tsang hin ho的個人專頁

星期六總共十個人嚟晚飯，喜悅皇宮而家做緊$138雞煲火鍋任食任飲不限時，性價比大鑊全勝！食物質素就普普通通啦，同朋友六點半食到十點，已經係100分，抵過去連鎖快餐店打邊爐啦！…查看更多

今日颱風樺加沙終於走左啦，即刻約朋友去蘇豪區happy hour，飲完嘢之後，經過呢間喺斜路嘅居酒屋，就入去食嘢。餐廳環境好舒適好舒服，呢度係一間特色燒鳥店，以雞的不同部位製作，係一間串燒+酒吧，仲有個好正嘅三皇雞白湯烏冬，雞湯係煲咗十個鐘頭,好濃嘅骨膠原感覺，good ！1.慢煮雞卷肉嫩到爆汁，松露香好濃郁，咬落好惹味！2.香菇茶碗蒸超嫩滑，菇香滲滿蛋羹，入口鮮甜，食完好暖胃！3.雞翼燒得夠味，肉juicy，越食越上癮！4.雞腿肉燒得入味，大蔥甜，食得好香！5.雞腎燒得入味，冇腥氣，越嚼越香！6.雞掌心燒得惹味，脆嫩適中，食完想再食！7.鴨肝燒得啱好，外微焦內軟滑，冇腥氣，一流！ 8.慢煮雞白湯濃鮮，烏冬吸滿湯汁，咬落彈牙，食完仲要飲曬所有湯先正！9.綠茶蛋糕鬆軟不甜膩，豆腐雪糕清潤，兩樣配埋食超夾！…查看更多

今日同朋友去完石澳遊車河，出返嚟筲箕灣經過呢間好似幾靚嘅西餐，環境感覺好童話好浪漫又好夢幻，決定入去試下Tea。1.煙三文配青瓜夠清新，吐司鬆軟，一口落好爽！ 2.沙樂美腸鹹香夠惹味，夾意大利包外脆內軟，一口滿足超正！3.迷你安格斯牛堡肉汁juicy，麵包皮鬆軟，肉香濃郁夠過癮！ 4.蒜香超夠勁！牛油香滲入雞翼肉，外微脆內嫩滑，咬落仲有汁，正呀！5.脆墨魚條咬落卜卜脆！泰式辣醬酸辣夠醒胃，越食越上癮，好食！6.酥皮層層脆到碎！芒果鮮甜多汁，夾住忌廉好絲滑，一口落超满足！7.藍莓夠fresh！芝士餡濃郁唔膩口，撻皮酥脆，good ！ 8.兩柸飲品賣相好特別又好飲，好有feel！有機會一定會再來！…查看更多

近排股票賺咗少少，梗係要獎勵下自己啦，特登約埋個靚女老友去食餐好ge,朋友推介，第一次食廚師發板，真係好多功夫，好有心思,好值得去！食咗十幾道菜。正呀！1.沖繩水雲配粟米,水雲酸酸甜甜好爽口，粟米青甜！2.北海道鮮帶子配純菜，帶子好先甜嫩口，用個好靚嘅小酒杯載住，有feel！3.秋刀魚刺身，第一次聽第一次食，夠鮮甜，魚油香好突出，入口滑溜。4.仙鳳趾生蠔刺身夠肥嫩，海水鮮味濃，入口爆汁，蘸少少鮮甜直透喉！5.九州地金目魚肉嫩到滑口，帶淡淡甘香，刺身食落鮮甜夠味，齒頰留香好正！6.慢煮安康魚魚肝配薯乾片，安康魚肝慢煮後夠油潤，甘香濃郁，搭薯乾片鹹香，一口落好過癮！7.磯煮鮑魚夠鮮味，肉厚彈牙，口感煙韌，越食越有滋味！8.北海道野生拖羅油潤甘香，夾紫菜脆口，入口即化，鮮甜超過癮！9.五款壽司，蜜柑鯛、深海池魚、赤血引、赤身醬油漬和白海膽，全部都好新鮮好精緻。10.三十六種魚熬七小時湯，鮮濃到黏唇，入口滿是海味，超正！…查看更多

