脆清新。草莓乳酪梳打非常之清新，配炸雞一流。玫瑰蜜桃果茶玫瑰配上蜜桃香甜味，清甜滋潤。

第一次食呢間炸雞嘅荃灣分店，環境比兆萬嗰間更寬敞舒適，估唔到質素都更好蜜味乳酪粉炸雞（$188）係個人必點，食落每件都多肉又juicy，加上最愛嘅乳酪粉係無得輸，另外炸蕃薯條甜甜地都惹味驚喜二重奏（$258）牛扒有炭燒味，上枱時生生地，鐵板燒到岩岩好，有牛味又唔會韌。炸雞係原味但有bbq醬點卡邦尼年糕（$108）重奶香味，年糕有兩個形狀：條狀同扁狀，口感煙韌，足料但唔會滯八爪魚煎餅（$128）味道不俗，加上有辣醬同辣汁點，點左會更開胃蜜瓜雪冰（$88）質地好綿又幼滑，每一啖都好重蜜瓜奶味，仲有原條蜜瓜雪條巨峰提子乳酸梳打（$48）多汽又夠味，估唔到仲有爆珠！海鹽焦糖沙冰（$68）甜度適中，面頭仲有cream好邪惡另外仲飲咗桃味果汁($15)總結係咁耐冇食呢個牌子嘅炸雞，估唔到有驚喜

係兆萬已食過幾次～人多聚會的好選擇！人多勢眾一齊食炸野，聽講罪惡感會低啲～今次都係約左幾位朋友食個晚飯，知道最近係荃灣新開左分店就黎試下！大葱炸雞-韓國炸雞一定要叫無骨啦，加埋番薯條，一份乾身一份有醬汁，完美！卡邦尼年糕-年糕軟熟到正中間，上枱時熱辣辣，除左表面果隻蛋，明顯係後期加上，溫度相當極遠😆米通就都係後加，入口仲係脆卜卜，可以打和了。白切五花腩-我初頭以為個底仲有料，原來係鋪在鐵絲網上。配菜食，可以中和下各種炸物的油膩感。海鮮拼盤-炸魚、炸蝦、八爪魚大大隻，預備埋較剪俾你剪開。蜜瓜雪冰-食完正餐加個甜品，降溫又減返啲罪惡感。