skykeifai's Profile

銅鑼灣渣甸坊入面有間相對隱世小店 專賣吞拿魚各部位，入店已經見到螢幕播放緊唔同訪問片段 介紹此小店賣嘅吞拿魚特別部位 魚骹拖羅，背拖羅，蛇腹/降霜大拖羅 等～ 隔住屏幕都已經流晒口水小店採用QR code自助落單連付款，坐低落單就可以坐定定等開餐大食嘅表示見到免費加飯開心到不得了🤩 仲有都巿人成日唔記得帶喺身嘅充電寶免費提供比客人使用 非常貼心上枱就聞到吞拿魚油香，加埋叫咗火炙左口魚，更加香味四射入口就忍唔住揀咗最強油香嘅火炙左口魚，大大塊，表面燒得比外面食到嘅更焦香，入口更強嘅油脂滿溢感散發喺口腔入面久久不散，如果唔係肚餓要繼續食，可能連水都唔想飲費時沖淡嗰種油香🤣吞拿魚蓉都見到唔少細粒嘅赤身撈咗喺入面，仲加上少量京葱提香！平時唔食赤身嘅我都覺得呢度嘅赤身特別滑溜，唔會有乾爭爭鞋sap sap嘅感覺，更莫講中拖羅大拖羅嘅嫩滑，連埋均衡油花，咬落去油香慢慢滲出嚟，每啖都係日本幸福嘅感覺🥰…Read More

話說琴晚專登放工出尖沙咀Adidas試衫，一落樓就諗食乜，一轉右就見到有間日本風裝修食店，咁啱有人入緊去 問咗9點半last order 即刻跟咗入去搵啲嘢落肚再等啲美國經濟數據出爐😂一入去就不得了，原來係我最愛之一嘅沾麵🤩 打開menu諗都唔洗諗就第一頁嘅經典叉燒沾麵 之後就乖乖睇電話等啲財經消息沾麵上枱時撞正發佈時間，所以影相時已經遲咗5～10分鐘🫣 不過數據係緊要啲😂 熱嘢食等到一陣嘅本身諗住求其入嚟 冇乜期望～ 點知！豚肉塊微燒焦嘅味道 加埋油脂飄香 忍唔住食咗一塊肉先之後，一夾麵落去就feel到啲湯好濃 淍笪笪 係我中意嘅湯頭❤️‍🔥食落時重熱熱地 麵質彈牙帶啲煙韌 坑紋麵條掛湯能力絕對無問題！豚骨湯底嘅濃郁 加上魚介同秘制醬油嘅神配搭 擺落口就一陣陣咁攻陷我嘅味蕾😭 好耐冇食到厚實嘅湯底感覺啦食完先知原來九龍東都有分店！我會知想食沾麵去邊啦！…Read More

小店位於比較少人去嘅漆咸圍 如果唔係上網見到 可能就會錯過呢間趣味爆燈嘅本土餐廳🙈入到去忍唔住要觀摩一番先👻細心睇完先捨得落單；但觀摩後就對落單食邊款拉麵嘅決定有啲影響😜因為...我好自然就突然想飲個蠔湯🤡 應該會有“立竿見影”嘅功效 就揀咗 番號 MIDV344 嘅廣島蠔湯拉麵！冇錯！每款拉麵係用番號嚟做代號🤫 望住餐單 猶豫咗小食“入味大鮑魚” 定“麻麻大菠菜”插住點餐紙嘅筒 重要係香港著名女優嘅金句（一睇到就有聲咁）拉麵拎出嚟時就已經聞到好香蠔味！即刻飲咗幾啖濃味蠔湯先 之後再食肉質飽滿嘅大大隻蠔肉😋 滿足！下次多啲時間嚟要喺門口打番2舖街機先得 復古味加上兒時回憶!…Read More

上個月尾嚟咗呢間良心小店作最後支持💛嚟呢間食多一次佢最有名嘅悅和豉油雞一坐低見到隔離枱嚟嗰碟飯 大到成個太空館咁我就叫咗少飯🫣 然後我就...後悔啦😭碟豉油雞上枱後唔敢鬆懈 咋咋臨影完相就食咗先啱啱上枱熱辣辣出緊煙 啲豉油味特別出 肉質特別滑溜 平時出面食嘅豉油雞真係無乜幾可食到咁滑口一路食一路送飯 最後無晒飯！！！ 清碟一粒米都無剩🤧希望同路人有緣江湖上再遇 他日某處見！#一日三餐 #悅和醬園 #豉油雞 #良心小店…Read More

喺舊屋附近有間牛頭角西餐小店 Sp.Ace Cafe之前lunchtime嚟過好多次 每次都會滿座 好彩我一個人嚟 通常就會有小bar枱搭個位平時食雞、豬款式比較多，今次試吓食牛嘅菜式安格斯牛肉扒 拼豬肉腸可以配黑椒汁/蒜蓉汁/ 燒汁除咗漢堡餐，全部是日精選都可以揀白飯/意粉/扁意粉/長通粉/薯菜(+$5)/沙律(+$10)重有得諗少份量(-$1)/多份量(+$1)午餐時段重送蒜蓉包(足料蒜蓉！正！)，餐湯同熱飲添喺店內外💛 都睇得出店主緊貼潮流，之前見到店內放置香港唔同流行歌手嘅應援物品同時佢應該都係一位支持環保嘅人士店內都好多唔同嘅相關活動推廣枱面上貼有 重用餐盒租借服務，又有寄賣可折叠重用飲管宣傳裸買生活節嘅海報重有個自助閱讀閣（漂書），下晝唔繁忙時可以喺度睇吓書添呀…Read More