今晚約靚女食飯，梗係要搵啲有feel ge餐廳啦，有朋友之前食過話呢間餐廳好有feel，嘢食又好食，就試下啦！船街本身已感覺到好有soho feel，自成一角，餐廳滿布暖黃小燈，牆身有啲小擺設，坐低就覺好浪漫。1.香煎章魚鬚真係正！外皮煎到啱啱好，咬落裡面彈牙，調味夠惹味，齒頰留香，一啖接一啖停唔到口，超正！2.金華火腿同臘肉好突出，creamy醬汁好夠滑，掛滿每條意粉！烟肉香好出，鹹香得嚟唔會腻，一口接一口，食完仲想舐舐碟！千層脆窩夫外脆內軟，咬落滿是牛油香！油封鴨髀肉嫩到脫骨，醬汁滲入窩夫，鹹香配甜脆，一口就好過癮！一定有好多下次！…查看更多

今晚同朋友電單車飛咗轉大尾篤，之後有少少肚餓想食宵夜同糖水，兜咗去大埔中心附近，見到呢間小店就入去試下！1.外皮煎得金脆，咬開滿是粟米甜香，肉粒鮮嫩多汁，熱食時鹹甜平衡，一口一個好過癮！2.外皮夠脆唔會黐牙，韭菜鮮香夠味，肉餡juicy，熱辣辣食落超惹味，停唔到口！3.芋泥綿滑、紅豆夠腍，仙草清涼，芋圓彈牙，一口落齋甜唔膩，解暑一流！4.仙草冰涼滑溜，芋圓嚼落勁彈牙，配料滿到爆，甜度岩岩好，夏日解暑至愛！會再來。…查看更多

今日遊車河嚟到黃大仙附近，見到Lee間粉麵好似好地道，入去試下先！1.雲吞麵超正！竹昇面彈牙夠嚼勁，雲吞蝦大肉鮮，湯底濃郁掛味，食完仲想再添碗！2.牛腩河好過癮！牛腩炆得腍滑入味，河粉吸滿湯汁，一口落去超夠味！經過會再來！…查看更多

其實經過好多次利園山道Lee間Hashtag B ,入去睇睇先！都有好多幾創新同特色嘅麵包同撻，環境幾靚幾舒服，唔係傳統嗰啲麵包店，雖然食咗飯不過都買嚟試下，呢個黑糖麻薯撻真係好特別好有口感，伯爵菠蘿油又係好特別，下次再試其他嘢！…查看更多

3號風球同母親去附近下午茶，見到lee 度少人就入來試下。1.番茄湯底少濃，甜得好自然！粟米脆卜卜，墨魚丸彈到咬實有勁，腸仔我中意，米線吸滿湯超正！紅油香辣夠惹味，青瓜爽脆、木耳煙韌，鹹香得宜，開胃又解膩，食過返尋味！炸雞髀皮脆肉嫩爆汁，薯條外脆內軟夠粉，配茄汁食，香到停唔到口！鹵水夠入味，雞翼腍滑，食完仲想再摷多幾隻！凍檸茶都大柸，再來吧！…查看更多

今日喺長沙灣睇完中醫就同朋友去保安道街市大排檔試文哥廚房試下，坐得舒服嘅大排檔，唔錯！唔錯！1.Lee個籠仔黃鱔飯真係正！鱔肉滑嫩夠味，飯粒吸滿醬香，一口落肚超惹味！2.回鍋爽肉煲夠鑊氣！肉片爽嫩唔鞋口，配菜吸晒汁，惹味到舐舐脷，食得好過癮！3.通菜炒牛肉鑊氣超足！通菜脆嫩冇渣，牛肉滑溜入味！4.紅燒乳鴿皮脆到脆卜卜！肉嫩多汁超入味，咬落滿口脂香，食完一隻仲想食多隻！有好多餸都想試，下次再同多啲朋友嚟！…查看更多

今晚同朋友喺紅磡啲酒吧飲完嘢，見好肚餓，望到Lee間舖頭好多人就入去試下,真係冇失望！1.Lee碗擔擔麵好正宗，麻香直沖鼻腔，食完成個人都醒神！2.豬扒炸得夠鬆脆，上海麵吸滿湯味，簡直係味蕾嘅小驚喜！3.五香牛展夠曬香，鹵香好入味，切薄片嚼落仲有肉汁，正！4.燻魚炸得夠透，再浸醬超入味，肉嫩汁香，一啖落肚超惹味！5.鹹豆漿夠滑溜，入口鹹鮮，鹹淡啱啱好，飲返碗好暖胃！6.醉豬手入味不膩，皮腍肉滑，酒香回甘，食完仲想添！…查看更多

今日又同夢中情人晚餐，去咗Lee間旺角幾抵食嘅放題,選擇真係太過多,有啲嘢都冇食到，已經好飽,下次要補食番。Lee間日式放題真係要畀個讚！座位闊落唔逼狹，地方大，啱晒同朋友傾計食飯。刺身新鮮，三文魚入口即溶，帶住淡淡油香；甜蝦夠彈牙，蝦膏豐富。燒物區必點牛舌，薄切燒到邊緣微焦，蘸少少鹽就夠鮮。壽司飯醋味剛好，海膽壽司冇腥味，一口一個好過癮。芝士焗扇貝，味道夠creamy！燒羊架，香口冇蘇味。小龍蝦好嘢味，最驚喜係甜品，有馬來西亞榴槤，häagen-dazs同movenpick。飲品選擇多，可又有無糖茶。服務員換碟夠快，加單都好靈活。下次一定再黎！…查看更多

飯後甜一甜，唔會怕失眠！三記糖水價錢真係好抵！今晚附近食完飯散步行下行下經過Lee 度，就舊地重遊入去食糖水，呢度前身叫做綠林三記，唔知係轉手定乜嘢所以轉改名叫三記。叫左個西瓜涼粉，西瓜感覺好新鮮，涼粉滑溜溜，入口冰浸浸，夏天食返碗，暑氣即刻散！桑寄生蓮子蛋茶湯底清甜唔膩，蓮子綿密，蛋夠入味，舒服到瞓得着！…查看更多

今晚同一位係尖沙咀做嘢ge女性朋友去Lee間韓國小店晚餐，朋友食過幾次，知我中意食韓國嘢，特登帶我嚟試下，果然冇失望！今晚真係好似喺韓國其中一個家庭食當地嘅住家飯咁，舒服嘅韓家庭環境食正宗韓國嘢簡直係好享受，韓國嘅傳統套餐就有甜品益力多，得意！石頭飯上桌夠鑊氣！韓式牛肉嫩到咬落有汁，醬香夠濃，拌埋溏心蛋同脆米飯，每啖都好惹味，韓式小菜解膩，成碗食完超滿足！1.石頭飯上桌夠鑊氣！韓式牛肉嫩到咬落有汁，醬香夠濃，拌埋溏心蛋同脆米飯，每啖都好惹味，韓式小菜解膩，成碗食完超滿足！2.海鮮炸醬撈麵夠晒野味！蝦韓式炸醬濃稠掛得住麵，入口鹹香帶微甘，麵身爽彈，食完仲想舔埋碗邊！再來再來！…查看更多

週末狂熱又係試新嘢，去Lee間米芝蓮推介嘅越式燒雞法包真係冇令人失望！法包外層脆卜卜，咬落有「沙沙」聲，入面軟綿吸汁。燒雞皮脆肉嫩，腌得夠香，仲帶少少惹味嘅黑椒香。加埋酸瓜、青瓜同特製沙律醬，酸咪咪中和油膩，一口落去層次好豐富，連食兩個都唔覺膩，推介！…查看更多