呢排因為一套電影，掀起咗一場“粉紅熱潮”我都唔執輸，去咗間粉紅色為主調嘅天台吧打個卡放鬆吓 (呢排好大壓力呀🫣)呢度除咗飲嘢，重有唔少食物選擇 由前菜 主菜 小食 甜品 應有盡有，望住個海景+夜景重可以邊嘆美酒佳餚邊吹水添今次叫咗 香煎日本刺身帶子配黑松露忌廉野菌意粉 & Apple Tree (Mocktail上枱時就聞到撲鼻嘅黑松露香味 個人嚟講係幾中意呢種香味 食落去帶子都好新鮮 份量嚟講都預得幾好 啱啱好不多不少 個胃有位飲多兩杯🤣呢度重有個台比駐場鋼琴師同歌手表演，同場好多熟客重會上台一齊唱，氣氛夠晒正！#Arcadia…Read More

前幾日OT到咁上下 肚餓就出去食晚飯諗起前排求其篤咗張越南平機票 (原來唔係平好多🤣)咁就 未出發、先興奮！搵咗灣仔就近嘅一間越南小店食飯入到去餐廳就聽到越南歌、睇住餐廳精緻嘅壁畫，放鬆一下日間緊張嘅神經望吓個餐牌就揀咗平時最中意食嘅😍 香茅豬頸肉飯餐ondiet緊(好似係) 所以叫咗少飯添豬頸肉嘅份量都算闊佬 食落品嚐到好明顯有用心醃製過嘅味道 非常香口 配飯一流套餐追加咗份小食 木瓜絲沙律還掂要做嘢 就叫咗杯越式煉奶咖啡 尋求一下越南嘅感覺🇻🇳…Read More

週末做完劇烈運動就去附近搵嘢食 醫番個肚🫃🏻行過淘大戲院見到新Cafe開咗就入咗去Cafe通常都會有招牌全日早餐，我例牌諗都冇諗就叫咗🤣睇餐廳名已經覺得同植物有關喺香港呢個石屎森林入面 見到店內有唔少綠色植物佈置 有種份外怡人清新嘅感覺🌿🪴🌱 有啲盆栽重可以比客人直接買走慢慢欣賞添㗎上枱時見到呢份ADB嘅配搭幾特別 望番餐廳海報先知係 “FSTW 招牌泰式全日早餐”除咗炒滑蛋、炒菇、蕃茄仔、牛油果，呢個ADB重有 泰式生菜包(微微辣) 豬肉腸 健康嘅藜麥 同埋斑蘭多士！多士嘅斑蘭味本身都幾濃，重要烘得夠火喉，搽埋牛油，放入口 除咗好味，重帶有一絲絲嘅邪惡感😈我落咗單之後出咗去toilet返嚟時店員重好好人咁幫我拎埋餐具😍 唔洗我再行去自助區～ 所以我食完都自己拎番啲餐具去櫃檯比職員…Read More

latepost八號波全日都好悶，一落波就出咗去搵‘’哦媽卡卸”😋 一坐低就比好型嘅口罩套吸引咗😂坐吧枱一路望住師傅專注咁為客人準備美食係視覺上嘅享受；整到咁上下，未食就已經可以聞到陣陣香味嗅覺都滿足埋😆刺身- 水八爪魚配柚子胡椒 大大條喺面前切比你食 入口勁稔又入味- 原隻北海道花咲蟹放喺面前再起肉又係好震撼- 大分真蠔唔係超大隻，但鮮甜同海水味夠晒 balance- 岩手縣原隻紫海膽 味道清甜 口感輕爽- 超拖羅 落咗少少喜馬拉雅岩鹽 已經夠味唔洗點豉油- 好特別嘅甘鯛立鱗燒！第一次見呢種特別煮法 好新奇🤣 配埋勁惹味燒蝦頭醬壽司- 北海道縞蝦原來係外表上已經有啲分別 細隻啲甜啲 肉質稔身而蝦味濃- 沙稚魚好細條 2塊已經係一條魚嘅size- 白海膽就creamy啲 味道比紫海膽濃郁啲- 大拖羅 最肥部位之一 輕輕燒過已經聞到超香 我放入口直程唔咬住🤣 含咗一陣享受喺口入面散發嘅魚油香有機會可以唔同季節嚟，再食埋其他set試吓唔同魚類🤩 叫支sake就perfect!…Read More

latepost...前排嚟開呢邊 又掛住呢間小文青貓頭鷹系cafe🦉💛由於呢排都做緊“食肉瘦” 所以盡量食得protein rich d🍖- 香煎西班牙安格斯肩胛牛扒(7oz) 配香草燒汁 伴薯條牛扒叫4成熟啱啱好 外圍熟🤏🏼🤏🏼 中間就生🤏🏼🤏🏼 唔洗怕成塊太生或者太熟 同埋食食下7oz都唔係好細塊 (本身以為實唔夠食🤭)同埋呢排明明有啲熱氣，但見到脆炸熱辣辣嘅粗薯 重要一上枱就放低埋大大支地捫🥫 忍唔住食咗大部分🙈- 焦糖蘋果西班牙伊比利亞黑毛豬 配薯蓉上枱時黑毛豬睇落都已經厚身 再比佢慷慨嘅薯蓉份量嚇親😂 同埋咁厚身嘅豬扒 竟然唔會鞋口唔會韌 好正🤩#hamiharmony…Read More

前排行經開灣仔見到呢間新拉麵舖，新開時冇乜人，之後想再食就多咗好多人 要排隊食啦🤣呢間舖頭一定要早少少嚟排隊先食到，order完等入座 入到座都重要再等㗎～ 慢工出細貨🤤餐牌大部分都係無湯拉麵 夠晒特別，香港好似唔多地方有呢啲選擇 食落好似平時嘅撈麵咁 有特製醬汁撈撈吓 本身已經有唔少伴料，再有埋芝士嗰款食落會飽肚感重啲 啱晒我😆不得不提嘅係佢嘅慢煮叉燒粒😋 非常軟稔入味！差啲想加多份食二訪店舖就輕鬆啲ot完嚟食 同巴打叫埋炸雞啤酒🤤 少飲嘅無過濾啤酒 有啲酵母粒粒飄浮喺杯中 視覺效果滿分😚…Read More

岩石燒肉番尋味🥩幾次都去大角咀總店，知道新店開近咗就去試吓～喺九龍城泰國街附近 位置相對隱閉少少🤏🏼 但座位闊落咗 感覺上更加切合“慢活”宗旨🖕🏼之前食過已經知道自己係中意油膩嘢🥴 一睇張相就感覺到- 日本九州A4和牛三角胸 一睇就知好“生酮”😋燒嘅時候見到啲油彈吓彈吓 咋咋聲 夾起就滴晒落個飯度🙈 擺入口嗰陣簡直邪惡感爆燈- 美國頂級(Prime)牛小排 油脂比例相對均勻啲牛味重啲 口感會比三角胸實淨少少之前食知道可以加洋蔥絲，今次職員更加好人咁問要唔要椰菜絲🤗 食咁多肉有啲菜balance吓套餐一樣包咗沙律 櫻花蝦味噌湯 菇盛會 同飯素 飲品同甜品- 甜品都係比客人自己玩茶筅 手打極濃抹茶醬🍵配落雪糕新店地址：九龍城啟德道55號AVA6號舖…Read More

平時唔係成日去土瓜灣 唔講唔知呢度有個日系設計 日式餐廳林立嘅小型住宅商場 大熱天時最啱就係飲番杯，坐低就叫咗餐廳signature嘅Still Sangria White (3點後menu先提供㗎)店員好詳細咁講解呢度sangria嘅特別之處相比出面嘅製法 呢度嘅無額外添加糖 浸泡3至5日 原來因應季節溫度濕度唔同 浸泡時間亦會有所差異 (原來咁有學問)- White嘅味道清爽得嚟飲到淡淡玉桂鮮香 同埋明顯嘅菠蘿熱情果果味 飲完白Sangria食款main墊吓肚先- 鱈魚西京燒 簡直好味到懷疑人生 表面金黃 咬落去肉質嫩滑 啖啖都品嚐到白味噌嘅甘甜 食完就試埋Still Sangria Red- 店員講解呢款有除咗肉桂，重有八角同berries，飲落spice味會重少少 同聖誕mulled wine有幾分相似 配上daily special嘅beef tataki同小食明太子蒜片蝦- 1成熟M5和牛 放入口已經食到濃郁牛味 用萵荀放喺底扮壽司咁🤣- 大大隻鮮甜蝦肉蘸上明太子汁 開胃到我差啲想叫多個main😂#still.hk…Read More

相信呢間熱狗店大家都唔會陌生💛早排有晚做gym前唔係太餓 唔想食個full dinner就兜咗過嚟我嘅最愛sss 菠蘿🍍 芝士🧀 煙肉🥓 擺埋一齊變咗澳式風情熱狗🌭 大熱天時食埋塊冰菠蘿 爽呀💦跟餐+$2轉埋無糖茶 食完解番油減低罪惡感😶#zeppelinhotdog…Read More

前兩日睇到個IG post都幾sad就係呢間 @nd42bar 💛嘅結業消息做到5月31咋🥺記得之前同幾個朋友嚟 開頭飲啤酒 之後每人叫吓一杯又一杯試咗好幾款cocktail都好好味 足料又有創意嘅味道fusion天下無不散之筵席 或者有日某處東山再起 記得話比我地知！！大家都會想多啲相同信念嘅店舖可以堅持落去💪🏼加油 共勉之…Read More